Djivêye des foroms di Berdelaedjes Berdelaedjes
Forom di berdelaedjes e walon, so tot l' minme ké sudjet
 
 FAQFAQ   CweriCweri   Djivêye des mimbesDjivêye des mimbes   Groupes d' uzeusGroupes d' uzeus   Si fé mimbeSi fé mimbe 
 ProfilProfil   Lére les messaedjes privésLére les messaedjes privés   S' elodjîS' elodjî 

Sourdant : E165

 
Sicrire on novea sudjet   Responde å sudjet    Djivêye des foroms di Berdelaedjes -> Wikipedia
Vey sudjet di dvant :: Vey sudjet shuvant  
Oteur Messaedje
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: mår 20 dja, 2015 14:36:15    Sudjet: Sourdant : E165 Responde tot citant

Bate di dvizes avou Manfred Lejoly.

Dji boute todi so ene modêye éndjolike di vosse motî.

http://warao.walon.org/~lucyin/diccionairaedje/E165.html

Les 2/3 des mots, dji voe bén leu cogne dins es ôtes accints do walon, ey adon, e rfondou. Mins gn a eto timpesse des mots ki dji n' kinoxheu nén. Et foirt oridjinå pol Wikipedia . Metans "feu d' pwetrene", "vexhote", "målfeu" (on bea mot po fé l' diferince avou on feu ordinaire et on distrujhant feu [incendie]). Dji n' sai nén si les ôtes accints do walon ont on sfwait mot.

Et dji m' dijha çouci. Come vos estoz on cwadrilingue, pocwè n' nén ricmincî a mete les ratournaedjes e-n almand. ça nos freut on deujhinme sourdant walon-almand, après S44 (motî d' Doncô) k' est metou vaici :

http://warao.walon.org/~lucyin/diccionairaedje/S44.pdf

Pol Wiccionaire, po les sacwès tecnikes (mourê, djivå), c' est nén possibe di trover l' bon mot almand dins les "gros motîs".

Si vos vloz bouter al tcherete po passer les longuès shijhes d' ivier, metoz les purade direk so on fitchî come li ci ki dji vos atele vola (al fén, divant </P>); Metoz djusse "de:" divant. Les ptits Walons walon-djåzants do 22e sieke vos seront traze côps ricnoxhants. Mins ni vs cassez nén l' tiesse avou ça si vos n' avoz nén l' tins ou si ça vos ehale.

Boune fén d' ivier et å bontins, dabôrd !

Citåcion:

2° dj'admire vosse coradge, mais n'ovrez-v nin po ré? Poqwè nè v'sièrvéz-v
nin do motlî da Toussaint, qui est dèdjà alphabétique, est qui a tamint pus'
d'intrées què mi ?
Lè seûl afinre què dj'a, èt qu'on n'troûve nin adré lu,
c'est les conjugaisons.

3° Traduction allemand / wallon : djè so trop nawe, èt an pus' djè n'veûs nin
bé l'étèret.


> Poqwè nè v'sièrvéz-v nin do motlî da Toussaint, qui est dèdjà alphabétique, est qui a tamint pus' d'intrées què mi ?

1. dji m' è sieve eto. Mins gn a les Måmdiyins ki sont dedja ki l' riscrijhèt so éndjole. => nén fé deus côps l' minme ovraedje.
2. li sistinme ortografike n' est nén l' minme. Vos metoz li betchfessî å (Påke, ståve) avou "an"; lu, i mete "â". Vos scrijhoz li ixh-låte "sh". I l' sicrît "hy". Pus lon-veyanmint, mostrer ki, e 20e sieke, mågré li dictateure / boun egzimpe (?) des djins di l' "eståvlixhmint" waloneu, gn a co yeu 36 façons di scrire li walon (d' après l' accint, mins eto sorlon sacwants "makets" di tchaeke diccionairî). => c' est èn argumint po li rfondou. Vos ploz vey vaici les manires di scrire "ståve" ON MOT D'ENE SEULE SILLABE !

https://wa.wiktionary.org/wiki/st%C3%A5ve#Ortografeyes

> Traduction allemand / wallon : djè n'veûs nin bé l'étèret.

Li wiccionaire riprind les mots walons avou totes les translåcions viè les lingaedjes k' on vout. Come c' est mi ki boute dissu a 99 %, dji mete les lingaedjes ki dji cnoxhe, al boune ene pitite miete, inte di zels l' almand (dji pou "sinti" si on ratournaedje est dins l' bon sinse ou foû scwere; parey po l' espagnol, mins metans nén po l' itålyin, ki dji n' kinoxhe gote. Li ratournaedje d' pitite ene langue eviè des ôtes lingaedjes, pår des cis ki n' sont nén si spotchant lingaedje drove des ouxhs. Kî dit ki li mwaisse renondeu do walon ni serè nén on djonne Trouk aclevé e l' Almagne et ki hante ene crapôde k' a on sintimint d' binamêyisté pol walon ? Si les grands omes (loukîz cial les 100 + inflouwints

https://wa.wikipedia.org/wiki/Djiv%C3%AAye_Michael_Hart_des_rlom%C3%AAy%C3%A8s_djins_di_l%27_Istwere

...årént dvou tuzé a l' interesse di leu-z ovraedje, i n' årént måy porshuvou (tuzez a Mendel, a Newton k' a stî tapé a l' ouxh di scole come "nén capåbe di shuve"... et a Djezu-Cri !).

Mins dji di çoula et dji n' di rén. Si respectêye dju vosse nawisté. Vos av cherbiné tote vosse veye, aclevé deus efants, et vos av li droet di vs ripoizer.
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Mostrer les messaedjes des dierin(ne)s:   
Sicrire on novea sudjet   Responde å sudjet    Djivêye des foroms di Berdelaedjes -> Wikipedia Totes les eures sont a GMT + 2 eures
Pådje 1 so 1

 
Potchî a:  
Vos n' poloz nén enonder des noveas sudjets dins ç' forom ci
Vos n' poloz nén responde a des sudjets k' i gn a dins ç' forom ci
Vos n' poloz nén candjî vos messaedjes dins ç' forom ci
Vos n' poloz nén disfacer vos messaedjes dins ç' forom ci
Vos n' poloz nén vôter dins les ploncaedjes di ç' forom ci


Powered by phpBB © 2001 phpBB Group