|
Berdelaedjes Forom di berdelaedjes e walon, so tot l' minme ké sudjet
|
Vey sudjet di dvant :: Vey sudjet shuvant |
Oteur |
Messaedje |
lucyin
Date d' arivêye: 2005-07-07 Messaedjes: 3663 Eplaeçmint: Sidi Smayil, Marok
|
|
Rivni al copete |
|
|
Pablo Saratxaga Site Admin
Date d' arivêye: 2005-07-01 Messaedjes: 1156 Eplaeçmint: Oûpêye
|
Date: dju 12 djl, 2012 9:11:25 Sudjet: |
|
|
Pol codjowaedje di "ponre" (e rfondou), po les 3 djins do singulî prezintrece, fåt i shure l' uzance namurwesse (dji pond, ti ponds, i pond) ou l' uzance lidjwesse (dji pon, ti pons, i pond) ?
li "d" n' rispite nole pårt d' ôte dins l' codjowaedje, nén ddja dins l' infinitif; ça fwait ki dj' sereu purade po shure dins ç' cas ci l' uzance lidjwesse.
å rvier, po "ponde" (po les deus viebes: sititchî foû et mete e coleur), dji metreu "dji pond, ti ponds, i pond", la ki l' "d" si rtrove dins l' bodje A (ponde, pondou, pondans,...) |
|
Rivni al copete |
|
|
lucyin
Date d' arivêye: 2005-07-07 Messaedjes: 3663 Eplaeçmint: Sidi Smayil, Marok
|
Date: dju 12 djl, 2012 12:43:32 Sudjet: |
|
|
Pablo Saratxaga scrijha: |
Pol codjowaedje di "ponre" (e rfondou), po les 3 djins do singulî prezintrece, fåt i shure l' uzance namurwesse (dji pond, ti ponds, i pond) ou l' uzance lidjwesse (dji pon, ti pons, i pond) ?
li "d" n' rispite nole pårt d' ôte dins l' codjowaedje, nén ddja dins l' infinitif; ça fwait ki dj' sereu purade po shure dins ç' cas ci l' uzance lidjwesse.
å rvier, po "ponde" (po les deus viebes: sititchî foû et mete e coleur), dji metreu "dji pond, ti ponds, i pond", la ki l' "d" si rtrove dins l' bodje A (ponde, pondou, pondans,...) |
Por mi, shuve li rîle des viebes avou l' coron -de (modele ratinde) => dji ratin => dji pon.
Eto po on viebe a pårt, waire eployî, mins avou des parints bén vicants : rompe (rompeure)
http://wa.wikipedia.org/wiki/Rompeure
=> dji ron, ti rons, i ront _________________ Li ci ki n' a k' on toû n' vike k' on djoû. |
|
Rivni al copete |
|
|
Pablo Saratxaga Site Admin
Date d' arivêye: 2005-07-01 Messaedjes: 1156 Eplaeçmint: Oûpêye
|
Date: dju 12 djl, 2012 14:14:01 Sudjet: |
|
|
lucyin scrijha: |
Por mi, shuve li rîle des viebes avou l' coron -de (modele ratinde) => dji ratin => dji pon.
Eto po on viebe a pårt, waire eployî, mins avou des parints bén vicants : rompe (rompeure)
http://wa.wikipedia.org/wiki/Rompeure
=> dji ron, ti rons, i ront |
Dji pinse ki l' ricnoxhance vizuwele des mots est impôrtante (et c' est ene des mwaisses atuzes do rfondou, ki fwait k' on screye "djno" et nén "gngno" par egzimpe, mins ossu foirt, banc,... eto l' cawete -mint...).
si l' cossoune si rtrove dins l' codjowaedje (et c' est l' cas pol "p" di rompe, li d di ratinde, li d di ponde,...) adon dji so pol wårder ezès singulîs prezintrece (di pus, c' est l' uzaedje li pus spårdou mi shonne-t i): dji romp, ti romps, i romp; dji ratind, ti ratinds, i ratind; dji pond, ti ponds, i pond.
dins l' cas di "ponre" li "d" a disparexhou totavå come oyåve lete; dins ç' cas la oyi, pocwè nén mete: dji pon, ti pons, i pond |
|
Rivni al copete |
|
|
Djor
Date d' arivêye: 2005-07-02 Messaedjes: 240 Eplaeçmint: Sint-Serwai
|
Date: vén 13 djl, 2012 2:09:45 Sudjet: |
|
|
Pablo Saratxaga scrijha: |
Dji pinse ki l' ricnoxhance vizuwele des mots est impôrtante (et c' est ene des mwaisses atuzes do rfondou, ki fwait k' on screye "djno" et nén "gngno" par egzimpe, mins ossu foirt, banc,... eto l' cawete -mint...). |
Bawaite "ricnoxhance vizuwele"!
