Djivêye des foroms di Berdelaedjes Berdelaedjes
Forom di berdelaedjes e walon, so tot l' minme ké sudjet
 
 FAQFAQ   CweriCweri   Djivêye des mimbesDjivêye des mimbes   Groupes d' uzeusGroupes d' uzeus   Si fé mimbeSi fé mimbe 
 ProfilProfil   Lére les messaedjes privésLére les messaedjes privés   S' elodjîS' elodjî 

Li pretins arabe å Marok

 
Sicrire on novea sudjet   Responde å sudjet    Djivêye des foroms di Berdelaedjes -> Berdelaedjes
Vey sudjet di dvant :: Vey sudjet shuvant  
Oteur Messaedje
lucyin



Date d' arivêye: 2005-07-07
Messaedjes: 2328
Eplaeçmint: Sidi Smayil, Marok

PostDate: lon 21 fev, 2011 21:51:45    Sudjet: Li pretins arabe å Marok Responde tot citant

On fyi po dire çou ki s' passe e Marok.

Les cåzes k' i gn a dins les ôtes payis k' ont ddja "blamé", est çk' ele sont eto å Marok ?

NENI po :
* li moennance politike pa ENE seule djin (Ben Ali, Moubarek, Kaddafi).
* li discutaedje di sacwants lwès (metans li dierin côde del voye) pa sacwants politikîs et les sindicats.
* l' acceptance di sacwants pårtis islamisses
** lweyålisses (k' acceptêynut li Rwè) : pårti del djustice et do diswalpaedje (aadel o tenmiya), å pårlumint (2inme foice ezès vôtaedjes)
** siconte del monårtcheye : Movmint "Djustice et amîdrance" (aadel o ihsan), ki n' vout pont fé d' politike.
* les cis k' on stî spotchîs et margougnîs do tins da Hassan II (1960-2000) ont yeu droet a ene ricnoxhance di toirts, et des cwårs a l' assulon.
* gn a yeu toplin des refômes so les 5 prumirès anêyes do ringne Mohamed VI (2000-2005), pu ça a staté, et minme rivni e-n erî (gaztîs metou el gayoles, gazetes ki dvèt serer botike...)

OYI po :
* l' economeye avance, mins c' est ene pougneye di gros, racovissîs åtoû del famile do rwè + tos les mwaisses des (35) pårtis politikes k' endè profitnut.
* li pårlumint ni s' ocupe nén ddja di 10 % des lwès, decidaedjes politikes, evnd.
** gn a 5 minisses ki c' est nén l' prumî minisse ki lome (mins directumint li rwè).
** i n' divize nén li buddjet di l' årmêye
** i n' divize nén li buddjet do palå
** i n' riçût nou conte des directeurs di grandès institucions economikes (ofice des bastimints sociås, ofice di diswalpaedje agricoles, copagneyes etatikes d' avions, evnd.)
** i n' a nén l' droet di cåzer des afwaires rilidjeuses (c' est li rwè k' est l' "påpe" des croeyants).
** i n' a nén l' droet di cåzer do Sara coûtchantrece (såf podire åmen).

Åresse, les pårlumintîs ni sont nén la les troes cwårts do tins. Po 80% did zels, il ont atchté les vôteus tchir et vilin, et cwand i sont la, i saynut djusse di raveur leus cwårs, et fé do benefice !!!
_________________
Li ci ki n' a k' on toû n' vike k' on djoû.


Candjî pol dierin côp pa lucyin, li sem 04 djn, 2011 23:11:28; candjî 3 feyes
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 2328
Eplaeçmint: Sidi Smayil, Marok

PostDate: lon 21 fev, 2011 22:16:16    Sudjet: Responde tot citant

Çou ki s' a passé ci dimegne ci (20 di fevrî)

On ptit pårti di hintche, on pårti islamisse dismantchî (après l' afwaire di "terorisse" Belhiredj), et les soces d' abondroets del djins et avént houkî a on rotaedje dins totes les veyes do payis. Tchaeke troke di houkeus aveut ses prôpes riclamaedjes.

NOU "grand" pårti politike (end a 20, 30) n' els aveut sotnou.

Gn a yeu 37.000 roteus, dins 15 a 20 veyes.

