|
Berdelaedjes Forom di berdelaedjes e walon, so tot l' minme ké sudjet
|
Vey sudjet di dvant :: Vey sudjet shuvant |
Oteur |
Messaedje |
lucyin
Date d' arivêye: 2005-07-07 Messaedjes: 3758 Eplaeçmint: Sidi Smayil, Marok
|
Date: mie 26 dja, 2011 23:50:36 Sudjet: Revintreye tunizyinne |
|
|
Dj' aveu djåzé dins on fyi so Israyel des "revolucions arabes" a vni.
Dji n' tuzéve nén ki ça aléve ariver si rade, et co moens ki ça sereut e l' Tunizeye. Mågré ki dj' aveu stî stoumaké do dierin vôtaedje po l' prezidince (e moes d' octôbe). Mi sour î esteut e vacances cisse samwinne la. Dji lyi a dmandé si les djins cåzént des vôtaedjes; ele mi djha ki les tourisses ni djåzént waire avou les djins do payis.
Dji djheu eto sovint ki c' esteut honteus ki, dins les gazetes do Coûtchant, on n' critikéve måy li redjime tunizyin et todi taper l' hate ås Iranyins. Mågré k' les deus sistinmes politikes leyént ossu waire di libertés ås mierdjins.
Li diferince, pinse dju, c' est ki les ptitès djins totavå l' payis, li sistinme politike iranyin s' end ocupe bén. Dabôrd k' el Tunizeye, ci n' esteut ki les veyes metowes sol mer ki profitént do diswalpaedje economike. L' erî-payis esteut leyî hatch et match.
------
Ça fwait ki l' prumire revntreye arabe a-st adiercî s' côp... disk' asteure.
Ki : les capitalisses sayèt ddja di mete des xhames el voye : Moody & Standart & Poors ont baxhî li note do payis => il åront des cwårs a pruster pus tchir.
------
Cwè çk' on-z è dit avå l' Walonreye ?
-----
Et tot çoula gråce al Daegntoele et ås telefones axhlåves !!! _________________ Li ci ki n' a k' on toû n' vike k' on djoû. |
|
Rivni al copete |
|
|
lucyin
Date d' arivêye: 2005-07-07 Messaedjes: 3758 Eplaeçmint: Sidi Smayil, Marok
|
|
Rivni al copete |
|
|
lucyin
Date d' arivêye: 2005-07-07 Messaedjes: 3758 Eplaeçmint: Sidi Smayil, Marok
|
|
Rivni al copete |
|
|
lucyin
Date d' arivêye: 2005-07-07 Messaedjes: 3758 Eplaeçmint: Sidi Smayil, Marok
|
Date: sem 29 dja, 2011 2:12:59 Sudjet: |
|
|
Berdelaedje Lucyin / Djôr so "Kopete"
Lucyin : Ass veyou l' torea ?
Djôr : li foke? hahaha
Lucyin : on djheut çoula (a môde des djins des campagne k' alént a Lidje) po on grand etrevén.
sav bén ki Moubarek est a l' ouxh, ossu ? _________________ Li ci ki n' a k' on toû n' vike k' on djoû. |
|
Rivni al copete |
|
|
lucyin
Date d' arivêye: 2005-07-07 Messaedjes: 3758 Eplaeçmint: Sidi Smayil, Marok
|
Date: sem 29 dja, 2011 2:25:07 Sudjet: |
|
|
23:27:00 Sfasie Georges
ah bén? Moubarek eto?
23:29:20 Mahin Lucien
dji n' so nén co seur a 100 åcint, mins gn a do bardouxha toplin, et so El Djazeera, la ene eure, on anoncive k' on aléve dire cwè, oficirmint (li peupe shonne aveur prins li tévé; les sôdårs shonnèt esse avou zels; tos les gros colés ont peté å diale.