- tins
- coir
- mel
- tel
Et dj' ridirè tant k' i fårè: "djno" est ene flotche. Gn a nole pårt k' on pronoce sifwaitmint. C' est "gngno" pattavå, et come vuzaedje, mins eto come "ricnoxhance vizuwele", veyanmint k' ça rshonne a tos les poyons do latén "genunculus", minme å francès "genou"! _________________ Li walon n' est nén d' l' esperanto. |
|
Rivni al copete |
|
|
djan-djan
Date d' arivêye: 2007-07-22 Messaedjes: 266 Eplaeçmint: Mont-Sint-Gubert
|
Date: vén 13 djl, 2012 14:18:48 Sudjet: |
|
|
Djôr scrijha: |
Gn a nole pårt k' on pronoce sifwaitmint. C' est "gngno" pattavå, et come vuzaedje, |
On dit d'no do costé d' Djodogne (i nd a tot plin e Sånî a pårt) et dj' a veyou dj'nou e walon do coûtchant (kécfeye vinant do Picård).
Mins c' est l' vraiy ki c' est ene sorwalonde. _________________ Mi copiutrece cåze walon -> http://walotux.walon.org |
|
Rivni al copete |
|
|
Pablo Saratxaga Site Admin
Date d' arivêye: 2005-07-01 Messaedjes: 1156 Eplaeçmint: Oûpêye
|
Date: lon 16 djl, 2012 13:05:39 Sudjet: |
|
|
Djor scrijha: |
Bawaite "ricnoxhance vizuwele"!
|
dji vou dire, å dvins d' on minme viebe; nén avou des mots parints d' ôtes lingaedjes. |
|
Rivni al copete |
|
|
Pablo Saratxaga Site Admin
Date d' arivêye: 2005-07-01 Messaedjes: 1156 Eplaeçmint: Oûpêye
|
Date: lon 16 djl, 2012 13:25:41 Sudjet: |
|
|
Dj' a des rujhes avou l' viebe "haire" ("hére" a Lidje, nén trové ôte pårt).
Dins l' codjowaedje da Stasse c' est:
A=hay-, B=hé-, C=héz-; dji hé, nos hayans, dji hérè, ki dj' hése, dj' a hayou (mins pårticipe prezintrece disrîlé: tot hèyant).
e rfondou dji n' sai nén trop cmint fé pol sudjonctif, et pol cogne avou -nut...
pol moumint, dji l' mete come tchaire:
A=haey- B=hai-, C=haiy-; dji hai, nos haeyans, dji hairè, ki dj' haiye, dj' a haeyou, tot haeyant (eto: i haiynut ? ).
on pôreut eto rsaetchî l' "ae" et mete djusse "a"; i m' shonne ki l' son "è" ni s' ritrove ki tot å coûtchant (come po "trècas", k' on rfondreut "tracas" purade ki "traecas").
D' èn ôte costé, adon ki "tracas" est assez corant, e walon on dit purade "vey evi". |
|
Rivni al copete |
|
|
Pablo Saratxaga Site Admin
Date d' arivêye: 2005-07-01 Messaedjes: 1156 Eplaeçmint: Oûpêye
|
Date: lon 16 djl, 2012 13:55:10 Sudjet: |
|
|
Ene ôte rujhe: les viebes avou -oere (+vey): pol moumint on rfond avou ene seule voyale, li betchfessî "oe"; mins motoit k' on dvreut mete on "e" pol bodje A (nos creyans, nos bevans, nos veyans); c' est insi ossu bén dins les codjowaedjes da Gilliard k' a Lidje (avou "buv-" po boere); et dins l' rifondaedje Hendschel.
