Berdelaedjes

[Pablo Saratxaga]

Li fonccion strftime et s' famile, eployeye po scrire les dates, a des candjmints dins les nouvès livreyes GNU libc.

Po sopoirter les lingaedjes eslåves (et ds ôtes) i gn a asteure, po les moes, deus cognes, nominatif eyet djenitif; la k' ces lingaedjes la end ont mezåjhe po scrire comifåt les dates.

Mins ça candje eto ene miete pol walon.
Paski pocwè, asteure %OB continouwrè a rtourner l' no do moes, come davance; mins %B (eployî po fé les dates) va rtourner l' no do moes, avou "di" ou "d' " pa dvant: "di fevrî" eyet "d' octôbe" metans, çou ki permetrè d' fé des dates bén pus corectumint.

Çou k' ça va candjî dins les ratournaedjes: cweri la wice ki "%B" est eployî et vey s' i fåt adapter.
Å pus sovint li ratournaedje e walon ça sereut ene sacwè insi:

msgid "%d %B %Y"
msgstr "%d di %B %Y"

k' i fåreut-st adon candjî a:

msgstr "%d %B %Y"

(la ki l' "di" ou "d' " est dvins l' %B).

Eyet, årvierdimint, la k' c' est djusse "%B" (metans, les tiestires avou l' no des moes dins les calindrîs) i fårè candjî a "%OB"

(li håynaedje des dates a walon n' est nén co 100% djusse, mins ça s' amidrêyrè vormint avou ç' candjmint la; al plaece d' aveur "15 di awousse" come asteure, ça sereut "15 d' awousse")