Djivêye des foroms di Berdelaedjes Berdelaedjes
Forom di berdelaedjes e walon, so tot l' minme ké sudjet
 
 FAQFAQ   CweriCweri   Djivêye des mimbesDjivêye des mimbes   Groupes d' uzeusGroupes d' uzeus   Si fé mimbeSi fé mimbe 
 ProfilProfil   Lére les messaedjes privésLére les messaedjes privés   S' elodjîS' elodjî 

Lingaedjes.

 
Sicrire on novea sudjet   Responde å sudjet    Djivêye des foroms di Berdelaedjes -> Berdelaedjes
Vey sudjet di dvant :: Vey sudjet shuvant  
Oteur Messaedje
Djor



Date d' arivêye: 2005-07-02
Messaedjes: 239
Eplaeçmint: Sint-Serwai

MessaedjeDate: dju 07 djl, 2005 14:57:56    Sudjet: Lingaedjes. Responde tot citant

Dj' a léjhou cåzumint tos les messaedjes; mins dj'a pinsé d'drovî on sudjet ki m' kimagne dispoy a pô près 2 moes: les lingaedjes et leu vicåreye.

Li françwès k'on cåze sol voye n'est nén l'minme kel cia k'on scrit so on bea papî. Co l'inglès... L'inglès ki dj'ô sol Ancient Faith Radio n'est nén l'minme kel cia ki dj'el ô del boke des barakîs.

I m' shonne k'avou l'walon c'est ene miete diferin. Li bea vî walon, on l'lét dvins les vîs lives; mins cwand k'on cåze et scrire, on roveye les beas mots... Et nén seulmint. Minme pal sicrijhaedje...

Pa egzimpe: li mot «termete» (do lat «transmittere») e bråmint pus lådje kel françwès "transmettre" k'est on noumot. Mins «termete», dj'el a trové seulmint on côp, divins on vî machin.

Sacwants lingaedjes ont stî ravikés. Tuzans al ebreu. Mins po nozôtes, i gn a des vîs mots walons k'i fåt raviker. Lucyén et Pablo discovrixhnut des vîs mots si les mete e l' motî, et co Chantal Denis a fwait l' minme sacwè. Mins dji croe ki noste aroke est todi avou l'eployaedje des vîs mots.

Pårdenez-m mi schite di cåzaedje, mins dj' sinteu l'dandjî d'el leyî.
Rivni al copete
Vey li profil di l' uzeu Evoyî on messaedje privé
djozewal



Date d' arivêye: 2005-07-01
Messaedjes: 307
Eplaeçmint: bagué !

MessaedjeDate: dju 07 djl, 2005 15:20:06    Sudjet: Responde tot citant

Vos duvrîz vos plonker dins RABUlèTS èt î rimète l' ouy dissus lès vîs mots k' on s' rafîye d' î sititchî.

Dji n' måy tchèyu dissus vosse "termete". Amon nos ôtes s' èstéve à l' "è rmète" k' on sayéve d' ariver. Rolling Eyes
Po "transmète" ène sakwè, on l' "passéve" au shûvant.
Au caûtes, on "trèpasséve" po "passer oute".
Au djeû bale, on ricasséve.

Mins c' èst l' vraîy k' sovént, pus rade ki d' n' fwardjî on noû mot odobén li scroter d' on ôte lingâdje on duvréve riprinde li vî, kite à l' ribrouxhter ène miète. Po l' ècsimpe : "Èlète" à l' place d' "Emile" k' è st-on ptit nom. Emîler c' èst covru d' ène sakwè ki clape o minme tchamoussî.
Rivni al copete
Vey li profil di l' uzeu Evoyî on messaedje privé Viziter l' waibe di l' uzeu Jabber
djozewal



Date d' arivêye: 2005-07-01
Messaedjes: 307
Eplaeçmint: bagué !

