Berdelaedjes

[lucyin]

râner, Êche, baker

Dj' a trové po "râner" :

c' est rihaner, di haner = respirer rade et a grands mouvmints, tot drovant l' boke (on tchén k' a tchôd, ene djin ki court); betchete ri- nén modifiante (come xhorbi / rixhorbi); dandjreus on mot ki vént d' après Tchålerwè (ralonguixhaedje do A, betchete ri- nén modifiante foirt corante).

Po Êche, ça doet esse li minme bodje ki "åjhe" = terin k' on-z î pleut aler tertos. Come Åjhô.

=> Aijhe ? Åjhe.

baker est metou "verser" dins l' pitit motlî. Mins des plaeces k' i gn a, dins l' tecse, ça vout dire «cori»; gn a minme "el baker" come "li steper" = cori rade.

Dji m' dimande si ça n' vént nén do flamind bak = ri => cori come di l' aiwe ("verser") et cori avou ses djambes. Gn a ddja, dins ç' payis la, li Baclinne (= pitit ri).

mins, e sacwants passaedjes dins l' tecse «baker» vout bén dire "baguer" = candjî d' plaece, mi shonne-t i.
_________________
Li ci ki n' a k' on toû n' vike k' on djoû.

[lucyin]

Adrovaedje
Kî çki scrît l' adrovaedje (preface). Pire Otdjåke ? Mi ? On waloneu foû del Rantoele mins nén disconte do rfondou ?

Oubén fé sins adrovaedje ?
_________________
Li ci ki n' a k' on toû n' vike k' on djoû.

[lucyin]

[djan-djan]

[lucyin]

[lucyin]

baker / baguer

dj' a rcwerou les uzaedjes di "baker" et leu sinsyince. Vo lzès la :

1. candjî d' lodjmint
Et vola ki l' famile då Cacår aveut dveu baker so Djodogne

2. cori come di l' aiwe
Ci djoû là, i vos aveut emantchî ene triglêye di mots, tertos å pus målåjhey a scrire onk ki l' ôte. Li mwaisse l' aveut priyî do prinde si place so l' estrâde et l' litaneye '''bakéve''' påjhirmint foû d' ses lepes

3. si stårer
Djule, ki vneut do rabroker sins oder gote, a djusse yeu l' tins do taper ses bresses å lådje k' ele '''bakéve''' å rvier so si stoumak

4. stårer
Tertos des côpeus d' boûsse : li Bon Diu areut yeu on gros sô padzo s' pî, i vos l' årént '''baké''' po l' apicî

5. dischinde radmint
Ça l' a dispierté podbon. Il a '''baké''' foû do lét et ramexhner ses mousmints stramés pattavå l' tchambe

Les 4 dierinnes vont avou les egzimpes bén documintés dins Gaziaux (culteures & biesses) = bacouler, berouder, stårer

Li prumî est vormint li "baguer" do restant del Walonreye. => on pôreut rfonde "baguer".
_________________
Li ci ki n' a k' on toû n' vike k' on djoû.

[djan-djan]

[djan-djan]

[lucyin]

[lucyin]

baker

tos les eployaedjes da Gaziaux et da Desmet (Sånî) =>

http://wa.wiktionary.org/wiki/baker
_________________
Li ci ki n' a k' on toû n' vike k' on djoû.

[lucyin]

Ricandjî sol boket "Dimegne" :

C' est motoit des sacwès ki n' ont nén stî pår clawêyes :

djusk' a => disk' a

djelz => dj' els

Et pwis => Epwis (come adon-pwis); "pwis" ni dvreut nén aveur ene "egzistance" tot seu : gn a ddja ene dobe rifondowe pu + poy

rido => ridea (bén cnoxhou dizo l' disfondowe "ridia")

fjhéve => fjheut (5inme troke)

sôtler => såtler (c' est l' veur ki, a Transene et a Melén, c' est l' son "on" => betchfessî ô; mins a Bastogne, c' est sâtler => betchfessî å (dji n' a rcandjî çoula ki lanawaire)

breune => brune (vî rfondaedje come aprume, feme...)

vlours => vroûl (sorwalonde namurwesse)

brouwintêye => brouhinter (c' est l' veur ki, enute, dji rgrete ces rfondaedjes la come brouhiner, brouhire, crahea : on-z åreut mî fwait di prinde Y ou W); kécfeye a ratåvler (?); (mins gn a des sacwès foirt corantes come "ahessî" => mete des wants).

çti-la => ci-la (tchuze do pus simpe sistinme)

foute => fote
http://wa.wiktionary.org/wiki/fote

ashide (infinitif) asteure, dji rfondreu ashire (come "tchire"), po-z erîles avou les viebes å coron -re (codjowaedje braire)

coukî => coûtchî (Coûtchant est toplin eployî)
_________________
Li ci ki n' a k' on toû n' vike k' on djoû.

[Djor]