Djivêye des foroms di Berdelaedjes Berdelaedjes
Forom di berdelaedjes e walon, so tot l' minme ké sudjet
 
 FAQFAQ   CweriCweri   Djivêye des mimbesDjivêye des mimbes   Groupes d' uzeusGroupes d' uzeus   Si fé mimbeSi fé mimbe 
 ProfilProfil   Lére les messaedjes privésLére les messaedjes privés   S' elodjîS' elodjî 

Dayech

 
Sicrire on novea sudjet   Responde å sudjet    Djivêye des foroms di Berdelaedjes -> Berdelaedjes
Vey sudjet di dvant :: Vey sudjet shuvant  
Oteur Messaedje
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: mår 07 oct, 2014 21:41:12    Sudjet: Dayech Responde tot citant

So èn emile, ridjiblé pa Pire Otdjåke.
Citåcion:
Bientôt, les propriétaires Européens qui ont des appartements et des maisons au Maroc vont commencer à déchanter en constatant que leurs investissements se dévaluent et que le tourisme s'écroule, comme c'est arrivé en Egypte !

Il est clair que dans peu de temps le cancer de Daesh ne manquera pas de s'étaler sur ce pays, comme il l'a déjà fait sur les autres.

Un jour viendra où Israël aura fort à faire et nous aussi. La Turquie, pourtant pays Musulmans, l'a bien compris. Elle a rejoint la coalition internationale de lutte contre Daesh.


Disk' asteure, ça n' va nén må avår ci. Mins dj' a todi dit ki ci n' esteut nén ene boune idêye d' atchter å Marok, si c' esteut po fé on plaeçmint, biesmint paski on n' pout nén vinde et rawè ses cwårs e-n uro. Les pris avént bråmint monté, et les cis k' ont atchté les dierins seront "rtchîs", come dins tote les "bouyes di biyteus" [bulle spéculative].

Li dayech, ci n' est k' on toû d' rossea tchén des vindeus d' fizik po fé tourner leus oujhenes. Cwè çk' il ont a wangnî a sgoziyî les djins divant les filmreces ? Ci n' est dins l' såme ki les payis d' avår ci evoyexhe des sôdårs, po fé tourner les stoks di materiel militaire.

Les cis ki s' batèt vormint pol Dayech, c' est des Sunites da Saddam Hosseyn k' ont stî leyîs la hatche et matche pa Nori el Maliki (metou e s' plaece pa les Amerikins la 10 ans). Avou les Sunites di Sireye ki sont spotchîs dispu li dictateure Hafid el Assad, la 50 ans.

A pårt çoula, c' est des pôves djonneas des payis arabes, ki vlént "broûler" po-z aler e l' Urope, et ki n' trovèt pupont d' bonmartchîs passeus d' aiwe. Li Dayech lezî fwait rlure on traitmint di 500 uros par moes, k' i plèt evoyî a leus vîs parints. I dijhnut k' i lzî dinront ene feme. Dizo l' idêye k' i s' batèt po l' islam (çou ki totes les djins ki tuzèt pus lon ki l' betchete di leus solés savès bén k' ci n' est nén l' veur).

Les cis ki ls evoyèt toutchèt 5000 uros a tchaeke novea egadjî. Do bon biznisse, taiss ! Kî çki paye tot çoula, mel dirîz bén ? Aprume asteure ki les atakes des avions årént dvou distrure totes les oujhenes di poujhaedje di petrole.

Li Dayech ni rprind nén ddja dins si ideyolodjeye li lûte disconte Israyel. Fåt nén dmander ! On-z a minme dit ki ci n' esteut k' on djeu des Israyelîs (et di leus sotneus e l' Amerike ey e l' Urope, mins ki n' sont pus al tiesse des payis) po-z espaitchî l' Iran di passer el Sireye. Les Israyelîs wangnèt co d' èn ôte costé : on n' cåze pus des 2000 moirts di Rhaza, et do rbastixhaedje, ki c' est zels ki divrént payî, lodjicmint. L' Urope n' a k' a mete ene sortake so les béns atchtés e-n Israyel, et ci sereut li ci ki speye les veres ki les payreut.

