Berdelaedjes

[Guest]

Vola on mot qu'on n'ritroûve nin è diksionêre da Haust. Por mi c'èst-st-on nom dèl Hesbaye qui vôreût dîre in-as', on pirou. C'èst çou qu'on dihéve di mi qwand dj'èsteû p'tit . Al cinse da m'tante,qu'èsteût ossi on molin, c'èsteût l'nom d'onk dès gros dj'vâs. Dji m' sovin avou d'aveûr étindou â posse Edmond Le burton qui djâséve di Djôsèf Wauters , li grand socialisse di Warème. C'èsteût, si nom-mètou.

[Guest]

On djåke ?
Ptète k' il lès vûdève aujîmint ?

[Pablo Saratxaga]

Djustumint, dins l' DTW i gn a "djak" (Irritable, chagrin (-e)), ça pôreut esse aloyî a "djèk"?

(mins dji n' sai nén d' pus ki ça)

Motoit k' c' est on mot flamind?

[Louis Baijot]

[Pablo Saratxaga]

Bondjoû Louwis; c' est plaijhi di vs vey chal.

Mins i shonne ki vos avoz sayî di scrire vosse messaedje dins
l' roye "sudjet", et i n' a nén l' plaece assez po çoula;
vosse messaedje vos l' divoz mete dins l' grand cwåré
pa dzo, li ci k' est al droete des ptits xhinåds (smileys, les ptits
dessins di vizaedjes); la vos ploz scrire sins limite di longueur.