Djivêye des foroms di Berdelaedjes Berdelaedjes
Forom di berdelaedjes e walon, so tot l' minme ké sudjet
 
 FAQFAQ   CweriCweri   Djivêye des mimbesDjivêye des mimbes   Groupes d' uzeusGroupes d' uzeus   Si fé mimbeSi fé mimbe 
 ProfilProfil   Lére les messaedjes privésLére les messaedjes privés   S' elodjîS' elodjî 

Des troyes a Papene (Transene)

 
Sicrire on novea sudjet   Responde å sudjet    Djivêye des foroms di Berdelaedjes -> Berdelaedjes
Vey sudjet di dvant :: Vey sudjet shuvant  
Oteur Messaedje
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: dju 31 may, 2007 17:36:07    Sudjet: Des troyes a Papene (Transene) Responde tot citant

Des troyes a Papene (Transene)

(da Pire Otdjåke)

Dès troyes a Papine.

Vla dja in ptit momint k’ on z-è causot ; a prumîre vûe, dju trovot ça bin « ène maternité pou des ptits couchèts ». Dju m’ dijot k’ ène çantin.ne du troyes an plin-air avu tchèkène dîj pitits pouchlèts a deûs pwartées par an ça nous fwêt ène populâcion d’ 2000 tièsses ; ajoutans-î ène dîjin.ne du mâles pou satisfwêre cès dames, ça nous fwêt ène populaçion d’ 2010 troyes, pourcês èt pouchlèts ; c’ è-st-a pö près la populâçion porcine dès chîs viadjes plus leûs sècsions d’ l’ antité d’ Lîbin, duvant l’ rassan’mint dès comunes. « A çu stâde la, dj’ èstot d’ acwârd ».

Dj’ ê dustchanté, kand on m’ è dit ki gn-aurot 4000 troyes ! Çu ki fwêt 80 000 pouchlèts, Papine duvêrot la vile la pus peûplée dul province.

Bondjoû mossieû Danis,
I paraît ku vous vlez, avu la bènèdicsion d’IDELUX, instaler ène usine à pouchlèts avu 4000 troyes. I parèt min.me k’ Idélux menace lès autorités provinciales èt comunales du l’zî comper lès vîves an cas du rfus ; « du kwè dju m’ mèle », ça fwêt ku la populâcion nu compte pou rin ? Ça rsan.ne a du sovièto-stalinisme ! È vöye pou l’ jigantisme « gn-è t-i co dès subsides eûropèyins an vue come pou l’ bidule du Pwès èt Sint-hubert » ? Dj’ èspère bin k’ on n’ va nin dèplacer lès mô-contints ? Pasku c’ èst 90 % dul populâcion ki vont nn-aler dins lès goulacs !

V’ savez chûrmint bin, mossieû Danis, ku lès troyes, ça n’ sin nin bon ! Èt volu instaler ça, dins ène réjion û on respire lu bon-air a plin poumom, « c’ èst d’ l’ incivisme, mossieû Danis » !

Dins l’ timps, kand ène djin èstot toudi niche sur lîye, on dijot d’ lîye : « c’ è-st-ène niche troye » ! C’ èstot la pîre dès insultes. Èt bin, mossieû Danis èt vos complices, vous insultez nosse bèle province avu vös troyes.

Vla kékès ènées, dj’ avot in cliyant flandriyin… In djoûr, an poussant in grand soupir, i m’ dit :
- Tu sais, savez-vous, j’ai pas bon rentrer chez moi ! J’y resterai pas toute ma vie, tu sais.
- Pourquoi Ruddy ?
- Ça sent mauvais chez moi ! A 10 km, avant de rentrer je sais que je rentre, rien qu’à l’odeur.
In bê djoûr, lu cliyant è tchandjé d’ climat, il-è nn-alé monter ène socièté en Angleterre, èyû ç’ k’ i gn-è pont d’ troyes. Asteûre, il èst pansioné èt mi ossi ; damadje, on s’ è piêrdu d’ vûe.

Ah ! Pardon, vous n’ compurnez nin çu ku-dj’ dit ?
Âh mês ça mossieû Danis, on z-èst an Wallonie hin voci ! Èt voci, on cause lu « Wallon » ! On nous sèrine lès orayes al TV, trwâs comps par sëmwin.ne ku pou awèr ène place, û don bin s’ instaler dins l’ payis flamand, i faut aprinde lu flamand. Dju troûve ça lèjitime, mês dju troûve ossi lèjitime, ku pou s’ instaler an Wallonie, i faut causer Wallon ; èt c’ èst la min.me tchöse pou vös 4000 troyes !
Vous v’ raplez, vla kékes ènées, a Leuven, lu fameu « Waalen buiten ! », vous v’vraplez, lès ptits vikêres èt les nonètes ki fjint dèfiler lès ptits èfants avu dès pankartes avu l’ inscripcion èt an criyant a s’ aratcher l’ gargazon : « Waalen buiten », k’ i djint. Ayi, ayi, mossieû Danis, c’ è-st-insi : la classe intèlèctuèle du Leuven (dju dit bin Leuven pa rèspèct pou vosse lingadje) s’ è abachée ou rang d’ vös troyes pou foute a l’ uch du l’ université lès ptits Walons. C’ èst dès cayèts k’ on n’ rovîe nin, mossieû Danis, après ça vous vörîz k’ on rcîje lès brès grand au lôdje toutes vös troyrîes èt vös pourçulrîes ! Nèni ! Nèni, rin d’ tout ça, au diâle bin lon vosse matîre a sôcissons, voyez ça amon lès Chinwès, ki vnèt kèri nös bwès, i vous ravoyèront boudins, djambons èt sôcissons mèyeûs martchîs ki n’ sèrins fwêt amon lès Wallons !

