Pablo Saratxaga Site Admin
Date d' arivêye: 2005-07-01 Messaedjes: 1158 Eplaeçmint: Oûpêye
|
Date: lon 03 set, 2007 3:06:10 Sudjet: Ratournaedjes e walon di Mozilla Firefox, Google Talk et co |
|
|
Avou l' ravicaedje di «viker» i gn a eto des ôtès bounès noveles.
Li ravicaedje del copinreye po les ratourneus e walon di programes infôrmatikes, c' est la: http://walon.org/mailman/listinfo/linux-wa
ça rote avou on tot novea sierveu d' copinreyes, li GNU mailman, k' a bråmint pus di possibilités ki l' vî listserv k' i gn aveut davance (et k' aveut fini pa toumer e rak sins rén dire...)
So cisse copinreye la les cis ki ratournèt des programes polèt s' aidî et aveur des infôrmåcions.
Et vola ddja sacwantès sacwès k' ont stî novelmint ratournêyes:
* li Psi (on programe di messaedjreye sol moumint), modêye 0.10 et 0.11
* li Jabbin (èn ôte programe di MsM) 2.0
* li GoogleTalk
vos poloz aberweter tot çou k' i vs fåt, avou des racsegnes sol manire d' astaler l' ratournaedje, sol pådje http://chanae.walon.org/walon/jabber.php
I gn a eto on ratournaedje po SamePlace, co èn ôte cliyin Jabber, ci-chal ki rote come ene rawete å dvins do Mozilla Firefox. Li pacaedje ki vént di SamePlace årè li walon ddja dvins.
Mins come c' est nén l' tot d' aveut djusse SamePlace di ratourné, nos ovrans pol moumint sol ratournaedje di Mozilla Firefox lu-minme, ça avance bén; et po les cis ki vôrént sayî, i gn a des pacaedjes XPI ki rotèt comifåt, dimandez mu po saveur cwè et come.
I gn a eto ene modêye e pacaedje XPI po Firefox del coridjrece e walon, vos l' poloz prinde ey astaler a pårti di http://chanae.walon.org/walon/aspell.php |
|