Djivêye des foroms di Berdelaedjes Berdelaedjes
Forom di berdelaedjes e walon, so tot l' minme ké sudjet
 
 FAQFAQ   CweriCweri   Djivêye des mimbesDjivêye des mimbes   Groupes d' uzeusGroupes d' uzeus   Si fé mimbeSi fé mimbe 
 ProfilProfil   Lére les messaedjes privésLére les messaedjes privés   S' elodjîS' elodjî 

Gaston Libiestreye (Gaston Lagaffe) e walon
Potchî al pådje 1, 2  Shuvant
 
Sicrire on novea sudjet   Responde å sudjet    Djivêye des foroms di Berdelaedjes -> Berdelaedjes
Vey sudjet di dvant :: Vey sudjet shuvant  
Oteur Messaedje
Pablo Saratxaga
Site Admin


Date d' arivêye: 2005-07-01
Messaedjes: 1148
Eplaeçmint: Oûpêye

MessaedjeDate: mår 11 set, 2007 20:45:50    Sudjet: Gaston Libiestreye (Gaston Lagaffe) e walon Responde tot citant

Li limero 10 des alboms da Gaston Libiestreye a stî rmetou e walon pa Maisse Arsouye et gråces a èn eplaideu burton nos l' pôrans aveur bén rade dins les botikes.

Vos ploz vey chal pa dzo li secwince videyo dins les noveles del shijhe do 10 di setimbe al RTBF, wice k' on ndè cåze:

(clitchîz chal)
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: sem 15 set, 2007 12:18:30    Sudjet: Li côp ås djaeyes po li rfondaedje Responde tot citant

C' est motoit li côp ås djaeyes po li rfondaedje. Dj' ô bén : c' est l' prumî côp k' on-z atôtche tos les Walons so cisse kesse la. Et djusse divant les fiesses del Walonreye, cobén !

Co pus bea : ça n' vént nén des prumîs rfondeus zels-minmes. Cwand ene idêye si spåde et k' on n' sait pus kî çki l' a-st enondé, c' est on bon sene ki ça prind.

Proficiate å Mwaisse Arsouye po ç' fel côp la !!!
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
jacques



Date d' arivêye: 2007-01-01
Messaedjes: 25

MessaedjeDate: mie 19 set, 2007 14:25:25    Sudjet: Responde tot citant

One sakwèt ki n' sèreut mutwèt nin ma c'èst d vèye si on-z-a profité des fièsses dèl Walonrèye à Lidje, Nameur èt ôte part po sayer d'èl vinde...èt çou k'èst 'nnè.
Tèze toudi k'on l' vindrèt avou duvins les "carrefour' èt ôtès grandès botikes ; èt poqwè nu nin profiter dèl grande fôre dè live vès l' meus d' fèvri mâsse à brussèle (la k'i-n-a des mèyes èt dès mèyes du djins ki l' porint vèye èt l'atchter, èt l'l lire?)
On poreut tuni on ptit stand po fé l' rèclame d'adram dès lives è rfondou èt s fé mî knohe mu sonléve-ti.
Rivni al copete
Vey li profil di l' uzeu Evoyî on messaedje privé
Maisse Arsouye



Date d' arivêye: 2005-07-04
Messaedjes: 194
Eplaeçmint: Djiblou

MessaedjeDate: mie 19 set, 2007 15:24:06    Sudjet: Responde tot citant

C' est Noir Dessin ki li spårde. Adon i divreu iesse dins totès les bounès botikes.

Al cmince, i dveu iesse là po octôbe. C'est nos k' avans bouté po ki fuxhe éplaidi po les fiesses du Waloneye, po fé del reclame.
_________________
Rissaetchî-vos di m' solia !
Rivni al copete
Vey li profil di l' uzeu Evoyî on messaedje privé
Pablo Saratxaga
Site Admin


Date d' arivêye: 2005-07-01
Messaedjes: 1148
Eplaeçmint: Oûpêye

MessaedjeDate: lon 24 set, 2007 16:58:23    Sudjet: Responde tot citant

Maisse Arsouye scrijha:
C' est Noir Dessin ki li spåde. Adon i divreut iesse dins totès les bounès botikes.


Oyi, dji n' a nén co yeu l' ocåzion d' aler vey, mins normålmint les lives vindous pa Noer Dessin si trovèt al FNAC, dins les botikes ås gazetes des gåres, dins les grands botikes k' ont-st on raiyon po les BD et les lives,...

Dji pinse ki ça dvreut esse bén spårdou, åjhey a trover ey a-z atcher pol ci kel vout.

