Berdelaedjes

[lucyin]

trové dins G&G p. 141 et dins l' motî R16 (li ci do live).

http://wa.wiktionary.org/wiki/rez%C3%AE

kécfeye li minme mot ki rôzyî = rôziner :

http://wa.wiktionary.org/wiki/r%C3%B4ziner

Wice l' av oyou / léjhou, vos, Djôr ? Ca i n' est dins nou motî. Codjowé ou nén ? S' i s' codjowe "rezeye", adon, c' est rezyî, a rfonde avou rôzyî (motî Toussint ?).

Si c' est a l' indicatif prezintrece, ça pôreut esse "i resse târd" = francès d' Walonreye "rester" (dimorer tård al shijhe amon les djins).
_________________
Li ci ki n' a k' on toû n' vike k' on djoû.

[Djor]

C' est a l' efinitif ki dj' a oyou. Mins d' ewou, ça, dj' n' el sai nén.

Åd contråve, dji n' conoxheu nén l' mot rôzyî. Mins asteure dji so seur ki c' est l' minme. (Et ça mostere bén ki ç' n' est nén mi dj' el a saetchî foû di m' botroûle.)

Ou bén, ça s' a foidjî come li viebe "avinde". Metans:

Ene prumire djin a-st epolyî "rester", tot djhant "dji resse". L' oyeu a-st oyou "dji reze", et foirdjî on novea efinitif "rezî".

Ça s' a ddja passé avou "avinde". Ene prumire djin a dit: "dj' avén", k' a stî racomprins come "dj' avind", d' ewou on novea efinitif "avinde".

Ki ça våye come ça vout, dji so seulmint on "temon"... ki ça fouxhe ene cogne di "rôzyî" ou d' "rester".
_________________
Li walon n' est nén d' l' esperanto.