Tout ça n’ èst k’ ène istwâre du gros sous. Mês si l’ ardjint n’ è pont d’ odeûr, lès troyes, zèles elles n’ ont, d’ l’ odeûr, èt dul mwêche èco.

- Dijez a propos, d’ èyû ç’ k’ èles vinants vös troyes ?
- Ne vous tracassez pas c’est nous qui les fournissons.
- L’ amougné, pou toutes cès bièsses là, v’s-alez l’ achter au ptits cinsîs dès anvirons ?
- Ne vous faites pas de souçis pour de si petits détails, la maison Danis fourni tout.
- Bin dabörs, a pôrt les strons, k’ èst-ç’ k’ i va dmèru pou la réjion ?
- Ce sont des détails sans importance, nous trouverons dans les environs des propriétaires redevables à nos confrères du Boerenbond, qui seront obligés d’accepter les sous-produits de notre industrie porcine.

Si dj’ comprind bin, v’s-savez dja bin èyu ç’ ku v’s-alez stôrer lès purins.
V’s-savez pourtant bin ku les seûles russources dul province, c’ èst l’ êwe èt lès forêts. Si v’s-alez poluwer l-s napes fréatikes avu vös troyrîes, i n’ dumeûrrè pus rin. Âh siè, lès bwès « pou lès chinwès »

Dju n’ comprind nin IDELUX, du s’ prostituer avu dès djins come vous, - il è dins sès atribucions : lu dvwâr du rèspèct du l’ anviron’mint -, du vnu impôser à nosse comune, in bidule parèy, alörs’ ku dès ptites PME dul réjions, ôrint bin volu s’ instaler su l’ site du Papine. Il ont stés oriantés su des ötes sites. Il ont rfusé in pèpinièrisse an lî djant ku la pèpinière c’ èst nin d’ l’ agriculture. Probablemint, ku ça n’ sintot nin mwês assez !

Lu 13 du mai 2007
E.B.

P.S.
A propos d’ prostitucion, i n’ gn-è nin seûlmint idélux, mês lès autorités provinciales, ki n’ont pus lu M.R. dins lès pîds pou dusfinde lès P.M.E., ont lès coudées frantches pou fwêre leûs bièstrîes, èco èvöye pou lu gigantisme. Insi lu Gouverneûr è houtché lès autorités comunales du Lîbin ou palès provinciale èt parèt-i, i n’ î è nin sté pas kate tchumins : « Vous acceptez le projet d’ idélux ou vous n’avez plus rien sur le zooning de Libin » ! Èh vlan !!! Si on n’ loume nin çà dul dictature, dijéz-m’ çu k’ c’ èst ??? Dju n’ aurot nin cru çà d’ li ! il avot l’ êr si simpa. « Por-mi lu novê prèsidant d’ idélux l’ ôrè sölé û bin converti ou P.S..

Mês, nu tôrdjant nin la dsus, lu problème, c’ èst k’ i mèt nosse novê colêje duvant dès grosses difficultés ???

Nosse pitite Mayeûre è promis k’ èle chûrot l’ avis dul populâcion, mês pou ça, i faut voyer brâmint dès papîs pou lî moustrer ku la majorité dul populâcion èst conte lu prodjèt « Danis »
Pusk’ i gn-ôrè du papîs, pus ôjî èle aurèt pou fwère face ou dictat.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: dju 31 may, 2007 17:37:57    Sudjet: Responde tot citant

Mi ki croeyeut k' i gn aeut ki dins l' Tîce-Monde po s' kidure come çoula !!!

Pôve nozôtes et les tchéns d' tcherete !

Neni ! I fåt fé åk !!! Po cmincî mete li walon come lingaedje oblidjî po fé les papîs po ç' pordjet la.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: mie 13 djn, 2007 14:40:18    Sudjet: Si on cwirreut des ôtès cåzes Responde tot citant

lucyin scrijha:
Des troyes a Papene (Transene)
Insi lu Gouverneûr è houtché lès autorités comunales du Lîbin ou palès provinciale èt parèt-i, i n’ î è nin sté pas kate tchumins : « Vous acceptez le projet d’ idélux ou vous n’avez plus rien sur le zooning de Libin » ! Èh vlan !!! Si on n’ loume nin çà dul dictature, dijéz-m’ çu k’ c’ èst ??? Dju n’ aurot nin cru çà d’ li ! il avot l’ êr si simpa. « Por-mi lu novê prèsidant d’ idélux l’ ôrè sölé û bin.


