Djivêye des foroms di Berdelaedjes Berdelaedjes
Forom di berdelaedjes e walon, so tot l' minme ké sudjet
 
 FAQFAQ   CweriCweri   Djivêye des mimbesDjivêye des mimbes   Groupes d' uzeusGroupes d' uzeus   Si fé mimbeSi fé mimbe 
 ProfilProfil   Lére les messaedjes privésLére les messaedjes privés   S' elodjîS' elodjî 

Kibén di scrijheu(s) dins tchaeke sistinme ortografike

 
Sicrire on novea sudjet   Responde å sudjet    Djivêye des foroms di Berdelaedjes -> Berdelaedjes
Vey sudjet di dvant :: Vey sudjet shuvant  
Oteur Messaedje
lucyin



Date d' arivêye: 2005-07-07
Messaedjes: 2910
Eplaeçmint: Sidi Smayil, Marok

MessaedjeDate: dim 01 dec, 2013 22:13:42    Sudjet: Kibén di scrijheu(s) dins tchaeke sistinme ortografike Responde tot citant

Citåcion:
Ene sakî nén cnoxhowe pal voye d' èn emile da Francis Baudoux :
Votre affirmation - le r'fondu "n'est qu'une (proposition d')orthographe" - est erronée. Je crois que toute votre argumentation découle de ce postulat erroné ou de ce malentendu.
À la manière de ce que l'on a fait pour le romanche (canton d'Uri en Confédération helvétique), et qui s'explique là par l'exiguïté du territoire et par le très petit nombre de locuteurs (60 000), Lucien Mahin préconise la création d'une koinê wallonne.
Il suffit pour cela de lire son ouvrage Ké walon po dmwin ? (écrit en français !) pour que vous n'ayez plus aucun doute à ce sujet. Belle utopie, mais irréalisable chez nous. Inutile de le démontrer.


C' est cwè ene "koïnè". Dji n' croe nén k' i gn a on definixha di çoula.

Voleur divizer d' on sudjet d' societé avou des mots ki nén ddja 0,1 åcint des djins n' compurdèt, ci n' est nén esse bon djouweu.

> irréalisable chez nous. Inutile de le démontrer.

L' ome est èn advineu, ca i sait dire l' avni, çou ki va esse possibe et nén. Åreut i adviné, la kékes anêyes, li tcheyaedje do meur di Berlin, l' arivêye di l' infôrmatike, des telefones axhlåves, di l' Internete, des tåvletes, do prétins arabe ?

C' est on professeur-gourou ou on profete, ca çou k' i dit, i n' a nén dandjî del dimostrer.

Citåcion:
L'orthographe qu'il préconise procède uniquement de ce qui précède. Il croit que la réalisation de son utopie passe par l'adoption de son système orthographique. Pourtant, il ne semble pas que la reconnaissance du romanche se soit faite à travers des revendications orthographiques. Lucien Mahin est d'ailleurs le seul à utiliser son système orthographique dans ses propres ouvrages et dans ceux des autres qu'il édite.


Neni, gn a ene grosse dijhinne di djins ki l' eploynut : Baudoux, Mahin, Pablo (des cints d' pådjes so Wikipedia), Djôr (1 roman, sacwants waibes), Lorint (roman), Tiri Dumont (letes et emiles), Djan Cayron (des dijhinnes di ratournaedjes di programes éndjolikes), Gaetan Rousseau (programes éndjolikes), Yannick Bauthière (adjinçnaedje motî Embanner), Stefane Quertinmont (ene waibe + programe éndjolike), Jean-Pierre Hiernaux (èn årtike ou deus)... et sacwants ôtes so les djåspinreyes, nén todi ricnoxhåves (come Psychedelic barakî) + tos les Walons u nén Walons ki fwaiynut des ptits årtikes standård so les Wikipedia (20 a 30 djins).

