Berdelaedjes

[djan-djan]

Dji voe bråmint des rfondeus eployî li betchfessî "ae" dins ayir et ossu sayî. Gn a-t i ene råjhon? Dit-st on "sèyî" et "èyîr" après Lidje ??
_________________
Mi copiutrece cåze walon -> http://walotux.walon.org

[lucyin]

aeyir = ayir (100 ponts) + èyir (50 ponts, e miermitan del Walonreye) : mape ALW 3.48 (notûle 143). Dji contéve ki c' esteut li rfondowe "oficire".

sayî : neni, cial, c' est purade li prononçaedje francès avou on "è" k' a djouwé. Lidje såyî, Vervî sèyî. Mins a Vervî, toplin des a divnèt è; minme, metans assez => èssez. Teyoricmint, on n' elzès rfond nén avou l' betchfessî ae. Mins c' est do cas-å-cas. S' i gn a on foirt clintcha po "saeyî" (avou l' Gayetan ki vént did la), on l' pôreut kécfeye fé passer e-n on raploû rfondeus (pol moens 3 djins po et moens ki ça disconte).
_________________
Li ci ki n' a k' on toû n' vike k' on djoû.

[Gaytan]

A Lîdje, on a såye po essai et sayî po essayer. A Vervî c'est sèyî. Comme cayèt a Lîdje, cayet e refondu et kèyèt a Vervî. A Heve on ètind pu rade sayî ki sèyî. I n' a d' ôtes diferinces inte Lîdje et Vervî, come des i ki divnèt des u. Kimint, a Vervî c' est cumint ki dj' ètind pu voltî cial. Mins on s' comprind tolminme. I fåt bén aveur ene manire di scrire ki soeye acceptåve pa l' pus grand nombe di djins ki kinoxhèt co l' walon. Et adon po les ôtes, i fåt ahiver des usteyes po-z aprinde. Les Burtons ont metou 50 annêyes po rfonde les cwates diyalekes. L' boutaedje a stu atchvé i n' a 60 ans, ouye i n' a des sicoles po les pus djonnes dik'a l' université. Po nosse walon, on n' a nén ostant d' tins po fé çoula.
_________________
Gaytan

[lucyin]

aeyir esteut ddja dins l' motî Embanner:

http://wa.wiktionary.org/wiki/aeyir
_________________
Li ci ki n' a k' on toû n' vike k' on djoû.

[lucyin]

[Pablo Saratxaga]

Po "aeyir" c' esteut-st insi k' on scrijheut å cmince (avou eto "dj' ae" do viebe aveur et kékes ôtes).

L' aroke, c' est ki po ces la li pårtixhaedje a/è si fwait-st å rvier des ôtes.
Normålmint pol betchfessî "ae" c' est "è" do costé d' Lidje, eyet "a" sol Coûtchant; dismetant k' po "aeyir" c' est å rvier.

A on raploû rfondaedje i gn a ddja sacwantès anêyes on aveut-st adon dit ki l' betchfessî "ae" ça sereut seulmint po les mots avou on spårdaedje des sons come pol cawete -aedje

Do côp, "aeyir" dins l' wikipediae divreut esse candjî a "ayir".

Dins Google, so walon;org, dji trove 71 rizultats avou "aeyir" eyet
191 po "ayir".

on end aveut djåzé chal.
dins l' DTW: (a|è|ae)y(i|î|e|é|ê|è)r

Po "saeyî", dins Google so walon.org dji trove 1.800 intrêyes avou "sayî" eyet seulmint 57 po "saeyî" (et co, 2 d' zels c' est djusse on loyén viè on messaedje da Lucyin avou l' mot dins l' tite)
Li viebe n' est nén co dins l' DTW.

[djan-djan]

[Pablo Saratxaga]

i gn a co dji vén d' vey dins l' Gillard [C106] sauye, sauyî, sauyadje... (såye, såyî, såyaedje... dabôrd?), avou on sinse di plantes po des litites po les biesses, li ståraedje di ces la po fé ene litire

A costé di: saye, sayî, sayadje....

et di sôye, sôyî, sôyète,...

[lucyin]