Djivêye des foroms di Berdelaedjes Berdelaedjes
Forom di berdelaedjes e walon, so tot l' minme ké sudjet
 
 FAQFAQ   CweriCweri   Djivêye des mimbesDjivêye des mimbes   Groupes d' uzeusGroupes d' uzeus   Si fé mimbeSi fé mimbe 
 ProfilProfil   Lére les messaedjes privésLére les messaedjes privés   S' elodjîS' elodjî 

Soce et monde.
Potchî al pådje Di dvant  1, 2, 3, 4  Shuvant
 
Sicrire on novea sudjet   Responde å sudjet    Djivêye des foroms di Berdelaedjes -> Berdelaedjes
Vey sudjet di dvant :: Vey sudjet shuvant  
Oteur Messaedje
Agne
Guest





MessaedjeDate: mie 13 djl, 2005 8:53:22    Sudjet: Responde tot citant

Nin dandjî d' pater o d' ave po s' ppa èt s' mman. On lès vwèt voltîye sins awè à lès priyî odobin d' dîre mèrci, o rèclamer, d' nos awè fé vnu au monde dissus on côp d'... tièsse.
Lès bons parints n'ont pont d' rancune po à leus èfants ki n' ont nin toûné come ils l' areut volu èt måy l' idêye dèl ritaper dissus l' tièsse di leûs ptits èfants !
Lès bons parints vikenut avou leû tins èt nin èburtakés dins lès uzances d' avant-avant ayîr...
Rivni al copete
Djor



Date d' arivêye: 2005-07-02
Messaedjes: 240
Eplaeçmint: Sint-Serwai

MessaedjeDate: mie 13 djl, 2005 11:04:31    Sudjet: Responde tot citant

Agne scrijha:
Nin dandjî d' pater o d' ave po s' ppa èt s' mman. On lès vwèt voltîye sins awè à lès priyî odobin d' dîre mèrci, o rèclamer, d' nos awè fé vnu au monde dissus on côp d'... tièsse.
Lès bons parints n'ont pont d' rancune po à leus èfants ki n' ont nin toûné come ils l' areut volu èt måy l' idêye dèl ritaper dissus l' tièsse di leûs ptits èfants !
Lès bons parints vikenut avou leû tins èt nin èburtakés dins lès uzances d' avant-avant ayîr...


Sayîz d'viker on seu djoû avou ene sakî, sins lyî cåzer.

Li håre ki gn a etur li djin et l'Bon Diu n'est nén såvaedje. Si vost efant si tape li tiesse conte on meur, i sofrixh, mins nén paski vos l'tapez co on côp, mins a cåze di lu minme. Les mås k'i gn a sol daegn, sapinse li Bibe, ç'n'est nén des punixhaedjes ki vénrént tot droet do Bon Diu, mins purade des shuvowes do petchî.

Et pocwè l'Bon Diu ni mete nén l'copete a totes les waeres et å terorisse...? Cial, c'est do libe arbite (dji n'sa nén comint çk'i fåreut dire ça e walon). Confused
Rivni al copete
Vey li profil di l' uzeu Evoyî on messaedje privé
Djor



Date d' arivêye: 2005-07-02
Messaedjes: 240
Eplaeçmint: Sint-Serwai

MessaedjeDate: mie 13 djl, 2005 11:09:42    Sudjet: Responde tot citant

Agne scrijha:
Nin dandjî d' pater o d' ave po s' ppa èt s' mman.


Oyî, pol påter et l'avé, dj'åreu ene ôte sacwè a dire.
Li priyire k'on lome «da Nosse-Signeur» ("Vos, nosse Pere k'est la-hôt"), c'est l'priyire ki contint totes les dmandes, tot court.

Li tchaplet et des ôtès afwaires di magneuses do Bon Diu, la dji vos dene råjhon; ça m'fwait rinåder... Rolling Eyes
Rivni al copete
Vey li profil di l' uzeu Evoyî on messaedje privé
djozewal



Date d' arivêye: 2005-07-01
Messaedjes: 307
Eplaeçmint: bagué !