MessaedjeDate: dju 07 djl, 2005 15:29:40    Sudjet: Responde tot citant

Tins ki dj' î seû, voci d' èwou rèxhe "L' feume" :





Èsse k' ène sakî conèxhéve cit' fouyète di Tchalèrwè ? S' èstéve avant 40.
Rivni al copete
Vey li profil di l' uzeu Evoyî on messaedje privé Viziter l' waibe di l' uzeu Jabber
Djor



Date d' arivêye: 2005-07-02
Messaedjes: 239
Eplaeçmint: Sint-Serwai

MessaedjeDate: mår 12 djl, 2005 9:00:08    Sudjet: Responde tot citant

djozewal scrijha:
PISKI vêci on cauze di mots, sayète d’ èsplicaedjes: SOCE... SOCINE SOCIENE... SOÇON, SOICHON... SOISTÉ...


Gråces bråmint! Sortot po l' soiçté. Vos dirîz purade «shoshté»?

Come dji djheu: fåt rprinde les vîs mots.
Rivni al copete
Vey li profil di l' uzeu Evoyî on messaedje privé
djozewal



Date d' arivêye: 2005-07-01
Messaedjes: 307
Eplaeçmint: bagué !

MessaedjeDate: mår 12 djl, 2005 9:28:23    Sudjet: Responde tot citant

Po lès vîs mots, m' idêye n' a måy kandjî : c' èst lès nosses k' il nos faut lès riprindre èt nén lès cias d' ène ôte romane parintèle. Tchake lingaedje a shûvu s' prope voye èt î ramèchner sès faflotes di difèrinces.

L' filé "maximes" a stî, mi shène-t-i, èto ènondé po lès mots... minme si, pus sovént k' a leû toû, mès èsplikaedjes ni sont nén dès pus catolikes is n' sont nén lon èri dèl vèrité.


Voci ène pitite bistoke à Pablo. L' "rishènance" a stî waurdêye po tinu à iute si "kantali" Wink
Rivni al copete
Vey li profil di l' uzeu Evoyî on messaedje privé Viziter l' waibe di l' uzeu Jabber
Sins èhowe



Date d' arivêye: 2005-07-03
Messaedjes: 3

MessaedjeDate: mår 12 djl, 2005 9:31:03    Sudjet: Responde tot citant

C'èst vrèy qui bin sovint on pôreût r'trover l'usance dès vîs mots . Par ègzimpe avou l'euro , la qu'on veût asteûre dèl pitite manôye. Poqwè djâser di " çent'" la qui nos avons li cenne ou l' çans'( 2 cintimes) , li d'mèy cenne ou li d'mèy çans' ; 5 cintimes c'èst deûs çans' èt d'mèy, ou ine mastoke, ou ine clouche. Li problème c'èst dè poleûr rimète tot çoula al môde. Mins kimint fé, la qui nos n'avans câzî nole radio ou tèlèvûzion? I fâreût qui lès djins qui scrîyèt dès pîces po l' tèyâte s'ènnè chèvrît.
Divant l' guére di catwaze lès èfants r'çûvît ine cenne po leû dimègne. Avou çoula il ak'tît deûs caramèl â botike.
Rivni al copete
Vey li profil di l' uzeu Evoyî on messaedje privé
Pablo Saratxaga
Site Admin


Date d' arivêye: 2005-07-01
Messaedjes: 1012
Eplaeçmint: Oûpêye

MessaedjeDate: mår 12 djl, 2005 10:21:15    Sudjet: Responde tot citant

Djor scrijha:
djozewal scrijha:
PISKI vêci on cauze di mots, sayète d’ èsplicaedjes: SOCE... SOCINE SOCIENE... SOÇON, SOICHON... SOISTÉ...


Gråces bråmint! Sortot po l' soiçté. Vos dirîz purade «shoshté»?


on scrireut purade «soçté» e rfondou.

Po çou k' est del manoye, dj' eploye li mot "çanse", ça fwait 100 çanses po èn euro.

