|
Berdelaedjes Forom di berdelaedjes e walon, so tot l' minme ké sudjet
|
Vey sudjet di dvant :: Vey sudjet shuvant |
Oteur |
Messaedje |
lucyin
Date d' arivêye: 2005-07-07 Messaedjes: 3758 Eplaeçmint: Sidi Smayil, Marok
|
Date: lon 07 oct, 2013 20:11:55 Sudjet: Vraiy fås raploû del Rantoele do 5 d' octôbe |
|
|
Vraiy fås raploû del Rantoele, li 5 d’ octôbe 2013
Estént la : Djôr Sfasie, Colas Stålens, Djan Cairon, Lucyin Mahin + 3 filmeus (Xavier Istasse) et prindeus d’ son ki nos metèt dins l’ boesse. N’årént seu vni : Pire Otdjåke, Jacques Desmet, Pablo Sarachaga, José Schoovaerts.
Pont 1 : disbrifigne Rantoele 67
* Li candjmint del miernowe comere eviè on curé pout esse rissintou come mocant pol tuzance di sacwants lijheus.
* Li nombe di djins ki sont conte les comeres tote nowes crexhe ; mins gn a des ôtes ossu, et k’ el dijhnut noer so blanc. Les taijheus, sabaye po ké costé k’ i sont ? Ont i sogne di dire li leur ? Elzès fåt disgnognoter, po k’ i oizénxhe drovi l’ boke, minme disconte do « spotchant corant ».
* Djozé (nosse mwaisse dessineu) dijha k’ i n’ freut pus rén pol walon, après l’ moirt do professeur Titôrvå. Mins il askepia si rivnant : monsieu Ravioli (ou ene sacwè inla).
* Djan sayrè di fé on pordjet d’ coviete pol 68. Lucyin vierè cwè et decider fén nôvimbe, pol 68.
Pont 2 : Pordjet live
Gn a troes pordjets sol tåve :
- Li grosse croejhete da Lorint : Djan boute todi dsu, mins nén bråmint les dierins moes.
- Ene nouve idêye : « li walon rade et bén », live di scole todi da Lorin, rimetåve e rfondou d’ ouy, avou èn eredjistrumint di cåzeus des 4 coines del Walonreye.
- « Li ptit prince », li ratournaedje todi da Lorin. Come l’ ouve est foû abondroets e 2014, et po n’ nén rcopyî les ratournaedjes e walon (Levant, Coûtchant, bénrade Mitan), on pôreut candjî les dessins, ou l’ persounaedje (on ptit prince noer di pea, ou djaene, ou … ene pitite princesse... miernowe u nén...). Endè cåzer a l’ eplaideu Embanner k’ ene trope di Rantoelîs resconterrè bénrade avou l’ pordjet d’ fime Istasse.
C’ est l’ Djan ki decidrè ké pordjet serè metou so pås so fotches.
On a a schipe cåzé des ôtes pordjets pus classikes : « Gueuyes di walon » da Djåke Desmet, li « Sånî II » todi da Desmet (nén co fini), « Tchicago-el-Walonreye » da Lucyin Mahin (ki s’ pôreut co recråxhî).
Pont 3 : Eterdujhance [attitude] eviè l’ pordjet Desmet di 4 « rifondants oficirs ».
Ecoraedjî cisse voye la, sins bén seur rinoyî li rfondou po tertos. Ça pôreut esse ene mitan voye ahessåve, pår po fé scole ås efants ki n’ ont pus nou walon d’ viyaedje dins les orayes. Eto po spåde li walon dins li spåce publike. Les rfondants serént des scrijhaedjes k’ egzistèt ddja (koyiné carolo Fåcnî, rifondant namurwès Denis, lidjwès estandård Haust, Bastognård a môde do motî Francård). Ci sereut bén d’ elzès disfafloter, del minme manire totavå (+ ehåyî l’ croejhete?). Les 10 noveles di « Gueuyes di walon » da Djåke Desmet pôrént rexhe insi (2 e rfondou, 2 dins tchaeke des rfondants).
