Djivêye des foroms di Berdelaedjes Berdelaedjes
Forom di berdelaedjes e walon, so tot l' minme ké sudjet
 
 FAQFAQ   CweriCweri   Djivêye des mimbesDjivêye des mimbes   Groupes d' uzeusGroupes d' uzeus   Si fé mimbeSi fé mimbe 
 ProfilProfil   Lére les messaedjes privésLére les messaedjes privés   S' elodjîS' elodjî 

Li grand rtoû do DTW
Potchî al pådje 1, 2, 3, 4, 5, 6  Shuvant
 
Sicrire on novea sudjet   Responde å sudjet    Djivêye des foroms di Berdelaedjes -> Rifondaedje
Vey sudjet di dvant :: Vey sudjet shuvant  
Oteur Messaedje
Pablo Saratxaga
Site Admin


Date d' arivêye: 2005-07-01
Messaedjes: 1148
Eplaeçmint: Oûpêye

MessaedjeDate: sem 04 nôv, 2006 18:50:27    Sudjet: Li grand rtoû do DTW Responde tot citant

Dj' a racmincî a ovrer sol DTW; dj' a tot passé l' båze di dnêyes en UTF-8,
insi c' est fwait on côp po totes.

Eto, dj' a-z amidré l' pådje di cweraedje; ele rispectêye li standård
HTML 4.01, et ossu dene des racsegnes si ene intrêye do DTW a ddja
stî rfondowe ou nén, ou si elle a ddja stî copieye so l' esplicant motî ou nén.

Vos ploz fé les cweraedje la: http://dtw.walon.org/

Bén seur, pol moumint, i dit po cåzu totes k' ele ni sont nén so l' esplicant motî; minme cwand ele sont ddja la Smile
Vos ploz aidî tot metant chal les intrêyes ki l' DTW dit k' ele ni sont nén so l' esplicant motî, mins k' ele î sont; et dji rcandjrè.

Dji cmince eto a mete on drapea po les mots k' on n' est nén seur do rfondaedje (insi on les pout åjheymint trover pus tård)

on pout eto rataker a radjouter des mots foû des motîs k' egzistèt ddja.
Po çoula, vous ploz cwerî l' mot come il est scrît dins l' motî, eyet tchoezi "cweraedje e scrijhaedje Feller".
Vos ploz verifyî si l' mot si trove bén, avou l' sinse diné dins l' motî, et ki l' motî est bén dins les sourdants (loukîz al djivêye des motîs po saveur li côde; metans "E1" c' est l' motî d' Lidje da Jean Haust).

Si l' mot ni s' trove nén co, ou s' i manke on sinse, ou si l' motî sourdant n' est nén racsegnî; vos ploz mete çoula chal et djel radjoutrè.

Gråces


Candjî pol dierin côp pa Pablo Saratxaga, li mie 25 nôv, 2020 15:42:26; candjî 2 feyes
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Pablo Saratxaga
Site Admin


Date d' arivêye: 2005-07-01
Messaedjes: 1148
Eplaeçmint: Oûpêye

MessaedjeDate: mie 22 nôv, 2006 1:33:10    Sudjet: Responde tot citant

dj' a ddja verifyî ki tos les mots ki s' trovèt dins l' esplicant motî, di "A" disk' a "argayon" et di "awaider" disk' a "åmrale", si trovèt eto dins l' båze di dnêyes DTW (dj' end a dvou radjouter sacwants; eyet eto, dj' a radjouté/ecråxhî sacwantès intrêyes di AA- => AR- eyet AW- => AZ- so l' esplicant motî, avou les racsegnes do DTW).

Candjî pol dierin côp pa Pablo Saratxaga, li sem 25 nôv, 2006 16:15:24; candjî 2 feyes
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Pablo Saratxaga
Site Admin


Date d' arivêye: 2005-07-01
Messaedjes: 1148
Eplaeçmint: Oûpêye

MessaedjeDate: mie 22 nôv, 2006 1:33:49    Sudjet: Responde tot citant

PS: dj' a radjouté dins l' båze di dnêyes DTW totes les intrêyes del lete N ki Tirî Dumont aveut ramexhné e 1994; c' est nén co rfondou, et i gn a des doblons ki dvèt esse rissaetchîs (dji n' wåde pus les intrêyes di redjiblaedje; si on vout cweri d' après l' prononçaedje on fwait on cweraedje so les intrêyes "Feller" ça va tot ossu bén (et minme mî) ki d' radjouter tot plin di dobes ou tripes ou d' pus d' intrêyes di redjiblaedje); end a 660 di pus do côp, po 33.371 avou tot.