Mins l' ôte sistinme (sistinme Feller + accint d' on viyaedje), c' est co pé : i gn a k' 1 ome k' eploye l' ortografeye Gilliard (Feller Gilliard + accint d' Moustî) : lu; 1 po l' ortografeye Bernard Louis (Feller Relîs, modele Louis + accint d' Nametche) : lu; 1 po l' ortografeye Fauconnier (Feller ALWAC Fauconnier + accint d' Tcheslet) : lu... Po les 270 viyaedjes ki n' ont pont di scrijheu, li nombe est 0. I gn a ki l' walon d' Lidje avou li scrijhaedje Feller-Haust ki nos batreut motoit pol nombe di scrijheus.

Ey eco : fåreut conter. Les rvowes "La Wallonne" & "Nosse Lingaedje" eploynut sovint des accints des viyaedjes.

A Nameur, Tchålerwè, Ardene, tchaeke scrijheu scrît avou l' accint di s' viyaedje => 1 scrijheu pa sistinme ortografike.

Gn a djusse li rfondant namurwès da Chantal Denis ki pôreut aveur 5 a 10 eployeus : tertos rapurdisses, et nén loyîs a on viyaedje.

Fauconnier, dins Alice
https://wa.wikipedia.org/wiki/Les_aviretes_da_Alice_%C3%A5_payis_des_marvoyes_%28roman%29
dit k' il eploye on rfondant carolo. Disk' asteure, il est l' seu a l' fé.

=> Sinteze sol nombe di scrijheus(es) :
* Feller + accint d' Lidje + ortografeye do motî da Haust : 20 a 30 djins (coranmint)
* Rifondou : 10 a 15 djins (coranmint)
* Rifondant Namurwès Chantal Denis : 3 a 5 djins (coranmint)
* TOS les ôtes sistinmes scrijha Feller + accint viyaedje X : 1 a 3 sicrijheus (coranmint)
_________________
Li ci ki n' a k' on toû n' vike k' on djoû.


Candjî pol dierin côp pa lucyin, li mår 03 dec, 2013 21:34:15; candjî 1 feye
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 2910
Eplaeçmint: Sidi Smayil, Marok

MessaedjeDate: dim 01 dec, 2013 23:54:27    Sudjet: Responde tot citant

Lacobén ki tos les linwincieus (li ci k' eploye "koïnè" est onk did zels) ni sont nén pol binamé corespondant da Francis :

https://commons.wikimedia.org/wiki/File:Dic%C3%A5%C3%A7taedje_Francard_po_Mahin.jpg
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Pablo Saratxaga
Site Admin


Date d' arivêye: 2005-07-01
Messaedjes: 1012
Eplaeçmint: Oûpêye

MessaedjeDate: mår 03 dec, 2013 1:31:17    Sudjet: Re: Kibén di scrijheu(s) dins tchaeke sistinme ortografike Responde tot citant

lucyin scrijha:

C' est cwè ene "koïnè". Dji n' croe nén k' i gn a on definixha di çoula.


Siya: https://fr.wikipedia.org/wiki/Koin%C3%A8

et oyi, li såme do rfondou c' est çoula.

D' èn ôte costé, li mot "koïnè" c' est ene miete peteus tot l' minme.

Po çou k' est di esse possibe ou nén; li djin ki vos djåsez dit k' on n' såreut måy, et k' c' est si télmint evidint k' i n' a nén ddja mezåjhe d' endè dire di pus.

Eppur si muove come dijheut l' ôte, mågré k' ele ni poléve nén bodjî, et ki c' esteut télmint evidint k' i gn aveut nén mezåjhe del mostrer (djusse a broûler 2-3 eretikes ki nel vôrént nén admete)

Eyet po bodjî, ça bodje; li rfondou est vormint eployî po totès sôres d' afwaires et pa totès sôres di djins.

