Berdelaedjes

[lucyin]

pougneye / pougnêye = bressêye / bresseye : ça pout esse 1. li contnou d' on pougn, 2. li pårticipe erirece di "pougnî" (çou k' a stî pougnî) => did la les disfondowes d' après Nameur et Tchålerwè : pougnîye, bressîye => on rfondreut avou les deus ?

Minme aroke : airêye / aireye (contnou d' ene aire di cotiaedje / çou k' a stî airyî e-n on cotiaedje).
_________________
Li ci ki n' a k' on toû n' vike k' on djoû.

[djan-djan]

Et paskeye - paskêye?

Amon nosôtes on direut purade paskêye et nén paskîye... Gn a-t i ene sawouce ewou çk' on dit paskîye? Dabôr ni fåreut i nén tchoezi paskêye?

Ene råjhon pos awè tchoezi paskeye purade ki paskêye?
_________________
Mi copiutrece cåze walon -> http://walotux.walon.org

[lucyin]

"paskîye" après Djanmoiû, Montniye-Tiyoû, Nålene, li Moncea-so-Sambe.

E picård : pasquille; dji m' dimande si ci n' est nén francès.

Li diferince avou les ôtes, c' est ki l' bodje n'est nén clair : ci n' est nén ene "pask" k' on pôreut rimpli; ci n' est nén on viebe "paskî" k' on-z åreut fwait l' accion.

=> rifondaedje come li cawete îye / eye (Waloneye).

Les cis di dvant :
pougn => çou k' gn a dins l' pougn = pougnêye; prinde avou l' pougn = pougnî; çou k' on-z a prins avou l' pougn = ene pougneye.
_________________
Li ci ki n' a k' on toû n' vike k' on djoû.

[lucyin]

Dj' a rmetou l' mot "paskeye" sol Wiccionaire, avou les noveles "formules"

http://wa.wiktionary.org/wiki/paskeye

Si vos vloz fé des intrêyes foirt simpes, end a eto :

http://wa.wiktionary.org/wiki/deus

Djan, Vos pôrîz insi fé intrer tenawete on mot ki vos avoz bouté so l' prononçaedje AFE

Voci l' formule po on mot "waitatikeltchénnthagne"

Sicrire li mot dins l' purnea ådzeu a hintche, u, co mî, el mete dins l' djivêye des letes

http://wa.wiktionary.org/wiki/Totes_les_letes

Clitchîz dsu

Dins l' vude purnea, hinez ces ratchatchas cis :

== {{=wa=}} ==
{{==Pr}}
{{Mwpr}} (cial, vosse sicrijhaedje AFE){{/co}}

{{np}} (li no del pådje si mete otomaticmint)

{{==Ra}}
{{fr}} => li ratournaedje e francès

{{nodef}} (Po dire k' i gn a èn ôte ki vos ki doet scrire li definixha e walon)
_________________
Li ci ki n' a k' on toû n' vike k' on djoû.