Djivêye des foroms di Berdelaedjes Berdelaedjes
Forom di berdelaedjes e walon, so tot l' minme ké sudjet
 
 FAQFAQ   CweriCweri   Djivêye des mimbesDjivêye des mimbes   Groupes d' uzeusGroupes d' uzeus   Si fé mimbeSi fé mimbe 
 ProfilProfil   Lére les messaedjes privésLére les messaedjes privés   S' elodjîS' elodjî 

Wikipedia: Nanesse
Potchî al pådje Di dvant  1, 2
 
Sicrire on novea sudjet   Responde å sudjet    Djivêye des foroms di Berdelaedjes -> Wikipedia
Vey sudjet di dvant :: Vey sudjet shuvant  
Oteur Messaedje
djan-djan



Date d' arivêye: 2007-07-22
Messaedjes: 264
Eplaeçmint: Mont-Sint-Gubert

PostDate: sem 23 djn, 2012 11:26:36    Sudjet: Responde tot citant

Djôr scrijha:
Neni. Ç' n' est nén o no.

Oyi c' est on no.

Wikipedia scrijha:
A name is a word or term used for identification. Names can identify a class or category of things, or a single thing, either uniquely, or within a given context. A personal name identifies a specific unique and identifiable individual person, and may or may not include a middle name. The name of a specific entity is sometimes called a proper name (although that term has a philosophical meaning also) and is a proper noun. Other nouns are sometimes, more loosely, called names; an older term for them, now obsolete, is "general names".


En Amazoneye, on dene li no del tribu come no d' famile...

Tos les no d' famile discrijhnut ene sacwè. Cayron ça vout dire li ci k' aveut ene måjhone di pire (ou ene sacwè insi), Dupont, li ci ki vikéve adlé on pont... Evnd. Et a pårt des djins come li pondeu walon Delapasture k' a divnou Vanderweyden po plaire ås douks di Braibant (c' est lyi k' a decidé), on n' les ratoûne nén. C' est l'uzance.

C' est l' minme po les nos d' veyes å dfoû del Walonreye. I gn a k' les grandès veyes flamindes k' ont on no walon et gn a nén dandjî d' walonijhî totes les ôtes, s' on n' les eploye nén sovint. Mins dji sai k' vos n' estoz nén di ciste avisse la (vos l' fijhoz co voltî dins vos scrijhaedjes).

Djôr scrijha:
1. Nouk di vozôtes n' a dné on vraiy årgumint, åré: "On va xhiner tot l' monde, voye nén voye".
(...)
6. Adon, nosse djin, c' est: Agnes, Margrét et Sigurður leu feye, vekesse.

Pocwè nos dmander noste avisse si vs estoz si seur del vosse?

Ces afwaires la c' est aprume ene kesse d' uzance ey adon ene kesse d' årgumints. Pocwè dit-st on on dint et nén ene dint? Paski c' est insi.

Po k' les djins compudnuxhe çou k' on dit, i s' fåt raloyî a des uzances ey adon les radapter s' i fåt, mins avou des foirt bounès råjhons.

Djôr scrijha:
3. Tos les "bar" et "ben" del Bibe ont stî ratournés, dispoy des ans et des razans.

C' est des vîs nos ou des djins mo cnoxhous. Ça n' est nén co l' cas di vosse Nanesse.
_________________
Mi copiutrece cåze walon -> http://walotux.walon.org
Rivni al copete
Vey li profil di l' uzeu Evoyî on messaedje privé Viziter l' waibe di l' uzeu Jabber
Pablo Saratxaga
Site Admin


Date d' arivêye: 2005-07-01
Messaedjes: 948
Eplaeçmint: Oûpêye

PostDate: sem 23 djn, 2012 11:34:21    Sudjet: Responde tot citant

Djor scrijha:
Citåcion:
Metans, po on no rûsse, on mete "Vladimir Ilitch" et nén "Vladimir valet da Ilya".