Ci cdujhance la, ça rshonne a l' cene da onk k' a stî abribé (k' a rçû des grossès dringueles po fé passer on pordjet).

Alans cweri les foyes di contribucion di ces djins la !

Leus estraits d' conte.

Ont i atchté ene måjhon el Coisse d' Azur lanawaire, pal voye da Monsieu Godi ?

Fåreut on bon gaztî u onk k' est bén avou les inspecteurs des contribucions.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: mie 13 djn, 2007 14:44:55    Sudjet: Pwès a l' ectåre Responde tot citant

Pwès a l' ectåre

On-z a rfuzé lanawaire en poytreye di 40.000 poyes a Viyance, si djel tén bén.

Ene poye pounresse, ça fwait tot bounmint 3 kg => ene tchedje po l' evirounmint di 120.000 kg d' biesse.

Ene troye, ça fwait bén 150 kg, dowô, et co hay.

Dabôrd : 10.000 x 150 = 1.500.000 kg d' biesse, sins conter les pouchlons :

12 a 15 côp d' pus !!!
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: mie 04 djl, 2007 22:24:43    Sudjet: Re: Des troyes a Papene (Transene) Responde tot citant

lucyin scrijha:

- Ça sent mauvais chez moi ! A 10 km, avant de rentrer je sais que je rentre, rien qu’à l’odeur.


A 10 km di Papene, a vol d' oujhea, c' est les grotes di Han (comene di Rotchfoirt, Province di Nameur) !!!

:idea: Pocwè èn nén sayî d' atourner li Province di Nameur por zels si mete avou les måcontins !?
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: mie 04 djl, 2007 22:28:43    Sudjet: Responde tot citant

Pierre Otjacques wrote:

Bin l' bondjoû Lucyin,
Çu bokèt la èst da Ernest Benoît,
c' èst li ki l' è scrît èt dju l' vous l' ê voyé
C' èst sa sinature ki dèt adon zèsse padzous,
ku ça v' vâche bin,

Pîre

La l' prezintaedje di l' ome k' a scrît l' årtike, dabôrd.

http://wa.wikipedia.org/wiki/Ernest_Benoit
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: sem 04 awo, 2007 12:34:03    Sudjet: Les avuzions di sacwants responsåves sol pordjet. Responde tot citant

Les avuzions di sacwants responsåves sol pordjet.

http://forum.toudi.org/viewtopic.php?p=37293#37293
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: sem 04 awo, 2007 12:51:30    Sudjet: arculaedjes del produccion d' bigåd Responde tot citant

Carculaedjes del produccion d' bigåd el Province do Lussimbork

Les sincieus d' Mårloye ont cårculé li nombe di pourceas eyet d' poye el Province do Lussimbork.

(Avenir du Luxembourg, 28 di djulete 2007)

* 707 720 poyes et polets

* 32 510 pourceas

Li produjhaedje d' azote avou les flates, l' ansene eyet l' bigåd est aviré a 21.000 tones. Et dire k' on pôreut stramer 32 000 tones d'azote. Dabôrd, k' i gn a co del laxhe !

Mins :

* Dj' espere bén k' il ont conté les vatches, leu flataedje a l' esté, et leus ansene et bigåd (purin, lisier) a l' ivier (ça n' aparexhe nén dins l' papî dui l' "Avenir").

* Ci n' est nén pask' on pout aler disk' al copete d' on vere k' on l' rimplit al raschate (dj' ô bén, po ene sacwè ki pout fé do toirt, i våt mî esse lon di s' livea la k' elle divént ene måle keure).

* Po on nouzome pordjet come li ci d' Papene, li spårdaedje do bigås ezès waides va dmander d' aler fén lon avou des camions et des tracteurs. Por mi, on n' divreut nén coschirer do CO2 do cwota walon po berweter des bigåds. Apus k' i n' frént ene eståcion d' produjhadje di biyogaz sol poitchreye. Mins adon, el fåt sayî dvant !!!
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: sem 01 nôv, 2008 20:56:23    Sudjet: Dji n' vos l' a nén dit, mins on-z a wangnî Responde tot citant

Dji n' vos l' a nén dit, mins on-z a wangnî disconte do pordjet "4000 troyes a Papene".

Ci serè ene pepinire po les sapéns d' Noyé. C' est nén pår li foete, mins c' est ddja mî k' l' ôte.
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Mostrer les messaedjes des dierin(ne)s:   
Sicrire on novea sudjet   Responde å sudjet    Djivêye des foroms di Berdelaedjes -> Berdelaedjes Totes les eures sont a GMT + 2 eures
Pådje 1 so 1

 
Potchî a:  
Vos n' poloz nén enonder des noveas sudjets dins ç' forom ci
Vos n' poloz nén responde a des sudjets k' i gn a dins ç' forom ci
Vos n' poloz nén candjî vos messaedjes dins ç' forom ci
Vos n' poloz nén disfacer vos messaedjes dins ç' forom ci
Vos n' poloz nén vôter dins les ploncaedjes di ç' forom ci


Powered by phpBB © 2001 phpBB Group