23:30:50 Sfasie Georges
youy
23:30:55 Sfasie Georges
asteure dj' a sogne
23:31:15 Sfasie Georges
ki ça n' divegne li minme diale k' e Perseye...
23:31:31 Sfasie Georges
cwand l' chah aveut stî evoye,
23:31:36 Sfasie Georges
tot l' monde s' a rafyî
23:31:56 Sfasie Georges
adon puis ons a veyou les traze sitoeles
23:32:47 Sfasie Georges
dj' ô bén, les islamisses ratindnut po haper l' pouvwer
23:32:57 Sfasie Georges
"democraticmint" et tot
23:33:03 Mahin Lucien
dins les payis arabe, totes les djins sont binåjhes, todi -- et mi avou --
23:35:15 Sfasie Georges
po les cias ki sont evoye do pouvwer e Tunizeye et in Edjipe?
23:35:32 Sfasie Georges
ou co bén po l' Iran, dandjureus...
23:35:35 Sfasie Georges
:)23:39:55 Mahin Lucien
el Tunizeye et l' Edjipe (les djins si sintèt tot près d' zels); on n' cåze waire di l' Iran, cial (mins on n' codåne nén l' redjime di låvå, come on l' fwait ezès payis do Coûtchant). Les djonnes ki sayèt d' aveur des racsegnes foû voye trovèt ki Amadi Najad est foirt simpe (i n' a nén vlou dimorer å palå).
23:42:16 Sfasie Georges
oyi, cwand k' ons est trop simpe, on s' mete a pinde des djins
23:42:33 Sfasie Georges
et les pôvès femes, zeles...
23:42:39 Sfasie Georges
et nén seulmint
23:51:33 Mahin Lucien
pou dj' mete ci berdelaedje ci so "Berdelaedjes" ?
23:51:50 Sfasie Georges
oyi
23:53:06 Mahin Lucien
(po les pindaedjes, dji n' sai nén cwè å djusse, mins on è towe bråmint, codånés oficirmint pa les tribunås ås Estats Unis ey el Chine (les 2 pus pouxhants payis del Daegne, k' on n' oize nén critiker po çoula). _________________ Li ci ki n' a k' on toû n' vike k' on djoû. |
|
Rivni al copete |
|
|
lucyin
Date d' arivêye: 2005-07-07 Messaedjes: 3758 Eplaeçmint: Sidi Smayil, Marok
|
Date: dim 30 dja, 2011 0:04:23 Sudjet: |
|
|
Moubarek tént co l' côp, mins l' payis est cou dzeu cou dzo; gn a asteure des dijhinnes di moirts.
Li boûsse do Caire serè serêye dimwin; li cene di Djedda a tcheyou di 45 åcint ouy, et a dvou esse clôse eto.
Les Marokins ki dji lzî dmanda cwè ådjourdu (so les revintreyes di Tunizeye et d' Edjipe) dijhît : "hamdoulilah" (ki l' Bon Diu soeye louwé). Come cwè les djins sont binåjhes. C' est ene luçon po tos les mwaisses des payis arabes, aveut dit on gaztî li djoû ki Ben Ali a dvou steper evoye.
Li Marok serè-t i spårgnî ?
Response d' onk : les gros formagnèt les ptits å Marok come dins les ôtes payis arabes. Djusse, ciddé, c' est li rwè ki les rascove. Et lu, il est todi so tchamp so voye po strimer des lodjmints sociås, des scoles, des pordjets di diswalpaedje. Et s' acertiner les cwårs ni sont nén distournés. Les djins serént honteus di l' aduzer. Mins ça pout peter ossu droci.
Et so ç' tins la, les prezidints et minisses di l' Urope et des Estats Unis ki bawèt : «dinez dipus d' liberté ås djins». Adon ki c' est zels k' ont sotni Moubarek (et Ben Ali et les sfwaits) po waeranti Israyel. Sarcozi dijha cwand Bouteflica candja l' mwaisse lwè po s' prezinter on troejhinme côp : "ostant Bouteflica ki les Talibans" (come si tos les Aldjeryins ki dmandnut on pô d' liberté serént des estrinmisses islamiveus).
