Djivêye des foroms di Berdelaedjes Berdelaedjes
Forom di berdelaedjes e walon, so tot l' minme ké sudjet
 
 FAQFAQ   CweriCweri   Djivêye des mimbesDjivêye des mimbes   Groupes d' uzeusGroupes d' uzeus   Si fé mimbeSi fé mimbe 
 ProfilProfil   Lére les messaedjes privésLére les messaedjes privés   S' elodjîS' elodjî 

Tecses des zapatisses di l' EZLN
Potchî al pådje 1, 2, 3  Shuvant
 
Sicrire on novea sudjet   Responde å sudjet    Djivêye des foroms di Berdelaedjes -> Berdelaedjes
Vey sudjet di dvant :: Vey sudjet shuvant  
Oteur Messaedje
Pablo Saratxaga
Site Admin


Date d' arivêye: 2005-07-01
Messaedjes: 1148
Eplaeçmint: Oûpêye

MessaedjeDate: sem 02 djl, 2005 14:21:06    Sudjet: Tecses des zapatisses di l' EZLN Responde tot citant

Ces dierins djoûs l' Årmêye zapatisse di liberåcion nåcionåle (EZLN) do Tchiapas, a scrît ene séreye di tecses et comunikés ki m' ont fwait ene miete candjî mes idêyes; c' est ene miete cåze di çoula ki dj' a drovou cisse waibe di berdelaedjes chal.

Dji pinse ki c' est la ene sacwè ki va-st amoenner des grands candjmints, nén seulmint å Mecsike, mins so tote li bole; motoit dji m' brouye, mins do moens dj' a-st ataké a fé des sondjes et a croere ki dmwin c' est après ouy, c' est ddja åk, çoula.

Po si ça pout interesser des ôtès djins, dji mete ces tecses la, rimetous e walon, dins ç' fyi d' berdelaedje ci.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Guest






MessaedjeDate: sem 02 djl, 2005 14:51:56    Sudjet: Re: Tecses des zapatisses di l' EZLN Responde tot citant

Pablo Saratxaga scrijha:
Dji pinse ki c' est la ene sacwè ki va-st amoenner des grands candjmints, nén seulmint å Mecsike, mins so tote li bole; motoit dji m' brouye, mins do moens dj' a-st ataké a fé des sondjes et a croere ki dmwin c' est après ouy, c' est ddja åk, çoula.

Po si ça pout interesser des ôtès djins, dji mete ces tecses la, rimetous e walon, dins ç' fyi d' berdelaedje ci.


Dimwin c' èst dèdjà ayîr.
Sondjî pout fé mia passer à l' ake.
Rèver c' èst todi soktèyî.

Carlos a faît dès djonnes ? Kwè c' èst-i ki c' èst ?

"Emoticons" : grimaceûs ? mouwås ?
Rivni al copete
Pablo Saratxaga
Site Admin


Date d' arivêye: 2005-07-01
Messaedjes: 1148
Eplaeçmint: Oûpêye

MessaedjeDate: sem 02 djl, 2005 15:05:40    Sudjet: Rodje abranle Responde tot citant

ça fjheut ddja kékès anêyes (dispoy 1994) ki les indyins do Chiapas s' avént astampé, li fizik al mwin, po leus droets; et k' i s' manaedjént zelminmes, påjhûlmint.
On les pinséve rovyîs, et c' est seur çou ki l' govienmint mecsikin åreut vlou, po les pleur on djoû spotchî cwand on sereut-st ocupé a rwaitî ôte pårt.

Mins vola, totes ces anêyes, i n' avént nén doirmou, i s' avént preparé po l' etape shuvante, il avént apris, et cwand ci fourit l' moumint, rataker a avancî.

