Djivêye des foroms di Berdelaedjes Berdelaedjes
Forom di berdelaedjes e walon, so tot l' minme ké sudjet
 
 FAQFAQ   CweriCweri   Djivêye des mimbesDjivêye des mimbes   Groupes d' uzeusGroupes d' uzeus   Si fé mimbeSi fé mimbe 
 ProfilProfil   Lére les messaedjes privésLére les messaedjes privés   S' elodjîS' elodjî 

Tecses des zapatisses di l' EZLN
Potchî al pådje Di dvant  1, 2, 3
 
Sicrire on novea sudjet   Responde å sudjet    Djivêye des foroms di Berdelaedjes -> Berdelaedjes
Vey sudjet di dvant :: Vey sudjet shuvant  
Oteur Messaedje
Pablo Saratxaga
Site Admin


Date d' arivêye: 2005-07-01
Messaedjes: 1012
Eplaeçmint: Oûpêye

MessaedjeDate: lon 18 djl, 2005 1:40:27    Sudjet: Responde tot citant

Et vochal li troejhinme boket

(li tecse e castiyan)

----
Årmêye zapatisse di liberåcion nåcionåle.
Mecsike.

SHIJHINME DECLARÅCION DEL DJUNGUE LACANDONE

V.- DI ÇOU K' NOS VOLANS FÉ.

Bon, asteure insi on vs vide çou k' nos vlans fé e l' Daegn eyet e l' Mecsike, paski nos n' polans nén vey tot çou ki s' passe e nosse planete eyet dmorer djusse moyas, come s' i n' åreut k' nozôtes a esse wice ki nos estans.

Insi don e l' Daegn çou k' nos vlans c' est d' dire a tertos les cis ki rezistèt et ki lûtèt a leu môde et dins leus payis, k' i n' sont nén tot seus, ki nozôtes les zapatisses, mågré k' on n' soeye nén bråmint, on vs aspoye eyet on va vey li manire di vs aidî dins vos lûtes et d' cåzer avou vos po-z aprinde, paski come di djusse çou k' on-z a bén aprindou c' est a-z aprinde.

Et nos vlans dire åzès peupes latino-amerikins ki c' est po nozôtes ene firté ki d' esse ene pårteye di vozôtes, fouxhe-t ele pitite. Ki nos nos sovans foirt bén cwand i gn a des anêyes ossu l' continint s' louméve eyet ene loumire si loméve Che Guevara, come divant çoula ele s' a lomé Bolívar, paski pa côps les peupes prindèt on no po dire k' i prindèt-st on drapea.

Et nos vlans dire å peupe di Cuba, ki ça fwait ddja bråmint des anêyes k' i rezistèt tot shuvant leu voye, k' i n' est nén seu et ki nos n' estans nén d' acoird avou l' blocusse k' on lzî fwait et ki nos alans vey li manire di lzî evoyî ene sacwè, minme si ç' n' est k' do mayisse, po leu rezistance. Et vos vlans dire å peupe etazunyin, ki nozôtes on n' kimaxhe nén et ki nos savans k' ene sacwè c' est les måvas govienmints k' il ont et ki fjhèt do toirt a tertos, eyet ene ôte sacwè foirt diferinne c' est les Etazunyins ki lûtèt dins leu payis et ki s' solidarijhèt avou les lûtes des ôtes peupes. Et nos vlans dire ås frés et sours Mapoutche, å Tchili, ki nos voeyans eyet aprinde di vos lûtes. Et åzès Venewelyins ki nos rwaitans foirt bén cmint k' i disfindèt leu sovrinnté dj' ô bén li droet d' leu Nåcion a decider di ké costé aler. Et åzès frés eyet sours indidjinnes d' Ecwåteur et Boliveye nos lzî djhans k' i nos dnèt ene boune luçon d' istwere a tote l' Amerike latene pask' asteure oyi ki vos metoz ene ahote å globalijhaedje neyoliberå. Eyet åzès piqueteros (no dén e l' Årdjintene ås ovrîs k' ont ocupé les oujhenes abandnêyes et les rmete a produre) et åzès djonnes d' Årdjintene ki nos lzî vlans dire çoula, ki nos les voeyans voltî. Et ås cis k' e l' Ourougway volèt on payis ki soeye mia nos ls admirans. Et ås cis ki sont sins tere [li tecse eploye li viebe "estar" et nén l' viebe "ser", dj' ô bén, ki l' fwait d' esse sins tere c' est pol moumint, et nén po todi] å Braezi ki nos les respetans. Et a tos les djonnes di l' Amerike latene ki c' est bon çou k' i fjhèt et k' i nos dnèt on grand espwer.