Por vos vos fé ene idêye, i gn a a pô près
6800 mots pol lete A,
7100 pol lete B,
5000 pol lete C,
7400 pol lete D,
3800 pol lete E,
660 pol lete N,
400 pol lete Z,
eyet 2700 po totes les ôtès letes eshonne.

Po bén profiter di tote li poûxhance del båze di dnêyes, li mia c' est d' eployî les erîlêyès ratourneures (regular expressions) po fé les cweraedjes, insi on pout cweri sacwantès variåcions d' on côp.

Metans, vos vloz cweri après l' viebe "atni", mins dins les scrijhaedjes nén rfondous c' est pa côps eto "ateni" ou co "at'ni"; vos ploz adon fé on cweraedje so "at(e|')*ni" et si vos vloz tote li parintêye: "at(e|')*n%"

Kimint ça rote?

On pout mete "%" pa dvant ou pa drî l' cweraedje, po dire k' i pout gn aveur tot l' minme cwè pa dvant (ou pa drî)

Etur åtchetes on pout mete, avou des båres d' astampé «|» po dispårti, on modele, ça vout dire tot l' minme li kéne des possibilités do modele (et ça pout esse pus d' ene lete, eg: (au|å|â) metans).

Ene sitoele pa drî ene lete ou on modele, ça vout dire ki cisse lete ou modele si pout rtrover on côp, ou sacwants, ou nén do tot.

ça fwait ki: at(e|')*ni cwirt après "ateni", "at'ni" et "atni"
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Pablo Saratxaga
Site Admin


Date d' arivêye: 2005-07-01
Messaedjes: 1148
Eplaeçmint: Oûpêye

MessaedjeDate: mie 22 nôv, 2006 2:13:26    Sudjet: Responde tot citant

èn ôte egzimpe d' erîle ratourneure ki dj' a-st eployî po trover totes les sôres di scrijhaedje po "apoirter" (et si famile): ap(oi|we|wè|wé|wê|wa|wâ|oû|ô)rt%

I gn a minme ene waibe tote etire so ç' sudjet la des erîlêyès ratourneures; li modêye e francès est la: http://www.expreg.com/
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Pablo Saratxaga
Site Admin


Date d' arivêye: 2005-07-01
Messaedjes: 1148
Eplaeçmint: Oûpêye

MessaedjeDate: dju 23 nôv, 2006 12:59:25    Sudjet: Responde tot citant

dj' a radjouté ene boesse a clitchî (checkbox) sol pådje do DTW po permete di fé les cweraedjes seulmint dins les intrêyes ki n' ont nén co stî rcopieyes so l' esplicant motî; insi c' est possible d' eployî åjheymint li DTW po-z ecråxhî l' esplicant motî.

Tinez tot l' minme conte k' i gn a bråmint des intrêyes k' aparexhèt come "nén co so l' esplicant motî" mins k' î sont bén; dji n' a disk' asteure verifyî ki di "A" disk' a "AP"; mins ça avance.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: vén 01 dec, 2006 23:00:45    Sudjet: Proficiat po tot çoula Responde tot citant

asteure, gn a pus k' a trover des binamé tapeus po intrere les letes ki mankèt.

Tant k' a mi, cwand dji fwait ene pitite intrêye, djel vôreu poleur mete direk dins l' fond di dnêye. Kimint fé ?