Tot esteut påjhûle, poy i gn ourit on comuniké po dire ki tos les candidats po les vôtaedjes di 2006 esteunt piron parey, li PRI (pårti del revolucion institucionele), li PRD (pårti del revolucion democratike) ou l' PAN (ki dji n' sai pus çou k' ça vout dire); k' i s' polént bén dire di hintche et mete "revolucion" dins leu no, c' est ås frûts k' on ricnoxhe l' åbe; et tos les frûts di tos les cis k' ont stî vôtés dins ses pårtis la, c' est des frûts ki dnèt pus di pôvristé, pus di mannixhaedje del Daegn, pus di piete di sovrinnté do payis,... pus di neyoliberalisse. L' EZLN lait bén clair k' i n' vout rén saveur et rén fé avou ses djins la ki cåzèt avou ene fortchowe linwe.

Et poy vina, come ene grande aloumire dins on cir d' esté,
li rodje abranle djeneråle; ki nolu n' si ratindeut; vochal li tecse

(e castiyan, sol waibe di l' EZLN)

------------------
Comuniké do comité clandestin revolucionåre indidjinne-comandance djeneråle di l' årmêye zapatisse di liberåcion nåcionåle (CCRI-CG).

Mecsike.
19 di djun 2005.

Å peupe do Mecsike:
Åzès peupes del Daegn:
Frés et sours:

A pårti d' ouy, l' årmêye zapatisse di liberåcion nåcionåle a decreté,
so tot l' teritwere rebele, ene

RODJE ABRANLE DJENERÅLE.

sol båze di çoula nos vos comunicans:

Prumirmint.- ki pol moumint nos estans ki cloyans les "caracoles" eyet les conseys di bon govienmint ki s' trovèt ezès cominåltés zapatisses d' Oventik, La Realidad, La Garrucha, Morelia eyet Roberto Barrios, tot come les sidjes des otorités des diferinnès comenes otonomes rebeles zapatisses.

Deujhinmint,- ki nos fjhans eto l' evacuwåcion des mimbes des diferins bons govienmints eyet des otorités otonomes, po lzes mete a houte.
Asteure, et po on tins nén defini, i front leu bouye di manire clandestine eyet nomade. Ossu bén les pordjets tot come li govienmint otonome vont continouwer d' ovrer, djusse dizo des condicions diferinnes ki disk' asteure.

Troejhinmint,- ki dins les diferins "caracoles" continouwront a fonccioner les siervices di santé del cominålté. Ces siervices sont fwaits pa des civils, kel CCRI-CG di l' EZLN distaetche di tot l' minme li kéne di nos accions a vni, et ki nos dmandans po ces djins k' i soeyexhe traitîs come des civils del pårt des foices do govienmint, avou l' respet po leu veye, leu liberté et leus béns.

Cwatrinmint,- k' on-z a rhoukî tos les elemints di nosse EZLN ki s' fjhént des ovraedjes sociås dins les cminåltés zapatisse, et ki nos tropes regulires ont rintré ås cazers. Del minme manire, ont stî djokés, po on tins nén defini, totes les transmissions radio di Radio Insurgente, "li vwès des sins vwès", ossu bén e frecwince modulêye ki dins les coûtès wachlires.

Cénkinmint,- ki, e minme tins ki l' eplaidaedje di ç' comuniké chal, on dmande åzès soces civiles nåcionåles eyet eternåcionåles ki s' trovèt a fé des ovraedjes dins les campmints pol påye et des pordjets dins des cominåltés, po k' i cwitexhe li teritwere rebele, oudonbén, si c' est la leu libe et volontaire decidaedje, po k' i dmorexhe a leu prôpe tchedje et risse rigroupés dins les "caracoles". Dins l' cas des efants, leu bagaedje est obligatwere.

Shijhinmint,- ki l' EZLN anonce li cloyaedje do cinte d' informåcion zapatisse (CIZ) nén sins dvant rimercyî les soces civiles k' î ont pårticipé, dispoy si askepiaedje disk' a ådjourdu.
Li CCRI-CG di l' EZLN distaetche formelmint totes ces djins di tote responsåvitsé åd fwait des accions a vni ki frè l' EZLN.

