Djivêye des foroms di Berdelaedjes Berdelaedjes
Forom di berdelaedjes e walon, so tot l' minme ké sudjet
 
 FAQFAQ   CweriCweri   Djivêye des mimbesDjivêye des mimbes   Groupes d' uzeusGroupes d' uzeus   Si fé mimbeSi fé mimbe 
 ProfilProfil   Lére les messaedjes privésLére les messaedjes privés   S' elodjîS' elodjî 

Oucrinne

 
Sicrire on novea sudjet   Responde å sudjet    Djivêye des foroms di Berdelaedjes -> Berdelaedjes
Vey sudjet di dvant :: Vey sudjet shuvant  
Oteur Messaedje
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: sem 24 may, 2014 22:49:07    Sudjet: Oucrinne Responde tot citant

Cwand dj’ avoya mi dvant-pordjet po cisse Rantoele ci, anonçant on papî so l’ Oucrinne, Pablo Sarachaga mi fjha ddja sacwants ricmandåcions :
Citåcion:
Çou ki s’ passe e l’ Oucrinne est pår trop gråve po fé abeye abeye on biesse årtike ki rcopeye çou k’ on-z ôt tos les djoûs å posse.

C’ est bén trop gråve, pask’ al diferince del Sireye ou d’ l’ Indonezeye on årè les consecwinces direk amon nozôtes; on va sofri des consecwinces, nozôtes, et co nos efants. Et dins nén lontins.

Fåt prinde li tins di s’ infôrmer, di comprinde , l’ istwere, li djeyografeye, li tuzance des djins ki vikèt låvå. C’ est l’ avni d’ nos familes et d’ nos efants ki s’ djowe.

Li meyeuse waibe d’ infôrmåcion e francès ki dji cnoxhe sol sudjet c’ est http://www.les-crises.fr/ i gn a-st ene grande dossire « comprinde l’ Oucrinne ».

Po comprinde l’ Oucrinne, li problinme, ci n’ est nén tant d’ esse d’ on costé ou d’ èn ôte; mins les mintes ki s’ diynut so l’ sudjet. Motoit k’ vos n’ mådjinez nén l’ livea d’ propagande et d’ mintes k’ on-z a e l’ Urope pol moumint; eyet dins les medias di France (et les medias bedjes francofones s’ aroyèt todi dsu) c’ est co pé.

Et c’ est nén tant po les djins d’ avår la ki dji m’ tracasse; paski zels ont co l’ tchance ki l’ Rûsseye n’ va nén leyî les cis k’ ont pris l’ povwer a Kyiv aler trop lon. Mins c’ est po la ki dj’ vike ki dji m’ tracasse; si l’ govienmint et les medias chal el Walonreye polèt aspoyî on govienmint d’ nazis e l’ Oucrinne, adon i pôrént tot ossu bén aspoyî des sfwaits chal avou.

Ça doet esse foirt målåjhey por èn Oucrinnyin, di vey si payis ki disparexhe. Paski dji n’ croe nén ki l’ Oucrinne pôreut sorviker ; les nazis l’ åront touwé po d’ bon.

L’ Oucrinne, c’ est on payis dispårti e deus (dispoy todi); les diferinces sont co pus grandes k’ etur Walons et Flaminds. Asteure, mådjinez ene miete k’ i gn åreut on prumî minisse walon, et ki des milices do NVO (et co, les NVO pasrént co po des binamés) frént on côp d’ estat, et ahiver on novea govienmint avou tos estremisses flaminds ; fé des lwès po reyabiliter les cis k’ ont fwait avou ls Almands, po permete li propagande nazeye, ene ôte lwè po-z oblidjî les Walons a djåzer neyerlandès, et poy evoyî des tanks conte les veyes et viyaedjes di Walonreye ki n’ serént nén d’ acoird. Et a Mont, raclôre ene cintinne di djins dins on bastimint, î mete li feu, po les broûler evike. Pinsez ki l’ Beldjike pôreut co continouwer après çoula?

_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: sem 24 may, 2014 22:53:04    Sudjet: Responde tot citant

Ådjourdu, dj' a polou fé responde l' ome ki dji vleu po ç' sudjet la :

Loukîz l' årtike dins l' Rantoele 70.
_________________
Li ci ki n' a k' on toû n' vike k' on djoû.


Candjî pol dierin côp pa lucyin, li sem 12 djl, 2014 14:18:12; candjî 1 feye
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: sem 14 djn, 2014 11:19:48    Sudjet: Responde tot citant

Citåcion:
André Gauditiaubois, so èn emile :
Faureut fait djâzer dès ucrainyins dès 2 bwards, lèyî djâzer seûlmint in poutinisse dins l'ranteûle èt nin les djins di maïdan n'èst nin ène boune idèye, fé l'minme propagande k'èl TV russe in english (Russia Today) èt djâzer des séparatisses terrorisses come dès djintis gamins èt dès djins di maïdan come dès nazis ni dwèt né yèsse li pont d'vûwe dèl rantoele.


