Berdelaedjes

[lucyin]

Po rmete vosse candidateure :

http://www.culture.be/index.php?m=document_view&fi_id=483

[djozewal]

Si Lorint n' èst nén dsus lès rangs...
I fauréve ièsse di tote douce crwèyance po sondjî ki lès fèls dèl Rantoele ont one vrêye tchance.

Sayèz d' a tins ènonder dès djins come Cristine, Chantal, André, Djak, Djan-Pîre, Stèfène, evd, ki n' ont nén ène frumjante colorêye ètikète aclapêye dsu leû lådje bas front !

[djozewal]

...èt vos avèz DEUS Djan-Pîre k' ont l' pèzanteû èt lès idêyes !

[djozewal]

...èt li "ptit" Clåde ki l' Lucyin a on djoû batîjî, l' rovîye-t-i ?
I m' shène ki, li èto, aréve si plaece à prinde.

[lucyin]

Cåzez è a tertos. Ni rovyîz nén k' i gn a ene såme di radjonni l' Consey

Dj' a ddja atôtchî :
* Lorenzo Barakî (come uzeu) & Djôr (come espert, uzeu et rprezintant crustin)
* Francis (uzeu), Olivî (uzeu), Pire (riprezintant des liberås), Tiri & Pablo (come esperts)
* Djåke W. et lyi dmander del fé po Djhan Pire li prof, les deus come "djins d' mestîs" el sociolinwince.

Dji doe co rescontrer ouy u dmwin :
* Lorint (come ome di mestî et espert)
* Chantal D. (come espert)

Dji n' a pont d' emilreye pol moumint. Si ene sakî pout emiler a pårti des emiles ki sont so http://aberteke.walon.org/p-4.html (mins fåreut k' Pablo leye coler li dierinne modêye del pådje).

I fåreut co arinner :
* Mwaisse Arsouye et les ôtes "Babelisses" (come uzeus).
* Mimile li tchanteu (riprezintant socialisse ?)
* André l' cåzaedjisse (uzeu)

[lucyin]

Modele di candidateure e walon.

(a mete djondant l' cene e francès)

Tibî Meyî
Rowe di Flande, 0
9999 Xhoutsiplou (u: Foufgneye-les-Berdouyes)

A

Nosse Dame el Minisse del Culteure,

A vey avou : Candidateure pol Ranovlaedje do Consey des Mancîs Lingaedjes des Payis Walon et Brusselwès.

Xhoutsiplou, li 15 di måss 2007

Nosse Dame li Minisse,

I m' plait d' atåvler èm candidateure pol ranovlaedje do Consey des Lingaedjes des Payis Walon et Brusselwès (aresté do Govienmint del Kiminålté Walonreye-Brussele do 30 di djun 2006).
C' est po waitî do rascode (u : rascoyî, aveur, riçure) on mandat di (tchuzi inte) :
• mimbe podbon
• mimbe replaeçant
come (vos ploz mete dipus d'on posse) :
• ome di mestî (si vos estoz on rlomé linwincieus)
• espert (si vos cnoxhoz bén l' walon)
• uzeu (si vos vos siervoz do walon sins l' vormint cnoxhe teyoricmint)
• riprezintant d'on clintcha filozofike (crustin / socialisse / liberå / ecolo)

Si dji vénreu a moussî e Consey, dj' a les pinses di … (metoz cial pocwè ki vos vloz moussî vola).

Dji m' rafeye ki cisse candidateure cial (/ ci) vos ahåyaxhe (/vos convegne, vos agreye), et dji vs preye di rçure, Nosse Dame li Minisse, tos mes waloneus complimints.

[Psychedelik Barakî]

On l' pout scrire è walon ?
_________________
Dvizans Walon inte frés do payis
Des beas mots po l' ni nén rovyî

[djozewal]

Tèrtos l' minme lète ! C' èst pus auji à riconèxhe èt lès taper sins ratinde au batch...

[djozewal]

Èt, si dji n' mi brouye nén, i vos faut èvoyî l' lète à Mèdème Guillaume. Dès rèlîs foû d' on prumî tamjaedje, rèxheront l' pougnyîe dès cîs ki "Nosse Dame" î va polu chwèzi au ddins. A l' astchèyance ?

[Psychedelik Barakî]

Adon cmint fjhans-n' ?

Gn a-st on ôte problinme po mi : li displaeçmint ! Dji n' a pont d' oto. Dji pous daler disk' a Ocgnîye, Nimal, Li-Noû-Lovén, evnd sins trop d' rujhes, mins pus lon k' çoula, c' n' est nén åjhey. Di d' pus' si gn a pont d' ståcion...
_________________
Dvizans Walon inte frés do payis
Des beas mots po l' ni nén rovyî

[djozewal]

C' èst bén vrêy ça. Brussèles èst lon éri d' tot ! Mins, si vos purdèz l' tins d' lîre dissus cilture.be, vos l' alèz vîre : lès "ritnus" vont ièsse payî po fé leû bouye avou ène dringuèle po l' voye faîte...

[Psychedelik Barakî]

Dji l' a lejhou, mins po rçwere cisse dringuele, i fåt fé l' voye, d' abôrd...
_________________
Dvizans Walon inte frés do payis
Des beas mots po l' ni nén rovyî