Setinmint,- ki l' EZLN distaetche totes les djins et sosce civiles, politikes, cultureles, citweyinnes, nén govienmintåles, comités d' solidaristé eyet groupes d' aspoyaedje ki s' ont aprepyî a l' EZLN dispoy 1994, di tote responsåvisté åd fwait des accions a vni.
Nos rmercians a tertos et tertotes ki, avou sincertié et onierstruté, so ces cåzu doze ans nos ont aspoyî dins l' lûte civile eyet pacifike des indidjinnes zapatisses pol ricnoxhance constitucionele des droets eyet culteure indidjinnes.

Democraceye!
Liberté!
Djustice!

Des montinnes do sudess mecsikin.

Pol comité clandestin revolucionåre indidjinne-comandance djeneråle di l' årmêye zapatisse di liberåcion nåcionåle.

Dizo-cmandant insurdjint Marcos.
Mecsike, e shijhinme moes d' l' anêye 2005


Candjî pol dierin côp pa Pablo Saratxaga, li dju 14 djl, 2005 21:37:30; candjî 1 feye
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Pablo Saratxaga
Site Admin


Date d' arivêye: 2005-07-01
Messaedjes: 1148
Eplaeçmint: Oûpêye

MessaedjeDate: sem 02 djl, 2005 15:13:41    Sudjet: Re: Tecses des zapatisses di l' EZLN Responde tot citant

Anonymous scrijha:

Sondjî pout fé mia passer à l' ake.


Oyi.
C' est nén tot l' minme ké sondje; c' est on sondje wice ki çou k' on djheut esse impossibe divént possibe.

Citåcion:

Carlos a faît dès djonnes ? Kwè c' èst-i ki c' èst ?


Dji n' sai nén, di ké Carlos/Tchåle cåzez vs?

Citåcion:

"Emoticons" : grimaceûs ? mouwås ?


Po ça metoz l' dins l' seccion Ratournaedje et tecnike do forom
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Guest






MessaedjeDate: sem 02 djl, 2005 17:57:11    Sudjet: Responde tot citant

Citåcion:
Dji n' sai nén, di ké Carlos/Tchåle cåzez vs?


Ereû ki n' èsteût nén djusse. Dins cit Lèdjinde d' "os", c' è st-au Marc ki dji pinséve èt m' brouyî.
D' Marcos on cauzéve pus, come i shonne awè signî l' tècse, l' voci don dispièrté èt bômer l' abranle.

(On son ki pout doner on sintumint d' fièsse, di tristèsse, a-t-i ène coleûr ?)
Rivni al copete
Pablo Saratxaga
Site Admin


Date d' arivêye: 2005-07-01
Messaedjes: 1148
Eplaeçmint: Oûpêye

MessaedjeDate: dim 03 djl, 2005 12:26:41    Sudjet: Responde tot citant

Citåcion:

Ereû ki n' èsteût nén djusse. Dins cit Lèdjinde d' "os", c' è st-au Marc ki dji pinséve èt m' brouyî.
D' Marcos on cauzéve pus, come i shonne awè signî l' tècse, l' voci don dispièrté èt bômer l' abranle.


Ah, c' est do Marcos ki vos cåzîz; oyi, il a scrît kékes comunikés, nén tos, paski, djustumint, li novele etape fwait k' i gn a des candjmints; vos aloz vey, dji va poster les ratournaedjes a onk tchaeke djoû, po wårder l' minme suspinse ki dins ls oridjinnås :-)

Mins c' est des mwaisses comunikeus; dji n' sai nén si vos avîz léjhou l' istwere di match di fotbale avou l' Inter di Milan; mins c' esteut ene mwaisse idêye çoula, ene biesse istwere, nén polemike, drole, di cwè s' ritrover dins totes les gazetes, djusse çou k' i faleut po abetchî les djins et afroyî l' voye pos les comunikés k' ont shuvou, come cisse rodje abranle djeneråle et les cis k' ont vnou après.

