Djivêye des foroms di Berdelaedjes Berdelaedjes
Forom di berdelaedjes e walon, so tot l' minme ké sudjet
 
 FAQFAQ   CweriCweri   Djivêye des mimbesDjivêye des mimbes   Groupes d' uzeusGroupes d' uzeus   Si fé mimbeSi fé mimbe 
 ProfilProfil   Lére les messaedjes privésLére les messaedjes privés   S' elodjîS' elodjî 

Fonte avou ene lete e-n espôzant

 
Sicrire on novea sudjet   Responde å sudjet    Djivêye des foroms di Berdelaedjes -> Wikipedia
Vey sudjet di dvant :: Vey sudjet shuvant  
Oteur Messaedje
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: lon 13 fev, 2012 14:25:45    Sudjet: Fonte avou ene lete e-n espôzant Responde tot citant

po l' ralfabetijhaedje di l' alfabet tifinar (amazir = berbere), dj' a dandjî di deus troes letes avou on w e-n espôzant.

ⴳⵯ = G<sup>w</sup>
ⴽⵯ = K<sup>w</sup>

http://wa.wiktionary.org/wiki/%E2%B4%B0%E2%B5%99%E2%B4%B3%E2%B4%B3%E2%B5%AF%E2%B5%99

ça pôreut siervi eto po sacwants scrijha "Feller", metans pol betchfessô ô:
ô<sup>n</sup>

ou li betchfessî én
î<sup>n</sup>

Pablo, li mwaisse kinoxheu des fontes, nos dirè motoit cwè.
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Pablo Saratxaga
Site Admin


Date d' arivêye: 2005-07-01
Messaedjes: 1148
Eplaeçmint: Oûpêye

MessaedjeDate: lon 13 fev, 2012 19:57:56    Sudjet: Responde tot citant

Atincion a n' nén confonde ene "fonte", dj' ô bén ene manire di håyner on djeu d' caracteres, avou on "caractere" (ou djeu d' caracteres cwand end a sacwants eshonne) ki c' est djusse èn eshonna lodjike d' intités diferinnes.

On caractere, å pus strik, n' a rén a vey, et n' rén kinoxhe, del manire k' i va esse håyné. Bén seur, dins l' pratike, on caractere diné fwait pårtêye d' èn alfabet dné, et shurè-st adon des rîles dinêyes; on pout aveur ene boune idêye di cmint on caractère va esse veyou; mins on n' pout måy esse seur.

Metans, nost a-bole, vola on caractere.
Vos vs diroz ki vos voeyoz bén a cwè çki ça rshonne... mins nonna, loukîz:


Dins les fontes "Helvetica" et "Bodoni" i gn a ddja des diferinces; et i gn a co les fontes "Fraktur" et co ds ôtes.

Ene fonte, d' èn ôte costé, c' est ene manire bén spepieuze di håyner des senes (ki polèt n' nén esse des caracteres, on sene pout rprisinter pus d' on caractere, çou k' on lome les ligateures, k' end a a banslêyes en arabe metans).

Li "w" tifinar sorlivé a stî radjouté a unicôde, dj' ô bén c' est on caractere da sinne, diferinne do "w" normå (pus spepieuzmint, c' est on modificateu, veyou come èn accint, ki s' agritche al lete di dvant), il a-st on côde ki permete di l' idintifyî, di l' ecôder dins on fitchî infôrmatike.

Po l' alfabet latén, çoula egzistêye dins les rawetes di l' alfabet fonetike, c' est l' caractere
U+02B7 MODIFIER LETTER SMALL W (labialization)
(chal vos ploz vey li tåve unicôde wice k' on trove ci caractere la: http://www.unicode.org/charts/PDF/U02B0.pdf )

et chal vos l' poloz vey (sorlon les... fontes... ki vos avoz sol copiutrece da vosse)
tot seu: ʷ; avou on k: ; on k et on w normås: kw

Po fini, notez k' al diferince do ⵯ tifinar k' est eployî po scrire on lingaedje, li ʷ est on sene di l' alfabet fonetike, on n' l' eploye nén po scrire des lingaedjes, mins po scrire des sons.
Dj' ô bén, si vos scrijhoz "kʷè" vos nel trovroz måy tot cwerant "kwè" dins google, paski vos n' avoz nén scrît on "w".