Ouy, metans, dj' a fwait "kitchôkî"

kitchôkî u cotchôkî / ctchôkî pousser sans cessse, pousser deci delà, pousser violemment et en tous sens bourrer, bousculer rudoyer I fåt ctchôkî les djins po s' fé passaedje [[Motî d' Vervî]]). I s' ont ctchôkî, pu ça a stî bacara ([[Motî d' Hesbaye]]). Loukîz a : bouter, kibouter, kiherer, tchôkî

k(i)tchôkî [E1], k(i)tchoûkî [E1], kitchoûkî (k'tchoûkî) [E170], kitchôkî [E213], kichôkî [E203], c(u)tchôkî [E34], nén dins E212
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Pablo Saratxaga
Site Admin


Date d' arivêye: 2005-07-01
Messaedjes: 1148
Eplaeçmint: Oûpêye

MessaedjeDate: sem 02 dec, 2006 14:31:39    Sudjet: Re: Proficiat po tot çoula Responde tot citant

lucyin scrijha:
Tant k' a mi, cwand dji fwait ene pitite intrêye, djel vôreu poleur mete direk dins l' fond di dnêye. Kimint fé ?


Dji drouve on novea sudjet po-z î mete ces dmandes la.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Pablo Saratxaga
Site Admin


Date d' arivêye: 2005-07-01
Messaedjes: 1148
Eplaeçmint: Oûpêye

MessaedjeDate: mår 08 dec, 2015 22:53:04    Sudjet: Responde tot citant

Po mostrer ene miete l' avançmint (a noter k' i gn a des longowès termenes wice k' i n' a nou ovraedje di fwait):

(au 2006-12-15 i gn a 32.357 intrêyes:
- 1724 intrêyes rifondowes
- 655 dedja sol motî)
(å 2010-12-25 i gn a 31.356 intrêyes:
- 2618 intrêyes rifondowes
- 877 dedja sol motî)
(å 2012-05-05 i gn a 30.847 intrêyes:
- 3785 intrêyes rifondowes
- 1010 dedja sol motî)
(å 2013-06-01 i gn a 30.242 intrêyes:
- 5039 intrêyes rifondowes
- 1200 dedja sol motî)
(å 2015-12-07 i gn a 29.646 intrêyes:
- 6312 intrêyes rifondowes
- 1281 dedja sol motî)

i gn a on grand discrexhaedje do totå (vormint des dobletes, ou des intrêyes diferinnes po des sinses ou des ratourneures d' on minme mot)

on voet l' diferince etur les "viyès letes" (A,B,C) k' ont vormint des dobletes et on discrexhou; et les "noveles" (E,N,R,S,T,U,V,W,X) ki crexhèt:

22 nôv 2006 scrijha:
6800 mots pol lete A,
7100 pol lete B,
5000 pol lete C,
7400 pol lete D,
3800 pol lete E,
660 pol lete N,
400 pol lete Z,
eyet 2700 po totes les ôtès letes eshonne.


et asteure:

8 dec 2015 scrijha:
5451 mots pol lete A,
6336 pol lete B,
4595 pol lete C,
7283 pol lete D,
4239 pol lete E,
568 pol lete F,
108 pol lete G,
245 pol lete H,
555 pol lete I,
308 pol lete L,
382 pol lete M
363 pol lete N,
394 pol lete O,
373 pol lete P,
386 pol lete R,
842 pol lete S,
726 pol lete T,
294 pol lete U,
507 pol lete V,
198 pol lete W,
394 pol lete Z,
(pol minme djivêye di "totes les ôtès letes" k' e 2006 (F-M,O-Y) on passe di 2700 a 5504).
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Pablo Saratxaga
Site Admin


Date d' arivêye: 2005-07-01
Messaedjes: 1148
Eplaeçmint: Oûpêye

MessaedjeDate: vén 01 dja, 2016 18:46:26    Sudjet: Responde tot citant

(å 2015-12-07 i gn a 29.646 intrêyes:
- 6312 intrêyes rifondowes
- 1281 dedja sol motî)
(å 2016-01-01 i gn a 29.623 intrêyes:
- 7147 intrêyes rifondowes
- 1979 dedja sol motî)

8 dec 2015 scrijha:
5451 mots pol lete A,
6336 pol lete B,
4595 pol lete C,
7283 pol lete D,
4239 pol lete E,
568 pol lete F,
108 pol lete G,
245 pol lete H,
555 pol lete I,
308 pol lete L,
382 pol lete M
363 pol lete N,
394 pol lete O,
373 pol lete P,
386 pol lete R,
842 pol lete S,
726 pol lete T,
294 pol lete U,
507 pol lete V,
198 pol lete W,
394 pol lete Z,
(pol minme djivêye di "totes les ôtès letes" k' e 2006 (F-M,O-Y) on passe di 2700 a 5504).