Gn a eto les djonnes efoufyîs revinteus come on l' pout esse al laide ådje. C' est purade des efants d' ritches, k' ont crexhou l' cou dins l' boure. Dinltins, ces djonneas la, on ls evoyive a l' årmêye, dins le paras. Ou, el France, al ledjon etrindjire. Dins "So l' Anuti", li conte esplike bén çoula a Djustin Colot.

"Li guere! Li guere! C' est seulmint po les cis ki volèt bén; i n' fåt nén k' les sôdårds dimerexhe a rén, endon? (...) Pår ki l' raedje des sudjets, s' on nel ténreut nén al laxhe, s' on nel codureut nén so on bute sins lyi rén leyî vey d' ôte, pôreut todi si rtourner conte li tiesse do payis... Nost Impreur el sait ossu bén ki l' Zultan del Tourkeye. C' est ça k' i s' ont pus ou moens acoirdé po s' siervi d' innmi onk l' ôte, vous saisissez ?, eyet s' bate a mitan voye di leus Impires, chal a Möhgluck.
(...) Insi, tchaeconk pout continouwer a fé boure si nåcion et al moenner a s' môde tot leyant les pus waeraxhes di leus sudjets furler leu raedje dins on tchamp bén eborné... Bén seur, tot ça ni s' a måy dit platezak; li Zultan n' a djamåy rescontré l' Impreur ! Mins s' i dmerèt tos les deus al tiesse di leu payis, c' est ossu pask' i sont sûtis eyet saedjes assez po saveur tot ça sins l' criyî."
(fén do rdijhaedje)

Dji croe k' Obama et les tchîfs d' avår ci savèt bén tot ça. C' est po çoula k' i n' evoyèt nén des sôdårds, et fé des nouzomès costindjes militaires, et siervi djusse les vindeus d' canon (amerikins, francès et inglès). Mins si l' Daesh côpe co l' tiesse a deus troes ôtès djins, kécfeye ki l' peupe vôrè aler-st el guere. C' est l' moumint ki ça s' doet fé, sorlon li teyoreye des tournantes di Condratiyef.
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Pablo Saratxaga
Site Admin


Date d' arivêye: 2005-07-01
Messaedjes: 1148
Eplaeçmint: Oûpêye

MessaedjeDate: dju 23 oct, 2014 18:08:17    Sudjet: Re: Dayech Responde tot citant

lucyin scrijha:

Li Dayech ni rprind nén ddja dins si ideyolodjeye li lûte disconte Israyel.


C' est l' ci ki paye ki moenne li vierna come on dit... cwand on sait ki c' est ki paye ces djins la, lzi dner des åres et d' l' etrinnmint; ça n' sibate nén d' vey kî il atakèèt, et kî k' i n' atakèt nén.

Citåcion:

Mins si l' Daesh côpe co l' tiesse a deus troes ôtès djins, kécfeye ki l' peupe vôrè aler-st el guere.


Oyi, bén rmarcåve tot çoula. Cwand des cintinnes di djins sont discôpés a boket pa des bombes d' Israyel ou des nazis oucrinnîs, on n' dit nén å posse. Mins cwand on towe djusse ene djin ou deus, avou on bon montaedje videyo, la oyi, on vs fwait acroere k' i fåreut di totes foices fé ene guere.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Mostrer les messaedjes des dierin(ne)s:   
Sicrire on novea sudjet   Responde å sudjet    Djivêye des foroms di Berdelaedjes -> Berdelaedjes Totes les eures sont a GMT + 2 eures
Pådje 1 so 1

 
Potchî a:  
Vos n' poloz nén enonder des noveas sudjets dins ç' forom ci
Vos n' poloz nén responde a des sudjets k' i gn a dins ç' forom ci
Vos n' poloz nén candjî vos messaedjes dins ç' forom ci
Vos n' poloz nén disfacer vos messaedjes dins ç' forom ci
Vos n' poloz nén vôter dins les ploncaedjes di ç' forom ci


Powered by phpBB © 2001 phpBB Group