|
Berdelaedjes Forom di berdelaedjes e walon, so tot l' minme ké sudjet
|
Vey sudjet di dvant :: Vey sudjet shuvant |
Oteur |
Messaedje |
lucyin
Date d' arivêye: 2005-07-07 Messaedjes: 3664 Eplaeçmint: Sidi Smayil, Marok
|
Date: dju 15 set, 2011 14:18:18 Sudjet: rinicter >< rinigter |
|
|
Citåcion: |
Djôr, so èn emile
Mes djins,
Dj' a todi scrît «rinicter» (avou C), tot pinsant k' ça vneut d' on criya (come nik-nak). Asteure dji voe k' el Ari Carlier l' sicrît «rnigter» (avou G), come s' i soûdreut di «rniguî» (k' est sans manke li latén renegare).
Et vzôtes? Comint l' sicrirîz? Avou C ou purade avou G?
Gråces! |
Citåcion: |
Djôr, so ene MSM
dins vosse lisse, vos avoz 1 seû mot avou «-ct-», ki fouxhe vôrmint walon: plactêye
et minme, plactêye vént d' plake
adon: rinigter, ki vént d' riniguî
d' ayeurs, i m' shonne k' el mot est purade conxhou etur Tchâlerwè et Nameur
divant d' riwaitî dins Cârlî, dji scrijheu "rinicter" eto |
_________________ Li ci ki n' a k' on toû n' vike k' on djoû. |
|
Rivni al copete |
|
|
lucyin
Date d' arivêye: 2005-07-07 Messaedjes: 3664 Eplaeçmint: Sidi Smayil, Marok
|
Date: vén 16 set, 2011 23:20:01 Sudjet: |
|
|
Des ôtes cas avou des rujhes C <> G
gatyî <> catyî; kékyî
cacaye <> gågåye
raguete => ragueter <> racter
rôgyî <> rôkî
http://wa.wiktionary.org/wiki/r%C3%B4gy%C3%AE
Å coron des mots, minme li son G n' est nén foirt sitocaesse : drouke, droucter, asterloke, sicoloke
dji sereu po wårder li scrijhaedje -ct- poy ki li bodje n' aparexhe nén dins on mot bén cnoxhou.
C' est l' årvier di skivter, havter, mouvter (sicrît V, prononcî F) <= havet, mouvmint
Gn a eto tote li rîlêye mesbridjî, Hesbaye (prononcî meZbridjî, heZbaye).
Li tchuze si doet fé so tote li rîlêye => rinicter + racter ou rinigter + ragter.
Dji vôte pol prumire. _________________ Li ci ki n' a k' on toû n' vike k' on djoû. |
|
Rivni al copete |
|
|
Djor
Date d' arivêye: 2005-07-02 Messaedjes: 240 Eplaeçmint: Sint-Serwai
|
Date: vén 16 set, 2011 23:33:27 Sudjet: |
|
|
Havter, mouvter, rinigter etch. etch.
Ça n' m' fwait rén po les mots ki l' bodje ni candje nén. Metans: sonk, paski sonkisse.
Po les "s", ça n' fwait rén. Di tote façon, «dji so sbaré», ça s' dit avou Z (soZbaré).
Ons a ddja fwait bråååmint des flotches e l' rifondou: c' est purade des cenes k' ons a copyî biesmint do Feller. Metans, po les viebes, les cawetes «-er» et «-é», «êye» (asto d' «-ai» et «aiye»).
Metans, li cawete -aedje n' a ni cou, ni tiesse. D' adroet, i l' fåreu scrire -aetche (lat. -aticum). Li Feller xhene li francès, et l' rifondou xhene li Feller.
On m' dit todi k' on n' sait pus candjî, la ki totafwait est ddja fwait (dimandez ås felerisses; i vs diront l' minme sacwè), ki les éndjoles ni savnut pus rivni èn erî...
Al moens, ni fjhans pus des ôtès fåtes, timp k' i n' est nén trop tård!
Ey i fåt esse doûmiesse assez, po pleur candjî cwand on s' rind conte ki pus timpe on n' a nén fwait al leccion. _________________ Li walon n' est nén d' l' esperanto. |
|
Rivni al copete |
|
|
Pablo Saratxaga Site Admin
Date d' arivêye: 2005-07-01 Messaedjes: 1156 Eplaeçmint: Oûpêye
|
Date: sem 17 set, 2011 9:42:36 Sudjet: |
|
|
Dji pinse ki l' mwaisse rîle po ene ortografeye (dj' ô bén, ene usteye po les djins comuniker) c' est l' eritance.