Tchaeke metingue esteut diferin, po :
* les djins k' î estént (djonnes, pårtis, cotuzeus)
* çou k' i dmandént : conte di l' abribance [corruption], tertos; mins adon tchaeke po l' tapaedje a l' ouxh di téle societé di distribouwaedje di l' aiwe, té govierneu, li pårlumint (lomé avou fok 30 % des vôtants) li govienmint, minme, a Safi, ene banire po dmander li fén do sistinme monårtchike (mins les ôtes roteus ont adon bizé evoye)
* les accidints k' i gn a yeu après dins 4 veyes (Marakech, Tandjî, Al Hoceima, Larache), a cåze di bardouxheus vinous des côps did foû do rotaedje.

Li police n' a nén buké disconte des roteus. Mins les ptits broye-tot end ont profité po mete li feu a des bankes (5 djins ont dmoré dvins al Hocima), des måjhons provinciåles, des botikes di lucse (Marakech) et spiyî sacwants otos (36).
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 2328
Eplaeçmint: Sidi Smayil, Marok

PostDate: sem 04 djn, 2011 23:21:33    Sudjet: Responde tot citant

Dispu don

Loukîz ddja so : http://wa.wikipedia.org/wiki/Metingues_di_rclamaedjes_%C3%A5_Marok_%282011%29

Dispu li 15 di may, c' est les surteyisses ki ront l' mwin. Et macsåder les metingueus.

Gn a yeu on moirt a Asfi li 29 di may (ki les policîs ont bouxhî dtrop dsu). Les policîs prindént les moenneus do "movmint do 23 d' fevrî" dins l' flouxhe di djins, les emoenner "dins les tchamps" (des côps a dpus d' 65 km), les dismoussî, et les rlater comifåt. Li ci k' a morou di ses coixhaedjes, gn av 7 policîs k' ont bouxhî sor lu a rlaye.

Bråmint des djins dijhnut ki l' touwaedje di Marakech (28 d' avri), c' est ene emantcheure po les gableus poleur ricmincî a macsåder les rclameus "come å bon vî tins".

Cwand i cmince a gn aveur des moirts touwés pal police, ça sint mwais.

Nouk ni croet ki l' Estat va fé discrexhe ses povwers avou li candjmint del mwaisse lwè.
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 2328
Eplaeçmint: Sidi Smayil, Marok

PostDate: lon 25 djl, 2011 11:49:45    Sudjet: Responde tot citant

Dispu l' moirt d' Asfi, les policîs s' ont rmetou å rcoe.

Al mitan do moes d' djun, li rwè a diswalpé li pordjet di novele mwaisse lwè, la k' i gn a vormint des avanceyes :
* ricnoxhance do lingaedje amazir, et del pluriyålté do Marok, inte di ds ôtès sacwès, ses raecinêyes andalousses et ebrayikes.
* espaitchî les pårlumintîs di rtourner cazake (candjî d' pårti å mitan do mandat).
* rissaetchî l' imunité des pårlumintîs (apus ki po leu-z idêyes politikes). Divant, i hapént des cwårs ezès caisses, sins poleur esse ametous divant l' djustice.

Li restant (rifoûme del djustice, evnd.), c' est des bounès idêyes, mins i fåt vey dins l' pratike çou k' ça va dner.

Les povwers do rwè ni baxhèt nén d' ene faflote (i sont minme rafoircis e sacwants plaeces).

Adon, i lzî a prins l' zine di fé on referindom po fé passer l' mwaisse lwè, et li rwè dire k' i vôtreut "oyi". Adon, on-z a veyou tos les mwaisses fé do ramdam po k' tertos vôtaxhe "oyi". Et des crombès djesses po fé rmonter li tôs des vôteus (73 åcint).

Rizultat des coûsses : oyi a 98,5. Saddam Hosseyn end åreut stî djalot !

