Djivêye des foroms di Berdelaedjes Berdelaedjes
Forom di berdelaedjes e walon, so tot l' minme ké sudjet
 
 FAQFAQ   CweriCweri   Djivêye des mimbesDjivêye des mimbes   Groupes d' uzeusGroupes d' uzeus   Si fé mimbeSi fé mimbe 
 ProfilProfil   Lére les messaedjes privésLére les messaedjes privés   S' elodjîS' elodjî 

Côp d' Estat fachisse å Hondourasse

 
Sicrire on novea sudjet   Responde å sudjet    Djivêye des foroms di Berdelaedjes -> Berdelaedjes
Vey sudjet di dvant :: Vey sudjet shuvant  
Oteur Messaedje
Pablo Saratxaga
Site Admin


Date d' arivêye: 2005-07-01
Messaedjes: 867
Eplaeçmint: Oûpêye

PostDate: mår 30 djn, 2009 9:21:01    Sudjet: Côp d' Estat fachisse å Hondourasse Responde tot citant

Li Hondourasse, c' est on payis del Mîtrinne Amerike (Amerike do mitan), di 7 miyons d' dimorants.

I gn a des govienmints democratikes ki dispoy waire, eyet avou ene constitucion ki n' dene waire di pouvwer åzès citweyins.

Ça fwait ki, des djins d' låvå ont tuzé ki ça sreut ene boune idêye di fé ene Assimblêye Constitouwante, po tuzer tertos eshonne a ene nouve Constitucion, dj' ô bén åzès rîles po viker eshonne e societé.

Po çoula, ene campagne a stî enondêye po rascode des sinateures. End a yeu pus di 400.000, po pleur adon, come li dit l' lwè do payis, dimander di fé on ploncaedje d' opinion.

Li prezidint do payis, Manuel Zelaya Rosales, a schoûté li dmande des djins do payis, aspoyeyes påzès pus di 400.000 sinateures, et a-st adon fwait çou k' est si dvwer come prezidint: mete so pî l' lodjistike po pleur fé ci ploncaedje d' opinion la, et pleur dimander åzès vôtants s' i vlèt, ou nén, dire li leur dins l' adjinçmint do payis, s' i vlèt tuzer a ene nouve constitucion oudonbén continouwer avou l' cene k' i gn a pol moumint.

Mins çoula a stî d' trop po les cis k' ont l' pouvwer economike, mediatike eyet militaire; Manuel Zelaye, sipoté "Mel" pa les djins do payis, a fwait l' pus grand des petchîs ås ouys des ritches: il creyou po d' bon al democraceye eyet al djustice.
Il ont fwait adon, ci dimegne, on côp d' Estat, po-z espaitchî les vôtaedjes.

Mins les fachisses n' ont nén tuzé ki l' continint a candjî, k' i gn a-st asteure l' ALBA (ki l' Hondourasse end est mimbe), on groupe di asteure nouv payis coraedjeus ki ont rfuzé tot net li côp d' Estat.

Li stratedjeye des putchisses esteut di n' nén fé trop d' brut (il ont fwait bén atincion di n' nén fé trop di touwaedjes, eyet wangnî l' complicité des medias occidintås; i gn a ki TeleSUR, li televuzion publike latinamerikinne, k' a, coraedjeuzmint eyet tot riscant leu veye, fé cnoxhe al Daegne li verité; si bén ki CNN et ls ôtes ont stî oblidjîs d' endè cåzer avou). Leu stratedjeye esteut di leyî passer l' tins et vola, ki ça soeye après trop tåard.
Mins c' esteut sins conter avou l' ALBA.

Les prezidints d' l' ALBA ont fwait ene reyunion estrordinaire a Managua, Nicaragwa, eyet cowordiner leuz efoirts diplomatikes tot costés, po codåner les putchisses dins totes les instances eternåcionåles.

Les payis d' l' ALBA ont rsaetchî leus ambassadeus et dire k' i n' riconexhront måy nouk ôte prezidint; ont shuvou les codånåcions des payis do SICA (payis d' Amerike cintråle) k' ont fwait d' minme, eyet côper les frontires et tot comiece avou l' govienmint fachisse iledjitime.
L' OEA, li groupe de Rio, l' ONU, l' Union Uropeyinne ont codåné l' côp d' Estat.
Minme li prezidint des Estats Unis, Barak Obama, a stî oblidjî del codåner, po n' nén si trover tot seu (mins, disk' asteure, les Estats Unis n' on nén co fwait, a diferince des payis latinoamerikins, d' accion concrete).

Å Hondourasse, li peupe est dins les rowes et si bate.
I gn a eto deus batayons d' l' årmêye, å nôr do payis, k' on decidé di n' pus shuve li honte di trayi leu payis et leu peupe, et ki rfuzèt asteure di ricnoxhe li govienmint putchisse.

Dj' a bon espwer ki l' prezidint Zelaya ritoûnrè al prezidince.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
djozewal



Date d' arivêye: 2005-07-01
Messaedjes: 307
Eplaeçmint: bagué !

PostDate: dim 05 djl, 2009 8:39:58    Sudjet: Responde tot citant

Èt ça n'a nén l' êr di s' arindjî...
Rivni al copete
Vey li profil di l' uzeu Evoyî on messaedje privé Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 2328
Eplaeçmint: Sidi Smayil, Marok

PostDate: dju 06 awo, 2009 18:11:12    Sudjet: Responde tot citant

Cwè d' noû dispu on moes ?

Cial al radio ki dji schoûte (Radio Mîtrinne Mer di Tandjî), on ndè câze pus do tot.

Dijhoz mu cwè po n' nén esse trop "eriré" dins l' Rantoele ki vént.
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 2328
Eplaeçmint: Sidi Smayil, Marok

PostDate: dju 13 awo, 2009 14:47:08    Sudjet: Responde tot citant

Fotos des metingues (ki continouwèt, sapinse a çou k' on-z a dit aeyir å posse).

http://commons.wikimedia.org/wiki/Category:2009_Honduran_coup_d%27%C3%A9tat
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Mostrer les messaedjes des dierin(ne)s:   
Sicrire on novea sudjet   Responde å sudjet    Djivêye des foroms di Berdelaedjes -> Berdelaedjes Totes les eures sont a GMT + 2 eures
Pådje 1 so 1

 
Potchî a:  
Vos n' poloz nén enonder des noveas sudjets dins ç' forom ci
Vos n' poloz nén responde a des sudjets k' i gn a dins ç' forom ci
Vos n' poloz nén candjî vos messaedjes dins ç' forom ci
Vos n' poloz nén disfacer vos messaedjes dins ç' forom ci
Vos n' poloz nén vôter dins les ploncaedjes di ç' forom ci



[ Di dvant | Shuvant | A l' astcheyance | Djivêye ]

Cisse pådje est mimbe di l' anea RingSurf des waibes e walon.

[ Passer 1 waibe en erî | Passer houte do shuvant | Les 5 shuvants ]


Powered by phpBB © 2001 phpBB Group