|
Berdelaedjes Forom di berdelaedjes e walon, so tot l' minme ké sudjet
|
Vey sudjet di dvant :: Vey sudjet shuvant |
Oteur |
Messaedje |
lucyin
Date d' arivêye: 2005-07-07 Messaedjes: 3678 Eplaeçmint: Sidi Smayil, Marok
|
Date: dju 15 nôv, 2018 17:17:01 Sudjet: Paleyozoyike => Palozoyike |
|
|
trop målåjhey a dire, avou deus ristopaedje d' ahiket.
Dedja rcandjî so Wikipedia & Wiccionaire.
+ sinonimeye rishonnant å francès "primaire, secondaire..."
https://wa.wikipedia.org/wiki/Trev%C3%A9ns_djeyolodjikes
(dj' î a eto unifyî les cawetes des termenes d' on minme trevén.
... et siervou on viebe "trevni" po cåzer di sacwè ki s' ont passé di ces vîs vîs tins la.
Dji n' so nén tchôd tchôd pol mot "ere" (fr. ère géologique) veyanmint k' gn a ddja 9 omofones possibes:
* air (avou ddja 2 sinses foirt diferins)
* aire (di gregne, di fåde, di rpoizaedje so l' otovoye)
* air (ark ås fritches & åtche => djambe d' air)
* here (on djonne here, on pôve here)
* haire = haeyi
* ere (viebe erer = si brouyî)
* here (viebe herer = tchôkî)
* ért (sinonime coinrece di "esteut", wårdé e rfondou)
* lete R _________________ Li ci ki n' a k' on toû n' vike k' on djoû. |
|
Rivni al copete |
|
|
Pablo Saratxaga Site Admin
Date d' arivêye: 2005-07-01 Messaedjes: 1158 Eplaeçmint: Oûpêye
|
Date: dim 17 mås, 2019 16:43:17 Sudjet: |
|
|
Mins ça candjreut l' betchete "paleyo-" ...
Li mot est målåjhey a dire motoit (et co, end a des pus målåjheys ki sont bén walons portant); mins nén d' pus (ni d' moens) ki dins tos ls ôtes lingaedjes k' ont l' minme calcaedje do grek.
Come c' est on calcaedje, i fåt shure li walonijhaedje des bokets greks, çou ki dene bén "paleyozoyike".
Si on djoû on cmince a cåzer sincieuzmint di ç' trevén la e walon, on voereut bén s' i gn a on sinonime k' aspite. |
|
Rivni al copete |
|
|
Reptilien
Date d' arivêye: 2017-07-01 Messaedjes: 263
|
Date: lon 18 mås, 2019 11:02:42 Sudjet: |
|
|
Les deus m' vont, minme si dj' direu pus voltî paleyozoyike.
Li magnaedje d' ene voyale c' est sovint (nén todi) cwand l' boket ki shût cmince eto pa 'ne voyale. Les inglès eploynut rålmint pale- [pælɪ] divant 'ne voyale => palearctic, mins i dijhnut eto paleoecology => paleyoyecolodjeye, paloyecolodjeye ? Dj' inme ostant l' deujhinme. E francès on fwait l' minme avou arché- (archétype) di archéo-, u co avou hydr- (hydravion) di hydro-.
Adon, palo- poreut divni on sinonime di paleyo-, mins dins paleyozoyike... |
|
Rivni al copete |
|
|
Djor
Date d' arivêye: 2005-07-02 Messaedjes: 240 Eplaeçmint: Sint-Serwai
|
Date: mår 01 djn, 2021 3:27:05 Sudjet: |
|
|
"Vî-trevéntård", "mitan-", "noû-".
Ni stitchîz pus des mots ki n' volnut rén dire e walon, svp. _________________ Li walon n' est nén d' l' esperanto. |
|
Rivni al copete |
|
|
Pablo Saratxaga Site Admin
Date d' arivêye: 2005-07-01 Messaedjes: 1158 Eplaeçmint: Oûpêye
|
Date: dim 06 djn, 2021 16:49:34 Sudjet: |
|
|
Djor scrijha: |
"Vî-trevéntård", "mitan-", "noû-".