Kî çk' a levé li ptit doet po espaitchî k' on n' leye crever d' fwin 2 miyons d' Palestinîs a Gaza ?
C' est tot çoula k' i gn a dins l' tiesse des revinteus : des djonnes di 20 ans ki voeynut a El Djazira, dispu k' i waitnut l' tévé (1991), des Amerikins ki touwnut des pareys a zels (Irak, Afganistan), et leyî Israyel fé totes ses zines, cwand i vout et come i vout.
t
Il est trop tård di rclôre li schalete cwand les vatches ont bizé evoye !!!!! _________________ Li ci ki n' a k' on toû n' vike k' on djoû. |
|
Rivni al copete |
|
|
lucyin
Date d' arivêye: 2005-07-07 Messaedjes: 3758 Eplaeçmint: Sidi Smayil, Marok
|
Date: sem 05 fev, 2011 2:42:00 Sudjet: |
|
|
Les "integrisses" endè vont i profiter ?
Droldimint assez, les djins del Walonreye (walon-cåzants) ki dj' a-st atôtchî pinsnut ki c' est les islamisses ki sont drî tot çoula.
Metans Djozé :
Citåcion: |
Lès Frés Mueslis vont rascoude lès marons. Lès feûmes ki, audjourdu s' î font ètinde lès tchivias au vint, vont, à m' n' idêye, bén râde ièsse oblidjîyes di s'rivwèler. Ène diktareûre va tchèssî ène ôte èt prinde li place. Volà. |
Li vraiy sereut ki les cis k' estént les sotneus da Moubarek (govienmint edjipsyin, Amerikins, pins copurade les siervice di propagande d' Israyel ont brutyî çoula (ki c' est les islamisses k' endè vont profiter) pattavå, copurade dins les gazetes d' Urope et d' Amerike. Po k' les payis do Coûtchant soeyénxhe conte les rvintreyes ezès payis arabes, ca les Israyelîs sont vormint må prins, asteure s' i n' polnut pus touyî et brouyî come i vlèt.
(c' est nén mi ki dit çoula, mins on soçon infôrmatikî k' a vnou dé mi enawaire)?
Les Fré muzulmans, on movmint k' a skepyî e 1921, k' a stî stronné pa Moubarek 30 ans å lon, e ki sont co la c' est des djins ki sont foirt sûtis (pårlîs, indjenieurs) ene miete come li pårti del djustice et do diswalpaedje di Tourkeye. I n' ont rexhou ki l' 5inme djoû des metingues. Il ont ddja advierti k' i n' prezintrént nolu ås vôtaedjes ki vnèt pol prezidint.
Do côp k' i gn a des moirts, li tévé d' Edjipe dit ki c' est les Frés muzulmans. Mins, avou les libès tévés come Al-Djazira, on n' pout pus prinde les djins po des sots (li prumî djoû, li tévé edjipsyinne aveut mostré les metingues, mins SINS ddja dire ki c' esteut po dmander ki Moubarek cwitaxhe. _________________ Li ci ki n' a k' on toû n' vike k' on djoû.
Candjî pol dierin côp pa lucyin, li sem 05 fev, 2011 13:19:05; candjî 1 feye |
|
Rivni al copete |
|
|
lucyin
Date d' arivêye: 2005-07-07 Messaedjes: 3758 Eplaeçmint: Sidi Smayil, Marok
|
Date: sem 05 fev, 2011 2:51:05 Sudjet: |
|
|
Eyet l' Marok ?
Dji vén di m' fé ataker e rivnant del veye : ene pire dins l' fåre. On cår aresté a ene croejhlåde la k' i gn a todi des djindåres k' abribèt (dimander des pots d' vén) les cars et les viyès camionetes di tcheriaedje di djins et d' martchandijhes.