1 dja 2016 scrijha:
5408 mots pol lete A, (-0.7%)
6005 pol lete B, (-5.5%)
4575 pol lete C, (-0.4%)
7228 pol lete D, (-0.7%)
4274 pol lete E, (+0.8%)
566 pol lete F, (-0.3%)
117 pol lete G, (+7.6%)
240 pol lete H, (-2.0%)
543 pol lete I, (-2.2%)
302 pol lete L, (-1.9%)
505 pol lete M, (+24.3%)
348 pol lete N, (-4.3%)
412 pol lete O, (+4.3%)
382 pol lete P, (+2.3%)
424 pol lete R, (+8.9%)
1044 pol lete S, (+19.3%)
735 pol lete T, (+1.2%)
78 pol lete U, (-276.9%, mins loukîz pus bas Smile)
511 pol lete V, (+0.7%)
198 pol lete W, =
394 pol lete Z, =
(pol minme djivêye di "totes les ôtès letes" k' e 2006 (F-M,O-Y) on passe di 5504 a 5913, (+6.9%)).


bråmint des radjoutaedjes vinèt di R13 et E34; po les discrexhaedjes, c' est des dobletes ki s' endè vont après netiaedje (et ossu des intrêyes k' i gn a k' avént les diferins sinses d' on mimne mot dins des intrêyes diferinnes)

Pol lete "U", li contaedje di dvant esteut cron; dji contéve eto les "u" metans dins "kischeure u coscheure" (notez eto k' ene sifwaite intrêye "kischeure u coscheure" est contêye on côp po k et on côp po c; ça fwait ki l' nombe di definixhas est pus ptit ki l' nombe d' intrêyes).
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: vén 01 dja, 2016 22:59:07    Sudjet: Responde tot citant

Kéne ovraedje ! Proficiate, valet. Dji comprin seulmint les rcweraedjes come at(e/')ni.

Dje va rlére çoula tot doûçmint. Fåt atôtchî les ôtes waloneus, po les "mete dins l' côp". Anoncîz l' dedja so "Berdelaedje". Dji frè ene pådje del Rantoele ki vént dissu.

Dji raponteye dedja les loyéns del pådje DTW so Wikipedia.

https://wa.wikipedia.org/wiki/Diccionaire_di_Tot_l'_Walon#H.C3.A5rd.C3.AAyes_difo.C3.BBtrinnes
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Pablo Saratxaga
Site Admin


Date d' arivêye: 2005-07-01
Messaedjes: 1148
Eplaeçmint: Oûpêye

MessaedjeDate: sem 02 dja, 2016 13:16:24    Sudjet: Responde tot citant

lucyin scrijha:
Dji comprin seulmint les rcweraedjes come at(e/')ni.


neni, avou ene båre d' astampé: « at(e|')ni »
mins cisse erîlêye ratourneure la ni trovré nén "atni"; po çoula vos dvoz eployî soeye-t i: "at(e|'|)ni" (etur åtchetes li tchuze etur "e", "'" et rén); soeye-t i: "at(e|')*ni" (li stoele vout dire: çou k\' i gn a djusse divant (ene lete ou ene tchuze etur åtchetes) si pout repeter di zero a l' infini)

cwand l' tchuze est inte des letes, on pout eto eployî des cwårêyès åtchetes: "at[e']*ni" (c' est djusse kel hårdêye ni pout nén esse åjheymint aclapêye dins l' forom, la ki les cwårêyès åtchetes ont on sinse da sinne)