C' est ossu ene miete çou ki Lucyin fwait po ses dierins lives, i lait l' bouye do spårdaedje/vindaedje a l' eplaideu; ça fwait on pus ptit åcintaedje por lu, mins d' èn ôte costé, ene pus grande veyåvisté et motoit bén pus di vindous.

C' est l' veur ki l' «Gaston Libiestreye» est foirt kinoxhou, et k' ça pôreut siervi a prezinter d' ôtès lives.
Dj' a stî biesse (on est todi ene miete biesse li prumî côp) di n' nén tuzer a fé ene pådje speciåle po ç' live la; k' on åreut polou mete li hårdêye dins l' live, avou des kesses et responses, et d' ôtès sacwès; on pôreut insi vormint vey les cis k' arivèt so cisse waibe la cåze do live.
Tot ratindant, on pout todi aler vey les statistikes del waibe http://rifondou.walon.org/ (ki l' hårdêye si trove al dierinne pådje do live) c' est la: http://rifondou.walon.org/stats/
les statistikes po setimbe sont dins l' moyene des ôtes moes, et dji n' voe nén dins les mots des cweraedjes so google (metans, la: http://rifondou.walon.org/stats/usage_200709.html#topSearch ) rén åd fwait do Gaston; mins ça vénrè motoit en octôbe.
(I fåt dire eto, k' i n' a rén sol waibe so Gaston Libiestreye nerén... est çk' on n' pôreut nén mete ene pitite pådje po cåzer d' l' eplaidaedje, avou vosse tecse d' adrovaedje, eyet l' prezintaedje da Franquin k' i gn a sol coviete (k' on pôreut eto mete sol Wikipedia, si ç' n' est nén ddja fwait).

si vos estoz curieus, voci les cweraedjes po setimbe so les ôtès waibes e walon elodjeyes so mi éndjole:
http://aberteke.walon.org/stats/usage_200709.html#topSearch
http://lucyin.walon.org/stats/usage_200709.html#topSearch
http://lucyin.walon.org/stats/usage_200709.html#topSearch
http://moti.walon.org/stats/usage_200709.html#topSearch
http://chanae.walon.org/stats/usage_200709.html#topSearch
(damadje dji n' sai nén vey ces infôrmåcions la pol wikipedia)

PS: po Yannick, dj' a bén rçuvou vosse paket, gråces cint côps!


Candjî pol dierin côp pa Pablo Saratxaga, li mår 25 set, 2007 13:27:40; candjî 1 feye
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Maisse Arsouye



Date d' arivêye: 2005-07-04
Messaedjes: 194
Eplaeçmint: Djiblou

MessaedjeDate: lon 24 set, 2007 17:51:06    Sudjet: Responde tot citant

Dji n' sé nén çou k' on pout rprinde do live. Gn' a des abondroets so les imådjes. Mins po les tekses, ça divreu iesses bon.

Dj' a veyou on prumi live dins one libriye, à Nameur. Adon i va avnu bénrade dins tote li Waloneye.
_________________
Rissaetchî-vos di m' solia !
Rivni al copete
Vey li profil di l' uzeu Evoyî on messaedje privé
Pablo Saratxaga
Site Admin


Date d' arivêye: 2005-07-01
Messaedjes: 1148
Eplaeçmint: Oûpêye

MessaedjeDate: lon 24 set, 2007 21:53:44    Sudjet: Responde tot citant

Maisse Arsouye scrijha:
Dji n' sé nén çou k' on pout rprinde do live. Gn' a des abondroets so les imådjes. Mins po les tekses, ça divreu iesses bon.


Neni, nén rprinde li tecse do live, mins li prezintaedje (l' adrovaedje ki vos avoz scrît sol pådje 2, eyet l' tecse sol coviete di drî, ki cåze di Franquin);
po poleur aveur ene pådje ki va esse dinêye come rizultat po les cweraedjes di "Gaston Lagaffe en wallon" dins google.

Tot cåzant d' çoula; dj' a metou a djoû l' programe ki fjheut les statistikes, la k' dj' a veyou ki l' vî aveut des rujhes Wink
Asteure les pådjes di statistikes sont minme e walon, et dji pout wårder l' djivêye di tos les cweraedjes do moes; c' est foirt interessant; i gn a BRÅMINT des djins k' arivèt tot cwerant après des motîs ou des ratournaedjes walon/francès (copurade sol waibe da minne, chanae, cåze do DTW ki s' î trove).

Et poy dj' a stî so google mi avou po vey cwè; et on ndè cåze assez bén dins les waibes des gazetes, et des blogs, et on l' vind ddja so ebay Smile
(vos ploz clitchî so les cayets del djivêye po-z aler vey)




Citåcion:
Dj' a veyou on prumi live dins one libriye, à Nameur. Adon i va avnu bénrade dins tote li Waloneye.


