|
Berdelaedjes Forom di berdelaedjes e walon, so tot l' minme ké sudjet
|
Vey sudjet di dvant :: Vey sudjet shuvant |
Oteur |
Messaedje |
lucyin
Date d' arivêye: 2005-07-07 Messaedjes: 3664 Eplaeçmint: Sidi Smayil, Marok
|
Date: sem 04 djn, 2016 13:13:57 Sudjet: guerilla; cessez-le-feu |
|
|
dji saye :
* gueriete (mins ça rshonne a "guerite", ki ça n' a nou rapoirt); guerioûle
* ahote-guere ? (c' est l' påye) ahote-feu (ça pôreut esse on côpe-feu).; resse-feu (sol modele di resse-boû = arestêye les boûs
Come di djusse, on pout reployî les calcaedjes "gueriya" & "cessé-l'-feu". _________________ Li ci ki n' a k' on toû n' vike k' on djoû. |
|
Rivni al copete |
|
|
Pablo Saratxaga Site Admin
Date d' arivêye: 2005-07-01 Messaedjes: 1156 Eplaeçmint: Oûpêye
|
Date: lon 06 djn, 2016 14:38:19 Sudjet: Re: guerilla; cessez-le-feu |
|
|
Po "gueriya" ça n' va nén esse possibe d' edvinter on mot a stok walon.
Si l' mot est dins tos les lingaedjes (ou cåzu) on calcaedje do castiyan c' est nén po rén.
C' esteut, cwand ça a-st aparexhou (al limodje des 19inme et 20inme siekes, a Cuba) ene sacwè d' novea, k' i gn aveut pont d' no pol lomer.
Adon, on a pris l' mot eployî pa les cis ki l' fijhént (ou, purade, çou k' on aveut compris; si cron lomaedje la a minme rivnou e castiyan modiene.
Paski, å tot cmince, on djheut "guerra de guerrillas", ene guere di "gueriles" (li mot c' est li bodje "guere", avou l' cawete -ea (-ellum) å femrin).
Et ces "gueriles" la, c' esteut des unités d' l' årmêye espagnole, k' asteure on lomreut des "foices sipeciåles" ou des "comandos"; des ptites tropes, a pô d' djins, k' alént waitî po sayî d' trover l' innmi, saetchî sacwants côps et s' end aler. (l' åroke, po l' årmêye espagnole, c' est k' ele n' arivéve måy a trover les sôdårds cubins, il estént ddja voye cwand les meyes di sôdårds espagnols arivént. Did la cisse nouve tactike, d' eployî les "guerillas", nén djusse po fé d' l' esplôraedje, mins po les combats zels minmes.
Citåcion: |
* ahote-guere ? (c' est l' påye)
|
Neni, c' est nén l' påye!
C' est nén minme ene årmistice.
C' est minme nén ddja ene "ahote des combats"
Ene "ahote di feu" ou "ahote-å-feu" ça pout esse minme ki sacwantès munutes, li tins d' aler rsaetchî les coixhîs et les moirts. Ça pout minme esse (et c' esteut sovint l' cas do tins k' les fiziks et canons fjhént bråmint del foumire) djusse s' ahoter ene miete po poleur vey åd triviè del foumire, vey s' i fåt continouwer a caloner, ou si c' est nén les poennes pask' il ont tertos morou d' l' ôte costé. "ahote-å-feu" c' est djusse li cmandmint contråve di "feu". |
|
Rivni al copete |
|
|
lucyin
Date d' arivêye: 2005-07-07 Messaedjes: 3664 Eplaeçmint: Sidi Smayil, Marok
|
Date: mår 12 djl, 2016 12:56:26 Sudjet: |
|
|
iva po gueriya et ahote-å-feu _________________ Li ci ki n' a k' on toû n' vike k' on djoû. |
|
Rivni al copete |
|
|
|
|
Vos n' poloz nén enonder des noveas sudjets dins ç' forom ci Vos n' poloz nén responde a des sudjets k' i gn a dins ç' forom ci Vos n' poloz nén candjî vos messaedjes dins ç' forom ci Vos n' poloz nén disfacer vos messaedjes dins ç' forom ci Vos n' poloz nén vôter dins les ploncaedjes di ç' forom ci
|
Powered by phpBB © 2001 phpBB Group
|