Djivêye des foroms di Berdelaedjes Berdelaedjes
Forom di berdelaedjes e walon, so tot l' minme ké sudjet
 
 FAQFAQ   CweriCweri   Djivêye des mimbesDjivêye des mimbes   Groupes d' uzeusGroupes d' uzeus   Si fé mimbeSi fé mimbe 
 ProfilProfil   Lére les messaedjes privésLére les messaedjes privés   S' elodjîS' elodjî 

partager un lien (so les rantoeles di soçnaedje)

 
Sicrire on novea sudjet   Responde å sudjet    Djivêye des foroms di Berdelaedjes -> Walotux
Vey sudjet di dvant :: Vey sudjet shuvant  
Oteur Messaedje
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: dju 19 nôv, 2015 11:49:20    Sudjet: partager un lien (so les rantoeles di soçnaedje) Responde tot citant

po dire li vraiy on n' pårtixh nén l' loyén (adon, i casreut), mins on raloye ene novele pådje al cene k' on vout fé aler vey.

gn a deus vîs mots k' on pôreut rissiervi schyetmint :

ehårder (do bodje hård = håre, francès "hart" = lien végétal, come on a ddja "hårdêye" = loya http.

https://wa.wiktionary.org/wiki/eh%C3%A5rder

coyonker : bén loyî l' djeu [joug] al tiesse d' on boû.

https://wa.wiktionary.org/wiki/coyonker
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Pablo Saratxaga
Site Admin


Date d' arivêye: 2005-07-01
Messaedjes: 1148
Eplaeçmint: Oûpêye

MessaedjeDate: dju 19 nôv, 2015 22:35:35    Sudjet: Re: partager un lien (so les rantoeles di soçnaedje) Responde tot citant

lucyin scrijha:
po dire li vraiy on n' pårtixh nén l' loyén (adon, i casreut),


oyi, mins pårtaedjî vént d' pårtaedje (et nén pårtixhaedje).

C' est l' veur ki l' mot pårtaedje vént d' l' idêye di dner a tchaeke si pårt, mins c' est purade l' idêye di dner ki l' cene di discôper (çoula est d' ostant pus li veur avou les sacwès éndjolikes, la ki l' mopliyaedje n' est nén on problinme; on ndè pou fé ostant k' on vout).

pårtaedjî on loyén, c' est l' diner ås ôtes, el fé cnoxhe. i n' a nole idêye di raloyî la dvins (såf, dins l' hårdêye leye-minme).

on pårtaedje on loyén, come on pårtaedje ene idêye, ene novele (boune ou mwaijhe), come on prustêye on live ou ene plake...

pårtaedjî c' est come on direut e francès "partager" ou en inglès "to share".


C' est ene tote ôte tchoi ki l' sinse do francès "lier" ou l' inglès "to link"; k' on dit simplumint "raloyî". "ehårder" pôreut aler tot ossu bén si vos î tnoz;

Mins "ehårder" n' pôreut måy si ratourner pa "partager" e francès.
Dj' a les pinses ki vos avoz ahivé on noûmot la k' end aveut nén mezåjhe.

"partager" n' a rén a vey avou eloyî eviè ene ôte pådje; mins djusse l' idêye di dner, di mostrer, ås ôtes. Avou eto l' idêy ki ces ôtes la l' evoyront ene miete pus lon (c' est nén djusse on "loyén etur deus pådjes", mins on spårdaedje, come di l' aiwe k' on ståre).

Oyi, c' est on "loyén" k' est pårtaedjî, mins c' est djusse ki, sol dagntoele, tot est loyén, c' est l' "H" dins "HTTP".
Mins dire "ehårder" po "pårtaedjî" ça sreut come dire "emotî" po comuniker.
Ossu bén "pårtaedjî" ki "comuniker" ça mete l' accint so l' accion, çou k' est fwait, li fwait di spåde.
Dismetant k' "ehårder" ou ene sacwè come "emotî" ça mete l' accint nén so çou k' est fwait, mins avou cwè (des hårdêyes, des mots).

Les sinses et les idêyes la padrî sont foirt evoye ene di l' ôte. "Ehårder" si pôreut motoit eployî, mins måy come sinonime (et co moens po replaecî) "pårtaedjî".
"Ehårder" mi freut purade sondjî a "mete des hårdêyes", çou k' èn inglès on dit "to linkify" (dj' ô bén, prinde on tecse avou rén k' do tecse, eyet mete des hårdêyes pa drî des mots k' i gn a; dj' ô bén, radjouter les "[[" et "]]" dins on tecse so wikipedia metans)


po fé des noûmots,
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Mostrer les messaedjes des dierin(ne)s:   
Sicrire on novea sudjet   Responde å sudjet    Djivêye des foroms di Berdelaedjes -> Walotux Totes les eures sont a GMT + 2 eures
Pådje 1 so 1

 
Potchî a:  
Vos n' poloz nén enonder des noveas sudjets dins ç' forom ci
Vos n' poloz nén responde a des sudjets k' i gn a dins ç' forom ci
Vos n' poloz nén candjî vos messaedjes dins ç' forom ci
Vos n' poloz nén disfacer vos messaedjes dins ç' forom ci
Vos n' poloz nén vôter dins les ploncaedjes di ç' forom ci


Powered by phpBB © 2001 phpBB Group