Berdelaedjes

[lucyin]

Yanik a l' air di dire ki Yoran Embanner pôreut aveur on stande, et nozôtes î prinde on m2.

Co po rivni a Yoran Embanner, gn a l' novea live del Rantoele ("Dji m' lome Meliye") ki va rexhe sins eplaideu (dji doe dandjreus fé martchî a conte d' oteur avou èn imprimeu, mins dji ratin l' devis). Adon, gn a co rén d' fwait.

Est çki ça l' interesreut ? (soeye-t i di djusse mete si no d' eplaideu tot nos dnant onk di ses l° ISBN, soeye-t i del fé a on meyeu martchî pris).

Li live est fén presse (i n' manke pus ki l' cou-coviete). Ci-la pôreut esse so les axhletes pol fôre di Brussele.
_________________
Li ci ki n' a k' on toû n' vike k' on djoû.

[Maisse Arsouye]

I vos fåt lyi dimander. Dji vs evôye si-n emile.
_________________
Rissaetchî-vos di m' solia !

[djan-djan]

Les djonnes come mi pôrént vs aidî mins fåreut aprume ki vs metoxhe d' acoird so les båzes di l' ovraedje... Ké motî prinde po les 3000 mots?
_________________
Mi copiutrece cåze walon -> http://walotux.walon.org

[Maisse Arsouye]

Les bazes egzistnut ddja ! Et asteure ki dj' a ene miete bouté dissus, dji vs les pou dner.

C'est on tavlea .ods (Open Office) oudobén .xls (Microsoft Office), come vos vloz. Dji les pou evoyî på emile à tos les ceas ki volnut dner on cop di spale.

Lijhoz bén les rîles, ça srè bråmint pus åjhey por mi après, po tot rmete eshonne ;)


Gråces à tos les êdants !
_________________
Rissaetchî-vos di m' solia !

[lucyin]

[lucyin]

Dj' a cmincî a taper èn ouy dissu, ey ataker les T.

Sistinme fonetike eployî (ci n' est nén l' API)

* Asteme, nozôtes, i nos fât marker l' adire inte "ou" eyet "oû" => "u" & "û"; i et î [i] [î], u et û ([y] [^y] ?)
* Pont d' diferince inte é eyet ê [e] dins leu sistinme : gn a rén avou ça pol prononçaedje zero-cnoxheus (tos les betchfessî AI)

Prononçaedje zero-cnoxheu :
* noter les H : hourêye => [hûrej]
* cawete -eye => "-èy" lidjwès purade ki -îy namurwès => [-Ej]

C' est vormint ene mâlâjheye sacwè a fé comifât. Nén possibe pol fén do moes d' djanvî. Mins poy k' on a la l' ocâzion d' eplaidî ene sacwè, ostant endè profiter. Mins i n' fât nén mete li no del Rantoele dissu. On n' ârè måy li tins di rcoridjî totafwait.

Po m' pårt, dji pou bouter tenawete cwand dj' a ene eure u deus, et vs evoyî sacwants bokets.

Dins l' adrovaedje, fåreut bén mete ki c' est fwait pa des cminceus, k' ont les pinses di si rsiervi do walon. Sins grandiveusté. Et ki ça doet esse ramidré pa des féns cnoxheus.
_________________
Li ci ki n' a k' on toû n' vike k' on djoû.

[lucyin]

So 2 eures, ouy, dji n' a seu adiercî ki 33 intrêyes. Ça divreut aler purade on côp enondé, mins ça n' si pout di raspepyî les 4700 et des royes so on gros moes d' tins. + li tins po Yannick di rmete tot çoula eshonne...

Fâreut kécfeye mete come tite : "prumire modêye d' on ptit motî e rfondou walon adjinçné pa des cminceus".
_________________
Li ci ki n' a k' on toû n' vike k' on djoû.

[Maisse Arsouye]

Dj' inme ostan l' fé mouchi fou pus tård ki d' divu fé ene deuzyinme modeye après.

Si dji doet tot rmete èn API, ça va prinde do timps, mins nén tant k' ça. Et amon Djan l' est ddja bon.

Dj' a ddja rmetou les A et B. Mins i fåreut riwaitî ki l' rifondaedje est bon.
_________________
Rissaetchî-vos di m' solia !

