 |
Berdelaedjes
Forom di berdelaedjes e walon, so tot l' minme ké sudjet
|
| Vey sudjet di dvant :: Vey sudjet shuvant |
| Oteur |
Messaedje |
Pablo Saratxaga
Site Admin
Date d' arivêye: 2005-07-01
Messaedjes: 1156
Eplaeçmint: Oûpêye
|
 Date: dju 24 fev, 2011 2:43:53 Sudjet: |
 |
|
Nén todi croere çou k' on raconte å posse.
Minme mî: nel nén croere; la ki a 99% c' est fås.
I gn a des sacwès ki n' colèt nén etur çou k' les grands medias racontèt et çou k' ene miete di tuzaedje nos fwait comprinde.
Les medias nos vlèt fé croere k' i gn a on movmint spontané, k' åreut sordou foû d' rén, eyet fé toumer on govienmint.
Mins...
* on movmint spontané n' pout måy fé çoula, i fåt ene grande preparåcion pa drî
* di fwait, i gn a bråmint d' l' adjinçnaedje, et des liårds, pa drî les revinteus libyins; ça s' voet ås "blogueus", ås drapeas tot noveas et blicants
* les drapeas del monartcheye di dvant, come di djusse; come el Djeyordjeye,
* curieus eto ki c' est dins l' coine la k' i gn a do petrole ki ça pete (li såme ça shonne esse di dispårti, balkanijhî come on dit, li Libeye e troes bokets, tos fwebes, po scroter l' petrole)
* les medias nos djhèt ki les avions bombårdèt l' mwaisse-veye; mins des rpoirteus so plaece, des cis ki dj' end a bén pus fiyate ki ds ôtes, dijhèt k' i n' ont nén veyou çoula
Dji n' kinoxhe nén télmint l' Libeye; mins dj' espere ki l' saye di côp d' Estat eyet di pårtixhaedje do payis ni reyussirè nén.
Ene sacwè ki dji sai ricnoxhe, avou l' esperyince, c' est l' laide mwin des "covert operations" et leu manire di fé. |
|
| Rivni al copete |
|
 |
djan-djan
Date d' arivêye: 2007-07-22
Messaedjes: 266
Eplaeçmint: Mont-Sint-Gubert
|
| Date: vén 25 fev, 2011 19:50:31 Sudjet: |
|
|
| Citåcion: |
| Dji n' kinoxhe nén télmint l' Libeye; mins dj' espere ki l' saye di côp d' Estat eyet di pårtixhaedje do payis ni reyussirè nén. |
C' est vraiy ki d' nén awè l' droet d' dire çou k' on vout sins awè peu del police avou on prezidint ki fwait des liårds avou les capitalisses sins nén bråmint ndè rinde å peupe c' est mia...
Et el Burmaneye et l' Corêye dè Nôrd, motoit k' ons î vike bén et k' les djins sont binamés. I n' fåt nén croere tot ç' k' on dit dins les medias mins i n' fåt nén fé l' contråve non pus.
Ene mwaijhe democraceye våt todi mia k' ene dictateure...
Vos cåzez motoit d' çoula http://www.journalmetro.com/monde/article/784435--libye-un-ministre-venezuelien-evoque-un-complot. Li boune viye teyoreye dè complot.
Les amerikins n' ont pont télmint d' agrès a l' fé tchaire asteure come i n' avént nén d' agrès k' Moubarak tcheye. Ca après l' Libeye ça srè l' Yemen, l' Arabeye et co ds ôtes, des amisses ki cbatnuxhe l' islamisse.
Avou Kadafi les uropeyins feynut des afwaires, come les francès en Afrike coûtchantrece.[/url]
_________________
Mi copiutrece cåze walon -> http://walotux.walon.org |
|
| Rivni al copete |
|
|
Pablo Saratxaga
Site Admin
Date d' arivêye: 2005-07-01
Messaedjes: 1156
Eplaeçmint: Oûpêye
|
| Date: sem 26 fev, 2011 17:10:58 Sudjet: |
|
|
Dji di seulmint ki, adon k' on s' a måy interessé a zels, ni a leu culture ni a leu payis, c' est ene miete drole ki la, tot d' on côp, et todi sins rén cnoxhe di zels, on lzî "vout do bén" a make.
