Berdelaedjes

[lucyin]

Vo ndè cial sacwants foû di Gabriyel et Gabriyel. C' est nén todi les mwaisses foûmes do roman, dj' end a ene miete ribodjî sacwants (a plaider vaici) :

http://wa.wikipedia.org/wiki/Gabriyel_eyet_Gabriyel_%28roman%29#femrins_nos_d.27_mest.C3.AEs

titulåresse doet esse rifondou come "notåresse" (cawete sorwalonde -åre, sins candjmint d' voyale).
_________________
Li ci ki n' a k' on toû n' vike k' on djoû.

[Djor]

Tot ç' ki dji m' dimande, c' est si gn a des ôtes mots k' on l' femrin e "-esse" sins "r".

La ewou k' i gn a "-resse", gn a todi on "r" ki soûde foû d' l' omrin. Metans, e halcotî, divins l' timp gn aveut on "r" ki s' a pierdou (fr. haricotier). Adon, c' est djusse d' awè l' femrin "halcotresse".

Mins sabaye s' i fåt mete on "r" divins "watmanesse" et "imamesse". Mi, dji direu k' neni.

Åré s' on vout k' ça fouxhe "-resse" pattavå. Mins adon, i gn a pupont des ôtes mots sins "-r-" padvant "-esse".
_________________
Li walon n' est nén d' l' esperanto.

[Pablo Saratxaga]

end a sacwants, mins waire:
ågne, ågnesse
conte, contesse
duk, dutchesse
prince, princesse

et ça m' shonne esse a tchaeke côp des calcaedjes.
Motoit direk do latén (c' est cåzu tos femrins di tites di nôblesse)