Djivêye des foroms di Berdelaedjes Berdelaedjes
Forom di berdelaedjes e walon, so tot l' minme ké sudjet
 
 FAQFAQ   CweriCweri   Djivêye des mimbesDjivêye des mimbes   Groupes d' uzeusGroupes d' uzeus   Si fé mimbeSi fé mimbe 
 ProfilProfil   Lére les messaedjes privésLére les messaedjes privés   S' elodjîS' elodjî 

Les terorisses ont cor on côp touwé...

 
Sicrire on novea sudjet   Responde å sudjet    Djivêye des foroms di Berdelaedjes -> Berdelaedjes
Vey sudjet di dvant :: Vey sudjet shuvant  
Oteur Messaedje
Pablo Saratxaga
Site Admin


Date d' arivêye: 2005-07-01
Messaedjes: 1148
Eplaeçmint: Oûpêye

MessaedjeDate: vén 04 djn, 2010 16:43:30    Sudjet: Les terorisses ont cor on côp touwé... Responde tot citant

L' Estat terorisse d' Israyel a, cor on côp, mostré k' i n' rispectêye nén les lwès, ni les djins.

Li flotile del liberté, 9 bateas k' apoirtént des rmédes, des djouwets, des materios d' costrujhaedje, evnd, po-z aidî les djins d' Gaza (teritwere palestinî ataké et distrût pa l' årmêye d' Israyel) a stî ataké pa des comandos årmés israyelyins cisse samwine ci.

L' atake a stî fwaite dins les aiwes eternåcionåles, çou k' est, sorlon les lwès eternåcionales, èn ake di piratreye.

Les sôdårds d' Israyel on cmincî a tirer, avou des vraiyès bales, so les civils dizårmés, endè touwant ene vintinne. Pu, distrure totes les prouves (cameras, fotos) eyet voler les mertchandijhes transportêyes, insi ki totes les afwaires personeles des djins ki î voyaedjént; eyet eprijhnî ces-ci dins on camp.

Mins ene camera a plou evoyî, e direk eyet via spoutnik, les imådjes di l' atake.
Les sorvicants racontèt eto comint il ont stî måtraitîs eyet torturés sicolodjicmint.

Israyel a rindou seulmint sacwants coirs des cis k' ont stî touwés; d' ôtes ont stî tapés a l' aiwe påzès sôdårds tant d' l' atake.
Des sorvicants acuzèt eto Israyel d' aveur ene lisse di djins a touwer.

Les movmints d' solidarité et d' aidance umanitaire declarèt k' i n' vont nén arester leus efoirts po-z apoirtèt d' l' aidance ås cis ci sofrixhèt a Gaza.
Li batea "Rachel Corrie", do no d' ene etazunyinne di 23 ans assazinêye e 2003 pa l' årmêye d' Israyel, saye eto d' ariver a Gaza.
Israyel dit k' i va responde del minme manire; eyet i gn a kékès eures on-z a pierdou l' contak avou l' "Rachel Corrie".

Disk' a cwand nos govienmints vont continouwer a leyî fé èn Estat sicotike eyet terorisse?
I fåreut shure l' egzimpe des ovrîs portuwaires suwedwès, ki rfuzèt di disbarker ou ebarker tot l' minme kéne martchandijhe vinant di ou alant a Israyel.
I fåreut shure l' egzimpe do Nicaragwa eyet taper foû l' ambassadeur d' Israyel eyet n' pus aveur di rlåcions diplomatikes tant k' i n' respectexhe nén les lwès eyet les droets del djin.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: sem 05 djn, 2010 8:25:55    Sudjet: Responde tot citant

Dj' a les pinses ki, di ç' côp ci, li batch si va rtourner sol pourcea.

Li Rweyåme crustin di Djeruzalem (minme afwaire ki l' Estat d' Israyel, si on rwaite li provnance des djins k' î estént mwaisses, et l' esplikêye rilidjeuse di s' fondmint) a duré di 1100 a 1178.

http://wa.wikipedia.org/wiki/Rwey%C3%A5me_di_Djeruzalem

Israyel a cmincî e 1948.

Ene atuze k' i fåreut spåde, asteure, c' est on *droet å rivnaedje* des Djwifs k' ont stî emacralé pa les Siyonisses e 1945-1950 aviè leus payis (ladvins gn a 200.000 Marokins). Sifwaitmint ki li droet å rivnaedje des Palestinîs tchessîs e 1948 so leus teres.

Todi bén mete l' adire inte l' Estat d' Israyel eyet li rlidjon djwive.

http://wa.wikipedia.org/wiki/Sconte-siyonisse

Sav bén ki, sorlon Ben Gourion lu-minme (èn istoryin di s' mestî), les dischindants (djenetikes) des djwifs do tins da Djezus, metans, c' est les Palestinîs (k' ont candjî di rlidjon diviè 700-750). 95 % des Israyelîs, c' est des colons, dj' ô bén des djins k' ont vnou d' èn ôte payis, sins aveur djamåy yeu NOU tayon el Palestene.