Citåcion:

(On son ki pout doner on sintumint d' fièsse, di tristèsse, a-t-i ène coleûr ?)


Vos voeroz bén al fén.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Pablo Saratxaga
Site Admin


Date d' arivêye: 2005-07-01
Messaedjes: 1148
Eplaeçmint: Oûpêye

MessaedjeDate: dim 03 djl, 2005 12:35:59    Sudjet: Responde tot citant

Çoula c' est çou k' a shuvou djusse après (li djoû d' après) li comuniké d' rodje abranle djeneråle; i n' dit nén grand tchoi, mins esplike ki l' abranle n' est nén ene sacwè d' fwait so on côp d' tiesse, et k' i sont foirt serieus:

---------------------------
Comuniké do comité clandestin revolucionåre indidjinne-comandance djeneråle di l' årmêye zapatisse di liberåcion nåcionåle (CCRI-CG).

Mecsike.
20 di djun 2005.

Å peupe do Mecsike:
Åzès peupes del Daegn:
Frés et sours:

Prumî et seu pont.- Nos vos informans ki, dispu l' mitan d' l' anêye 2002, l' EZLN a-st ataké on porcessus di radjinçnaedje di si estructeure politico-militåre. Ci dvintrin radjinçnaedje la a stî fini.

Nos avans asteure les condicions k' i fåt po sorviker, a ene atake ou accion d' l' innmi ki distrureut nosse direccion k' on-z a pol moumint, ou minme s' i sayreut di nos macsåder totafwait.

Les schålons di comandmint eyet l' succession des responsåvistés ont stî definis pår, tot come les accions et mzeures a prinde dins l' cas ki nos seréns atakés påzès foices do govienmint eyet ses paramilitaires.

Li CCRI-CG di l' EZLN comunike k' il est e condicions di continouwer d' moenner l' lûte zapatisse, minme s' i piedreut, ki ça soeye pa egayolaedje, touwaedje, ou foirci disparexhaedje, d' ene pårteye ou del totalité di si direccion publicmint cnoxhowe do moumint.

Vola tot.

Democraceye!
Liberté!
Djustice!

Des montinnes do sudess mecsikin.

Pol comité clandestin revolucionåre indidjinne-comandance djeneråle di l' årmêye zapatisse di liberåcion nåcionåle.

Dizo-cmandant insurdjint Marcos.
Mecsike, e shijhinme moes d' l' anêye 2005
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
djozewal



Date d' arivêye: 2005-07-01
Messaedjes: 307
Eplaeçmint: bagué !

MessaedjeDate: dim 03 djl, 2005 17:29:58    Sudjet: Responde tot citant

Is rènondenut don èt s' apruster à ène bate di xhavêyes. Ké dalaedje s' is s' fêyenut ataker avou tot "cki-faut-pou" !
Vont-is awè l' coraedje di n' nén è nn'ariver à rauvler dès feûmes èt à fé pèter è l' êr dès inoncints ?

"Marcos" -on seûl ome ? ène miète do djinre Che po awè faît dès ètudes- n' a don nén arivé à mia k' lès Pancho Vila èt Zapata -k' èstîne dès peones.
Rivni al copete
Vey li profil di l' uzeu Evoyî on messaedje privé Viziter l' waibe di l' uzeu Jabber
Pablo Saratxaga
Site Admin


Date d' arivêye: 2005-07-01
Messaedjes: 1148
Eplaeçmint: Oûpêye

MessaedjeDate: dim 03 djl, 2005 18:34:06    Sudjet: Responde tot citant

Eplaidî l' minme djoû ki l' comuniké sol divintrin radjinànaedje, vochal li ci ki dene les råjhons del rodje abranle djeneråle

---------------------------
Comuniké do comité clandestin revolucionåre indidjinne-comandance djeneråle di l' årmêye zapatisse di liberåcion nåcionåle (CCRI-CG).

