Djivêye des foroms di Berdelaedjes Berdelaedjes
Forom di berdelaedjes e walon, so tot l' minme ké sudjet
 
 FAQFAQ   CweriCweri   Djivêye des mimbesDjivêye des mimbes   Groupes d' uzeusGroupes d' uzeus   Si fé mimbeSi fé mimbe 
 ProfilProfil   Lére les messaedjes privésLére les messaedjes privés   S' elodjîS' elodjî 

rifondaedje di "måss"

 
Sicrire on novea sudjet   Responde å sudjet    Djivêye des foroms di Berdelaedjes -> Rifondaedje
Vey sudjet di dvant :: Vey sudjet shuvant  
Oteur Messaedje
lucyin



Date d' arivêye: 2005-07-07
Messaedjes: 2328
Eplaeçmint: Sidi Smayil, Marok

PostDate: dim 17 may, 2009 17:48:45    Sudjet: rifondaedje di "måss" Responde tot citant

Cher Lucyin,
Il y a un certain temps, j'ai découvert l'existence de la Wikipédia walonne et je trouve que vous faites un travail merveilleux! En cherchant les mois de l'année (pour les ajouter au Wiktionnaire néerlandophone), je crois avoir découvert une anomalie dans votre orthographe. Pour être en conformité avec l'étymologie, le mot "måss" devrait être écrit "måce", l'orthographe français a été conçue par analogie avec le nom du dieu "Mars" ("Måss", si vous voulez), sans qu'il y ait une justification étymologique ou phonétique.

Wikibelgiaan 6 di may 2009 a 20:44 (UTC)

Response :

http://wa.wikipedia.org/wiki/Uzeu_copene:Wikibelgiaan
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 2328
Eplaeçmint: Sidi Smayil, Marok

PostDate: dju 20 may, 2010 22:27:38    Sudjet: Responde tot citant

Citåcion:
Djôr e-n èn emile

L' ome a râjhon: c' est mâce.

I n' fâreut pus xhiner l' francès, mins vey comint ça dene do latén.


Co on côp, on n' pout pus rcandjî des mots si corants.

Tos les lingaedjes on stî fwaits al taxhlete pa ene binde di halcotîs avou tchaeke si idêye (Lorint Hendschel).
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
djan-djan



Date d' arivêye: 2007-07-22
Messaedjes: 264
Eplaeçmint: Mont-Sint-Gubert

PostDate: dju 20 may, 2010 23:14:24    Sudjet: Responde tot citant

Dji so d' acoird avou l' Lucyin
Citåcion:

Co on côp, on n' pout pus rcandjî des mots si corants


Ossu, on n' shût nén vraiymint l' etimolodjeye po tchoezi les letes inte S et C e rfondou walon.
_________________
Mi copiutrece cåze walon -> http://walotux.walon.org
Rivni al copete
Vey li profil di l' uzeu Evoyî on messaedje privé Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 2328
Eplaeçmint: Sidi Smayil, Marok

PostDate: dju 20 may, 2010 23:20:20    Sudjet: Responde tot citant

Oyi, cwand l' etimolodjeye est foirt lon des mots k' on cåzeu ordinaire kinoxhe : tchefsî (purade ki "tchefçî" spepieuzmint etimolodjike).
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Djor



Date d' arivêye: 2005-07-02
Messaedjes: 156
Eplaeçmint: Sint-Serwai

PostDate: mie 29 fev, 2012 17:48:41    Sudjet: Responde tot citant

Citåcion:
Co on côp, on n' pout pus rcandjî des mots si corants


Ça, ç' n' est ddja nén on årgumint. C' est on foû-årgumint.

Si ç' sereut sfwaitmint, on n' åreut k' a rivni drî rinne å Feller. C' est l' politike d' «après mi les moxhes».

Dji n' etind ddja nén douvént k' on n' a rén candjî, adon k' ça fwait did pus d' deus ans k' on ndè cåzéve.

