Berdelaedjes

[Feintisti]

Bondjoû,

Li frioulan est l' lingaedje di m' grand-mere et c' est eto m' lingaedje di cour (come li walon! ).

Dj' a scrît en' årtike e walon sol Wikipedia.
Mins dji trove ki l' mot "frioulan" ni sonne nén foirt bén e walon et l' etimolodjeye n' est nén vraiymint respectêye.

E francès, "frioulan" vint di "friulano" k' est l' mot itålyin. Mins l' no natif c' est "furlan" et ça vint do latén "Forum Iulii" avou "-anus" come suficse.

Dji l' vôreu askepyî on mot e walon. On pôreut prinde "forlan" ou "fourlan", pus près di "furlan" et pus lodjike avou l' etimolodjeye. Et "forlane" est eto on mot francès (c' est ene danse di nôbe) et il a l' minme oridjene.

Dj' a dmandé a Pablo so en ôte forom et il esteut d' acoird.

Adon, ké mot inmez vs l' mî po "frioulan" e walon, "forlan" ou "fourlan" ?
_________________
Feintisti

Li toirdou åbe vike pus lontins ki l' åbe droet, li taeyeu d' legne ni pout nén l' côper.

[Maisse Arsouye]

fôrlan k'on l'pout dire fourlan ou forlan
_________________
Rissaetchî-vos di m' solia !

[djozewal]

Si nén "friyoulin", pokwè nén "friyoulès" ?

[Feintisti]

[Psychedelik Barakî]

Ça n' dveut nén esse ene flåwe, et dji seus d' acoird avou nosse Maîsse, è rfondou les ô s' pornonçnut pacô o, pacô ou.
Insi on pôreut pornoncer shuvant nosse accint...
_________________
Dvizans Walon inte frés do payis
Des beas mots po l' ni nén rovyî

[djozewal]

"Barzalette" ?
Friyulin, friyolin, forlin, forlès...
Après tot, si vos volèz on noû-mot, fwârdjèz-l' don à vosse môde. Purdèz l' moudêye ki vos va l' mia.
Lès walons d' vêlà vont aujîmint s' î fé, à fwace di l' orer.

[Feintisti]

[Feintisti]

L' årtike Wikipedia a stî candjî! Alez l' vey chal: http://wa.wikipedia.org/wiki/F%C3%B4rlan
_________________
Feintisti

Li toirdou åbe vike pus lontins ki l' åbe droet, li taeyeu d' legne ni pout nén l' côper.

[lucyin]

Asteme, l' abiançaedje O <> OU, e walon, c' est purade l' oyon O/OU (crosse / crousse)

http://wa.wikipedia.org/wiki/Oyon_O/OU

kel betchfessî ô (troû / trô / tron)

http://wa.wikipedia.org/wiki/Betchfess%C3%AE_%C3%B4

Gn a eto l' oyon OU/U (rifondou / rifondu)

Dji rtuzrè a ça dmwin.

fourlanès ????

[Feintisti]

Dj' a veyou ki vos avoz candjî l' pådje di Wikipedia...

L' oyon O/OU est motoit mî po ci mot la kel betchfessî ô, adon "forlan"?

Mins dji n' tuze nén kel oyon OU/U est bon. C' est forlan/fourlan, nén fourlan/furlan. Et vosse mot "fourlanès" n' est nén bon, pask' el -ès n' est dvins nouk lingaedje (furlan, frioulan, friulano... nouk "fourlanais").
_________________
Feintisti

Li toirdou åbe vike pus lontins ki l' åbe droet, li taeyeu d' legne ni pout nén l' côper.

[lucyin]

(c' est Pablo ki screye a pårti d' l' éndjole da Lucyin)

C' est l' veur ki "frioulan" ni shût nén les rîles del sillabe e walon (on-z a cossoune-likide-dimeye voyale-voyale); li shûte likide-dimey-voyale n' est nén possibe.
Dji l' aveu copyî tot biesmint do francès...

Pocwè nén prinde (tot l' adaptant) li mot dins l' lingaedje lu-minme;
ça dinreut e walon "fourlan". (nén "forlan"; paski c' est l' son "ou" nén l' son "o", e fourlan).

Li cåzu betchfessî "ô" n' va nén, c' est on son assez diferin.

Ene ôte rexhowe ci sereut di fé a pårti d' l' itålyin, ça dinreut "friyoulan".

[djozewal]

http://marsdesign.free.fr/FRIOOOL/index.htm

I gn'a "Frioul" èt "Frioul" !