(Mins vos l' voloz po fé on transcrijhaedje d' èn alfabet a èn ôte, c' est bén li caractère "ʷ" ki vos cweroz:

ⴳⵯ = gʷ
ⴽⵯ = kʷ


Dins Gnome po trover tot l' minme ké caractere unicôde et sel poleur taper, vos avoz "gucharmap". Dins KDE c' est KCharSelect, dins MacOS i gn a

Si vos avoz trop d' "trôs" dins l' håynaedje, vos ploz cweri après les fontes "Code2000" eyet "Code2001"; ele ni sont nén bele beles, mins ele covrèt on foirt gros boket d' unicôde.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: mår 14 fev, 2012 12:05:42    Sudjet: Responde tot citant

Gråces co 36000 côps.

Dj' els a metou (gʷ & kʷ) dins les ahessåvès letes : ça a l' air ki ça va.

Pu fé ene pådje avou on mot avou :
http://wa.wiktionary.org/wiki/asegg%CA%B7es

Sabaye si les rcwirreces li rtrovront tot tapant «aseggwes» ?

Ploz mete cial les "modeles" po
o<SUP>n</SUP> (trô, fô, ... e l' Årdene, come sicrît dins "Singulîs")
î<SUP>n</SUP> (bén, rén... après l' Lovire come sicrît dins "l' Moxhon d' ônea")
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: mår 14 fev, 2012 12:56:51    Sudjet: Responde tot citant

dj' a profité des dnêyes ciddé padzeu po fé deus årtikes Wikipedia:

http://wa.wikipedia.org/wiki/Sorlev%C3%A9_caractere

http://wa.wikipedia.org/wiki/Fonte_%28tipografeye%29

Loukîz si c' est d' asgueur !
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Pablo Saratxaga
Site Admin


Date d' arivêye: 2005-07-01
Messaedjes: 1148
Eplaeçmint: Oûpêye

MessaedjeDate: mie 15 fev, 2012 3:23:58    Sudjet: Responde tot citant

lucyin scrijha:

Ploz mete cial les "modeles" po
o<SUP>n</SUP> (trô, fô, ... e l' Årdene, come sicrît dins "Singulîs")
î<SUP>n</SUP> (bén, rén... après l' Lovire come sicrît dins "l' Moxhon d' ônea")


c' est l' caractere
U+207F SUPERSCRIPT LATIN SMALL LETTER N
(chal vos ploz vey li tåve unicôde wice k' on trove ci caractere la: http://www.unicode.org/charts/PDF/U2070.pdf )

tot seu: ; avou ô,î: ôⁿ, îⁿ;
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Pablo Saratxaga
Site Admin


Date d' arivêye: 2005-07-01
Messaedjes: 1148
Eplaeçmint: Oûpêye

MessaedjeDate: mie 15 fev, 2012 3:31:18    Sudjet: Responde tot citant

lucyin scrijha:
dj' a profité des dnêyes ciddé padzeu po fé deus årtikes Wikipedia:
http://wa.wikipedia.org/wiki/Fonte_%28tipografeye%29

Loukîz si c' est d' asgueur !


Les årtikes en inglès ou francès sont bén spepyîs:
http://en.wikipedia.org/wiki/Font
http://fr.wikipedia.org/wiki/Fonte_de_caract%C3%A8res

Po çouchal:
http://en.wikipedia.org/wiki/Typeface
http://fr.wikipedia.org/wiki/Police_d%27%C3%A9criture
on pôreut eployî "famile di fontes" motoit.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: mie 15 fev, 2012 11:36:11    Sudjet: Responde tot citant

Pablo Saratxaga scrijha:
lucyin scrijha:

Ploz mete cial les "modeles" po
o<SUP>n</SUP> (trô, fô, ... e l' Årdene, come sicrît dins "Singulîs")
î<SUP>n</SUP> (bén, rén... après l' Lovire come sicrît dins "l' Moxhon d' ônea")


c' est l' caractere
U+207F SUPERSCRIPT LATIN SMALL LETTER N
avou ô,î: ôⁿ, îⁿ;


gråces; dj' els a metou dins les ahessåvès letes do Wiccionaire.
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Mostrer les messaedjes des dierin(ne)s:   
Sicrire on novea sudjet   Responde å sudjet    Djivêye des foroms di Berdelaedjes -> Wikipedia Totes les eures sont a GMT + 2 eures
Pådje 1 so 1

 
Potchî a:  
Vos n' poloz nén enonder des noveas sudjets dins ç' forom ci
Vos n' poloz nén responde a des sudjets k' i gn a dins ç' forom ci
Vos n' poloz nén candjî vos messaedjes dins ç' forom ci
Vos n' poloz nén disfacer vos messaedjes dins ç' forom ci
Vos n' poloz nén vôter dins les ploncaedjes di ç' forom ci


Powered by phpBB © 2001 phpBB Group