Et nos vlans dire åzès frés et sours di l' Urope Sociåle, dj' ô bén l' cene k' est digne et rebele, k' i n' sont nén tot seus. Ki ça nos fwait bråmint plaijhi leus grands movmints siconte des gueres neyoliberåles. Ki nos loucans avou atincion leus foûmes d' organizåcion et leus môdes di lûter po insi motoit aprinde åk. Ki nos loucans après l' manire di vs aspoyî dins vos lûtes et ki nos n' alans nén vs evoyî des euros pask' adon i s' disvaluwèt cåze des dsiduts e l' Union Uropeyinne, mins motoit k' on vs evoyrè des prodûts årtizans et do cafè po vos l' comerciålijhî et k' vos åyîz sacwants aidants po vost ovraedje di lûtes Et motoit ossu k' on vs evoyrè do pozol ki dene bråmint des foices pol rezistance, mins motoit nén paski l' pozol c' est purade ene sacwè a nosse môde et ça pôreut vos rtourner les boyeas et vos serîz aflåwis dins vos lûtes et les neyoliberålisses vos wangnrént.

Et nos vlans dire åzès frés et sours d' Afrike, d' Azeye eyet d' Oceyaneye ki nos savas ki zels avou i lûtèt et ki nos vlans cnoxhe co d' pus di leus idêyes et di leus manires di fé.

Et nos vlans dire å monde ki nos l' volans fé grand, si grand k' i gn åye del plaece po tos les mondes ki rezistèt pask' on les vout distrure des neyoliberalisses et pask' i n' si leyèt nén fé insi sins rén dire mins k' i lûtèt po l' umanité.

Bon, insi don å Mecsike çou k' nos vlans fé c' est èn acoird avou des djins et des organizåcions fok di hintche, paski nos pinsans ki c' est al hintche politike seulmint k' i gn a l' idêye di rezister siconte do globalijhaedje neyoliberå, et di fé on payis wice k' i gn åye, po tertos, del djustice, del democraceye et del liberté. Nén come pol moumint k' i gn a del djustice seulmint po les ritches, del liberté seulmint po leus grandès afwaires et seulmint del democraceye po mete des afitches so tos les meurs avou del propagand electoråle. Et paski nozôtes nos pinsans ki seulmint foû del hintche i pout rexhe on plan d' lûte po k' nosse Patre, ki c' est l' Mecsike, èn moure nén.

Ey adon, çou k' nos pinsans c' est ki, avou ces djins ey organizåcions di hintche, on fwait-st on plan po-z aler a totes les coines do Mecsike wice k' i gn a des ptitès djins simpes come nozôtes.

Et ç' n' est nén ki nos lzî iréns dire cwè k' i dvèt fé, dj' ô bén lzî dner des ôres, neni.

Nerén k' nos lzî iréns dmander d' vôter po on candidat, la k' nos savans ddja ki les cis k' i gn a sont neyoliberalisses.

Nerén k' nos lzî diréns d' fé parey ki nozôtes, ni k' i s' levexhe avou l' fizik.

Çou k' nos alans fé c' est delzî dmander kimint c' est leu vicaedje, leu lûte, leu tuzaedje di cmint si trove noss payis et di cmint nos alans fé po n' nén esse batous.

