Vey sudjet di dvant :: Vey sudjet shuvant |
Oteur |
Messaedje |
Pablo Saratxaga Site Admin
Date d' arivêye: 2005-07-01 Messaedjes: 1156 Eplaeçmint: Oûpêye
|
Date: mie 24 awo, 2005 19:29:55 Sudjet: Croejhlaedjes walon/limbordjwès |
|
|
L' ôte djoû dj' a rçuvou èn emile d' ene sakî ki cwerive après l' etimolodjeye d' on mot foirt eployî dins l' pårler limbordjwès des Forons: "kurei"
ça fwait ki cwire avou google et k' i toume so l' esplicant motî, et sol mot curêye, et k' i m' dimande di ratourner l' definixha eyet l' etimolodjeye.
C' est foirt interessant, e limbordjwès il eployèt cist epront do walon avou ttafwait l' minme sinse k' e walon (les deus sinses, li ci d' crevêye biesse, et l' ci po traiter); metans, cwand ene vatche ni rote nén, on lyi dene on côp d' baston eyet criyî "nùtse kurei"; ou cwand c' est l' vatche ki vos make: ""nodédzjuse kurei" (c' est on traitaedje ene miete trop foirt po ene djin, ça fwait k' i l' eployèt å pus sovint po les vatches).
Li mot "kurei" si prononce parey k' e walon (lidjwès) "curêye" (avou l' longou "u" pa dvant l' "r"), et les cåzants do limbordjwès savèt bén k' c' est on mot ki vént do walon ("Welsj"). |
|
Rivni al copete |
|
|
Pablo Saratxaga Site Admin
Date d' arivêye: 2005-07-01 Messaedjes: 1156 Eplaeçmint: Oûpêye
|
Date: mie 24 awo, 2005 23:38:59 Sudjet: Re: Croejhlaedjes walon/limbordjwès |
|
|
Pablo Saratxaga scrijha: |
"nodédzjuse kurei" |
dji vén d' m' è rinde conte djusse asteure! mins "nodédzjuse" c' est eto do walon! ("dzj" et "tsj" c' est leu manire di scrire les "dj" et "tch")
(li cawete -se c' est del croejhete limbordjwesse)
Candjî pol dierin côp pa Pablo Saratxaga, li dim 04 set, 2005 1:45:06; candjî 2 feyes |
|
Rivni al copete |
|
|
Pablo Saratxaga Site Admin
Date d' arivêye: 2005-07-01 Messaedjes: 1156 Eplaeçmint: Oûpêye
|
Date: dim 04 set, 2005 1:43:56 Sudjet: |
|
|
des ôtes mots walons rpris e limbordjwès des Forons:
- bagere: baguer
- kaekè: kinket
- korae: côrin
- mortikè: mårtiket (mårticot)
- nodédzju!: nodidju
- dzju!: dju! (acourtixheure di nodidju)
- saemieljaar!: sint miyårds!
- pîmooj: pîmåye (eployî avou l' sinse di «viye feme ki s' atitote po ravizer pus djonne»; est çki ç' sinse la egzistêye e walon eto? (c' est nén dins l' Haust))
|
|
Rivni al copete |
|
|
|