Les erîlêyès ratourneures ki sont-st eployeyes dins l' DTW sont-st ene miete diferinnes d! çou k' ele sont normålmint:
* a moens di mete «%» a hintche ou a droete (ou co des deus costés), les "boirds" sont veyous come "limådje d' on mot"
* dins les rcweraedjes e rfondou, dji discope a «(^|\(|, | u | ou | / )» (dj' ô bén, po ene intrêye come «kischoyou u coschoyou / cschoyou, kischoyowe» çoula sereut discôpé e 4 tchinnes diferinnes («kischoyou», «coschoyou», «cschoyou», «kischoyowe») et l' erîlêye ratourneure serè rwaiteye avou tchaeke di zeles.
* dins les rcweraedjes e feller on pout mete li côde do motî a pårt (nén mezåjhe di scrire ene foirt complikêye ratourneure po cweri dins on motî dné; mins on l' pout tot l' minme fé si on vout)


I gn a eto des ôtès infôrmåcions (dins on tchamp a pårt); ele ni sont nén co totes ricweråves dins l' pådje do DTW, mins si ça vs sieve a åk djelzès pout mete:
* rifondaedje nén seur (nén rcweråve pol moumint)
* dedja sol wiccionaire ou so wikipedia Motî (on pout dmander sol pådje DTW les intrêyes ki nel sont nén co)
* rifondou ou nén (on pout dmander sol pådje DTW les intrêyes ki nel sont nén co) ("nén rfondou" chal, ça vout dire ene intrêye k' est todi come elle esteut dvant ki dji rpregne li båze di dnêyes; sovint dins on scrijhaedje "pré-rfondant", pa côps "rfondou otomaticmint". C' est les intrêyes ki dvént esse verifieyes).
* rifondowe cogne k' a candjî i gn a nén lontins (metans, diferin dins R13) (nén rcweråve pol moumint)

Dins les rzultats, l' idintifiant dins l' båze di dnêyes est håyné (et tot ptit: « ID: 12345 » metans); ça permete d' idintifyî ene intrêye, copurade cwand end a sacwantes avou l' minme sicrijhaedje)

Målureuzmint, ene pårteye do nouzome ovraedje d' ecôdaedje a stî pierdou cåze di flåwes tecnikes: i m' shonne ki des ecôdaedjes k' i gn a ont stî fwaits dins des tåvleus excell; et k' ene limite dins l' lårdjeur des tchamps å moumint di rmete ça en SQL a fwait ki des infôrmåcions so les disfondowes ont stî pierdowes (ça vout dire ki, si ene intrêye a bråmint di disfondowes, ça s' pout k' ele ni soeyexhe nén totes la)
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Pablo Saratxaga
Site Admin


Date d' arivêye: 2005-07-01
Messaedjes: 1148
Eplaeçmint: Oûpêye

MessaedjeDate: lon 18 dja, 2016 14:20:05    Sudjet: Responde tot citant

I gn aveut bråmint des intrêyes ki c' esteut des rdjiblaedjes di disfondowes; mins ki n' avént nén li disfondowe dins l' tchamp disfondowe (do côp, tot fjhant on cweraedje so "disfondowes", on n' les voeyeut nén).

Dj' a coridjî çoula, asteure totes ces intrêyes la ont-st on tchamp "disfondowes" et on pout fé des cweraedjes dissu.
(a 90% ces disfondowes la sont ddja dins l' mwaisse intrêye; mins pa des côps nén co, did la l' eteresse di poleur fé on rcweraedje)
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Mostrer les messaedjes des dierin(ne)s:   
Sicrire on novea sudjet   Responde å sudjet    Djivêye des foroms di Berdelaedjes -> Rifondaedje Totes les eures sont a GMT + 2 eures
Potchî al pådje 1, 2, 3, 4, 5, 6  Shuvant
Pådje 1 so 6

 
Potchî a:  
Vos n' poloz nén enonder des noveas sudjets dins ç' forom ci
Vos n' poloz nén responde a des sudjets k' i gn a dins ç' forom ci
Vos n' poloz nén candjî vos messaedjes dins ç' forom ci
Vos n' poloz nén disfacer vos messaedjes dins ç' forom ci
Vos n' poloz nén vôter dins les ploncaedjes di ç' forom ci


Powered by phpBB © 2001 phpBB Group