Çou k' nos alans fé c' est d' prinde ci tuzaedje des djins simpes et des ptitès djins et motoit nos trovrans dins zels li minme amour ki nos sintans nozôtes po nosse patreye.

Et motoit k' nos trovrans èn acoird etur les cis k' nos estants des djins simpes et des ptitès djins eyet, eshonne, nos ns organizans dins tot l' payis et nos metans d' acoird nos lûtes ki pol moumint sont seules, tchaeke di s' costé, eyet k' nos travans ene sacwè insi come on programe k' åye tot çou k' nos volans tertos, eyet on plan di cmint k' nos alans fé ç' programe la, ki s' lome "programe nåcionå d' lûte", et po k' i soeye shuvou.

Ey adon, d' après l' acoird del madjorité di totes ces djins ki nos alans schoûter, bén nos frans ene lûte avou tertos, avou les indidjinnes, les ovrîs, les payizans, les studiants, les professeus, les femes, les efants, les viyès djins, les omes, et avou tot ki åye do bon e s' cour eyet l' eveye di lûter po k' on n' finixhe nén d' distrure eyet d' vinde nosse patreye ki ç' lome "Mecsike" et ki s' trove inte les aiwes Bravo et Suchiate, et k' a d' on costé l' oceyan pacifike et d' l' ôte costé l' oceyan atlantike.

VI.- DI CMINT K' NOS L' ALANS FÉ.


Ey adon çouchal c' est noss parole tote simpe k' est po les djins simpes et les ptitès djins do Mecsike et del Daegn, et cisse parole la da nosse asteure nos l' lomans:

Shijhinme Declaråcion del Djungue Lacandone.

Et chal nos estans po dire, avou nosse parole tote simpe, ki...

L' EZLN shût avou s' compromis d' ahote-å-feu ofinsif et k' ele ni frè nole atake siconte des foices govienmintåles ni des movmimts militåres ofinsifs.

L' EZLN shût co avou s' compromis d' insister sol voye del lûte politike avou ciste iniciative pacifike ki nos fjhans la asteure. Pol tant, l' EZLN continouwrè avou si idêye di n' fé nole sôre di relåcion sicrete avou des organizåcions politico-militåres nåcionåles ou d' ôtes payis.

L' EZLN rinovele si compromis di disfinde, aspoyî eyet schoûter les cominåltés indidjinnes zapatisses ki l' copôzèt et ki sont si pus hôt comandmint, eyet, sins vni interferer dins leus dvintrins porcessus democratikes et dins l' mezure di ses moyéns, di contribouwer å rfoirçaedje di leu otonomeye, bon govienmint eyet amidraedje des condicions d' vicaedje. Dj' ô bén ki çou k' nos alans fé å Mecsike eyet l' Daegn, nos l' alans fé sins åres, avou on movmint civil et pacifike, et sins rovyî nerén arester d' aspoyî a nos cominåltés.

Pol tant...

E l' Daegn...

1.- Nos frans pus di relåcions di respet et d' aspoyaedje mutuwel avou des djins et des organizåcions ki rezistèt eyet lûter siconte do neyoliberalisse et po l' umanité.

2.- Sorlon nos moyéns nos evoyrans des aspoyaedjes materiels come des amagnîs, di l' årtizanat po les frés et sours ki lûtèt tot avå l' Daegn.

Po cmincî, nos alans dmaner å Consey di Bon Govienmint di La Realidad, k' i nos prustexhe li camion ki s' lome "Chompiras" et k' on-z î pout mete disk' a 8 tones, et nos l' alans rimplî d' mayisse et motoit deus bidons di 200 lites tchake avou d' l' essince ou do petrole, d' après çou ki lzî sereut l' mî, et nos l' alans apoirter a l' ambassade di Cuba a Mexico-veye po k' i l' evoyexhe a leu peupe cubin come èn aspoyaedje des zapatisses po leu rezistance siconte do blocusse etazunyin. Ou motoit bén k' i gn a-st ene plaece pus près did ci k' on l' î pôreut evoyî paski c' est foirt lon did li Veye di Mexico et i s' pôreut ki l' "Chompiras" toumreut e rak et on sereur gåys. Et çoula don cwand k' on frè li fenå, ki pol moumint ça crexhe co vert dins les tchamps et si on nos atake nén, paski si nos l' evoyans ces moes ci bén c' est djusse des vîs grins k' nos avans et ça n' arivrè nén comifåt minme po des tamales, ça fwait k' ça serè mî po nôvimbe ou decimbe, a l' asulon.