Et po çou k' est des utopeyes, mi djelzès voet voltî.
C' est l' veur k' on n' î arivreut måy a ene utopeye, c' est come li roye do cir, on pout roter ostant k' on vout eviè leye k' on l' adjondrè måy.
Ça n' sieve a rén dabôrd? O neni vos! ça sieve, ça sieve a roter pus lon come el dit si bén li grand tuzeu et scrijheu Eduardo Galeano.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 2910
Eplaeçmint: Sidi Smayil, Marok

MessaedjeDate: mår 03 dec, 2013 13:14:48    Sudjet: Responde tot citant

Li kesse n' est nén : «est çki l' utopeye Mahin est ene vraiye utopeye ?» mins : «vout on ene Walonreye avou ou sins l' walon ?»

Cisse kesse la vént d' esse metowe noere so blanc, todi pa Mitchî Francard :
http://www.lavenir.net/article/detail.aspx?articleid=DMF20130911_00358894

C' est did la k' on doet sayî d' ataker. Les djins ki respondnut "sins", leu vwès serè bén flåwe dins l' bate di dvizes.
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 2910
Eplaeçmint: Sidi Smayil, Marok

MessaedjeDate: lon 06 dja, 2014 9:56:08    Sudjet: Re: Kibén di scrijheu(s) dins tchaeke sistinme ortografike Responde tot citant

lucyin scrijha:

Neni, gn a ene grosse dijhinne di djins ki l' eploynut : + tos les Walons u nén Walons ki fwaiynut des ptits årtikes standård so les Wikipedia (20 a 30 djins


Metans :

https://wa.wiktionary.org/wiki/Uzeu_copene:Lucyin#Re:_b.C3.A9nvnou

c' est rén, mins on cmince come çoula, po-z aprinde ene langue.
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 2910
Eplaeçmint: Sidi Smayil, Marok

MessaedjeDate: dim 23 fev, 2014 22:30:08    Sudjet: Responde tot citant

sol mot "coyiné" (dins noste atôtchance avou les cis k' ont stî dins les hôtès scoles di langues)

I shonne ki c' est l' fråze «ils veulent créer une koïnè, la seule koïnè pour les Wallons, c' est le français» ki toûne emey les «conte-rifondaedje» (loukîz co l' temonaedje da Yoran sol fyi "mon les Burtons", et l' tuzaedje da Djan). L' abé Mouzon m' aveut ddja scrît cisse fråze la diviè 1997, dandjreus dictêye pa "les grands mwaisses".

Tot conté tot rabatou, li walon a stî motoit dedja stî ene coyiné : loukîz li bate di dvize Lucyin / Bierdjî :

http://berdelaedje.walon.org/viewtopic.php?t=1738

Et eto ci tecse ci k' est ddja so l' Wiki walon :
Citåcion:
Li rfondou lingaedje si lome eto ene coyiné, do no d' ene ancyinne langue del Grece, la k' les diferins pårlers s' avént acmaxhîs. L' askepiaedje d' ene langue rifondowe (ene coyiné, dabôrd) si pout fé otomaticmint, pal voye do comiece u des voyaedjes des cåzeus.


=> Oyi, dabôrd, li rfondou, c' est ene coyiné, djusse po permete ås walon-cåzants d' asteure di s' ratôtchî e walon, come dinltins, dins leus scrîts et leus cåzaedjes (pal voye des noûmots et des sudjets "modienes").
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Mostrer les messaedjes des dierin(ne)s:   
Sicrire on novea sudjet   Responde å sudjet    Djivêye des foroms di Berdelaedjes -> Berdelaedjes Totes les eures sont a GMT + 2 eures
Pådje 1 so 1

 
Potchî a:  
Vos n' poloz nén enonder des noveas sudjets dins ç' forom ci
Vos n' poloz nén responde a des sudjets k' i gn a dins ç' forom ci
Vos n' poloz nén candjî vos messaedjes dins ç' forom ci
Vos n' poloz nén disfacer vos messaedjes dins ç' forom ci
Vos n' poloz nén vôter dins les ploncaedjes di ç' forom ci


Powered by phpBB © 2001 phpBB Group