çanse ça vout dire 1/100 (ça vént do prononçaedje walon di "cent" olandès, djustumint); dji n' croe nén k' i fåt wårder l' viye valixhance d' 1 çanse = 2 cintemes d' i gn a 175 ans, d' ostant pus k' i gn a ddja yeu, kibén, 4, 5? candjmints d' manoye dispoy adon.

Ci sinse la di 1/100 d' euro s' trove dedja dins l' esplicant motî:
http://wa.wikipedia.org/wiki/Motî:çanse
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Guest






MessaedjeDate: mår 12 djl, 2005 11:33:00    Sudjet: Responde tot citant

Bof, lès Kèkèkwès ont zèls bin aurdé "piasse".
Voci l' tins d' l' eûrêye k' arive, s' costindje va passer oûte l' eûro. Tot rausse pus râde ki lès cins ki discrèxhenut...
On s' va sèrer s' cingue d' on trau.
Rivni al copete
Pablo Saratxaga
Site Admin


Date d' arivêye: 2005-07-01
Messaedjes: 1012
Eplaeçmint: Oûpêye

MessaedjeDate: mår 12 djl, 2005 11:47:00    Sudjet: Responde tot citant

djozewal scrijha:

Voci ène pitite bistoke à Pablo. L' "rishènance" a stî waurdêye po tinu à iute si "kantali" Wink


Gråces; l' imådje e pus grand si pout vey sol pådje da minne: http://chanae.walon.org/pablo/

Po les cis ki vôrént, dji lzès bistoke avou cisse lale:
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 2908
Eplaeçmint: Sidi Smayil, Marok

MessaedjeDate: vén 22 djl, 2005 1:50:26    Sudjet: Responde tot citant

sins-èhowe scrijha:
Par ègzimpe avou l'euro , la qu'on veût asteûre dèl pitite manôye. Poqwè djâser di " çent'" la qui nos avons li cenne ou l' çans'( 2 cintimes) , li d'mèy cenne ou li d'mèy çans' ; 5 cintimes c'èst deûs çans' èt d'mèy, ou ine mastoke, ou ine clouche.


On aveut sayî, avou Francis Baudoux :c' esteut so :
http://quicksitebuilder.cnet.com/francisbaudoux/sapuw/id7.html

(mins ça n' î est pus)

Mi, dji m' sieve co do mot "cene" po 0.01 uro.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Pablo Saratxaga
Site Admin


Date d' arivêye: 2005-07-01
Messaedjes: 1012
Eplaeçmint: Oûpêye

MessaedjeDate: sem 23 djl, 2005 13:22:09    Sudjet: Responde tot citant

lucyin scrijha:

On aveut sayî, avou Francis Baudoux :c' esteut so :
<hårdêye ki n' va pus>
(mins ça n' î est pus)


Si dji m' sovén bén (mins Francis nos pôrè dire cwè) c' esteut on
tåvlea avou po tchaeke sôre di pîce on ptit no walon;
mins dji n' so nén seur ki les djins asteure denrént on ptit no diferin
a tchaeke pîce di manoye; dji pinse k' asteure on eployrè djusse on
no po l' unité, eyet èn ôte po les cintinmes.

Citåcion:
Mi, dji m' sieve co do mot "cene" po 0.01 uro.


I fåreut radjouter l' mot dins l' motî.

"çanse" s' i trove dedja, avou l' sinse di 1/100 d' €.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Mostrer les messaedjes des dierin(ne)s:   
Sicrire on novea sudjet   Responde å sudjet    Djivêye des foroms di Berdelaedjes -> Berdelaedjes Totes les eures sont a GMT + 2 eures
Pådje 1 so 1

 
Potchî a:  
Vos n' poloz nén enonder des noveas sudjets dins ç' forom ci
Vos n' poloz nén responde a des sudjets k' i gn a dins ç' forom ci
Vos n' poloz nén candjî vos messaedjes dins ç' forom ci
Vos n' poloz nén disfacer vos messaedjes dins ç' forom ci
Vos n' poloz nén vôter dins les ploncaedjes di ç' forom ci


Powered by phpBB © 2001 phpBB Group