Ey eto nos alans fé èn acoird avou les coperatives di femes ki fjhèt d' l' årtizanat po-z evoyî des brozdreyes a les Uropes ki motoit i n' sont ddja pus ene Union, et motoit eto nos evoyans do cafè organike des coperatives zapatisses, po k' i l' vindexhe eyet ndè fé sacwants aidants po vosse lûte. Et s' i n' si vind nén bén vos l' pôroz todi boere eyet copiner del lûte siconte neyoliberåle, et s' i fwait ene miete froed bén vos vs pôroz covri avou les brozdreyes zapatisses ki rezistèt foirt bén minmle disk' ås netiaedjes al mwin sol pire, dins on rixhot, et ki, di pus, ni pierdèt nén leus coleurs.

Et åzès frés et sours indidjinnes di Boliveye ey Ecwåteur nos lzî evoyrans eto ene miete di mayisse nén-transdjenike et c' est djusse ki nos n' savans nén wice fé l' evoyaedje po k' il arive comifåt mins oyi nos estans dispôzés a dner cisse pitite aidance la.

3.- Eyet a tertos et tertotes ki rezistèt tot avå l' Daegn nos lzî djhans k' i fåt fé des ôtes rascontes etercontinintåles, ni fouxhe k' ene seule. Motoit e moes d' decimbe di ciste anêye ou d' djanvî ki vént, i fåt î tuzer. Nos n' volans nén djuse dire cwand, pask' i s' adjixh di fé nozôtes tertos des acoirds pareys po ttafwait, so wice, so cwand, so cmint, so avou kî. Mins ki ça n' soeye nén on scanfår avou ene pougnêye ki cåze eyet tos ls ôtes ki schoûtrént, mins purade sins scanfår, tot et tertos sol minme livea et tertos ki cåzèt, mins a môde di djin ôtrumint c' est rén k' do brut et on n' etind nén l' parole, et avou on bon organizaedje tertos schoûtèt, et insi i metèt dins leus cayés les paroles di rezistance des ôtes po pus tård ki tchaeconk endè dvizer avou leus camaerådes dins leus mondes. Et nozôtes nos pinsans ki ça dvreut esse ene plaece wice k' i gn a-st ene foû grande prijhon, pask' insi si on nos reprime et nos mete el gayole nos n' seréns nén tos amonçlés mins prijhnîs et, çoula oyi, bén organizés, la dvins e prijhon nos continouwréns l' rasconte etercontinintåle po l' umanité et siconte li neyoliberalisse.

Adon pus tård nos vos dirans cmint k' nos frans po s' mete d' acoird so cmint on si va mete d' acoird. Bon c' est insi k' nos pinsans fé çou k' nos vlans fé e l' Daegn dabôrd. Asteure ça continouwe...

Å Mecsike...

1.- Nos alans continouwer a lûter po les peupes indyins do Mecsike, mins asteure pus seulmint po zels nerén seulmint avou zels, mins purade po tos les espwetés eyet emantchîs do Mecsike, avou zels tertos eyet dins tot l' payis. Et cwand nos djhans avou tos les espwetés do Mecsike nos cåzans eto des frés et sours k' ont dvou aler ås Estats-Unis po cweri d' l' ovraedje po poleur sorviker.