Mecsike.
20 di djun 2005.

Å peupe do Mecsike:
Åzès peupes del Daegn:
Frés et sours:

Prumirmint.- come çoula a ddja stî fwait publik, a pårti do djoû 19 di djun d' 2005, l' årmêye zapatisse di liberåcion nåcionåle, a establi li rodje abranle djeneråle sol teritwere rebele.

Li råjhon di cisse rodje abranle djeneråle la c' est kel comité clandestin revolucionåre indidjinne-comandance djeneråle di l' EZLN a houkî po consulter ses tropes insurdjintes, tos les comandants eyet comandantes, les responsåves redjonås et locås, eyet ses bazes d' aspoyaedje.

Cisse rodje abranle ci c' est ene mezeure di precåcion definsive, come vos vs poloz rmimbrer, e fevrî 1995, sol tins ki l' EZLN fijheut on consultaedje divintrin, i fourit-st ataké påzès foices do govienmint, a ç' moumint la, li trayixhaedje a stî fwait pa Ernesto Zedillo Ponce de León (k' esteut adon tchîf di l' egzecutif federå, dj' ô bén, prezidint do Mecsike, et k' est asteure eployî pa des eterprijhes transnåcionåles) eyet Esteban Moctezuma Barragán (k' esteut adon sicretaire di goviernance eyet asteure eployî da Salinas Pliego).

Deujhinmint.- e ci consultaedje divintrin...

* li direccion di l' EZLN fwait ene ricnoxhance do sacrifice, prezince eyet atitude eroyike di ses bazes d' aspoyaedje, responsåves, milicyins et milicyinnes eyet des insurdjints et insurdjintes, so cisse termene di cåzu 12 ans di guere et rezistance, totes les bounès sacwès k' nos avans fwait et çou k' nos avans reyussi çoula a stî gråces a zeles et a yeuss.
Les arokes eyet flotches k' ont stî fwaits ont stî del responsåviste esclusive del direccion zapatisse.

* li CCRI-CG di l' EZLN prezinte pol moumint a ses mimbes on bilan d' l' etape ki noste organizåcion si trove, eyet ene analijhe del situwåcion nåcionåle do moumint, di pus, i propôze a ses bazes d' aspoyaedje, ki c' est li pus hôt comandmint di nosse movmint, on novea pas dins l' lûte, on pas ki vout dire, inte d' ôtes sacwès, di risker di piede li bråmint k' a stî wangnî, eyet k' li persecutaedje eyet les rujhes siconte des cominåltés zapatisse divegne pus grand.

* po çoula, å moumint d' cåzer avou ses mimbes, l' EZLN lezî rind l' parole k' aveut stî prustêye li prumî d' djanvî 1994. Tos les zapatisses ont asteure li liberté moråle di shuve li voye ou nén avou l' EZLN, dins l' pas shuvant k' on ndè discute pol moumint, dins l' cas k' i soeye accepté pal madjorité.

Troejhinmint.- cwand ci dvintrin discutaedje serè fwait, nos frans cnoxhe li rzultat a l' opinion publike nåcionåle eyet eternåcionåle.

Democraceye!
Liberté!
Djustice!

Des montinnes do sudess mecsikin.

Pol comité clandestin revolucionåre indidjinne-comandance djeneråle di l' årmêye zapatisse di liberåcion nåcionåle.

Dizo-cmandant insurdjint Marcos.
Mecsike, e shijhinme moes d' l' anêye 2005.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Pablo Saratxaga
Site Admin


Date d' arivêye: 2005-07-01
Messaedjes: 1148
Eplaeçmint: Oûpêye

MessaedjeDate: dim 03 djl, 2005 18:41:57    Sudjet: Responde tot citant

djozewal scrijha:
Is rènondenut don èt s' apruster à ène bate di xhavêyes. Ké dalaedje s' is s' fêyenut ataker avou tot "cki-faut-pou" !