Fåt repeter eto ki si les Djwifs ont stî margougnîs el guere di 40, ci n' a måy sitî pa des Arabes. (Å Marok, metans, li Rwè Mohamed V, adon zultan n' a måy siné l' ordonance do Redjime di Vichy po cotchessî les Djwifs) => l' Estat djwif si dveut fé å mitan des teres des djins ki les ont dzindjné (e l' Almagne).

I fåt di tote foice ristudyî l' istwere po sayî di rexhe foû di cisse rascråwe la.
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Pablo Saratxaga
Site Admin


Date d' arivêye: 2005-07-01
Messaedjes: 1148
Eplaeçmint: Oûpêye

MessaedjeDate: dim 06 djn, 2010 11:47:19    Sudjet: Responde tot citant

lucyin scrijha:
I fåt di tote foice ristudyî l' istwere po sayî di rexhe foû di cisse rascråwe la.


Eyet adon on pout voere ki l' ideyolodjeye siyonisse vént do 19inme sieke (al grande epoke colonialisse); ça fwait ki ça n' a rén a vey avou on compinsaedje po çou k' a-st arivé tins del 2inme guere daegnrece.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Pablo Saratxaga
Site Admin


Date d' arivêye: 2005-07-01
Messaedjes: 1148
Eplaeçmint: Oûpêye

MessaedjeDate: dim 06 djn, 2010 12:13:42    Sudjet: Responde tot citant

Israyel dene come råjhon po n' nén leyî passer les bateas li "disfinse del sovringnté"...
mins les bateas vont-st a GAZA et NÉN a Israyel!

Oudonbén Israyel ocupêye militairmint Gaza; eyet adon il ont l' OBLIGÅCION di s' ocuper d' Gaza, di ses djins, k' il åyexhe a magnî, des måjhones, evnd.

Oudonbén Israyel s' a rtiré d' Gaza, come i djhèt; ey adon Israyel ni pout NÉN espaitchî tot l' minme kî d' î aler po-z apoirter tot l' minme cwè (seulmint l' otorité ledjitime di Gaza el pôreut fé)

On pout nén dire ene sacwè et ndè fé ene ôte.

Dji pinse ki, tot come po les djins, i gn a des maladeyes sicolodjikes, come li skizofreneye, ou li sicotisse; i gn a l' minme eto po les societés uminnes.
Si Israyel esteut ene djin, el fåreut raclôre dins èn ospitå po djins foirt dandjreuses.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Pablo Saratxaga
Site Admin


Date d' arivêye: 2005-07-01
Messaedjes: 1148
Eplaeçmint: Oûpêye

MessaedjeDate: dim 06 djn, 2010 12:15:12    Sudjet: Responde tot citant

Pus Israyel saye d' espaitchî les bateas d' ariver, pus end årè.

Les payis d' Amerike latene, di l' ALBA, ont-st anoncî k' il evoyront zels avou des bateas.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: dim 06 djn, 2010 13:34:13    Sudjet: Responde tot citant

C' est a cåze di ç' clintcha la, come les decidaedjes di l' ALBA,...

http://wa.wikipedia.org/wiki/ALBA

... ki dji di k' i gn a ene sacwè k' est candjant dins l' ôre eternåcionå. Pol PRUMÎ côp, li "fijhaedje d' ene môde", l' askepiaedje d' ene atuze (evoyî toplin des bateas) ki tos les medias vont shuve daegnreçmint, NI vént NéN des payis do Coûtchant. Et les ôtes payis les shuve come des ptits tchéns.

Av oyou li spitch da Erdowan li vénrdi ? Lu, èn aloyî des Estats Unis, i dit cråndimint k' Israyel a fwait do pirataedje cwand il apice on batea so les aiwes eternåcionåles. Et les Trouks amonter on dossî penå po-z amete Netanyahou et ds ôtes responsåves israyelîs divant on tribunå. I diynut noer so blanc k' i n' riprindront leus rlåcions normåles avou Israyel k' après k' il åyénxhe dizesseré Gaza. So l' uraniom, li Tourkeye a fwait èn acoird avou l' Iran et l' Braezi sins dmander l' åjhmince ås payis do Coûtchant.

Si l' ideyolodjeye siyonisse date do 19inme sieke, li sotnaedje d' Israyel pa les ptitès djins d' Urope (et d' Amerike bijhrece), c' est - sicolodjicmint - po dmander pardon ås djwifs po les macsådaedjes del 2inme guere daegnrece. Mins ciste idêye la n' est pus spådrece (prégnante) dins l' esprit des "djonnes" ki vont passer ås comandes politikes des payis do Coûtchant les anêyes ki vnèt (loukîz ddja Obama). Vont monter eto politicmint, pitchote a midjote, des efants et ptits-efants d' muzulmans ki, zels, ont èn advisse 100 % diferin so Israyel.

Si l' disparexhaedje d' Israyel si fwait e minme tins ki les revolucions a vni dins les payis arabes, les cis ki seront mwaisse adon, come dins totes les revolucions, ci serè des waraexhes. Et rcrinde on deujhinme olocosse. C' est po çoula k' i fåt, asteure dedja, tuzer a l' après-Israyel, eto po les djwifs. Ciste atuze la eto, ele ni pôrè måy djårner dins on payis do Coûtchant - les sicolokes et sociolokes, u l' bon sinse vos diront pocwè -.

