Vey sudjet di dvant :: Vey sudjet shuvant |
Oteur |
Messaedje |
Pablo Saratxaga Site Admin
Date d' arivêye: 2005-07-01 Messaedjes: 1158 Eplaeçmint: Oûpêye
|
Date: dju 06 djn, 2019 22:55:47 Sudjet: aloudner ? => alourdiner |
|
|
Dins l' wiccionaire on a metou "aloudner" come "dobe rifondowe" d' "alourdiner".
Portant dins l' DTW i n' a nole sifwaite disfondowe (et portant dins les "A" il est bén ecråxhî).
A moens d' trover ki "aloudner" egzistêye po do bon ene sawice, dji pinse k' el fåreut rsaetchî.
(di pus, li cawete -iner si spotche moens ki l' cawete -oner, et minme po -oner on rfond purade so ene cogne mågré k' les deus sont atestêyes) |
|
Rivni al copete |
|
|
Pablo Saratxaga Site Admin
Date d' arivêye: 2005-07-01 Messaedjes: 1158 Eplaeçmint: Oûpêye
|
Date: dju 06 djn, 2019 23:26:35 Sudjet: |
|
|
I gn a ki l' mot "aloude" (femrin); mins ki n' est nén basti so on bodje do viebe (les 3 bodjes ont-st on "r": A=B=alourdin-, C=alourden-; come copiner)).
C' est purade on scawaedje : alourd, poy femrin "aloude" come po lourd, loude.
A noter eto k' i gn a "alourder" avou l' minme sinse k' "alourdiner" (dobletes classikes -er/-(i)ner); motoit k' "aloude" vént purade d' "alourder"...
Eto, dins l' DTW dji n' trouve nole disfondowe corespondant a -oudn-
Les seus mots avou -V-dn- sont :
- ådneus
- adner
- cadnas
(les deus dierinnes sont des coûtès voyales)
Si dj' cwir après les disfondowes -longowe voyale-d-n- ou -longowe voyale-n-n-
dji trouve
- ådneus
- "abôn'ner" (rifondou "abouner"; li voyale est longowe ki dins E1; eyet a costé di -ôn'n- i gn a -ôn-)
Si dji louke eto -longowe voyale-t-n- i gn a di pus:
- boûtner
- poûtner
- "brûtner" (rifondou sins faflote: brutner)
- "zûtner" (disfondowe di "zûtler")
Ci shuvion d' sons la n' est waire productif;
et di tos ces egzimpes i gn a ki "poûtner" k' est interessant : i gn a eto "poûtriner" !
mins on pout vey ki l' adjinçnaedje do "R" est å rvier :
al_ou-r-d_iner eneviè p_oû-t-r_iner
(çou ki fwait ki c' est on "r" cossoune dins "alourdiner" et on r likide dins "poûtriner", ki s' codjowe di fwait come copiner). |
|
Rivni al copete |
|
|
|