MessaedjeDate: dju 14 djl, 2005 8:22:33    Sudjet: Responde tot citant

N'vola-t-i nén ki l' Våtican nos vout nèyî Darwin ?
Rivni al copete
Vey li profil di l' uzeu Evoyî on messaedje privé Viziter l' waibe di l' uzeu Jabber
Djor



Date d' arivêye: 2005-07-02
Messaedjes: 240
Eplaeçmint: Sint-Serwai

MessaedjeDate: dju 14 djl, 2005 9:04:45    Sudjet: Responde tot citant

djozewal scrijha:
N'vola-t-i nén ki l' Våtican nos vout nèyî Darwin ?


Nenni. I sont trop låtcheus et s'arester padvant les prumîs hames k'on leu mete sol voye.

Dins ene toûnrece lete (encyclique) di 1950, li påpe Pey XII sicrijheut disconte li teyoreye da Darwin. Come - a m'shonnance - il aveut scrit bråmint des djotes eto, nouk n'el lét ouy.

Mins gn a nole aroke avou. Li teyoreye darwinisse est: (a) disconte li fwè monoteyisse; (b) disconte li syince eto.

I gn a a pou près 350 syinceus creyåcionisses sol daegn.
A vey deus foirt belès waibes:

www.creationnisme.ca,
http://www.chez.com/ceshe/crombette/travaux.htm
Rivni al copete
Vey li profil di l' uzeu Evoyî on messaedje privé
Ougne
Guest





MessaedjeDate: dju 14 djl, 2005 10:36:46    Sudjet: Responde tot citant

È 1992 èt 1985, DjîPî II a èto dit l' sène. Asteûre i gn'a Binvnuåmonde (Schåborn), aspaleû da Bènwè XVI, rmonte lès pwès d'l' ôrlodje po lès rmète à l' eûre.
Po dimèrer dins vos idêyes : on pére s' maxhe èt "done" li vîye èt nèl nin "crèyer". Après l' èfant crèxhe èt s'kandjî d'li minme (lîbe chwè), il "èvolûwe" shûvant sès rèscontes, l' tins, l' momint, sins po ça l' awè vrêmint volu èt nin d' après lès d' avance "vûwes" di s' popa ki, li n' vwèt nin pus lon k' s' èst ènondaedjes d' sakants fayêyès munutes. Rolling Eyes
Rivni al copete
Djor



Date d' arivêye: 2005-07-02
Messaedjes: 240
Eplaeçmint: Sint-Serwai

MessaedjeDate: dju 14 djl, 2005 11:36:45    Sudjet: Responde tot citant

Ougne scrijha:
È 1992 èt 1985, DjîPî II a èto dit l' sène. Asteûre i gn'a Binvnuåmonde (Schåborn), aspaleû da Bènwè XVI, rmonte lès pwès d'l' ôrlodje po lès rmète à l' eûre.
Po dimèrer dins vos idêyes : on pére s' maxhe èt "done" li vîye èt nèl nin "crèyer". Après l' èfant crèxhe èt s'kandjî d'li minme (lîbe chwè), il "èvolûwe" shûvant sès rèscontes, l' tins, l' momint, sins po ça l' awè vrêmint volu èt nin d' après lès d' avance "vûwes" di s' popa ki, li n' vwèt nin pus lon k' s' èst ènondaedjes d' sakants fayêyès munutes. Rolling Eyes


Dji n' coprinds nén pår çou ki vos vloz dire pår. Dins ké dominne li Schåborn (vos cåzez d'Schönborn?) a rmonté les pwès dl orolodje? Avou l' teyolodjeye ki s'dit «liberåle»?