Dj' eplaidrè voste idêye dins l' cene ki vént. Si vos l' voloz diswalper, ça pôreut fé ene plinne pådje. Dj' el mete dedja sol fyi des Berdelaedjes.

L' idêye del Rantoele, c' esteut di dmander cwè a ene sakî ki cnoxhe li cayet foû des gazetes d' emon nozôtes (Mohamed Soleih), ou foû del mwaisse pinsêye (Pablo).
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Pablo Saratxaga
Site Admin


Date d' arivêye: 2005-07-01
Messaedjes: 1148
Eplaeçmint: Oûpêye

MessaedjeDate: lon 21 djl, 2014 13:31:21    Sudjet: Responde tot citant

Citåcion:
André Gauditiaubois, so èn emile :
dès djins di maïdan come dès nazis ni dwèt né yèsse li pont d'vûwe dèl rantoele.


D' acoird c' est nén des nazis.

Djusse des djins ki voeyèt voltî les nazis, ki trovèt ki les anêyes do Grand Reich ont stî ene "periode di blamante loumire" po l' Urope.
djusse des djins ki tuzèt k' i fåt touwer tos les djwifs et les moskalis.
djusse des djins k' ont touwé ene vintinne di policîs.
djusse des djins k' ont torturé des djins ki tuzèt ôtrumint k' zels.

c' est nén des nazis dijhoz vs...
motoit n' avoz nén vlou vey et avoz vs cloyou les ouys.

Kimint lomrîz vs ces djins ci:









Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Pablo Saratxaga
Site Admin


Date d' arivêye: 2005-07-01
Messaedjes: 1148
Eplaeçmint: Oûpêye

MessaedjeDate: lon 21 djl, 2014 13:33:32    Sudjet: Responde tot citant

co des ôtes:








mins l' est veur ki si on n' vout nén vey, i sufixh di clôre les ouys...
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Pablo Saratxaga
Site Admin


Date d' arivêye: 2005-07-01
Messaedjes: 1148
Eplaeçmint: Oûpêye

MessaedjeDate: lon 21 djl, 2014 15:56:54    Sudjet: Responde tot citant

So s' tins la, les djintis d' Maidan touwèt des cintinnes di civils:





les metchants "pro-rûsses"; zels, pol moens, n' atakèt k' des sôdårds.

Di pus, les metchants "pro-rûsses" sont-st so leu tere, i n' atakèt nén les oucrinnyins d' l' ouwess, mins c' est å rvier, c' est des djins d' ôte pårt ki vnèt-st a Lougansk et Donets po touwer des djins.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Pablo Saratxaga
Site Admin


Date d' arivêye: 2005-07-01
Messaedjes: 1148
Eplaeçmint: Oûpêye

MessaedjeDate: lon 21 djl, 2014 16:04:28    Sudjet: Responde tot citant

Et poy, c' est nén l' primî côp k' les djintis galicyins d' l' ouwess di l' Oucrinne fijhèt des sfwaites.

Alez s' vey ene miete avå la:

http://www.les-crises.fr/le-sort-des-juifs-en-galicie-1/
http://www.les-crises.fr/le-sort-des-juifs-en-galicie-2/
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Pablo Saratxaga
Site Admin


Date d' arivêye: 2005-07-01
Messaedjes: 1148
Eplaeçmint: Oûpêye

MessaedjeDate: lon 21 djl, 2014 16:08:03    Sudjet: Responde tot citant

L' Oucrinne a stî e påye 20 ans å lon après l' dismimbraedje di l' Union Sovietike.

Asteure c' est l' guere.

Pocwè don? C' est cwè k' a candjî tot d' on côp? C' est cwè les CÅZES?
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: dju 21 awo, 2014 0:11:35    Sudjet: Responde tot citant

Citåcion:
Achille

Je viens de lire quelques articles de la Rantoele, dont celui qui parle de l'Ukraine. Je partage les vues de Mohammed qui, à mon sens, décrit bien la situation.


Citåcion:

_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Mostrer les messaedjes des dierin(ne)s:   
Sicrire on novea sudjet   Responde å sudjet    Djivêye des foroms di Berdelaedjes -> Berdelaedjes Totes les eures sont a GMT + 2 eures
Pådje 1 so 1

 
Potchî a:  
Vos n' poloz nén enonder des noveas sudjets dins ç' forom ci
Vos n' poloz nén responde a des sudjets k' i gn a dins ç' forom ci
Vos n' poloz nén candjî vos messaedjes dins ç' forom ci
Vos n' poloz nén disfacer vos messaedjes dins ç' forom ci
Vos n' poloz nén vôter dins les ploncaedjes di ç' forom ci


Powered by phpBB © 2001 phpBB Group