Berdelaedjes

[Djor]

Li grék, pal voye do latén, a dné l' mot «baptiser» e francès, et «batijhî» e walon.

Li francès a wårdé l' cawete «-iser» po l' aclaper a des addjectifs et ndè fé des viebes: latiniser, banaliser, préciser...

E roumin, metans, s' on vleut fé on viebe foû d' on addjectif, c' esteut avou l' cawete «-i» (minme k' e walon):
- negru (noer) ==> înnegri (noerci)
- prost (biesse) ==> prosti (abiesti)
- turc (trouk) ==> turci.
Mins asteure on saetche al coide po fé al francesse: turciza. Et bråmint des ôtes mots do francès: latiniza, banaliza, preciza...

E walon, on s' a metou a tirer après l' francès: francijhî, walnijhî etch.

Portant, li walon saye di rastrinde. I m' shonne brâmint pus âjhey a dire: «on rwaloni ptit no», «li diswaloni mot», «li tâlyinne veye ki les francès ont franci a leu môde», «les lives ont stî infôrmatis», «pasteurixhaedje do laecea», «ele m' a vlou ipnoti», «il ont ameriki l'Urope» etch.
_________________
Li walon n' est nén d' l' esperanto.

[lucyin]

[lucyin]

«ipnoti» n' est nén må nerén.
_________________
Li ci ki n' a k' on toû n' vike k' on djoû.