Dj' a stepé evoye. Mins dispu meynute, gn a pus nou camion, ni oto ni cår k' a l' air di passer.
Bawaite, on voerè bén cwè dmwin. _________________ Li ci ki n' a k' on toû n' vike k' on djoû. |
|
Rivni al copete |
|
|
lucyin
Date d' arivêye: 2005-07-07 Messaedjes: 3758 Eplaeçmint: Sidi Smayil, Marok
|
Date: sem 05 fev, 2011 12:43:11 Sudjet: |
|
|
Neni, ci n' esteut ki des ratindeus "ordinaires", ki profitèt del nute divant on martchî po ratinde les martchands ki vnèt ddja avou leus martchandijhes et leus toeteas dispu li djoû did dvant tins del shijhe.
Sorlon les djins ki dj' cåze avou zels, li Marok "ni pout må". On cite tos les pordjets ki sont-st enondés dispu 10 ans. Po les lodjmints, gn a ça d' bea : li cimint et les mwelons sont libes sol martchîs. Les cimintreyes sont privêyes. Adon, gn a bråmint des ptitès djins k' ont basti des måjhons a l' assulon po nén trop tchir. Dinltins, les otorités les vnént distrure s' i n' avént pont d' permis. Mins dispu ene dijhinne d' anêyes (dispu k' i gn a des vraiys vôtaedjes ezès comenes), les "mayeurs", ki c' est zels ki dvèt siner l' papî d' distrujhaedje, sont ene miete pus percåcioneus divant d' flaxhî djus l' måjhon d' on pôve.
(dji di çoula, pask' e l' Aldjereye, la k' les cimintreyes sont tnowes pa l' estat, et ki les traficants prindèt ene pårteye del produccion, li lodjmint des ptitès djins, c' est ene grosse aroke, ene des cenes k' ont ddja amoenné mwints côps do disdut.)
Mins çou ki s' pôreut bén passer - å Marok -, c' est des "voleus ordinaires" ki sintront ki l' police est moens franke, et vini ratinde des djins po lzî haper leus cwårs (come dj' a yeu l' cas aeyir).
Ci dimegne cial, dji dmorrè todi dins m' trô. Po viker awoureuzmint, vicans muchyîs. _________________ Li ci ki n' a k' on toû n' vike k' on djoû. |
|
Rivni al copete |
|
|
lucyin
Date d' arivêye: 2005-07-07 Messaedjes: 3758 Eplaeçmint: Sidi Smayil, Marok
|
Date: mie 09 fev, 2011 13:36:29 Sudjet: |
|
|
Citåcion: |
D' vosse costé èto, lès pîres comincenut don à tchêre dissu lès vnus d' au-lon...
È l' Edjpe lès Coptes n' vinîne nén d' Israyèl.
Lès Frés d' muesli son-s-organisés... c' èst bén là l' dandjî po lès "dèmocrates"...
Al Djèsse ira n' èst nén si libe ki vos l' dijèz, nén d' pus k' vos gazètes come Al Iram... |
Les "vraiys" frés mouslimîs ni polnut nén esse disconte les Copes, adon ki leu rlidjon ricnoxhe les crustins, et les Djwifs, et k' il ont todi viké eshonne.
Mins, do tins da Moubarek, kécfeye ki d' esse siplinctés, end a des cis k' ont divnou raecisses.
S' i divnèt on pårti d' govienmint, dji n' voe nén pocwè k' i serént diferint do Pårti po l' Djustice et l' Diswalpaedje di Tourkeye (ki moenne asteure li payis dispu sacwants anêyes). Et do PSC bedje (k' a stî mwaisse el Beldjike cåzu di 1830 a 1970.