Dji pinse ki c' est nén do bén k' il åront al fén; minme purade do contråve.
Del minme manire k' on n' vike nén mî et l' Afganistan ou en Irak dispoy les invazions.
| djan-djan scrijha: |
Ene mwaijhe democraceye våt todi mia k' ene dictateure...
|
Vos pinsez adon k' i gn årè-st ene democraceye...
K' est çki vos fé pinser çoula?
Po m' pårt, avou l' pôk d' elemints ki dj' a, dji n' voe tot l' minme nén ki ça sereut po pus di democraceye.
Avoz veyou les imådjes des cis ki sotnèt l' govienmint? I gn a bråmint des djins ki l' sotnèt.
Pus ki les cis ki l' vôrént fé tchaire? ça dji n' sai nén.
Mins pol seur assez po k' i n' tchaiye nén tot seu, come çoula s' a passé e l' Edjipe.
I gn årè-st ene guere civile, avou al fén, deus ou troes payis, ki n' seront nén pus democratikes ki dvant, mins ki seront, al diferince del Libeye d' asteure, des neyo-coloneyes.
Ki ça s' passe la wice k' i gn a do petrole est ene miete drole, nonna?
Vos pinsez vormint ki c' est por on mia?
Dji n' aveu nén léjhou çoula; mins i sufixh d' aveur des ouys pol vey; c' est nén ene sacwè di spontané, c' est on solevmint bén planifyî, avou des djins k' on des moyéns, des åres, des plans d' bataye (sins cwè i n' årént nén polou prinde des veyes et bate les sôdårds a des plaeces k' i gn a)
| Citåcion: |
Les Amerikins n' ont pont télmint d' agrès a l' fé tchaire asteure come i n' avént nén d' agrès k' Moubarak tcheye.
|
Djustumint, si vos corwaitîz l' manire des medias di traiter l' infôrmåcion dins les deus cas vos alez vey des diferinces; on a bén balziné avou l' Edjipe; et on n' a cmincî a dire do må d' Moubarak å posse k' après ki tot åye sitî bén epacté pol shuvant; tot candjî po ki rén n' candje.
Paski, a pårt li replaeçaedje di Moubarak pa si près soçon, eyet leyî ene miete les djins criyî dins les rowes po k' i s' eshoflexhe, k' est çk' a candjî?
nén grand tchoi.
C' est nén ene revolucion, li redjime est todi l' minme.
On a djusse, come ça s' fwait sovint, candjî l' prezidint, come soupape di såvrité, po-z espaitchî, djustumint, ene vraiye revolucion.
Ça s' a polou fé paski djustumint les revintreyes e l' Edjipe n' estént nén bén organizêyes, i gn a pont d' plan bén defini, et a pårt dire ki Moubarak doet ndaler, les djins n' sont nén d' acoird, ou n' ont nén tuzé a cwè fé.
El Libeye i gn a-st on plan; et motoit nén on si grand sopoirt populaire po fé ene revintreye (d' après l' pôk ki dji sai, on n' vike nén si må el Libeye, economicmint do moens, comparé avou ses vijhéns; di fwait, i gn a des bagants ovrîs ki vnèt des payis vijhéns po-z î ovrer).
| Citåcion: |
Ca après l' Libeye ça srè l' Yemen, l' Arabeye et co ds ôtes, des amisses ki cbatnuxhe l' islamisse.
|
L' Arabeye Sawoudite, ki leye est ene dictateure di droet divin, n' est måy kidjåzêye ezès medias; låvå s' i gn a des revintreyes ele seront språtcheyes et les medias clapront des mwins.
Di fwait ça a ddja arivé i gn a d' ça kékès anêyes.
Et, vos djhoz, ki l' Arabeye Sawoudite kibate l' islamisse??
Mins si c' est on redjime islamisse! et co do corant l' pus wårdiveus k' i gn åye.
