Berdelaedjes

[lucyin]

sol DTW : apwairi
sol Wiccionaire : apwairyî

pocwè ?

Li pus corant mot est "rapwairi / rapwairyî", mins il a èn omonime ki vént di "påye" : rapwairi = rapåjhter.
http://wa.wiktionary.org/wiki/rapwairi

=> dji rfondreu
* apwairyî / rapwairyî = (ri)mete a pwaires 3e troke
* apwairi / rapwairi : rinde del "pais" = del påye : 4e troke (nos rapwairixhans);

Rilevans ki les -w- sont des sorwalondes, mins on ndè prind sovint des sfwaites (pwaire di solés, mwaisse, fwait).

http://wa.wiktionary.org/wiki/Categoreye:Mots_avou_on_diftongaedje_pwinmwin

Djan a dandjî di "apwairyî" po des programes éndjolikes.
_________________
Li ci ki n' a k' on toû n' vike k' on djoû.

[Pablo Saratxaga]

C' est eto "apwairyî" ki dj' eployrè; mins c' est djusse pa calcaedje otomatike do francès et di s' cawete "-rier".

Mins c' est l' veur k' i gn a ene dobe cogne 3inme/4inme sôre:

http://chanae.walon.org/lh/wa/dic/index.php?query=%25pw*airy*%28i|%C3%AE%29%25&type=mot

c' est nén djusse a Lidje (wice k' i gn a on clintcha å forcoridjaedje sol 4inme sôre), la k' i gn a "dispaîrichadje" e mîtrin walon.

Dji m' dimande si les cognes del 3inme sôre ni sont nén des francijhaedjes.

Soeye-t i on rfond sol 4inme sôre: apwairi, soeye-t i ene dobe rifondowe: apwairi/apwaryî.
Mins s' apinse a mi i fåt wårder les cognes tipikes del 4inme sôre, la k' ele sont atestêyes.

[lucyin]

[djan-djan]

Dji sreu po prinde (r)apwairi, la k' ça m' shonne pus tipike. Mins d' èn ôte costé, dji n' a djamais stî foirt disconte le dobes rifondowe, si c' est insi k' on l' dit dins bråmint des plaeces.

Mi, çou ki dji m' dimande, c' est l' uzaedje do "R". Est çki rapwairi corespond vraiymint a "réapparier" ou est çki c' est come "ratinde" et d' ôtes viebes e walon k' on radjoute ene betchtete minme cwand on nd a nén vraiymint dandjî ?

Ôtmint dit : est çk' apwairi et rapwairi c' est l' minme ?
_________________
Mi copiutrece cåze walon -> http://walotux.walon.org

[Pablo Saratxaga]

dins des contecses k' i gn a ça pôreut esse li minme.

Mins dins l' contecse di rfé l' accion, rapwairi c' est bén "apwairi cor on côp çou k' a ddja stou apwairi".
Dj' ô bén, si "apparier" est ratourné come apwairi; comint vôrîz vs ratourner "réapparier" ôtrumint ki "rapwairi" ?

[lucyin]

Po vosse programe, c' est l' prumî côp k' on lzès va mete eshonne. => apwairi.

Po des tchåsses a roister al dresse, c' est clair k' elle avént ddja stî apwaireyes divant (vindowes apwaireyes) => rapwairi.

Pablo : rén k' "apwairi" ou dobe rifondowe : c' est sor vos ki l' bale ridjibele po decider. Loukîz eto l' ôte fyi so "souner" (bénrade).
_________________
Li ci ki n' a k' on toû n' vike k' on djoû.