Come li lete d' esplicaedjes el dit, c' est djustumint po prinde les dvants et nén s' leyî ataker.
Li lete d' esplicaedje dit avou ki les discutaedjes å dvins d' l' EZLN vont esse foirt dimocratikes, avou l' rizultant dvant esse decidé pal madjorité, li rzultant comuniké a tertos, eyet dnant tote liberté po les cis ki n' serént nén d' acoird di shure li voye ki sereut decidêye di nel nén shure.

Citåcion:

"Marcos" -on seûl ome ? ène miète do djinre Che po awè faît dès ètudes- n' a don nén arivé à mia k' lès Pancho Vila èt Zapata -k' èstîne dès peones.


Dji n' so nén seur ki "Marcos" egzistêye po do bon; c' est motoit bén ene imådje fabrikêye, po djustumint fé passer les messaedjes a on publik di tuzance individualisse k' åreut do må d' comprinde ki çou ki conte li pus c' est nén on no ou ene djin mins li cominålté.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Guest






MessaedjeDate: dim 03 djl, 2005 19:12:00    Sudjet: Responde tot citant

Parèt qui li dizo-comandant Marcos a faît dès fwatès ètudes. Todi est-ce t'i qu'il si disbrouye fwârt bin avou lès novèlès indjoles. L' avnîr' nos va pitète dîre kwè èt kèsse on djoû. Aloz sawè.
Rivni al copete
Pablo Saratxaga
Site Admin


Date d' arivêye: 2005-07-01
Messaedjes: 1148
Eplaeçmint: Oûpêye

MessaedjeDate: dim 03 djl, 2005 20:06:03    Sudjet: Responde tot citant

Anonymous scrijha:
Parèt qui li dizo-comandant Marcos a faît dès fwatès ètudes. Todi est-ce t'i qu'il si disbrouye fwârt bin avou lès novèlès indjoles. L' avnîr' nos va pitète dîre kwè èt kèsse on djoû. Aloz sawè.


Po les éndjoles dji n' è sait rén; mins c' est l' veur k' i screye foirt bén l' castiyan.

E 1994 les viyaedjes do Tchiapas estént les pus pôves do Mecsike, i gn aveut po insi dire rén; asteure i gn a des scoles, des cintes di santé, des sistinmes di transpoirt, des coperatives po fé crexhe les dinrêyes, des djenerateus electrikes, des radios, et minme des raloyaedjes al daegntoele; tot çoula fwait pa les djins zelminmes, avou, pa côps, des ptits côps d' pôce di soces d' ôte pårt, al condicion ki ces aidances la vnexhe sins nole condicion; les zapatisse n' ont måy accepté d' aidance ki n' les laireut nén totafwait libes; i n' ont måy accepté des aidances do govienmint.

Dji n' sai nén si Marcos va dire on djoû kî il est, po cweri après del ricnoxhance, i n' est nén a l' après ça.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Mostrer les messaedjes des dierin(ne)s:   
Sicrire on novea sudjet   Responde å sudjet    Djivêye des foroms di Berdelaedjes -> Berdelaedjes Totes les eures sont a GMT + 2 eures
Potchî al pådje 1, 2, 3  Shuvant
Pådje 1 so 3

 
Potchî a:  
Vos n' poloz nén enonder des noveas sudjets dins ç' forom ci
Vos n' poloz nén responde a des sudjets k' i gn a dins ç' forom ci
Vos n' poloz nén candjî vos messaedjes dins ç' forom ci
Vos n' poloz nén disfacer vos messaedjes dins ç' forom ci
Vos n' poloz nén vôter dins les ploncaedjes di ç' forom ci


Powered by phpBB © 2001 phpBB Group