2.- Nos irans schoûter eyet cåzer directumint, sins intermediaires ni rén å mitan, avou les ptitès djins et les djins simpes do peupe mecsikin et, sorlon çou k' nos alans schoûter ey aprinde, nos srans ki costrurans, avou ces djis ki sont come nozôtes, des ptitès djins, on programe nåcionå d' lûte, mins on programe ki soeye clairmint di hintche dj' ô bén anticapitalisse dj' ô bén antineyoliberå, dj' ô bén pol djustice, li democraceye eyet l' liberté pol peupe mecsikin.

3.- Nos alans sayî d' costrure ou d' ricostrure ene ôte manire di fé del politike, ene k' åye co ene feye l' esprit di siervi les ôtes, sins interesses materiels, avou do sacrifice, tot estant dedyî, avou oniestruté, ki shût l' parole dinêye, ki l' seu paymint ci soeye li satisfaccion do dvwer bén fwait, dj' ô bén come fijhént dinltins les militants di hintche ki n' s' arestént nén avou les côps, li prijhon ou l' moirt, et co moens avou des biyets d' dolårs.

4.- Nos alans vey eto di lever ene lûte po dmander d' fé ene nouve Constitucion dj' ô bén des novelès lwès ki tnexhe conte des dmandes do peupe mecsikin come c' est: toete, tere, travay, amagnî, santé, acsegnmint, informåcion, culteure, indepindince, democraceye, djustice, liberté et påye. Ene nouve Constitucion ki ricnoxhe les droets et libertés do peupe, eyet disfinde li fwebe siconte li poûxhant.

PO ÇOULA...

L' EZLN va-st evoyrè ene delegåcion di s' direccion po fé cist ovraedje la so tot l' teritwere nåcionå et po on tins nén defini. Cisse delegåcion zapatisse, avou les organizåcions et les djins d' hintche ki s' djondront a cisse Shijhinme Declaråcion del Djungue Lacandone, irè ezès plaeces wice k' on l' priyrè espressemint.

Nos adviertans eto ki l' EZLN metrè so pî ene politike d' aloyances avou les organizåcions et movmints nén electorås ki s' definixhèt, el teyoreye tot come el pratike, come di hintche, d' après les condicions shuvantes:

Èn nén fé des acoirds ådzeur po les impôzer ådzo, mins purade fé des acoirds po-z aler eshonne schoûter ey organizer l' indignåcion; nén lever des movmints ki sont après negocyîs dins l' dos des cis k' les fjhèt, mins purade tofer tini conte l' opinion des cis ki pårticipèt; nén cweri des bistokes, pôzucions, advintaedjes, posses publiks, do Pouvwer ou des cis k' el vôrént voltî, mins purade aler pus lon k' les calindrîs electorås; i n' s' adjixh nén di rsoude dispoy li dzeur les problinmes di nosse Nåcion, mins di costrure DO DZO EYET PA LI DZO ene alternative å distrujhaedje neyoliberå, ene alternative di hintche pol Mecsike.

Oyi å respet reciproke a l' otonomeye ey indepindince des organizåcions, a leus foûmes di lûte, a leu môde di s' adjinçner, a leus dvintrins porcessus po fé des decidaedjes, a leus rprezintåcions ledjitimes, a leus aspiråcions eyet dmandes; et oyi a on compromis clair di disfinse eshonne et d' manire cordonêye del sovrinnté nåcionåle, avou l' opôzucion intrasidjinte åzès sayes di privatijhaedje di l' enerdjeye electrike, do petrole, di l' aiwe et des rsoûces natureles.

Dj' ô bén ki, come on dit, nos priyans les organizåcions politikes eyet sociåles di hintche ki n' åyexhe nén d' redjisse, et les djins ki s' revindikèt d' hinche ki n' apårtinèt nén åzès pårtis politikes avou redjisse, di nos rapoûler a on moumint, plaece eyet môde ki nos vs propôzrans a s' moumint, po-z organizer nosse campagne nåcionåle, tot vizitant totes les coines possibes di nosse patreye, po schoûter eyet organizer l' parole di nosse peupe. Adon c' est come ene campagne, mins foirt diferinnes pask' ele n' est nén electoråle.