L' islamisse n' a måy sitî on problinme po l' occidint (çou ki l' propagande dit dins les medias c' est ene ôte sacwè); l' islamisse a stî financé a make påzès payis occidintås; et on (dj' ô bén, les cis ki moennèt dins nos payis) esteut bén contins di l' arivêye des taliban (k' on-z aveut payî) e l' Afganistan, po replaecî l' govienmint nacionalisse pro-sovietike.
Çou ki disrindje les moenneus do djeu c' est nén les rlidjons, ni co moens li shuvaedje ou nén des droets del djin; çou ki les disrindje c' est k' on payis ni shuve nén leus rîles.
Et l' Libeye (al diferince di l' Edjipe ou l' Arabeye Sawoudite) a stî, est pa des côps, et pôreut co esse, ene sipene dins l' pî des moenneus.
D' ostant pus ki l' Libeye a-st ene pôzucion foite sol plan djeyopolitike, estant on mimbe impôrtant di sacwantès organizåcions eternåcionales, come l' OPEP, l' union afrikinne et l' ligue arabe.
I gn a-st ossu l' estat d' guere ki couve inte les Estats Unis eyet Israyel siconte l' Iran, li Liban eyet l' Palestene.
Des "candjmints d' redjime" come i djhèt, dj' ô bén aveur des govienmints locås ki fjhèt çou k' on lzî dit d' fé, pout foirt bén esse ene etape dins on plan pus grand, divant d' kimincî l' guere dins l' gofe piersike.
| Citåcion: |
Avou Kadafi les uropeyins feynut des afwaires, come les francès en Afrike coûtchantrece. |
Et come les uropeyins avou l' Irak.
Asteure c' est les Estats-Unis tot seus ki controlèt et decidèt låvå; l' Urope, ki n' a todi nén di politike da leye, ni sieve k' a payî ene pårt des costindjes di guere (tot-z evoyant des liårds, des sôdårds s' î fé touwer, et des åjhminces lodjistikes, come di leyî nos areyopôrts siervi po des operåcions di guere) |
|
| Rivni al copete |
|
|
djan-djan
Date d' arivêye: 2007-07-22
Messaedjes: 266
Eplaeçmint: Mont-Sint-Gubert
|
| Date: mie 09 mås, 2011 10:44:57 Sudjet: |
|
|
| Citåcion: |
Dji n' aveu nén léjhou çoula; mins i sufixh d' aveur des ouys pol vey; c' est nén ene sacwè di spontané, c' est on solevmint bén planifyî, avou des djins k' on des moyéns, des åres, des plans d' bataye (sins cwè i n' årént nén polou prinde des veyes et bate les sôdårds a des plaeces k' i gn a)
Djustumint, si vos corwaitîz l' manire des medias di traiter l' infôrmåcion dins les deus cas vos alez vey des diferinces; on a bén balziné avou l' Edjipe; et on n' a cmincî a dire do må d' Moubarak å posse k' après ki tot åye sitî bén epacté pol shuvant; tot candjî po ki rén n' candje.
Paski, a pårt li replaeçaedje di Moubarak pa si près soçon, eyet leyî ene miete les djins criyî dins les rowes po k' i s' eshoflexhe, k' est çk' a candjî?
nén grand tchoi.
C' est nén ene revolucion, li redjime est todi l' minme.
On a djusse, come ça s' fwait sovint, candjî l' prezidint, come soupape di såvrité, po-z espaitchî, djustumint, ene vraiye revolucion.
ça s' a polou fé paski djustumint les revintreyes e l' Edjipe n' estént nén bén organizêyes, i gn a pont d' plan bén defini, et a pårt dire ki Moubarak si doet ndaler, les djins n' sont nén d' acoird, ou n' ont nén tuzé a cwè fé.
El Libeye i gn a-st on plan; et motoit nén on si grand sopoirt populaire po fé ene riventreye (d' après l' pok ki dji sai, on n' vike nén si må el Libeye, economicmint do moens, comparé avou ses vijhéns; di fwait, i gn a des bagants ovrîs ki vnèt des payis vijhéns po-z î ovrer). |
Deus samwinnes pus tård et les Amerikins et Uropeyins n' ont todi rén fwait... Vos pinsez k' il ont balziné ostant po l' Afganistan et l' Irak?
