Pablo Saratxaga Site Admin
Date d' arivêye: 2005-07-01 Messaedjes: 1159 Eplaeçmint: Oûpêye
|
Date: sem 21 dja, 2017 17:54:19 Sudjet: |
|
|
"rafristaedje otomatike"
"rafristaedje" est metou come ratournaedje po "refresh" dispoy li cmince.
Di totes manires, li viebe "rapontyî" ni va nén: "to refresh" c' est nén candjî èn apontiaedje, nerén rimete a pont ene sacwè k' a stî disbrôlé.
"to refresh" c' est:
- rimete a l' idintike ene sacwè ki s' piede pigote a midjtoe avou l' tins (come li contnou des memweres RAM, ou l' loumiance des ponts so ene waitroûle catodike): po n' nén piede les infôrmåcions, elzès fåt sins djoke todi ritcherdjî (ene miete come on saeyea ki sreut trawé).
- rimete a nou des infôrmåcions k' årént polou candjî dispoy li dierin côp k' ele ont stî obtinowes.
E francès "to refresh" avou ces sinses la si tradût come "rafraîchir".
Tot naturelmint, e walon on-z eploye li minme idêye di sacwè d' frisse -> rafrister. |
|