Frés et sours:

Çouchal c' est nosse parole simpe ki nos declarans:

Dins l' Daegn nos alas co d' pus nos fé frés avou les lûtes di rezistance siconte do neyoliberalisse eyet po l' umanité.

Et nos alans aspoyî, minme si ç' n' est k' on pô, ces lûtes la.

Et nos alans, avou do respet mutuwel, discandjî des apriyesses, des istweres, des idêyes, des sondjes.

Å Mecsike, nos alans roter tot avå l' payis, påzès rwenes k' a leyî l' guere neyoliberåle et påzès rezistances ki, racrapotêyes, î florixhèt.

Nos alans cweri, eyet trover, les sakîs ki voeyèt voltî ces teres et ces cirs tot ostant k' nozôtes.

Nos alans cweri, dispoy La Realidad disk' a Tijuana, les cis ki vôrént s' organizer, lûter, costrure motoit l' dierin espwer di k' cisse Nåcion ci, ki rote pol moens dispoy li tins k' èn aigue s' a poizé so on cactusse nopal po magnî on sierpint, ni moure nén.

Nos alans pol democraceye, li liberté et l' djustice po les cis k' on lzî rfuze.

Nos alans avou ene ôte politike, po on programe di hintche et po ene nouve constitucion.

Nos priyans les indidjines, les ovrîs, les payizans, les professeus, les studiants, les femes al måjhon, les colons, les ptits prôpietaires, les ptits botikîs, les ptits tchîfs d' eterprijhe, les pinsionés, les handicapés, les rlidjeus et les rlidjeuses, les syincieus, les årtisses, les cotuzeus, les djonnes, les femes, les viyès djins, les omosecsuels et les lesbyinnes, les efants, valets et båsheles, po ki, mierdjinmint ou colectivmint i pårticipexhe directumunt avou les zapatisses a cisse CAMPAGNE NÅCIONÅLE pol costrujhaedje d' ene ôte manire di fé del politike, a on programe di lûte nåcionåle et d' hintche, et po ene nouve Constitucion.

Ey insi don cisse lale c' est nosse parole di çou k' nos alans fé et d' kimint k' on l' va fé. Vola po k' vos l' voeyoxhe si c' est k' vos vloz intrer.

Et nos djhans åzès omes et femes k' ont on bon tuza dins leus cours, ki sont d' acoird avou cisse parole ci ki nos avans vudî et ki n' ont nén peu, ou k' ont peu mins ki l' mwaistrixhèt, bén insi k' i djhexhe publicmint s' i sont d' acoird avou ciste idêye ki nos declarans et insi don nos alans vey on bon côp kî et cmint et wice et cwand c' est k' on fwait cisse novele etape dins l' lûte.

Sol tins k' vos î tuzez, nos vs dijhans ki, ådjourdu, e shijhinme moes d' l' anêyes 2005, les omes, femes, efants eyet viyès djins d' l' Årmêye Zapatisse di Liberåcion Nåcionåle nos ns avans ddja decidé eyet nos avans ddja soscrît a cisse Sijhinme Declaråcion del Djungue Lacandone ci, et il ont siné les cis ki l' savèt fé et les cis k' nel savèt nén on metou leus imprintes, mins i sont ddja moens les cis ki n' savèt nén siner pask' on-z a ddja avancî dins l' acsegnmint chal dins ci teritwere e rebelion po l' umanité et siconte li neyoliberalisse, dj' ô bén e cir et tere zapatisses.

Et cisse lale ci fourit nosse parole simpe evoyeye åzès cours nôbes des ptitès djins et des djins simpes ki rezistèt et si rebeler siconte des indjustices tot avå l' Daegn.


Democraceye!
Liberté!
Djustice!

Des montinnes do sudess mecsikin.

Comité clandestin revolucionåre indidjinne-comandance djeneråle di l' årmêye zapatisse di liberåcion nåcionåle.