Bén organizés les revinteus? S' i gn a des batreyes el Libeye et ki nd nén yeu el Tunizeye et e l' Edjipe c' est paski låvå l' årmêye n' a nén cbatou les revintreyes. Li grosse diferince vaici c' est k' l' årmêye est moens uneye et k' i gn a des tribus pus foites (gråce ossu a Kadhafi). L' organizåcion ele vént des tribus do levant et des bokets d' l' årmêye k' a rtourné cazake.
Ça n' est nén des biessès djins, i savnèt s' mete a prinde les årmes, minme sins l' aspalaedje då dfoû.
Pol resse vos avoz råjhon : l' Arabeye Sawoudite est on payis islamisse mins i tegnnèt ls islamisses al coete.
Ey adon ça n' est nén paski dins l' tins les occidintås ont-st ecoradî l' islamisse k' i n' ont nén candjî d' avisse ådjourdu.
Cwant a candjî on prezidint, kecfeye k' ça n' va nén candjî al democraceye mins on pout todi sayî. Çou ki s' a passé e l' Afganistan et e l' Irak est ossu ene miete diferin : i gn a nén yeu d' revintreye divant k' les Amerikins arivnexhe.
Et poy, Kadhafi ça n' est nén Aliende nerén.
Vos avoz råjhon eto ki ça dvént ene guere civile et k' i gn a des djins do costé d' Kadhafi eto.
I n' est nén seur ki çki vénrè srè mia ki çou ki gn aveut mins k' i n' saye rén n' a rén.
On va vey dins les djoûs et les samwinnes ki vegnnèt çou ki s' va passer.
_________________
Mi copiutrece cåze walon -> http://walotux.walon.org |
|
| Rivni al copete |
|
|
lucyin
Date d' arivêye: 2005-07-07
Messaedjes: 3661
Eplaeçmint: Sidi Smayil, Marok
|
| Date: dim 13 mås, 2011 22:13:42 Sudjet: |
|
|
Mi eto, ci n' est nén ene revintreye / guere civile ki m' parexheut claire a comprinde come el Tunizeye ey e l' Edjipe (dji n' a nén co ataké l' årtike Wiki). Divant les disduts låvå, dj' a dit ou oyou :
* les Libyins ni s' sårént revinter : i n' sont nén assez.
* les Libyins vikèt bén : 1000 € par moes (dabôrd ki c' est 220 € e Marok). => Kaddafi rispåde ene miete ses wangnes.
* Kaddafi n' est nén on ptit shuveu des djins do Coûtchant come Ben Ali & Moubarek. Dji djheu ki c' esteut ene des cåzes des revintreyes ezès payis arabes. => por mi, Kaddafi diveut "durer" pus lonmint k' les ôtes.
L' abayeye (ipoteze) so complot siyonisse-Amerikin come cåze di çou ki s' passe el Libeye avou l' såme del balcanijhî ? Si dj' comprins bén, c' est les rapoirteus d' Telesur
http://wa.wikipedia.org/wiki/TeleSUR
ki voeynut les sacwès come çoula. Ça a å moens li merite d' amoenner ene ôte esplikêye, nén biesse, doe dju dire. Ça esplicreut :
* les fé-aler-ses-bresses [gesticulations] da Sarkozy, on camaeråde do clan des ki-pôrént-z-esse comploteus.
* li ratrapaedje di terén pa les Kadafisses asteure (les ôtes ont interesse a les leyî fé po "balcanijhî" ou abroker sol Libeye).
* les "gros capitalisses" (ki savnut tot çou ki s' passe) si dispaitchèt di fé monter l' petrole, po wangnî des liårds assez po financer ene atake (come e l' Irak).
_________________
Li ci ki n' a k' on toû n' vike k' on djoû. |
|
| Rivni al copete |
|
|
djan-djan
Date d' arivêye: 2007-07-22
Messaedjes: 266
Eplaeçmint: Mont-Sint-Gubert
|
| Date: dju 17 mås, 2011 16:50:34 Sudjet: |
|
|
Eh bén si c' est on complot, cwè çk' i ratindnèt les amerikins et les israyelyins po vni taper so Kadhafi ou po dner des årmes å revinteus ?
