|
Berdelaedjes Forom di berdelaedjes e walon, so tot l' minme ké sudjet
|
Vey sudjet di dvant :: Vey sudjet shuvant |
Oteur |
Messaedje |
Djor
Date d' arivêye: 2005-07-02 Messaedjes: 240 Eplaeçmint: Sint-Serwai
|
Date: lon 22 oct, 2012 15:51:55 Sudjet: Foirci et afoircî. |
|
|
I m' shonne ki fåt scrire "afoircî", mågré "foirci".
Et k' li prumî ni soûd nén do deujhinme; mins purade les deus vegnnut d' "foice", avou on candjmint d' sinse.
Li ratourneure "Diu vs afoice" (nén °"Diu vs afoircixhe") est foirt veye.
Et "rafoircî" (avou longou "i") vént d' "afoircî", nén d' "foirci".
"Afoircî" et "rafoircî", c' est ene sacwè d' rafiant.
Åd contråve, "foirci", c' est ene sacwè d' bouxhant (so l' ouxh, ou ene djin ki s' fwait foirci...)
E francès, on n' voet nén l' adire. Mins i m' shonne k' e walon... _________________ Li walon n' est nén d' l' esperanto. |
|
Rivni al copete |
|
|
lucyin
Date d' arivêye: 2005-07-07 Messaedjes: 3675 Eplaeçmint: Sidi Smayil, Marok
|
Date: lon 22 oct, 2012 20:23:21 Sudjet: |
|
|
dj' a ddja lontins tuzé a çoula; gn a eto (foirt corant) "refoircî gamén"; si ci sereut del 4inme sôre => rafoirci gamén.
+ rafoircixhante betchete.
http://wa.wikipedia.org/wiki/Rafoircixhante_betchete
fé l' toû des motîs, et des parints di "foice", mins dji sereu biåjhe avou deus rîlêyes di viebes (onk del 2inme, l' ôte del 4inme) _________________ Li ci ki n' a k' on toû n' vike k' on djoû. |
|
Rivni al copete |
|
|
Pablo Saratxaga Site Admin
Date d' arivêye: 2005-07-01 Messaedjes: 1158 Eplaeçmint: Oûpêye
|
Date: sem 23 dja, 2016 19:29:50 Sudjet: |
|
|
C' est nén ossu clair.
I m' shonne ki l' adire foircî/foirci soeye pus ene afwaire di pårler ki d' sinse.
Sol DTW i gn a:
- afoirci:
- totes les dsifondowes avou "i"
- tos sinses d' aveur del foice (pa lu minme ou dinêye d' åd foû)
- disfoircî 1:
- avou "i" ou "î"
- des sinses di rissaetchî des foices (li contråve d' afoirci et d' efoirci2)
- disfoirci 2:
- avou "i" ou "î"
- sinse di foircî pår (rafoircixhante betchete dis-): foirci ene båshele, si rompe.
- efoircî 1:
- tos "î"
- si foircî po fé åk
- efoirci 2:
- efoirci 3:
- foirci:
- avou "i" ou "î"
- dj' a metou tot dins on seu hagnon, la k' tos les sinses sont "fé del foice po, ou fé del foice so en sacwè"
mins avou ça on n' est nén pus avancis pol rifondaedje.
(dins l' coridjrece i gn a ki "foircî" (avou longou î: dji foirceye, nos foirçans, i foiçnut, dj' a foircî)
Dins l' codjowaedje da Gilliard (cinte) i gn a: disfoircî, efoircî, refoircî, foircî, rifoircî; tos do groupe l° 26 (on groupe da lu rén k' po foircî et s' famile; mins ki l' seule diferince avou l' groupe 25 est ortografike (cåce do -cî => -çans);
li group 25 lu c' est tos les -jî, -chî, -tchî, -gnî (e rfondou sacwants -chî sont des -cî; come schoircî).
Codjowaedje: (A=foirç-, B=C=foircey-; dji foirceye, nos foirçans, i foirceynut, dj' a foircî);
Dins l' codjowaedje da Stasse (Lidje) i gn a: disfoirci, efoirci, refoirci (pont d' "foirci" ? i shonne ki neni, a moens ki dj' åye må rcopyî, dji n' l' a nén dzo les ouys).
tos do groupe del pådje 93; dj' ô bén del 4inme troke.
Codjowaedje: (A=B=C=disfoircixh-; dji disfoircixh, nos disfoircixhans, disfoircixhnut, dj' a disfoirci)
Ça fwait k' i gn a troes codjowaedjes:
* come doirmi, mins avou on, p.p. en -î: dji foice, nos foirçans, i foiçnut, dj' a foircî
** po: cogne dins "Diè vs afoice"
** conte: codjowaedje foû rîle (les sfwaits come doirmi ont -i a l' infinitif et -ou pol pårticipe)
* come schoircî (A=foirç-, B=C=foircey-; dji foirceye, nos foirçans, i foirceynut, dj' a foircî);
** po: codjowaedje dins Gilliard
* come fini (A=C=foirçixh- B=foirci-; dji foirci, nos foircixhans, i foircixhnut, dj' a disfoirci)
** po: codjowaedje dins Stasse, derivés come "rafoircixhant"
I gn a ossu "avanci"
Dins Gilliard et Stasse il est del 4inme troke; mins dins l' wiccionaire il est metou come A=B=C=avanç-; dj' avance, nos avançans, il avançnut.
(dins l' coridjrece il a stî metou A=C=avancixh-, B=avanci; dj' avanci, nos avancixhans, il avancixhnut, dj' a-st avanci)
Mins i m' shonne ki, ossu bén po "foirci", ki po "avanci", i gn a ene lådje uzance po candjî les singulîs prezintrece al môde do francès: dji foice, dj' avance.
Dins l' Gilliard i gn a po "avanci" des pînotes ki dnèt des codjowaedjes corants:
* dj' avance, nos avançans, il avançnut; mins: dj' avancirè; dj' avancireu, ki dj' avancixhe (eto ki dj' avance), dj' a avanci (nén -î)
* dj' avance, nos avancixhans, il avancixhnut, dj' avancirè, ki dj' avancixhe,... dj' a avanci
* "come baxhî" (dj' avance, nos avançans, il avançnut, dj' avançrè, ki dj' avance), såf po l' infinitif et pårticipe (avanci, dj' a avanci (nén -î))
* mins k' il a ddja oyou, minme si c' est foirt råle, "dj' avanci l' eure" (dj' ô bén, erîlêymint come prusti)
Li codjowaedje metou dins l' wiccionaire, lu, est pår come "baxhî", co on 5inme codjowaedje diferin pol minme viebe ...
I fåreut vey s' i gn a ds ôtes (a pårt "avanci" et "foirci").
Sol DTW: %(van|foir)c(i|î) |
|
Rivni al copete |
|
|
lucyin
Date d' arivêye: 2005-07-07 Messaedjes: 3675 Eplaeçmint: Sidi Smayil, Marok
|
|
Rivni al copete |
|
|
|
|
Vos n' poloz nén enonder des noveas sudjets dins ç' forom ci Vos n' poloz nén responde a des sudjets k' i gn a dins ç' forom ci Vos n' poloz nén candjî vos messaedjes dins ç' forom ci Vos n' poloz nén disfacer vos messaedjes dins ç' forom ci Vos n' poloz nén vôter dins les ploncaedjes di ç' forom ci
|
Powered by phpBB © 2001 phpBB Group
|