Mecsike, e shijhinme moes d' l' anêye 2005.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
singlî



Date d' arivêye: 2005-09-01
Messaedjes: 3

MessaedjeDate: dju 01 set, 2005 9:24:31    Sudjet: Responde tot citant

mineudaredje scrijha:
Mais d'acwerd so kwe? C'est li kwesse... Confused:


E Marco, pokwe si fet-i appeler "Sub" commandante? Pokwe "sub"?


Marcos su fé houkî SUB pasqu c'est on chef, y dêu houter è obéir å pêupe
Lêu dvise: Kminder to houtant bin
Rivni al copete
Vey li profil di l' uzeu Evoyî on messaedje privé
ome liuere
Guest





MessaedjeDate: mie 07 set, 2005 14:56:39    Sudjet: ?????????????? Responde tot citant

les communiqués zapatiste et les listes qui e parlent devraient (si elle veulent diffuser des idées) se borner a parler français, voir esperanto ! moi, j'habite dans le languedoc, je reçois un lien vers votre site mais ... j'y comprend tchi!
devrais je répondre en occitan mais dans ce cas, je ne ferais qu'inverser le problème
vive la liberté vive l'anarchie
mort aux état, aux drapeaux et aux hymnes nationaux
ni dieu ni maitre
ome Liure
Rivni al copete
djozewal



Date d' arivêye: 2005-07-01
Messaedjes: 307
Eplaeçmint: bagué !

MessaedjeDate: dju 08 set, 2005 9:17:34    Sudjet: Responde tot citant

Liure di se borner a parler français ?

Ène miète coût, djonne ome, vs arîz polut è dîre branmint d' pus d' bones !
Tot kandjant d' ton èt, d' Ocsitanîye, anar, stinde vosse brès à l' Walonîye.
Rivni al copete
Vey li profil di l' uzeu Evoyî on messaedje privé Viziter l' waibe di l' uzeu Jabber
mineudaredje



Date d' arivêye: 2005-07-02
Messaedjes: 37
Eplaeçmint: Panama

MessaedjeDate: dim 02 oct, 2005 8:34:06    Sudjet: Responde tot citant

Traduction:

Depuis votre Languedoc natal, et employant l'occitan, vous pourriez, jeune homme, nous faire nous grattter la barbe, mais nous emerveiller...
Rivni al copete
Vey li profil di l' uzeu Evoyî on messaedje privé Viziter l' waibe di l' uzeu
Pablo Saratxaga
Site Admin


Date d' arivêye: 2005-07-01
Messaedjes: 1012
Eplaeçmint: Oûpêye

MessaedjeDate: dim 02 oct, 2005 15:52:30    Sudjet: Responde tot citant

Vochal ene pitite videyo del prijhe, li 1î d' djanvî 2000, del båze militaire di Jolnachoj påzès cominåltés zapatisses (videyo realvideo di 19Mo)

Le 1î d' djanvî 2000, å matén, des meyes d’ indidjinnes dizårmés vnant des cminåltés tot åtoû, dårît sol cazer militaire di Jolnachoj eyet l' ocuper.
Les sôdårs ont stepé evoye pus tård dins l' djournêye.


http://backdraft.be/liberinfo/video.php?p=6&id=1181
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Mostrer les messaedjes des dierin(ne)s:   
Sicrire on novea sudjet   Responde å sudjet    Djivêye des foroms di Berdelaedjes -> Berdelaedjes Totes les eures sont a GMT + 2 eures
Potchî al pådje Di dvant  1, 2, 3
Pådje 3 so 3

 
Potchî a:  
Vos n' poloz nén enonder des noveas sudjets dins ç' forom ci
Vos n' poloz nén responde a des sudjets k' i gn a dins ç' forom ci
Vos n' poloz nén candjî vos messaedjes dins ç' forom ci
Vos n' poloz nén disfacer vos messaedjes dins ç' forom ci
Vos n' poloz nén vôter dins les ploncaedjes di ç' forom ci


Powered by phpBB © 2001 phpBB Group