Po les Rûsses, ons a todi leyî foû l' mîtrin no, et scrire seulmint l' no d' famile e paspoirt.


Dji n' sai nén çou k' on mete dins les paspoirts, mins po çou k' est d' fé èn ärtike po ene eciclopedeye on mete li no etir, dj' ô bén avou l' patronimike; metans:
http://wa.wikipedia.org/wiki/Dmitriy_Ivanovitch_Mendeleyev

Citåcion:

Citåcion:
Adon on fwait l' minme ki po les nos arabes


Oyi da! Et dire, flotchreçmint, come La famille Ben Laden, sapinse les gazetes (foirt avant Le Soir).


çou ki, po ses fré et sours, n' est nén fås; ou k' i fåreut motoit comprinde come li famile da Ben Laden.

Des djins k' i gn a sont minme kinoxhous fok pa leu patronimike,
metans:
http://wa.wikipedia.org/wiki/Ben_Xhaldoun

Citåcion:

1. Nouk di vozôtes n' a dné on vraiy årgumint, åré:


Siya. On vs dit k' on screye totavå "XXXXdóttir" (ou èn ekivalint fonetike); måy li sinse "feye da" (såf en izlandès, mins k' on l' sicreye, djustumint, "dóttir").

Metans, pol tchanteuse "Björk Guðmundsdóttir", les årtikes e daenwès, suwedwès et nôrvedjin (ossu bén vî k' noû), eployèt "Björk Guðmundsdóttir", et nén -datter ou -dotter.

årvierdimint, l' årtike en izlandès sol prumî minisse del Daenmåtche c' est:
http://is.wikipedia.org/wiki/Anders_Fogh_Rasmussen
i n' candjèt nén Rasmussen a Rasmusson.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 2768
Eplaeçmint: Sidi Smayil, Marok

PostDate: sem 23 djn, 2012 12:07:07    Sudjet: Responde tot citant

Gråces a tos les respondeus. On dvreut rcopyî les mwaissès idêyes so :

http://wa.wikipedia.org/wiki/Nos_d%27_famile

Djusse po dire kimint k' c' est ki dj' manaedje les nos arabes :

Ibn => Ben, rashiou
* so ene viye uzance, k' on rtrove toplin dins les nos d' veyes di l' Espagne, Marok...
* cogne d' Afrike Bijhrece
* ibn est fonolodjicmint impossibe e walon.

Po les tchanteus, dj' a leyî des côps l' tchuze a Djihinne. Metans Warda el Djaza'iriya (Rôze, l' Aldjeryinne), elle a, al fén des féns, tchoezi "Warda".

http://wa.wikipedia.org/wiki/Warda

Les ôtes Wiki :

[[ar:وردة الجزائرية]]
[[de:Warda al-Dschaza'iriya]]
[[en:Warda Al-Jazairia]]
[[es:Warda (cantante)]]
[[et:Warda Al-Jazairia]]
[[fr:Warda Al Jazairia]]
[[nl:Warda Al-Jazairia]]
[[oc:Warda Al Jazairia]]
[[pl:Warda Al-Dżazairia]]

Dj' ô bén : gn a todi on halkinaedje, po vey si, so les "ptits" Wikis, on mete on no radapté å lingaedje ou on no foirt eternåcionå. Po les nos d' biesse, metans, les espagnol-sicrijhants eploynut tofer li sincieus no. E walon, dj' eploye todi on no k' egzistêye e walon, ou comprindåve e walon.

Dji cwir après l' årtike "héron ås vatches", mins dji voe k' i n' est nén co la, mins dedja anoncî so les cmons :

http://commons.wikimedia.org/wiki/File:Herons_%C3%A5s_vatches_djocoe.jpeg

La, dj' a tchoezi on maxhaedje do no francès (héron garde-boeufs) et arabe marokin (ki dj' etin tos les djoûs) "oujhea ås vatches".