«Måss» est ene franskinreye; «måce», c' est do walon.

lucyin scrijha:
Oyi, cwand l' etimolodjeye est foirt lon des mots k' on cåzeu ordinaire kinoxhe : tchefsî (purade ki "tchefçî" spepieuzmint etimolodjike).


Dji so on cåzeu ordinaire, mins dj' n' a måy etindou ç' mot la. Åd contråve, «el 15 di måce 2012», tot l' monde sait ç' ki c' est, sins dandjî d' tchaforner s' tiesse.
_________________
Li Crist a raviké!
Rivni al copete
Vey li profil di l' uzeu Evoyî on messaedje privé
lucyin



Date d' arivêye: 2005-07-07
Messaedjes: 2328
Eplaeçmint: Sidi Smayil, Marok

PostDate: dju 01 mås, 2012 0:58:19    Sudjet: Responde tot citant

si on rcandje, kî çki va rapontyî :
* l' Aberteke
* li Wiccionaire & l' Wikipedia
* les programes éndjolikes
* les rcoridjreces ????????????????

Po rcandjî on mot foirt corant (metans k' aparexhe, lu et ses parints dipus d' 100 côps dins tos les ovraedjes ki dj' di), i fåreut :
* ki 2/3 des uzeus do rfondou soeyénxhe d' acoird.
* ki les cis k' ont stî d' acoird s' egadjnuxhe di rcandjî tos les håynaedjes ki dj' di.

Et i dmeurrè co les motîs so papî (disk' asteure, li motî Embanner) :i fåt ene pådje Etrernete di rapontiaedje.
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Djor



Date d' arivêye: 2005-07-02
Messaedjes: 156
Eplaeçmint: Sint-Serwai

PostDate: dju 01 mås, 2012 19:13:42    Sudjet: Responde tot citant

Po les wikis, gn a des robots ki candjnut ôtomaticmint.

Motoit k' po les programes éndjolikes eto.

Les motîs: ça candje eto et tofer, d' on eplaidaedje al ôte. E l' prumî eplaidaedje di totafwait gn a todi des flotches.

Vos cåzez come si totafwait sereut xhavé e l' pire.

Gn a yeu bråmint des motîs et des lives e Feller. S' ons åreut sondjî aprume come vos asteure, ons åreut dit ki, metans, "uch" et "ouh" aparexhnut dipus d' 5000 côps dins tos les ovraedjes etch etch.

Li seule kesse, c' est: vout-on fé ene sacwè d' adrame?
_________________
Li Crist a raviké!
Rivni al copete
Vey li profil di l' uzeu Evoyî on messaedje privé
Pablo Saratxaga
Site Admin


Date d' arivêye: 2005-07-01
Messaedjes: 867
Eplaeçmint: Oûpêye

PostDate: sem 03 mås, 2012 11:09:10    Sudjet: Responde tot citant

"måce" n' est nén pus d' adrame ki "måss" ou "måsse"; on pôreut co scrire "мос" si on vout...

Ene ortografeye c' est on côde etur des djins, nén on parfait discrijhaedje d' on lingaedje (çou ki n' si pôreut fé, on lingaedje n' est nén ddja parfait).

Ene cogne avou "c/ç" n' a måy sitî eployeye pa nolu; pocwè end edvinter ene?

Çou k' a stî scrît po do bon c' est: mås', måss, mârs',...
Et la, li cogne "måss" est l' meyeuse sorlon les rîles di scrijhaedje do rfondou.

Et li problinme n' est NÉN li cwantité di mots ddja scrîts et l' ovraedje a fé po lzès rcandjî; le problinme c' est k' ene sifwaite propôzucion dimande di candjî l' imådje do mot dins l' tiesse des djins; ene sifwaite propôzucion c' est disfé tot l' ovraedje fwait po rinde li rfondou stocaesse et ahessåve.
Si les djins ont dins l' idêye kel rifondou candje tos les moes, k' on n' pout måy esse seurs di cmint scrire on mot, adon les djins n' l' eployront nén; paski adon ça n' sereut nén ene ortografeye po tertos, mins on terén d' djeu po sacwants.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Djor



Date d' arivêye: 2005-07-02
Messaedjes: 156
Eplaeçmint: Sint-Serwai

PostDate: lon 05 mås, 2012 17:58:01    Sudjet: Responde tot citant

Pablo Saratxaga scrijha:
"måce" n' est nén pus d' adrame ki "måss" ou "måsse"; on pôreut co scrire "мос" si on vout...


