lucyin
Date d' arivêye: 2005-07-07 Messaedjes: 3661 Eplaeçmint: Sidi Smayil, Marok
|
Date: mår 03 djn, 2014 12:01:37 Sudjet: autoroute |
|
|
Citåcion: |
Djåke Desmet, dins l' novele : les Lès "Mon Diu" èt lès "Qu'a dit" :
Mins pusqui nos-î èstans oblidjîyes avou l'«orthoroute »... »
Orthoroute : do Grec orthos, qui vout dîre drwèt... come one autoroute. |
Citåcion: |
Response da Djozé, so "Payis Condruze et walon, li 14 di decimbe 2012 :
Nos dijîne : otostrade.
|
"otostråde" a dvou esse li prumî mot ki s' a spårdou e walon (dins ls anêyes 50). Rodjî Viroux l' eployive voltî. Dins "noveles des WASAB"
https://wa.wikipedia.org/wiki/Noveles_des_Walons_Scrijheus_d%27_apr%C3%A8s_l%27_Ban-Bw%C3%A8s
, on trove en bate di dvize la k' on esplike ki c' est l' mot itålyin k' a passé l' prumî, paski les prumires årént yeu stî fwaites pa Mussolini. Mi, -dit-st i l' fô - dj' a lî ene sawice ki c' esteut Hitler. Bawaite, c' est cabu blanc et blanc cabu.
Après, dins l' anêyes 60, "otorote" dizo disfondowe "ôtoroute" a stî calké do francès.
Dins l' anêyes 70, on-z a rdiscoviet li mot "mwaisse voye" ki les Walons del Wisconsene dijhént.
Les raprindisses des anêyes 1990 ont yeu ptchî d' askepyî "otovoye", ki shût did pus près li mot "voye", ratournaedje li pus corant e walon do francès "route".
So l' esplicant motî, diviè 2003, dj' a wårdé les 4 mots come sinonimes, mins revoyîs so "otostråde".
Li cogne "ortoroute" pôreut esse ritnowe come "djårgonrece", dins l' livea "plaijhant". Li ristitchî R ni vént nén do grek, mins d' ene piceure tipike do walon : mazrindje, farmaçreye, rumatrice, Intrernèt'...
https://wa.wiktionary.org/wiki/Categoreye:Mots_avou_on_ristitch%C3%AE_R _________________ Li ci ki n' a k' on toû n' vike k' on djoû. |
|