|
Berdelaedjes Forom di berdelaedjes e walon, so tot l' minme ké sudjet
|
Vey sudjet di dvant :: Vey sudjet shuvant |
Oteur |
Messaedje |
lucyin
Date d' arivêye: 2005-07-07 Messaedjes: 3677 Eplaeçmint: Sidi Smayil, Marok
|
Date: sem 06 djn, 2009 11:17:26 Sudjet: lingaedje / linwe / langue |
|
|
Djozé dmanda
Citåcion: |
"lingaedje", "linwe" et "langue". : Si "linwincieus", pokwè nén linwaedje ?
[08:52:53] <djozewal@gmail.com> ..èt "langue" c' èst tot djusse do françès ! |
Li fondaedje, c' est foirt compliké. I fåt aconter 36.000 idêyes. Et come direut L. Hendschel : "Les lingaedjes sont tot såf racionels: i sont bastis tertos al taxhlete pa cint meye halcotîs, avou tchaeke si idêye."
"linwe" a apité (londjinnmint) do latén.
"lingaedje" a stî calké do francès avou rwalonijhaeje -je => -dje, et nén do latén, come linwe. Li prouve : a Lidje, i dijhnut "lingAdje" nén linguèdje, come ça divreut esse avou l' cawete -aedje. c' est on mot k' a dvou passer e walon diviè 1900.
"langue" a stî calké setchmint do francès, po "lingaedje" (çou ki fwait l' diferince avou l' linwe k' est dins l' boke). C' est les djins k' ont tchoezi çoula, aprume cwand on-z a stî a scole, et-z aprinde des langues etrindjires" (diviè 1950 ?). Faleut i l' accepter ? Onk des prumîs "ehåyeus do walon", Rodjî Viroux, fijheut bén l' diferince. Et-z eployî tofer "langue" dins ses scrijhaedjes sol croejhete walone dins "Noveles d' après l' Ban-bwès". Les rfondeus si doevnut eto rashir so le suzances des cis k' ont vnou dvant zels.
Les dierins noûmots, "linwince, linwincieus, linwe-ehåyaedje" (askepyîs des rfondeus) sont rfwaits sol bodje "linwe". _________________ Li ci ki n' a k' on toû n' vike k' on djoû. |
|
Rivni al copete |
|
|
djozewal
Date d' arivêye: 2005-07-01 Messaedjes: 307 Eplaeçmint: bagué !
|
Date: sem 06 djn, 2009 14:15:23 Sudjet: |
|
|
Si on rigripe djusk' au latén : lingua = langue k' on sititche au ddins dès lèbes dins on nén à picètes-bètch.
Dischindant d' sakants scayons, èviè 960, po cåzer c' èst l' "langaige". Haust, dit bén k' "langue" c' èst do françès.
Adon, si linwe va avou linwincieus, evd, ça dwèt d' aler avou linwaedje.
A m' n' idêye, l' rifondaedje a à dimèrer lodjike avou li-minme
Wårdèz langue, si vos l' volèz, po lès french-kisses odobén, po è fé bisker dès ôtes, po lès tongkuss. |
|
Rivni al copete |
|
|
|
|
Vos n' poloz nén enonder des noveas sudjets dins ç' forom ci Vos n' poloz nén responde a des sudjets k' i gn a dins ç' forom ci Vos n' poloz nén candjî vos messaedjes dins ç' forom ci Vos n' poloz nén disfacer vos messaedjes dins ç' forom ci Vos n' poloz nén vôter dins les ploncaedjes di ç' forom ci
|
Powered by phpBB © 2001 phpBB Group
|