Li såme do rfondou n' est nén d' edvinter ene tote novele ortografeye a pårti do latén; mins d' adapter çou ki s' eployive dedja, dj' ô bén li scrijhaedje feller.
Li rfondou c' est djusse èn amidraedje do scrijhaedje feller, po ndè fé ene vraiye ortografeye, avou ene cogne po tchaeke mot, et nén 36.
Oyi, li cawete -aedje vént tot dreut do feller "-èdje/-adje/-âdje". Liské l' a prins eto des vîs scrijhaedjes "-aige/-aidge/-age" et surmint eto par aparintaedje avou l' francès "-age".
L' årgumint sincieus, li viye etimolodjeye, çoula sieve cwand i fåt tchoezi inte sacwantès possibilités; mins po "-aedje" metans i n' aveut rén a tchoezi, li cawete "-aedje" ni poleut esse sicirîte ki di cisse manire la (oudonbén "-ädje", mins ça c' esteut ene ôte manire di scrire "ae" divant k' on ndè tchoezixhe ene). |
|
Rivni al copete |
|
|
djozewal
Date d' arivêye: 2005-07-01 Messaedjes: 307 Eplaeçmint: bagué !
|
Date: sem 17 set, 2011 12:38:26 Sudjet: |
|
|
Pablo Saratxaga scrijha: |
Dji pinse ki l' mwaisse rîle po ene ortografeye (dj' ô bén, ene usteye po les djins comuniker) c' est l' eritance.
Li såme do rfondou n' est nén d' edvinter ene tote novele ortografeye a pårti do latén; mins d' adapter çou ki s' eployive dedja, dj' ô bén li scrijhaedje feller.
Li rfondou c' est djusse èn amidraedje do scrijhaedje feller, po ndè fé ene vraiye ortografeye, avou ene cogne po tchaeke mot, et nén 36.
Oyi, li cawete -aedje vént tot dreut do feller "-èdje/-adje/-âdje". Liské l' a prins eto des vîs scrijhaedjes "-aige/-aidge/-age" et surmint eto par aparintaedje avou l' francès "-age".
L' årgumint sincieus, li viye etimolodjeye, çoula sieve cwand i fåt tchoezi inte sacwantès possibilités; mins po "-aedje" metans i n' aveut rén a tchoezi, li cawete "-aedje" ni poleut esse sicirîte ki di cisse manire la (oudonbén "-ädje", mins ça c' esteut ene ôte manire di scrire "ae" divant k' on ndè tchoezixhe ene). |
C' èst djusse ! I faut k'ça plake avou c'k'on "dit" dispû dès razans ! |
|
Rivni al copete |
|
|
Djor
Date d' arivêye: 2005-07-02 Messaedjes: 240 Eplaeçmint: Sint-Serwai
|
Date: dju 22 set, 2011 17:59:01 Sudjet: |
|
|
Nénfwait.
Minme etur les felerisses, i gn a k' ont scrît -âtche et -ètche.
Divant Feller, gn a yeu des ortografeyes. Et minme po les motîs. Pinsez a Grandgagnage...
I n' fåt nén rovyî ki l' Feller n' est NÉN ene ortografeye, mins on sistinme mintiresmint fonetike. Didja nén fonetike, nerén etimolodjike. Tot çou k' Feller a plou fé, c' est d' diner å walon ene shonnance di mwais francès, ou francès ratroclé.
Tos les côps k' el rifondou a rprins des vîs scrijhas (xh, sch, oi, oe), il a fwait des grandès ascoxheyes, tot leyant l' Feller lon erî. Et l' francès eto. _________________ Li walon n' est nén d' l' esperanto. |
|
Rivni al copete |
|
|
|
|
Vos n' poloz nén enonder des noveas sudjets dins ç' forom ci Vos n' poloz nén responde a des sudjets k' i gn a dins ç' forom ci Vos n' poloz nén candjî vos messaedjes dins ç' forom ci Vos n' poloz nén disfacer vos messaedjes dins ç' forom ci Vos n' poloz nén vôter dins les ploncaedjes di ç' forom ci
|
Powered by phpBB © 2001 phpBB Group
|