Tot ça po dire ki : gn a eto li tchuze do fjheu d' l' årtike (del fijheuse di l' årtike), po mete on mwaisse tite, adon-pwis, totes les esplikêyes k' il est rekis.

Djusse, cial, e walon, i fåt scrire "Agnesse" (Feller Agnès´). Djel radjoute.

Dji mete eto ene esplikêye, a môde di pî-note, pol sintake "Magrét et S. leu feye", viye sintake rimetowe al môde lanawaire, mins nén co åjheymint comprindåve pa mo des walon-lijheus.
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Djor



Date d' arivêye: 2005-07-02
Messaedjes: 156
Eplaeçmint: Sint-Serwai

PostDate: sem 23 djn, 2012 23:48:11    Sudjet: Responde tot citant

Maisse Arsouye scrijha:
Siya, dj' a on årgumint : si vos dimandoz à ciste coumere là comint ç' k' on l' lome, ele vos dirè "Agnes M. Sigurðardóttir".


Neni. Ele direut: Agnes. Et s' i gn a co ene sifwaite avou l' minme no, ele direut: Agnes Sigurðard. Ene sacwè ki n' est ddja nén scrît so les papîs.

L' Izlande... dj' î a stî ey atchter l' ticheur...

Et des paspoirts russes ey ancyin-sovietikes, dj' endè voe tos les djoûs (c' est m' mestî).

Et co: dj' a on soçon bulgåre, ki so s' paspoirt, c' est scrît: K*** S*****ov P***ev. Al comeune, il ont prins "S*****ov P***ev" come no d' famile. «I n' ont rén comprins», dit-st i, «"S*****ov" vout seulmint dire ki m' pa s' lome "S*****"; mins m' seu no d' famile, c' est "P***ev".

Douvént k' dji dmande? Si dji n' dimande nén, vos djhoz k' dji fwai a m' tiesse (mins cwand c' est vzôtes ki fwait sins dmander, gn a pont d' aroke po l' fé, sapinse vozôtes).

Xhiner les ôtes Wikis n' est nén todi l' mia. Metans: so Wiki e-n almand, li no del veye ewou k' dj' a skepyî, c' est Satu Mare. Oyi, mins l' almand est l' troejhinme lingaedje oficir del comene, et l' no oficir e-n almand, c' est Sathmar (et les almand-cåzants d' Roumaneye dijhnut eto "Sathmar"). Dj' a sayî d' espliker ça ås djins del Wiki almand-cåzante. Dj' elzî a apoirté des fotos des plakes oficires del veye. Rén a fé. Por zels, i fåt scrire, minme e-n almand, Satu Mare, veyanmint ki l' veye est e Roumaneye... Ey il ont fwait insi avou tos les nos des veyes foû d' Almagne, Ostrike et Swisse. Mins tolminme, il ont scrît Bukarest, adon gn i gn a nén on almand-cåzant avå les voyes del mwaisse-veye del Roumaneye.

Tot ça po dire ki, come i djheut Lucyin, tchaeke Wiki a ses uzances... Pôreut vali k' on n' xhene nén les mwaijhès uzances d' ôte pårt.
_________________
Li Crist a raviké!
Rivni al copete
Vey li profil di l' uzeu Evoyî on messaedje privé
Mostrer les messaedjes des dierin(ne)s:   
Sicrire on novea sudjet   Responde å sudjet    Djivêye des foroms di Berdelaedjes -> Wikipedia Totes les eures sont a GMT + 2 eures
Potchî al pådje Di dvant  1, 2
Pådje 2 so 2

 
Potchî a:  
Vos n' poloz nén enonder des noveas sudjets dins ç' forom ci
Vos n' poloz nén responde a des sudjets k' i gn a dins ç' forom ci
Vos n' poloz nén candjî vos messaedjes dins ç' forom ci
Vos n' poloz nén disfacer vos messaedjes dins ç' forom ci
Vos n' poloz nén vôter dins les ploncaedjes di ç' forom ci


Powered by phpBB © 2001 phpBB Group