Ni stitchîz pus des mots ki n' volnut rén dire e walon, svp. |
a bon, paski l' vosse vout dire åk motoit ?
Dedja pocwè -ård purade ki -åd ? Et poy, c' est cwè on trevéntå(r)d ?
Onk ki "trevéntêye" ?
Si dj' lé "vî-trevéntård", çou ki dj' comprind c' est k' c' est ene djin ki trevéntêye, et k' il est vî.
C' est cwè l' loyén avou l' paleyozoyike ?
â, motoit vos vlîz fé on mot so "trevén" ? mins pocwè l' cawete -åd/-ård ? onk ki fwait des trevéns ? cwè çki ça vout dire çoula ?
Li "paleyozoyike" (et ls ôtès termenes) c' est, dvant tot, ene termene di tins; adon si vos vloz fé on noûmot, ça doet esse on mot ki discrît ene termene di tins, on trevén; et nén ene djin, ene biesse ou ene sacwè ki fwait åk.
Pocwè nén aveur tuzé a "trevén des viyès viyès biesses" par egzimpe ? |
|
Rivni al copete |
|
|
Djor
Date d' arivêye: 2005-07-02 Messaedjes: 240 Eplaeçmint: Sint-Serwai
|
Date: lon 07 djn, 2021 10:25:34 Sudjet: |
|
|
Po l' cawete "-ård"/"-åd":
http://www.diva-portal.org/smash/get/diva2:1140701/FULLTEXT01.pdf
Citåcion: |
Dans le cas du suffixe -ard, il y a pourtant un certain nombre d’exceptions non-péjoratives, notamment les mots désignant des objets : béchard, billard, bocard, bousard, brassard, buvard, corbillard, cuissard, étendard, faucard, flambard, pétard, placard, poignard, puisard (Nyrop 1908 : 167). Dans certains de ces mots, -ard se serait substitué à d’autres suffixes (surtout -ar, -are, -arc et -al, -at) dans les formes originelles, comme poignard se substituant à poignal (la forme au moyen âge) ou Bollwerk du néerlandais devenu boulevard en français. Nyrop rappelle également le sens diminutif de ce suffixe, lorsqu’il est ajouté à des noms d’animaux : bichard (petit de la biche), louvard (jeune loup), etc., peut-être sous l’influence du suffixe -at (1908 : 168). |
Citåcion: |
Parmi les mots en -ard jugés non-péjoratifs, il liste, entre autres, des mots indiquant une propriété (bécard, « saumon à longue saillie crochue de la mâchoire inférieure»), une qualité (péchard), un sens augmentatif (fauchard, «grande faux») et le sens diminutif (chevrillard, « petit chevreuil ») |
D' alieur, dji n' tén nén ki ça sereut ÇA l' meyeuze cawete. Vos n' avoz k'a ndè trover ene meyeuze. Min i fåt k'les noûmots walons ouxhnuxhe divins zels li pepin di ç'ki ça dit.
Si vos atakez avou des "paleyo-"..., vos fjhoz do walon djusse do francès riscrît.
A cwè bon di s'bate po on lingaedje ki gn a (vaici l'walon), si po fini ç'lingaedje la finixhrè pa esse a 90% do francès? _________________ Li walon n' est nén d' l' esperanto. |
|
Rivni al copete |
|
|
|
|
Vos n' poloz nén enonder des noveas sudjets dins ç' forom ci Vos n' poloz nén responde a des sudjets k' i gn a dins ç' forom ci Vos n' poloz nén candjî vos messaedjes dins ç' forom ci Vos n' poloz nén disfacer vos messaedjes dins ç' forom ci Vos n' poloz nén vôter dins les ploncaedjes di ç' forom ci
|
Powered by phpBB © 2001 phpBB Group
|