Oyî, gn a ene grande difrince etur "diner" et "prustî". L'ome esteut å cmince seulmint on prustiyaedje do Bon Diu, sapinse li Bibe, mins åd triviè l'Djezus-Cri il a stî adopté på Pere. I gn a k'Djezus k'est l'Fi k'a skepyî do Pere.
Rivni al copete
Vey li profil di l' uzeu Evoyî on messaedje privé
Ougnoune
Guest





MessaedjeDate: dju 14 djl, 2005 14:58:42    Sudjet: Responde tot citant

1. L' Bénvnuåmonde, a djôzé do/dsus l' Dårwonisse.
2. Vorila avou on Diè ? n' avîz nén dit k' i n' é nn'a nén d' pus ki d' maîsse po vos ?
Rivni al copete
Djor



Date d' arivêye: 2005-07-02
Messaedjes: 240
Eplaeçmint: Sint-Serwai

MessaedjeDate: dju 14 djl, 2005 16:52:54    Sudjet: Responde tot citant

Ougnoune scrijha:
1. L' Bénvnuåmonde, a djôzé do/dsus l' Dårwonisse.
2. Vorila avou on Diè ? n' avîz nén dit k' i n' é nn'a nén d' pus ki d' maîsse po vos ?


Por mi, li Bon Diu n'est nén on diè, mins mi popa adoptif.
On diè, c'est dins ene rilidjon di djusse. Mins l'Evandjîle, leye, n'est nén ene rilidjon, mins on vicaedje.
Rivni al copete
Vey li profil di l' uzeu Evoyî on messaedje privé
djozewal



Date d' arivêye: 2005-07-01
Messaedjes: 307
Eplaeçmint: bagué !

MessaedjeDate: dju 14 djl, 2005 18:02:09    Sudjet: Responde tot citant

L' rilidjon dès catolikes n' èst nén djusse ? L' Èvandjile n' èst nén da lèye ? L' Bîbe n' èst nén da lèye ?
L' fi n' èst nén pus profète ki Måamèt ?
Dj'a deûr à shûre. Dèdjà k' ayîr lès Tèmwins Djvêåvå m' ont dit k'dji va manker l' 200.000ime plaece.

Pablo, voci. A vos d' lî fé dîre li vosse Wink
Rivni al copete
Vey li profil di l' uzeu Evoyî on messaedje privé Viziter l' waibe di l' uzeu Jabber
Ougne
Guest





MessaedjeDate: dju 14 djl, 2005 21:08:17    Sudjet: Responde tot citant

Dj’a tapé m’ dwèt à l’ astchèyance èt tchêre dissus “Lès Plintes 5/21-22 :

“Pokwè vos ètièster à nos roviyî ?
Vôrîz, vêci à djoke, po todi nos lèyî ?
Ramwinrnèz-nos à vos, Sègneû, on va rivnou;
Fièz-nos don raviker lès djoûs d’ ayîr.
Nos arîz-vos po d’ bon tapés foû ?
Èt co nos è volu ostant ? C’ èst pîre !”
Rivni al copete
Djor



Date d' arivêye: 2005-07-02
Messaedjes: 240
Eplaeçmint: Sint-Serwai

MessaedjeDate: vén 15 djl, 2005 8:39:37    Sudjet: Responde tot citant

djozewal scrijha:
L' rilidjon dès catolikes n' èst nén djusse ? L' Èvandjile n' èst nén da lèye ? L' Bîbe n' èst nén da lèye ?
L' fi n' èst nén pus profète ki Måamèt ?
Dj'a deûr à shûre. Dèdjà k' ayîr lès Tèmwins Djvêåvå m' ont dit k'dji va manker l' 200.000ime plaece.


Da leye? Avou «leye» copurdoz l' rilidjon? Adon c'est vraiy. L'Evandjile n'est nén dal rilidjon. Mins po ça, i fåt vey çou k'el mot «rlidjon» vout dire.

Ene rilidjon, c'est come ça. Li såvadje djin a veyou k'i gn a des aloumires, des draxhes, des schoyaedjes di tere, etch etch. Adon i s'a dit k'i gn a ene sakî la-hôt. Do côp i s'a metou a fé des "contrats" avou cisse bondiuzreye, e basti èn ôté, et fé des sacrifiyaedjes, po kel bondiuzreye n'el cotchesse nén. Avou l'ôté il a basti ene måjhon, pol mete didins, et ça a stî l'timpe. Po bén poleur fé tinkyî ses afwaires, li djin a payî èn ome po fé les sacrifiyaedjes, et c'est come ça k'on skepyî les cis k'on lome cohen èn ebreu, hiereus et grek et sacerdos e latén. Mot-a-mot ça dene «ofrixheu». C'est ça l'rilidjon.