Çou k' est l' pus disbåtchant dins tot çoula, c' est d' vey les Estats arabes ki sont-st edoirmous.
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Pablo Saratxaga
Site Admin


Date d' arivêye: 2005-07-01
Messaedjes: 1148
Eplaeçmint: Oûpêye

MessaedjeDate: lon 07 djn, 2010 11:09:38    Sudjet: Responde tot citant

Les aiwes do Bon Diu (dessinaedje da Allan Macdonald)

Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Pablo Saratxaga
Site Admin


Date d' arivêye: 2005-07-01
Messaedjes: 1148
Eplaeçmint: Oûpêye

MessaedjeDate: sem 12 djn, 2010 0:49:03    Sudjet: Responde tot citant

après les ovrîs des poirts suwedwès, ki rfuzèt d tcherdjî ou distcherdjî des bateas vnant ou alant a Israyel, c' est asteure les ovrîs des poirts del Norvedje ki djhèt k' i n' acceptèt pus d' aidî les terorisses.

Les dokers norvedjins front-st on boycote di deus samwinnes, a pårti do 15 di djun.

Et vos, cwè fjhoz vs?
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: mie 16 djn, 2010 12:11:25    Sudjet: Responde tot citant

Ene viye gaztresse, Helen Thomas, 87 ans, acreditêye al Blanke Måjhone, a oizou dire (come mi cial pus hôt) ki les djwifs ebagués viè Israyel e 1948 ey après restént les bénvnous dins leu payis d' provnance, come li Pologne et les Estats Unis.

Elle a stî atakêye pa tos costés, et a dvou "taper l' cote sol håye" ("rimete si dvantrin" di gaztrece otorijheye).

Dji n' m' aveu måy abaiti ki, minme ene "boune" idêye, lodjike eto, come cisse-lale, n' esteut nén politicmint comifåt ezès Stats Unis.

El pôreut on dire (et scrire) el Walonreye ?
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: dju 19 awo, 2010 13:26:07    Sudjet: Metou so Wikipedia Responde tot citant

Li sudjet a stî metou so Wikipedia.

http://wa.wikipedia.org/wiki/Atake_des_bateas_po_Gaza_%282010%29

On pout rmete ene paltêye, tot dmorant neute (aler vey so les ôtes Wiki, la k' gn a del "police").
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: vén 17 set, 2010 22:22:10    Sudjet: Responde tot citant

Des interessantès sacwès, lanawaire :

* Li fond d' pinsion del Norvedje a rsaetchî deus soces israyelires di ses actifs, pask' il aidént å colnijhaedje del Palestene (Africa Israel Investisments & Danya Cebus). Fåt saveur ki l' fond d' pinsion del Norvedje riçût tos les rivnous del petrole do payis. Ça fwait k' c' est onk des pus gros fonds sovrins sol Daegne.

* Li dierin live di Régis Debré "A un ami israélien" (Café Voltaire, Flammarion) metrè kécfeye des berikes ås politikîs d' Urope. Israyel est come on refoircî gamén al laide ådje, gåté pouri, k' on leye fé tot çou k' i vout, lyi vinde des fiziks, lyi atchter ses martchandeyes. :: Oyi, mins c' est l' Urope ki paye les Palestinîs po sorviker :: Tot subzidiant l' Palestene, ele ni fwait ki dishaler Israyel di dveur payî les costindjes di l' ocupåcion. Nén conter so l' Amerike po trover ene rexhowe al margaye Israyel-Palestene. L' Amerike, c' est èn Israyel k' a bén reyussi; Israyel, c' est ene Amerike k' a des rujhes. Mins, ambedeus, c' est des payis ki n' ont nou conte a rinde a nolu. Debré a scrît s' live après aveur sitî evoyî oficirmint e Palestene e 2006 pa Jacques Chirac, po dire cwè so çou ki s' passe låvå. "Come di djusse", si rapoirt n' a måy sitou eplaidî.

* Li djudjmint k' Israyel, c' est èn estat colnialisse a stî scrît noer so blanc pa Maxime Rodinson, on Djwif d' Urope, e 1967.
http://fr.wikipedia.org/wiki/Maxime_Rodinson#Le_conflit_palestinien
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Mostrer les messaedjes des dierin(ne)s:   
Sicrire on novea sudjet   Responde å sudjet    Djivêye des foroms di Berdelaedjes -> Berdelaedjes Totes les eures sont a GMT + 2 eures
Pådje 1 so 1

 
Potchî a:  
Vos n' poloz nén enonder des noveas sudjets dins ç' forom ci
Vos n' poloz nén responde a des sudjets k' i gn a dins ç' forom ci
Vos n' poloz nén candjî vos messaedjes dins ç' forom ci
Vos n' poloz nén disfacer vos messaedjes dins ç' forom ci
Vos n' poloz nén vôter dins les ploncaedjes di ç' forom ci


Powered by phpBB © 2001 phpBB Group