Gn årè nén minme on balcanijhaedje come ça va asteure. Li tins k' les etrindjirs arivnexhe i gn årè pupont d' revinteus.
Eyet minme li Kadafi n' est nén d' acoird avou çoula, i dit k' c' est Al Kayda....
C' est bén l' teyoreye dè complot mins des côps c' est pus målåjhey k' çoula...
_________________
Mi copiutrece cåze walon -> http://walotux.walon.org |
|
| Rivni al copete |
|
|
Pablo Saratxaga
Site Admin
Date d' arivêye: 2005-07-01
Messaedjes: 1156
Eplaeçmint: Oûpêye
|
| Date: dim 20 mås, 2011 20:18:45 Sudjet: |
|
|
| djan-djan scrijha: |
| Eh bén si c' est on complot, cwè çk' i ratindnèt les amerikins et les israyelyins po vni taper so Kadhafi ou po dner des årmes å revinteus ? |
Et asteure, vos ndè dotez co? |
|
| Rivni al copete |
|
|
djan-djan
Date d' arivêye: 2007-07-22
Messaedjes: 266
Eplaeçmint: Mont-Sint-Gubert
|
| Date: dju 24 mås, 2011 13:44:02 Sudjet: |
|
|
| Citåcion: |
Et asteure, vos ndè dotez co? |
Asteure, dji m' dit ki nd a falou do tins
et k' les payis k' ont intervinou sont bråmint toursiveus po k' ça fouxhe on complot. On complot, c' est one sacwè ki s' decide divant, nén sol tins d' one revintreye. Ça n' est pus on complot d' abôrd, c' est d' l' « oportunisse » (k' i fouxhe bon ou mwais).
Et çoula n' a rén a vey avou esse po ou disconte les calonaedjes des aloyîs sol Libeye.
(note do manaedjeu: dj' a fwait ene aroke, clitchî so "candjî" el plaece di "ridire", et do côp dj' a disfacé par ereur des bokets di vosse messaedje  )
_________________
Mi copiutrece cåze walon -> http://walotux.walon.org |
|
| Rivni al copete |
|
|
Pablo Saratxaga
Site Admin
Date d' arivêye: 2005-07-01
Messaedjes: 1156
Eplaeçmint: Oûpêye
|
| Date: lon 28 mås, 2011 20:26:01 Sudjet: |
|
|
| djan-djan scrijha: |
| Citåcion: |
Et asteure, vos ndè dotez co? |
Asteure, dji m' dit ki nd a falou do tins
|
do tins??
çoula a stî super-abeye!
I n' a nén falou ddja on moes etur les prumirès atakes des rebeles eyet l' atake del Libeye pa l' OTAN.
Ene guere ça n' si fwait nén so deus djoûs, i fåt bråmint do tins pol preparer, po-z amoenner les rsoûces, les sôdårs, les åres, po fé les plans d' batreye, po preparer l' opinion publike (çoula c' est l' tot prumî pas; et notez k' il a cmincî l' djoû minme des prumirès atakes rebeles).
I fåt des moes et des moes po preparer tot çoula; ça vout dire ki ça fwait des moes et des moes ki c' esteut ddja tot preparé, et k' il a djusse falou ratinde ki ça pete el Tunizeye eyet e l' Edjipe po dner l' vete loumire a plan siconte li Libeye, k' esteut ddja presse.
Si vos n' voeyoz nén çoula dji n' sai nén çou ki dj' pôreut fé po vs drovi les ouys.
| Citåcion: |
et k' les payis k' ont intervinou sont bråmint toursiveus po k' ça fouxhe on complot. On complot, c' est one sacwè ki s' decide divant, nén sol tins d' one revintreye. Ça n' est pus on complot d' abôrd, c' est d' l' « oportunisse » (k' i fouxhe bon ou mwais).
|
Mins ça a stî decidé dvant!