Cwand on rwaite les viebes come -aire, -ire, -ure, -eure, i gn a bén on candjmint d' voyale; on-z a eto "veyou".
Ces viebes croere, boere, vey, on ls a rfondou dvant d' vormint tuzer å codjowaedje (la k' c' est des viebes ki rivnèt tofer), çoula a stî metou sor on seu bodje, divant d' bén vey les candjmints d' voyales.
ça dinreut:
vey: dji voe, nos veyans, i voeynut, dji voerè, ki dj' voeye, dj' a veyou
boere: dji boe, nos bevans, i boevnut, dji boerè, ki dj' boeve, dj' a bevou
croere, dji croe, nos creyans, i croeynut, dji croerè, ki dj' croeye, dj' a creyou
(mins po croere dins l' Gilliard c' est A=crwèy-, ça fwait ki "nos croeyans, dj' a croeyou" si disfind avou)
vola po tuzer |
|
Rivni al copete |
|
|
Pablo Saratxaga Site Admin
Date d' arivêye: 2005-07-01 Messaedjes: 1156 Eplaeçmint: Oûpêye
|
Date: lon 16 djl, 2012 14:23:08 Sudjet: |
|
|
pol viebe keuze/keude (fr: coudre) wårder on dobe codjowaedje (deus viebes) come po saveur/sepi ?
keude (cogne do coûtchant) erîlé a on bodje, come code:
dji keud, nos keudans, i keudnut, dji keudrè, ki dj' keude, dj' a keudou
keuze (cogne do levant): A=coz-, B=C=keuz-
dji keuze, nos cozans, (i keuznut ?), dji keuzrè, ki dj' keuze, dj' a cozou |
|
Rivni al copete |
|
|
Pablo Saratxaga Site Admin
Date d' arivêye: 2005-07-01 Messaedjes: 1156 Eplaeçmint: Oûpêye
|
Date: lon 16 djl, 2012 15:18:30 Sudjet: |
|
|
et co èn ôte: s(i)påde
dins l' codjowoe dj' aveu metou come piede, avou ene oyåve cossoune å coron po les singulîs prezintrece (dji spåde, ti spådes, i spåde); mins d' après les codjowaedjes da Stasse et da Gilliard, ça sereut purade ene moyale cossoune: dji spåd, ti spåds, i spåd. |
|
Rivni al copete |
|
|
Pablo Saratxaga Site Admin
Date d' arivêye: 2005-07-01 Messaedjes: 1156 Eplaeçmint: Oûpêye
|
Date: lon 16 djl, 2012 16:23:56 Sudjet: |
|
|
ey èn ôte: parete (et ses parints).
il a stî rfondou "parexhe", mins c' est on rfondaedje a pårti do français (viebes fr avou -aître => wa -exhe/-axhe (nexhe, paxhe,...)
mins dji n' trove nou "parèhe" ni "parèche" dins les motîs, såf dins [OO]; oyi mins, po "parèche" i n' a k' on egzimpe avou on suddjonctif (divant ki l' cinsî n' aparèche), et po "disparèche" i mete eto "disparète"; dins les egzimpes i gn a i disparèchnut (mins, djustumint, li cawete -nut si stitche sol cogne do sudjonctif), disparètra (pont d' "ch"); eyet "parèt" dins l' ratourneure i parèt qui... (pont d' "ch" chal nerén).
dins l' Gilliard et dins li Stasse c' est come «mete»
dji paret(e), nos paretans, i paretnut, dji paretrè, ki dj' parete, dj' a paretou.
D' èn ôte costé, dins l' Haust i mete ki c' est èn epront do francès, lu-minme vinant do latén "parescere". |
|
Rivni al copete |
|
|
|
|
Vos n' poloz nén enonder des noveas sudjets dins ç' forom ci Vos n' poloz nén responde a des sudjets k' i gn a dins ç' forom ci Vos n' poloz nén candjî vos messaedjes dins ç' forom ci Vos n' poloz nén disfacer vos messaedjes dins ç' forom ci Vos n' poloz nén vôter dins les ploncaedjes di ç' forom ci
|
Powered by phpBB © 2001 phpBB Group
|