lucyin
Date d' arivêye: 2005-07-07 Messaedjes: 3758 Eplaeçmint: Sidi Smayil, Marok
|
Date: dju 12 dja, 2017 23:19:55 Sudjet: totès sôres di bouneur <> totes ... |
|
|
Citåcion: |
Joëlle Spierkel so èn emile:
Bondjoû Lucyin
Dj'èspére qui tot va bin mon vos-ôtes ?
Dj'a rcî l' Rantoele audjoûrdu ( mèrci) èt l' tite mi grabouye one miète ! Poqwè avoz mètu : totès sôres di bouneurs? Pace qui mi, al sicole do walon, dja apris : Tote sôtes...veûy èto : http://www.ecoledewallon.be/cartesdevoeux.html
Mèrci dè m' dîre qwè !
One bone après non.ne :0)
Joëlle, vosse curieûse agasse |
Avou les prezintoes nén definixhants femrins pluriyals (totes, kékes, sacwantes, ôtes), on pout mete (mins sins esse oblidjî) li marke -ès des addjectifs femrins pluriyals metous padvant.
* c' est totes biessès djins OU c' est totès biessès djins
* des ôtès comeres OU des ôtes comeres
Loukîz, metans, li tite do live Laloux cial
https://wa.wikipedia.org/wiki/Im%C3%A5dje:Laloux_ptsv.jpg
Cisse rîle la va po tos les payis la k' gn a li coron -ès (Nameur, Lidje,Tchålerwè). Nozôtes, el Basse Årdene, nos n' l' avans nén ☺. E walon do Mitan, ele manke eto dins l' Bote di Djivet et après Flipveye (mins c' est ddja l' walon do Coûtchant). Si vs av l' ALW 2, gn a ene mape rashiowe so l' sustantivire "grossès aiwes".
Come di djusse, li rîle a stî rprinjhe e rfondou.
https://wa.wikipedia.org/wiki/Coron_-ès_des_addjectifs_femrins_pluriyals_metous_padvant
http://users.skynet.be/lorint/croejh/node40.html#SECTION03372000000000000000
Dabôrd: ké plaijhi ! On fwait come on vout ! (c' est ddja l' mitan d' nosse nouriteure). _________________ Li ci ki n' a k' on toû n' vike k' on djoû. |
|