Les norets d' tiesse ? Cwand dj' esteu a scole a Såcere (1966-1970), gn aveut co ene pancwåte so l' ouxh di l' eglijhe "les omes a droete; les comere a gåtche et avou leu tiesse efûlêye" (la tête couverte). C' est nén les moslimîs k' ont-st edvinté çoula; åresse, c' est dpus ene môde k' ene obligåcion di rlidjon (n' a pont d' sourate ki l' oblidjnut noer so blanc, li vwele). Dins totes les campagnes des payis muzulmans, les cinsresses ovrèt dins les tchamps avou djusse on noret d' tiesse (come les cinsresses el Walonreye disk' a di m' djonnesse). _________________ Li ci ki n' a k' on toû n' vike k' on djoû. |
|
Rivni al copete |
|
|
djan-djan
Date d' arivêye: 2007-07-22 Messaedjes: 266 Eplaeçmint: Mont-Sint-Gubert
|
Date: sem 19 fev, 2011 16:17:41 Sudjet: |
|
|
Mi, come dit l' sot, dji pinse ki ça n' a rén a vey avou les islamisses pol couminçmint, ça vént des studiants. Pol moens po l' Afrique bijhrece. Gn a bén des islamisses ki ndè profitnut mins ça n' est nén zels k' ont tot metou so pî. C' est les djonnes, a cåze di tot çou k' i veynut sol Daegntoele et avå les medias : li liberté.
Å Yemen, la, c' est motoit ene ôte afwaire, mins ki sait ?
Dji pinse eto k' les dictateurs di låvå, c' est zels ki fijhnut crexhe les islamisses et nén l' contråve.
Dji sohaite li liberté a tos ces peupes la et inch allah. Si ça finit tot costé come e l' Iran, c' est k' c' esteuve sicrît insi... Mins laddè il ataknut ossu a s' dispierter. C' est ossu les islamisses ki sont la drî ? _________________ Mi copiutrece cåze walon -> http://walotux.walon.org |
|
Rivni al copete |
|
|
lucyin
Date d' arivêye: 2005-07-07 Messaedjes: 3758 Eplaeçmint: Sidi Smayil, Marok
|
Date: lon 21 fev, 2011 21:25:11 Sudjet: |
|
|
djan-djan scrijha: |
Dji sohaite li liberté a tos ces peupes la et inch allah. Si ça finit tot costé come e l' Iran, c' est k' c' esteuve sicrît insi... Mins laddè il ataknut ossu a s' dispierter. C' est ossu les islamisses ki sont la drî ? |
Bén veyou.
Et l' Libeye, ki ça va esse ene mangonreye ouy et les djoûs a vni !!!
Låvå, c' est ene tribu (les Qadafa) k' a prins l' moennance do payis e 1967, sotnowe pa sacwants ôtes tribus. Mins end a ds ôtes, copurade sol Levant (Ben Razi) k' ont todi stî leyeyes e-n erî.
Enute, on n' sait nén ké porcintaedje di l' årmêye ki s' a rmetou avou les revinteus. Di l' ôte des costés, t' as les comités "revolucionaires" cadafyins, et des mierçunaires (60.000 djins). Pol moumint, les avions d' tchesses saetchnut sol les djins des coulots d' Tripoli ki sont disconte do redjime.
Pôves nozôtes et les tchéns d' tcherete !
Pôves zels, todi !
Mins, po rivni drî rinne (dans le fil du discours), vola, el Libeye, ça n' a vormint rén a vey avou les islamisses. _________________ Li ci ki n' a k' on toû n' vike k' on djoû. |
|
Rivni al copete |
|
|
|
|
Vos n' poloz nén enonder des noveas sudjets dins ç' forom ci Vos n' poloz nén responde a des sudjets k' i gn a dins ç' forom ci Vos n' poloz nén candjî vos messaedjes dins ç' forom ci Vos n' poloz nén disfacer vos messaedjes dins ç' forom ci Vos n' poloz nén vôter dins les ploncaedjes di ç' forom ci
|
Powered by phpBB © 2001 phpBB Group
|