Djivêye des foroms di Berdelaedjes Berdelaedjes
Forom di berdelaedjes e walon, so tot l' minme ké sudjet
 
 FAQFAQ   CweriCweri   Djivêye des mimbesDjivêye des mimbes   Groupes d' uzeusGroupes d' uzeus   Si fé mimbeSi fé mimbe 
 ProfilProfil   Lére les messaedjes privésLére les messaedjes privés   S' elodjîS' elodjî 

dandjreus come adviebe = probåblumint

 
Sicrire on novea sudjet   Responde å sudjet    Djivêye des foroms di Berdelaedjes -> Dimandes di mots
Vey sudjet di dvant :: Vey sudjet shuvant  
Oteur Messaedje
lucyin



Date d' arivêye: 2005-07-07
Messaedjes: 2691
Eplaeçmint: Sidi Smayil, Marok

PostDate: dim 26 may, 2019 14:23:53    Sudjet: dandjreus come adviebe = probåblumint Responde tot citant

Citåcion:
Manfred Lejoly, so èn emile:
Djo wande, Lucien !

Mais pocwè dianme sècriéz-v tofèr ''dandjreus'' ol plèce dè ''dandjreus'mint'', qwand l'phranse
dèmande clérmint on' adverbe?
Avant dè v'cuènoche, dj'aveus atoumé so vosse comentaire dè m'dictionnaire. An dfâit dè l'imandge do covra, vos avîz sècrit: " ... on bèdo, dandjreus à cansse dol légende ... "

Ratôrné è français, çoula dènéve : 1) ... probable à cause de la légende ...
2) ... dangereux à cause de la légende ...
Come (1) nè vout ré dîre, i dmanéve lè sins' (2) .

Pô d'timps dèvant , dj'aveûs sècrit on long tecse, po dèstrûre lè théorie d'on M. Charles Müller
qui vléve què lè toponyme ''Ôvîfat' '' vôreut dîre '' fagne des ovins''.

Vosse comentaire aveut l'air dè dîre què dj' avantadgéve lè théorie Müller.

Donc, dj'a bôsé...

Sol corant des an.nés, dj'a co pusieurs fîs lî lè mlinme flotche.

Co dièrin'mint, o spitch po présinter vosse noû lîve:
"... paski c'est l'seu lingaedge ..., èt dandjreus k'i gn'arè nol ôte ''

a) Est-ce on tic personnel?
b) Est-ce typique do panrler dè Transinne?
c) '' '' '' dè tos les panrlers wallo-lorrains?
d) Est-ce one invention des rifondeurs?

Po l'cru, djè n'a jamais oy' one langue indo-européenne là qu'on n'freut nin lè difèrince
inte on' adjectif èt on' adverbe.


"dandjreus" = probåblumint, c' est on mot tipike di totes les coines del Walonreye (minme a Måmdiy, Scius = E21, Vervî (Wisimus E34), Lidje (Haust E1), Transene (S17), Annvoye [C1]... (tos les motîs n' ont nén stî raspepyîs).

Sol DTW

dandjreus (adv.) Probablement, sans doute. {DANDJER2.MMO}vos con'choz --- tortos l'istwêre do p'tit talieûr ; i n' vêrè nin, --- ; --- assez probablement ; bin --- qu'i n' vinrè nin ; --- k' il a stî espaitchî ; --- qu' dji r'vêrè oûy ; i n'èst nin co rintré, --- qu'i s'årè co amûzé
|+ dandjreus (adv.) Bien évidemment.

Trové dins: dandjreus [R9]; dandj'reûs [E21]; dandjereûs [C13,E1,E34,S17]; dandjureûs [C1]

I vént "dandjreus" do mot "awè dandjî" = aveur mezåjhe = avoir besoin (d'arriver).

https://wa.wiktionary.org/wiki/dandjreus#Etimolodjeye_2

Pol siervaedje d' addjectifs come adviebes, c' est nén si råle ki ça e walon (ey e francès eto)

si cour bate drole (po droldimint).
i voet grand
i s' a loukî lådje...
probåbe ki dj' irè a Bastogne cisse samwinne ci
i toûne trop court
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 2691
Eplaeçmint: Sidi Smayil, Marok

PostDate: lon 27 may, 2019 18:28:01    Sudjet: Responde tot citant

Citåcion:
Manfred Lejoly
Binamé Lucien,
l'étymologie dè m'pètit no Manfred, c'est ''ome dol pan.ye'' Vo-n-là pocwè djè fri c'one fî les cwansses dè v'creûre ... à mitan.

Djè sé bé qu'i gn'a è w. come è fr. quéques mots qui sont tot' si bé adjectif què adverbe
ègzimpe bé cuènochu: fwèrt / fort. Mais cè sont des ècseptions.

Vos pôrîz tot l'minme admète què po l'comentaire dol photo d'on bara, djè pléve aihémint
mè mari sol sins' . Lè mî, n'est-ce nin on langadge qu'on comprind sins dotance?

N.B: Scius , po l'adverbe, dène ''probâblumint'' + ''dandjreus'mint '' , èt ré d'aute. ... èt c'est
çou què dj'a toudi oy' antô d'mi.
NB 2 : dèvins l'ecspression '' sè louquer landge'' , lè mot ''landge'' n'est nin adverbe mais
adjectif attribut.


Scius dene "dandjreuzmint" po dangereusement + assurément, ey après: dandjreus: addj. dangereux, redoutable + probable, présumable (mins vos av råjhon: i nel dene nén come adviebe).
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Mostrer les messaedjes des dierin(ne)s:   
Sicrire on novea sudjet   Responde å sudjet    Djivêye des foroms di Berdelaedjes -> Dimandes di mots Totes les eures sont a GMT + 2 eures
Pådje 1 so 1

 
Potchî a:  
Vos n' poloz nén enonder des noveas sudjets dins ç' forom ci
Vos n' poloz nén responde a des sudjets k' i gn a dins ç' forom ci
Vos n' poloz nén candjî vos messaedjes dins ç' forom ci
Vos n' poloz nén disfacer vos messaedjes dins ç' forom ci
Vos n' poloz nén vôter dins les ploncaedjes di ç' forom ci



[ Di dvant | Shuvant | A l' astcheyance | Djivêye ]

Cisse pådje est mimbe di l' anea RingSurf des waibes e walon.

[ Passer 1 waibe en erî | Passer houte do shuvant | Les 5 shuvants ]


Powered by phpBB © 2001 phpBB Group