Tolminme, li mouvmint do 20 di fevrî (djonnes revinteus) a polou fé des metingues tot djhant k' i vôtrént "nonna". Et dispu don, continouwer a roter tos les dimegnes dins bråmint des veyes. C' est l' bon po strinde ene miete les moenneus do payis (les cis ki tournèt åtoû do rwè, et k' on n' kinoxhe k' a mitan), et ls espaitchî di s' redoirmi, et fé fé tot come divant.
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 2328
Eplaeçmint: Sidi Smayil, Marok

PostDate: lon 28 nôv, 2011 17:25:47    Sudjet: Responde tot citant

Les vôtaedjes di vénrdi passé (25 di nôvimbe)

Dj' a viké li campagne po les vôtaedjes dins les viyaedjes des Douccala http://wa.wikipedia.org/wiki/Douccala

Come pol referindom do moes d' djulete, c' esteut a braire : les vîs politikîs ki payént des caravanes d' otos po fé l' toû des viyaedjes tot boerlant "vôtez por mi" sins programe. Et atchter les vwès des vôtants, aprume les comeres. Bråmint des omes, zels, dijhént : «dji n' irans nén vôter, a cwè k' ça sieve ? Loukîz, on-z a vôté por zels la 4 ans, et on n' a co pont d' bele voye, nos efants n' ont pont d' plaeces, et zels, i rôlnut avou des grossès limouzenes et moenner leu ptit traeyin po s' ecråxhî l' pate avou nosse saeyén.»

Seule pitite amidrance : les pus francs voleus dins les vîs politikîs ni s' ont nén rprezinté.

Les sacwants "tuzeus" del campagne dijhît : «nos vôtrans po les islamisses : c' est les seus ki djåzèt d' programe et ki n' atchtèt nén les vôtes.»

****
Ci n' est ki dimegne ki dj' a yeu des noveles di çou ki s' aveut passé dins les veyes : cåzu totes les "djins k' ont stî a scole" on fwait l' minme råjhonmint : «dinans ene tchance ås islamisses et vey çou k' i ndè vont fé.»

*****
Et pol fén prumî côp, l' administråcion n' avize nén d' aveur tchaspougnî les rzultats.

Ça fwait ki : les "Djustice et Diswalpaedje" (minme no ki les cis d' Tourkeye) ont 110 sidjes so 400. Les deujhinmes, li vî pårti del Liberåcion n' a ki 60 deputés.

Asteure, on va vey cwè. Les payis uropeyins, pol fén prumî côp, tchakèt des mwins. Adon k' il avént pûni les payis arabes k' avént tchoezi democraticmint des islamisses (Aldjereye, 1992, Palestene 2007).
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Maisse Arsouye



Date d' arivêye: 2005-07-04
Messaedjes: 194
Eplaeçmint: Djiblou

PostDate: vén 02 dec, 2011 18:37:24    Sudjet: Responde tot citant

Pinsoz-vs ki les islamisses si vont mete avou ds' otes po mwinner l' payis ?
_________________
Rissaetchî-vos di m' solia !
Rivni al copete
Vey li profil di l' uzeu Evoyî on messaedje privé
djan-djan



Date d' arivêye: 2007-07-22
Messaedjes: 264
Eplaeçmint: Mont-Sint-Gubert

PostDate: sem 10 dec, 2011 14:49:05    Sudjet: Responde tot citant

Si les islamisse do Marok, di Libeye, di Tunizeye ou d' Edjipe sont come les cis del Turkeye, pocwè ki ndè fåreut awè peu?

Les CVP et PSC c' est one miete li minme, nonna? Totossu lontins ki n' sipotchnèt nén les ôtes croeyants ou les cis k' n' croeynèt a rén, pocwè nén?
_________________
Mi copiutrece cåze walon -> http://walotux.walon.org
Rivni al copete
Vey li profil di l' uzeu Evoyî on messaedje privé Viziter l' waibe di l' uzeu Jabber
Mostrer les messaedjes des dierin(ne)s:   
Sicrire on novea sudjet   Responde å sudjet    Djivêye des foroms di Berdelaedjes -> Berdelaedjes Totes les eures sont a GMT + 2 eures
Pådje 1 so 1

 
Potchî a:  
Vos n' poloz nén enonder des noveas sudjets dins ç' forom ci
Vos n' poloz nén responde a des sudjets k' i gn a dins ç' forom ci
Vos n' poloz nén candjî vos messaedjes dins ç' forom ci
Vos n' poloz nén disfacer vos messaedjes dins ç' forom ci
Vos n' poloz nén vôter dins les ploncaedjes di ç' forom ci



[ Di dvant | Shuvant | A l' astcheyance | Djivêye ]

Cisse pådje est mimbe di l' anea RingSurf des waibes e walon.

[ Passer 1 waibe en erî | Passer houte do shuvant | Les 5 shuvants ]


Powered by phpBB © 2001 phpBB Group