[lucyin]

Çou ki dji vs pou fé come bouye

A-B : wice sont ele, les dnêyes ?

Dji vou bén sayî di fé 20 a 30 royes tos les djoûs, tins do moes d' decimbe, a pårti des T.

E moes d' djanvî, dji doe bouter so ene Aberteke; e moes d'fevrî so ene Rantoele.

Dji vou bén rpasser les rfondowes et leu prononçaedje "zero-cnoxheu" a fwait ki les letes sont presses podbon, disk' å coron. I våreut motoit mî m' evoyî tos des ptits fitchîs (djusse avou l' colonne) "walon", la kel prononçaedje est.
_________________
Li ci ki n' a k' on toû n' vike k' on djoû.

[djan-djan]

Po fé avancî l' bate...

Veyans pa l' egzimpe. Vola sacwantes mots k' dj' a fwait. Dj' a scrit li fonetike avou les caracteres API ki rotnut avou totes les fontes (c' est l' UTF-8 ki permet ça). On dvreut tertos s' siervi d' ça, c' est l' façon standård di scrire di l' API.


177 206 OK? Français - Wallon Wallon - Français





1 0 2 œuvre [ÒvR] f ouve f. *






0 1 2 * ouve [uːf] f œuvre f; leyi ~. arrêter le travail, faire une pause; rire dins ~. rire sous cape.
1 1 2 officiel [OfisjEl] a oficir oficir [ɔfisiːʀ] a officiel.





1 1 2 officier [ ] m mwaisse sôdård m mwaisse-sôdård [mɛːs sɔːdɔːʀ] m officier m.


1 1 2 offre [OfR] f propôzucion f propôzucion [pʀɔpɔːzysjɔ~] f proposition f, offre f.


1 1 2 offrir [OfRiR] v ofri ofri [ɔfʀi] v offrir.





1 1 2 oie [wa] f åwe f åwe [ɔːw] f oie f.







Adon arive li problinme di plu s' siervi do rizultat po des motîs a vni. I fåt aprume vey coumint k' l' eplaideu overe. Si ns a dné on tåvlea avou deus colones c' est k' il overe insi. Mins kekfeye k' i pout ossu ovrer avou 10 colones ou pus... Mins fåt lî dmander po n' nén k' il åye malåjhey d' fé l' live.
Si on candje les colones, come dimandé pa Francis, sorlon mi, i gn åreut ça come colones a awè:

1. FW (franwal)-Mot francès
2. FW-fonetike francès
3. FW-djinre/sôre francès
4. FW-mwaisse ratournaedje walon
5. FW-ôtes ratournaedjes et ratourneures
6. WF (walfran)-Mot walon
7. WF-fonetike walon
8. WF-djinre/sôre walon
9. WF-mwaisse ratournaedje francès
10. WF-ôtes ratournaedjes et ratourneures

Dins c' motî ci on n' si sieve nén di l' etimolodjeye et des discrijhaedjes.

Dji pinse kel Francis a råjhon dins l' absolou mins k' nost eplaideu n' serè nén ovrer avou ene sifwaite båze di dnêye. Mins ça, fåt lî dmander.

E racourti:

* Tchuze 1 (deus colones): pus åjhey pol motî d' ådjourdu et po l' eplaideu, pus målåjhey pus tård
* Tchuze 2 (dijh colones): pus målåjhey et pus d' ovraedje pos ådjourdu mins pus åjhey a reployî a l' avni.

Et po fni, i n' fåt nén rovyî, li limero dins l' colone OK doet esse diferin po tchaeke onk:
1 pol Mwaisse Arsouye
2 por mi (Djan)
3 po Lucyin
4...

Ki ça vs våye,

Djan
_________________
Mi copiutrece cåze walon -> http://walotux.walon.org

[Maisse Arsouye]

Cou k' on m' a dné, c' est deus fitchîs word, on "Français-Savoyard" et on "Savoyard-Français".

C' est mi k' a fwait li tåvlea, po-z awè pus åjhey Insi.
_________________
Rissaetchî-vos di m' solia !

[djan-djan]

Sins sine di vos, dj' continouwe inla

Les ratournaedjes e walon, vos les avoz metous al mwin? Oudonbén otomaticmint? Si c' est al mwin c' est d' l' ovraedje!
_________________
Mi copiutrece cåze walon -> http://walotux.walon.org