![Djivêye des foroms di Berdelaedjes](templates/actionpoint/images/logo_phpBB.gif) |
Berdelaedjes Forom di berdelaedjes e walon, so tot l' minme ké sudjet
|
Vey sudjet di dvant :: Vey sudjet shuvant |
Oteur |
Messaedje |
Pablo Saratxaga Site Admin
![](images/avatars/17303731815d13a3403b71c.gif)
Date d' arivêye: 2005-07-01 Messaedjes: 1156 Eplaeçmint: Oûpêye
|
Date: vén 01 djl, 2005 21:22:03 Sudjet: Bénvnowe |
|
|
Bénvnowe a tertos!
Ci forom ci c' est ene plaece wice k' on pout cåzer did tot e walon;
i gn årè måy ene sakî chal ki vos vénreut dire ki c' est nén serieus,
nolu ki vos vénreut reprotchî d' eployî des trop målåjheys ou rcwerous mots,
nouk po vs dire k' i gn a waire di djins a comprinde li walon et ki vos dvrîz
scrire dins èn ôte lingaedje po-z aveur pus di lijheus,
et personne po vos fé des rmåkes so vosse manire di scrire, voste ortografeye
ou li stîle da vosse.
Neni, tot çoula c' est disfindou chal; i gn a bén des banslêyes di foroms sol
grande daegntoele, mins nén onk (disk' asteure) wice k' on poleut scrire
e tote liberté e walon, c' est po çoula ki dj' a drovou ci ptit espåce di liberté ci.
Bén seur, dji n' m' atind nén a k' ça soeye dins l' top-50 des waibes les pus
naivieyes; mins c' est nén çoula l' såme; li såme est tote simpe: diner
l' possibilité ås cis ki l' vôrént, di poleur berdeler sins laxhe,
dins l' lingaedje k' a dné s' no al Walonreye.
Mi, c' est ene sacwè ki dj' fwait voltî, di scrire e walon, et dj' a bon del fé;
si vos avou vos avoz d' l' agrè po çoula, vos vs poloz eredjîstrer eyet
eployî l' forom: c' est da vosse, c' est da nozôtes tertos.
Po vey kimint ki l' forom rote... disk' asteure dj' a todi stî on simpe uzeu
dins les foroms; c' est l' prumî côp ki dji fwait do manaedjeu, nén ki
dj' åye di l' ågrè po çoula, mins come i gn aveut nolu a fé on forom
e walon, c' est ene sakî k' l' a dvou fé
ça fwait ki dj' aprind eto.
dijhoz m' çou k' vos inmez bén, çou k' vos n' inmez nén, çou k' vos vôrîz candjî, evnd dins l' forom, et picote a midjote on voerè kimint çk' on vike.
Ki ça vos våye bén, et a bén rade vos lére.
Candjî pol dierin côp pa Pablo Saratxaga, li lon 04 djl, 2005 21:18:19; candjî 1 feye |
|
Rivni al copete |
|
![](templates/actionpoint/images/spacer.gif) |
djozewal
![](images/avatars/106433110244f5f46897d43.gif)
Date d' arivêye: 2005-07-01 Messaedjes: 307 Eplaeçmint: bagué !
|
Date: vén 01 djl, 2005 23:28:49 Sudjet: |
|
|
Il èstéve tins !
Dji vinéve djusse di rimète mi mwin dissus on vî tchabot di m' popa. I m' faléve co fé on trau, î sititchî ène lacète èt mèl pinde au cô !
Alèz, proficiat èt boune tchance... k' on n' uche nén assèz d' deus mwins po s' conter. |
|
Rivni al copete |
|
![](templates/actionpoint/images/spacer.gif) |
Guest
|
Date: sem 02 djl, 2005 2:59:30 Sudjet: |
|
|
Boune tchance!!! |
|
Rivni al copete |
|
![](templates/actionpoint/images/spacer.gif) |
Maisse Arsouye
![](images/avatars/170454142842ca1fdc71201.gif)
Date d' arivêye: 2005-07-04 Messaedjes: 194 Eplaeçmint: Djiblou
|
Date: lon 04 djl, 2005 19:14:34 Sudjet: |
|
|
Qué boune idèye ! Et faleûve qui s'fuche nosse Pablo qui l'euche ;)
Dji su binauche ! ![Very Happy](images/smiles/icon_biggrin.gif) _________________ Rissaetchî-vos di m' solia ! |
|
Rivni al copete |
|
![](templates/actionpoint/images/spacer.gif) |
Pablo Saratxaga Site Admin
![](images/avatars/17303731815d13a3403b71c.gif)
Date d' arivêye: 2005-07-01 Messaedjes: 1156 Eplaeçmint: Oûpêye
|
Date: lon 04 djl, 2005 20:15:04 Sudjet: |
|
|
Maisse Arsouye scrijha: |
Qué boune idèye ! Et faleûve qui s'fuche nosse Pablo qui l'euche ;)
Dji su binauche ! ![Very Happy](images/smiles/icon_biggrin.gif) |
Gråces; mins dji n' croe nén ki dj' a stî l' prumî a-z aveur l' idêye;
djusse li prumî al mete so pîs, so mi ptite éndjole raloyeye al daegntoele.
Vola l' éndjole (ele si lome "chanae" di s' pitit no):
(pol vey pus grand clitchîz chal)
li noere boesse å dzeu c' est l' modem ADSL.
Ene biesse copiutrece, on biesse raloyaedje ADSL et on bon sistinme d' operance, et on pout fé bråmint (i n' a nén ddja mezåjhe d' aveur ene adresse IP ki n' candje nén, avou dyndns); s' i gn a des djins ki srént interessés po mete so pî des siervices sol daegntoele so ene pitite éndjole da zels, avou Linux, dji vou bén dner on côp d' mwin et mostrer kimint k' ça va).
Tant k' dji so a cåzer d' çoula, dj' a metou eto so mi éndjole on sierveu jabber ( http://www.jabber.org/ po pus di racsegnes), c' est pol "messagerie instantanée" (dji n' a nén co trové on mot walon po çoula), i gn a des cliyints po tos les sistinmes d' operances, et po tos les gosses. L' idintifiant da minne c' est l' minme ki mi emile: pablo@walon.org |
|
Rivni al copete |
|
![](templates/actionpoint/images/spacer.gif) |
Guest
|
Date: vén 15 djl, 2005 23:06:55 Sudjet: |
|
|
Riclapante idêye Pablo Nos î serans bråmint à djåzer sol calpin... |
|
Rivni al copete |
|
![](templates/actionpoint/images/spacer.gif) |
|
|
Vos n' poloz nén enonder des noveas sudjets dins ç' forom ci Vos n' poloz nén responde a des sudjets k' i gn a dins ç' forom ci Vos n' poloz nén candjî vos messaedjes dins ç' forom ci Vos n' poloz nén disfacer vos messaedjes dins ç' forom ci Vos n' poloz nén vôter dins les ploncaedjes di ç' forom ci
|
Powered by phpBB © 2001 phpBB Group
|