Et les Djwifs ont yeu ene rilidjon. C'est po ça k'on trove divins l'Vî Testamint télmint des sonks et sonkinaedjes. C'est l'djin ki s'aveut avizé. Mins li Bon Diu s'a siervou d'leu rlidjon, paski c'estént les seus a ni s'awè adjnolé padvant les bondiuzreyes c'estént les grandiveus del istwere et ki les djins les avént yeu fwait des diès. Et comint k'i s'a siervou del rilidjon des Djwifs? Tot en aprestiyant l'tere po l'vinowe da Djezus-Cri. Mins disk'a vaici on cåze todi del rilidjon.

L'Evandjîle, c'est l'contråve. Ç' n'est pus l'djin ki s'avize. C'est l'Bon Diu ki s'avize a dischinde amon les djins. Li Fi do Bon Diu a prins on coir di djin, et esse li dairin et l'seu sacrifiyaedje sol croes, et raviker. Et il a dné l'vey ki n'finixh måy åzès cis ki croeynut e lu, et promete d'els fé raviker, al copete do timp, po rexhe del espåce-timp et viker avou lu et avou ls ôtes po todi.

Dit tot court, c'est ça l'grande difrince etur li rlidjon et l'Evandjîle.

Mins après l'erezeye da Constantin, ki vout dire kel Eglijhe s'a mariyî avou l'Estat, les djin d'avå les voyes si "fjhént crustins" po esse "come tot l'monde". Et ces djins la (k'estént nos tayons) ont comaxhî leu veye rilidjon avou l'Evandjîle. Ons a cmincî a prinde li curé po on ofrixheu, on lyî a payî des messes, et s'mete a aloumer des loumires po té ou té sint; et bråmint des diès payins, on les a fwait des sints, po s'poleur adjnolî padvant zels co on côp. Et totes les dièresses payinnes, ons a tot metou sol Aviedje Mareye.

Adon, sacwants d'etur vozôtes, vos vs sovnoz co, cwand vos estîz ptits - vos av' sitî des coråls eto motoit bén - k'on fjheut messe e latén, k'ons aveut des osteyes come des biscots d'prandjirons, al plaece do vraiy pwin, etch etch. Ça n'rishonne nén avou çk'on lét divins l'live des Ouves des Aposses u dvins les 4 lives del Evandjîle.

Sacwantès djins do 2inme concile da Vatican on sayî d'foute li rlidjon a l'ouxh. Des ôtes s'ont eraedjî todi pus. Des ôtes n'ont nén foutou l'rilidjon evoye, mins tot l'contråve, il ont foutou l'Bon Diu a l'ouxh et wårder bén li rlidjon. Li dairene a stî l'pus åjheye: paski l'rilidjon fwait moussî les cwårs.
Rivni al copete
Vey li profil di l' uzeu Evoyî on messaedje privé
Mostrer les messaedjes des dierin(ne)s:   
Sicrire on novea sudjet   Responde å sudjet    Djivêye des foroms di Berdelaedjes -> Berdelaedjes Totes les eures sont a GMT + 2 eures
Potchî al pådje Di dvant  1, 2, 3, 4  Shuvant
Pådje 3 so 4

 
Potchî a:  
Vos n' poloz nén enonder des noveas sudjets dins ç' forom ci
Vos n' poloz nén responde a des sudjets k' i gn a dins ç' forom ci
Vos n' poloz nén candjî vos messaedjes dins ç' forom ci
Vos n' poloz nén disfacer vos messaedjes dins ç' forom ci
Vos n' poloz nén vôter dins les ploncaedjes di ç' forom ci


Powered by phpBB © 2001 phpBB Group