Neni. Såf si voz vloz scrire "foneticmint". Mins tot scrijhaedje k' on lome fonetike, n' est måy fonetike assez.

Citåcion:
Ene ortografeye c' est on côde etur des djins, nén on parfait discrijhaedje d' on lingaedje (çou ki n' si pôreut fé, on lingaedje n' est nén ddja parfait).


Nén vraiy. Li scrijhaedje n' est nén djusse ene manire di mete so papî ene scawè k' a stî cåzé. Tot come li lingaedje cåzé n' est nén djusse ene manire di lére çou k' a stî scrît. Li scrît lingaedje est todi pus "parfwait" ki l' cåzé. La ki: les djins, djustumint, cåznut nén ene come l' ôte.

Citåcion:
Ene cogne avou "c/ç" n' a måy sitî eployeye pa nolu; pocwè end edvinter ene?


1. Siya, gn a bråmint des mots avou "ç".
2. Nozôtes, on n' sicrît nén e Feller. Tos les ôtes ont scrît e Feller.
3. Et ene des rîles do Feller, c' est: «il faut jongler avec l'analogie au français afin de faciliter la compréhension des mots sans oublier l'étymologie pour savoir comment écrire un même son (k, c ou qu; en ou an; s ou z; c, ç ou ss...)» (Chantal Denis).

Tot ç' k' i s' fåt dmander, c' est si vos vloz ki l' walon fouxhe li ptit poyon do francès. Et la, i m' shonne ki por vos, c' est oyi. Mi, dji n' el voet nén sfwaitmint. Por mi, li walon est on lingaedje roman come on ôte. Tot come li castiyan n' a nén a xhiner l' francès, li walon nerén!

Citåcion:
Çou k' a stî scrît po do bon c' est: mås', måss, mârs',...


Çou k' a stî scrît po do bon, c' est: uch, ouh; bia, bê, bai; pourcia, pourcha, pourcê, pourçai. Mins måy ouxh ou pourcea.

Citåcion:
Et la, li cogne "måss" est l' meyeuse sorlon les rîles di scrijhaedje do rfondou.


Dji vs mostere k' on n' sicrît nén «pourshae», minme si c' est l' "meyeuse".

Li seule vraiye rîle do rfondou, c' est k' i gn ouxhe les scrijhaedjes po k' tos les waloneus scrijhénxhe del minme manire. C' est tot.

Li deujhinme rîle, ki n' est nén scrîte, mins k' a stî prijhe dispoy li cmince, c' est d' sicrire d' adroet. Tos les betchfessîs scrijhas vegnnut did la.

Li cogne «måss» vis shonne meyeuse, paski vos pinsez k' c' est vos k' a tot fwait; et si ene sakî a ene ôte idêye ki vos, i vs fåt todi awè droet, minme cwand tot est cromb.

Si l' sicrijhaedje «ea» n' åreut sitî stitcheye pa nolu, dj' el åreu fwait mi minme, veyanmint k' dj' el conoxke e des ôtes lingaedjes. Mins si ç' åreu vnou d' mi, i m' shonne ki ça n' åreut nén passé, la k' vos m' årîz raetchî les minmes årgumint. (Et l' seu vraiy, c' est k' vos pinsez k' c' est après vos les moxhes. Li rfondou e vosse poyon da vosse, et nouk eyet nolu n' ont rén a rapinser.)

Citåcion:
Et li problinme n' est NÉN li cwantité di mots ddja scrîts et l' ovraedje a fé po lzès rcandjî; le problinme c' est k' ene sifwaite propôzucion dimande di candjî l' imådje do mot dins l' tiesse des djins; ene sifwaite propôzucion c' est disfé tot l' ovraedje fwait po rinde li rfondou stocaesse et ahessåve.