Tot avå et minme co pus lon!
(Dji n' m' ratindéve nén a l' vey so ebay po dire li veur)
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Pablo Saratxaga
Site Admin


Date d' arivêye: 2005-07-01
Messaedjes: 1148
Eplaeçmint: Oûpêye

MessaedjeDate: mår 25 set, 2007 15:34:51    Sudjet: Responde tot citant

On ndè cåze ossu dins Ardennes magazine avou minme ene videyo d' ene djin ki lît on boket, avou l' accint d' Oufalijhe ou d' avår la (si dj' a bén compris, dj' a nén co yeu l' ocåzion d' schoûter l' videyo; dji n' a pont d' hôt-pårleus so ciste éndjole ci):
http://www.ardenneweb.eu/videos/gaston_walon_1

On pôreut motoit, po les cis k' ont des micros, lére li minme pådje, eyet fé ene ramexhnêye di secwinces videyo do minme tecse léjhou avou sacwants accints diferins; ene bele manire di mostrer çou k' c' est li rfondou.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Maisse Arsouye



Date d' arivêye: 2005-07-04
Messaedjes: 194
Eplaeçmint: Djiblou

MessaedjeDate: mår 25 set, 2007 15:37:54    Sudjet: Responde tot citant

Po Canal Zoom, dji l'a lejhou avou l'acsint di Djiblou. Dj' el pou ossu lire avou l'acsint di Nameur.
_________________
Rissaetchî-vos di m' solia !
Rivni al copete
Vey li profil di l' uzeu Evoyî on messaedje privé
Pablo Saratxaga
Site Admin


Date d' arivêye: 2005-07-01
Messaedjes: 1148
Eplaeçmint: Oûpêye

MessaedjeDate: mår 25 set, 2007 23:07:15    Sudjet: Responde tot citant

Maisse Arsouye scrijha:
Po Canal Zoom, dji l'a lejhou avou l'acsint di Djiblou. Dj' el pou ossu lire avou l'acsint di Nameur.


Dj' a nén fwait atincion k' vos lijhîz ene pådje dins l' videyo da Canal Zoom (motoit k' i n' l' ont nén passé? Cwand li RTB a passé a m' måjhone il ont filmé tot plin po passer djusse 20 segondes Smile )
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Maisse Arsouye



Date d' arivêye: 2005-07-04
Messaedjes: 194
Eplaeçmint: Djiblou

MessaedjeDate: mie 26 set, 2007 8:09:56    Sudjet: Responde tot citant

Siya, tot à l' cmince : http://www.canalzoom.com/users/ftpczoom/info2873hd.wmv

Po les tekses do live, vos ploz rprinde l'adovraedje. Mins les ôtes, ni sont nén d' mi. Dji ls a ratournés, mins gn' a des abondroets da Marsu Production.
_________________
Rissaetchî-vos di m' solia !
Rivni al copete
Vey li profil di l' uzeu Evoyî on messaedje privé
Psychedelik Barakî



Date d' arivêye: 2005-11-22
Messaedjes: 63
Eplaeçmint: Nameur (Bomel)

MessaedjeDate: mie 26 set, 2007 22:22:43    Sudjet: Responde tot citant

C' est damadje ki dji n' euxhe pus l' daegntoele amon mi !
Cwand dj' a veyou k' on dvizeut do rfondou, et d' pus ki c' asteut l' Maîsse Arsouye, dji dveut m' conecter po vs feliciter bråmint des côps di l' aveur fé !
Dji n' aveut rén veyou vni ! Profeciate.
_________________
Dvizans Walon inte frés do payis
Des beas mots po l' ni nén rovyî
Rivni al copete
Vey li profil di l' uzeu Evoyî on messaedje privé Evoyî èn emile
Mostrer les messaedjes des dierin(ne)s:   
Sicrire on novea sudjet   Responde å sudjet    Djivêye des foroms di Berdelaedjes -> Berdelaedjes Totes les eures sont a GMT + 2 eures
Potchî al pådje 1, 2  Shuvant
Pådje 1 so 2

 
Potchî a:  
Vos n' poloz nén enonder des noveas sudjets dins ç' forom ci
Vos n' poloz nén responde a des sudjets k' i gn a dins ç' forom ci
Vos n' poloz nén candjî vos messaedjes dins ç' forom ci
Vos n' poloz nén disfacer vos messaedjes dins ç' forom ci
Vos n' poloz nén vôter dins les ploncaedjes di ç' forom ci


Powered by phpBB © 2001 phpBB Group