lucyin
Date d' arivêye: 2005-07-07
Messaedjes: 3664
Eplaeçmint: Sidi Smayil, Marok
|
 Date: lon 09 djl, 2012 11:15:25 Sudjet: sacwantès viyès kesses da Djôr (27 di fevrî) |
 |
|
| Citåcion: |
Dji n' esteu nén å corant d' sacwants candjmints d' rifondaedje. Adon, si dj' a bén comprins, c' est «souner» (sinse di triboler les clokes etch.)... Mins adon, «sounete» et «souné» eto?
Po les årtikes, dji n' a nén candjî, mins dj' a wårdé «on» padvant l' voyale, la k' i gn a pont d' adire å dire ey al ôre ("on ome" come "on gamén" a Nameur; "èn ome" come "èn gamén" a Lidje).
Li «å» (ou «al» padvant voyale) + viebe, c' est on vî eployaedje, ki vout dire, metans:
«å scrire» = «cwand k' ons a scrît» = «tot scrijhant»
Ça vént tot droet do latén (et l' walon est l' seu lingaedje roman do coûtchant k' a wårdé çt uzaedje ci). E vosse live da Rmåke, i ndè cåze eto, mins dji n' vis såreu pus dire li pådje.
Les loyeures aidnut les lijheus a mea comprinde, foirt avant les ceas ki n' sont nén afwaitis avou «mwaisse» ôtmint ki mwaisse di scole.
«Si» + futeurece, c' est co ene sacwè bea e walon; i n' el fåt nén taper foû. Li «si» s' mareye voltî e walon avou bråmint des timps d' croejhete; nén come e francès/inglès. Metans:
«S' i frè bea, dj' irè a Lidje» ==> Normå.
«S' i fwait bea, dj' irè a Lidje» ==> S' i fwait bea å djoû d' ouy, dj' irè dmwin a Lidje.
Dj' a fwait esprès d' sicrire:
- a-st avou (= a yeu)
- a avou (= a atot).
Oyi, «djonne» avou 2 n. Dj' a coridjî.
Dj' a candjî «do côp» po «ça fwait ki».
Dj' a candjî «rascod» sins "e".
Dj' a trové "emoussî" ene sawou (dji n' vis såreu dire ewou). Dj' el a fwait "amoussî", la k' c' est viè l' ådvins.
Dji n' a nén comprins l' istwere des taexhons... Dj' a djusse dit k' «i n' ont k' waire di taexhons». Mi shonne-t i, todi.
«E l' cwårtî»: dji n' voe nén douvént k' l' årtike djinne.
Gråce et k' ça vs våye bén! |
dji va responde pitchote a midjote...
_________________
Li ci ki n' a k' on toû n' vike k' on djoû. |
|
FAQ
Cweri
Djivêye des mimbes
Groupes d' uzeus
Si fé mimbe
Profil
Lére les messaedjes privés
S' elodjî