On s’ cwite avou ene marinde djotrece ås djaeyes di cadjou, avou des wåfes al påsse di bananes, nozôtes et les filmeus. Djan ridisploye si ployåve velo, po l’ riployî al gåre et l’ mete sol trén d’ Ocgniye ; Lucyin, ki ratind todi l’ cir-moenneu Galilêye, ès brouye dins les rexhowes di Sint-Serwai, si rtrove a Rénne, et arive ene eure trop tård a Bive, mins timpe assez po toirtchî on spitch edvinté la-minme. _________________ Li ci ki n' a k' on toû n' vike k' on djoû.
Candjî pol dierin côp pa lucyin, li mie 09 oct, 2013 12:14:58; candjî 2 feyes |
|
Rivni al copete |
|
|
djan-djan
Date d' arivêye: 2007-07-22 Messaedjes: 266 Eplaeçmint: Mont-Sint-Gubert
|
Date: lon 07 oct, 2013 21:14:13 Sudjet: |
|
|
Professeur Ravioli _________________ Mi copiutrece cåze walon -> http://walotux.walon.org |
|
Rivni al copete |
|
|
djozewal
Date d' arivêye: 2005-07-01 Messaedjes: 307 Eplaeçmint: bagué !
|
Date: mår 08 oct, 2013 10:40:32 Sudjet: |
|
|
Dj' avéve èto prévnu ki dji n' sèréve nén là !
Mèrci d' awè si bén cauzé d' mi èt di n' m' awè nén disfindu d' pus k' ça !
Rèn à dîre, ça fêt todi do bén d'ièsse bén considèré po ck' on a fêt dès anêyes au lon ! |
|
Rivni al copete |
|
|
lucyin
Date d' arivêye: 2005-07-07 Messaedjes: 3758 Eplaeçmint: Sidi Smayil, Marok
|
Date: mie 09 oct, 2013 12:18:38 Sudjet: |
|
|
djozewal scrijha: |
Dj' avéve èto prévnu ki dji n' sèréve nén là ! |
Come dit cial ådzeu.
djozewal scrijha: |
Mèrci d' awè si bén cauzé d' mi èt di n' m' awè nén disfindu d' pus k' ça !
Rèn à dîre, ça fêt todi do bén d'ièsse bén considèré po ck' on a fêt dès anêyes au lon ! |
Djôr esteut trop foirt : rwè e s' måjhone, come li fådeu e s' cahoute, avou l' Colas padrî mi avou on mantche di brouxhe. Mi hanete n' est pus si stocaesse ki çoula _________________ Li ci ki n' a k' on toû n' vike k' on djoû. |
|
Rivni al copete |
|
|
djozewal
Date d' arivêye: 2005-07-01 Messaedjes: 307 Eplaeçmint: bagué !
|
Date: mie 09 oct, 2013 13:59:12 Sudjet: |
|
|
Oyi, kand c' èst coridjî... sakants djoûs après !
Kand à clôre si grande G..., dji vos pout riconèche là-ddins. L' momént d' cauzer po ène sakî, vs n' èstèz pus là.
Dire k' on curé n'a nén s' place dins lès fièsses di Walonîye ça faut s' pèzant d' bièstrîyes ! |
|
Rivni al copete |
|
|
|
|
Vos n' poloz nén enonder des noveas sudjets dins ç' forom ci Vos n' poloz nén responde a des sudjets k' i gn a dins ç' forom ci Vos n' poloz nén candjî vos messaedjes dins ç' forom ci Vos n' poloz nén disfacer vos messaedjes dins ç' forom ci Vos n' poloz nén vôter dins les ploncaedjes di ç' forom ci
|
Powered by phpBB © 2001 phpBB Group
|