1. Come dji djheut pus hôt, c' est ene aroke di grandiveusté. «Nozôtes k' a fwait li rfondou, et gn a ene sakî ki vout "disfé" tot ç' k' ons a fwait.
2. Oyi, da! I fåt k' ci mot cial (come bråååmint des ôtes) candjnuxhe e l' tiesse des djins. Douvént? C' est ki l' cogne k' i gn a e l' tisse des djins, c' est on mot francès. I fåt dispårti l' walon foû do francès. Mins l' pé, c' est ki l' walon est pår dispårti do francès; gn a fok li scrijhaedje ki comaxhe les deus lingaedjes.

Citåcion:
Si les djins ont dins l' idêye kel rifondou candje tos les moes, k' on n' pout måy esse seurs di cmint scrire on mot, adon les djins n' l' eployront nén; paski adon ça n' sereut nén ene ortografeye po tertos, mins on terén d' djeu po sacwants.


Li rfondou n' est nén tot fwait. I fåreut do timp dedja po l' mete d' astok. Si nozôtes, les rfondeus, on n' est nén doûmiesses assez, po remîdrer tot ç' k' est mwais, li walon n' pasrè måy po on lingaedje, et ça serè todi, come ezès fiesses del Walonreye a Nameur, do français régional.

Li rfondou n' s' a nén fwait in 1 an. C' est djusse ki vos (et nén vos tot seu) vloz serer l' ouxh do rfondou, la k' ça ahesse vosse gloriole da vozôtes. Vos vs è fotoz bråmint des "djins" (kénès djins? vos m' elzè contez so les doegts d' vos mwins et d' vos pîs?).

Li pé del grandiveusté, c' est d' dire k' oyi, i gn åreut des candjmints po remîdrer l' sicrijhaedjes, mins ki, neni, on n' candjrè pus, veyanmint k' vos avoz decidé d' serer l' ouxh. Vos vloz k' on dijhe ki X eyet Y ont bråmint bouté po l' walon; mins s' i gn a ene ôte sakî k' vout bouter, ça n' vos ahesse nén, åré k' si l' djin ridit après vos.

C' est malåjhey!
_________________
Li Crist a raviké!
Rivni al copete
Vey li profil di l' uzeu Evoyî on messaedje privé
Pablo Saratxaga
Site Admin


Date d' arivêye: 2005-07-01
Messaedjes: 867
Eplaeçmint: Oûpêye

PostDate: lon 05 mås, 2012 21:55:36    Sudjet: Responde tot citant

Si vos n' voeyoz nén l' problinme c' est k' on n' a nén l' minme vuzion di çou k' est on sistinme di scrijhaedje.

Dji trove djusse damaedje k' i fåreut eplaidî on novea motî embanner et taper l' vî å batch; dji pinse ki ça sereut bén mî d' ecwårler l' eplaidaedje d' ene croejhete papî ki di dveur rifé çou k' a ddja stî fwait.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Mostrer les messaedjes des dierin(ne)s:   
Sicrire on novea sudjet   Responde å sudjet    Djivêye des foroms di Berdelaedjes -> Rifondaedje Totes les eures sont a GMT + 2 eures
Pådje 1 so 1

 
Potchî a:  
Vos n' poloz nén enonder des noveas sudjets dins ç' forom ci
Vos n' poloz nén responde a des sudjets k' i gn a dins ç' forom ci
Vos n' poloz nén candjî vos messaedjes dins ç' forom ci
Vos n' poloz nén disfacer vos messaedjes dins ç' forom ci
Vos n' poloz nén vôter dins les ploncaedjes di ç' forom ci



[ Di dvant | Shuvant | A l' astcheyance | Djivêye ]

Cisse pådje est mimbe di l' anea RingSurf des waibes e walon.

[ Passer 1 waibe en erî | Passer houte do shuvant | Les 5 shuvants ]


Powered by phpBB © 2001 phpBB Group