C' est come pol guere siconte di l' Irak, ça aveut stî decidé des anêyes divant.
| Citåcion: |
Et çoula n' a rén a vey avou esse po ou disconte les calonaedjes des aloyîs sol Libeye. |
Siya.
Paski si les djins e l' Urope srént ene miete moens aveulés, adon il årént polou vey çou k' arivéve, eyet protester.
Asteure c' est ene miete tård, li guere est ddja la.
Eyet nos nd alons prinde plin nosse gueye eto, avou les vints do Sâra ki vont ariver tcherdjîs d' poûssire d' uraniom :(
http://www.elcorreo.eu.org/?Avec-le-Sirocco-l-uranium-appauvri-protege-t-il-les-civils |
|
| Rivni al copete |
|
|
djan-djan
Date d' arivêye: 2007-07-22
Messaedjes: 266
Eplaeçmint: Mont-Sint-Gubert
|
| Date: mår 29 mås, 2011 9:54:37 Sudjet: |
|
|
| Citåcion: |
(note do manaedjeu: dj' a fwait ene aroke, clitchî so "candjî" el plaece di "ridire", et do côp dj' a disfacé par ereur des bokets di vosse messaedje ) |
Oyi, vos avoz disfacé les troes cwårts, tos mes årgumints... Ç' a stî motoit planifyî dispoy des moes eto pa les rûsses, çoula. Gn a rén avou ça. 
Mins bon, dji rmet l' loyén sol teyoreye do complot :
http://www.lcr-lagauche.be/cm/index.php?view=article&id=1995:dossier-la-libye-les-theories-du-complot-limperialisme-et-la-gauche-latino-americaine&option=com_content&Itemid=53
Dji n' î croet nén å grand complot. Çou k' dji pinse bén, c' est k' les payis dè coutchant avént bén des plans dispoy des anêyes po, si ls etrevéns pol fé arivnèt, bouter Kadhafi foû dè pouvwer, k' il ont seurmint dné des cwårs a des movmints d' opozicion, come il ont fwait e l' Urope dè Levant dè tins dè comunisse et k' i l' feront co tos costés.
Çou k' dji n' croet nén dè tot c' est kel revintreye libyinne fouxhe one sôre di "comande" des "aloyîs" ki ls årént dné des ôres et tot et tot. Come si n' estént k' des marionetes.
Gn a yeu deus revintreyes a costé del Libeye. Ça parexhe normå k' les libyins åynexhe pinsé a fé l' minme, a leu môde. Adon-pwis, les Uropeyins et les Amerikins, come i l' ont fwait e l' Edjipe (via l' årmêye) a etervinou po fé clintchî l' afwaire dè costé k' i vlént.
Come les amerikins l' ont fwait por nos-ôtes del guere 40-45. Ossu po des afwaires di cwårs.
Don, oyi tolmonde n' est nén djinti et tot binamé. Oyi, ls Amerikins et ls Uropeyins fwaiynèt çoula pa interesse (li petrole, les eleccions po Sarkozy). Oyi, c' est des gros hipocrites ki candjnèt d' avisse come i rcandjnèt di tchmijhe. Oyi c' est seur ki ça n' est nén one prôpe guere. Mins nonna, i gn a nén yeu d' complot fwait d' tote pices pa les metchants rikins.
Et nonna, dji n' disfindrè nén on dictateu djusse paske il est disconte les Amerikins et paski les cénks ki l' ataknèt n' sont nén des ma-chere-seur ou des sints dè cir.
_________________
Mi copiutrece cåze walon -> http://walotux.walon.org |
|
| Rivni al copete |
|
|
|
|
Vos n' poloz nén enonder des noveas sudjets dins ç' forom ci
Vos n' poloz nén responde a des sudjets k' i gn a dins ç' forom ci
Vos n' poloz nén candjî vos messaedjes dins ç' forom ci
Vos n' poloz nén disfacer vos messaedjes dins ç' forom ci
Vos n' poloz nén vôter dins les ploncaedjes di ç' forom ci
|
Powered by phpBB © 2001 phpBB Group
|
FAQ
Cweri
Djivêye des mimbes
Groupes d' uzeus
Si fé mimbe
Profil
Lére les messaedjes privés
S' elodjî
