Djivêye des foroms di Berdelaedjes Berdelaedjes
Forom di berdelaedjes e walon, so tot l' minme ké sudjet
 
 FAQFAQ   CweriCweri   Djivêye des mimbesDjivêye des mimbes   Groupes d' uzeusGroupes d' uzeus   Si fé mimbeSi fé mimbe 
 ProfilProfil   Lére les messaedjes privésLére les messaedjes privés   S' elodjîS' elodjî 

André Mottet
Potchî al pådje 1, 2, 3, 4, 5, 6  Shuvant
 
Sicrire on novea sudjet   Responde å sudjet    Djivêye des foroms di Berdelaedjes -> Tecses e walon
Vey sudjet di dvant :: Vey sudjet shuvant  
Oteur Messaedje
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: mie 03 djl, 2019 13:00:19    Sudjet: André Mottet Responde tot citant

Dès calmoussèdjes !!
 
Deûs  vîs  pal’tots  divizèt  esson.ne  so  l’banc  di  l’ospice :
- Awè,  disti  l’prumî,  c’èst  come  dji  t’èl  dit :  dji  l’a  fêt  treûs  côps  rote  èt rote  li  nut’  passèye,…avou  ine båcèle  qu’aveût  à  hipe  trinte  ans.
- Èn’  disse  nin  don  là ? ….ti  n’es  min.me  pus  capåbe  d’èl  fé  on  seûl  côp !  Ti n’ès  qu’on  charlatan !
- Nèni, nèni,  dji  t’èl  djure…Mins,  dj’a  on  s’crèt :  i  fåt  magnî  bråmint  dè  pan  avou  dèl  blé (seigle).  Dji  n’rèy  nin…ti  n’as  qu’à  sayî…ti  veûrè  bin.
 
L’ôte  va  directumint  amon  l’bol’djî  èt  i  dit : 
- Madame,  dinéz-m’ on  pô  cwate  gros  pans  avou  dèl  blé,  s’i  v’  plêt !
- Cwate  d’on  côp  !    Èstéve  sûr ?  i  sèrè  bin  deûr  divant  d’aveûr  tot  fêt…
- Ni  fåt-st-assoti ? …insi  tot  l’monde  èsteût  å  courant,…såf  mi.
_________________
Li ci ki n' a k' on toû n' vike k' on djoû.


Candjî pol dierin côp pa lucyin, li mie 03 djl, 2019 13:04:29; candjî 1 feye
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: mie 03 djl, 2019 13:00:46    Sudjet: Responde tot citant

Li  bèguène  à k’fèsse…
- Moncheû l’curé,…dji  m’a  lèyî  fé…
-  Lèyî  fé ?  avou  qui  don  vos ?.
-  Avou  l’bèdå…
-  Èt  wice don  çola ?
- Èl  2 CV !
-  Jèsus-Maria…èl 2 CV  avou  l’bèdå  ?...Mins  anfin,  ma-seûr,  kimint  avève  polou… ?
-  So  l’banquète  di  drî,  èdon,  Moncheû  l’curé.
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: mie 03 djl, 2019 13:02:13    Sudjet: Responde tot citant

Dès sôléyes… !
Djkôzèf  rinteûre  pus  timpe  qui  d’åbitude  èt  i  veût  treûs  vères  à  pèkèt  sus  l’tåve  dèl  couhène ;  i  d’monde  å  gamin :
- Téns,  n’a-t-i  eune  saqui  qu’a  v’nu  chal  å  diné ?
- Oyi,  disti  l’gamin,  i  n’a  on  vî camaråde  da ‘mame  qu’a  v’nu  èt  èle  lî  a  vûdi  on  pékèt…
- Èt   li   treuzème  vère  adon ?
- Bè…c’èst  mi  qui  l’a  bèvu,  èndon  popa…
-  Vos  avoz  bèvu  dè  pèkèt !  èt,  vos  n’avoz  nén  sti  malåde ?
- Mi,  nèni,  ça  n’m’a  rén  fêt,…mins  m’mame  èt  s’vî  camaråde…
- Qwè  vosse mame  èt  s’vî  camaråde… ?
- tot  d’on  côp,  is  sont  div’nu  tot  drole,…dès  mås  d’vinte  probåbe,…èt  is  ont  d’vu  aler  s’coukî  èl  tchombe…
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: mie 03 djl, 2019 13:02:57    Sudjet: Responde tot citant

INFORMATIC…
- l’Ordi :  Mètoz  vosse  mot  po  passer !
- AM :  célèri
- l’Ordi :  Çà n’va  nén : i  fât  10  sènes  po  l’winsse !
- AM :  célèri à boules
- l’Ordi :  Çà n’va  nén :  i  fât  1  chîfe  po  l’winsse !
- AM :  10 célèris à boules
- l’Ordi :  Çà n’va  nén :  on  n’pout  nén  lèyî  on vude inte  lès  sènes
- AM :  27crèvéscélèrisàboules
- l’Ordi :  Çà n’va  nén :  i  fât  1  gronde lète  po  l’winsse !
- AM :  27CREVESCELERISABOULES
- l’Ordi :  Çà n’va  nén :  on  n’pout  nén  oyu  2  grondès  lètes qui  s’suvèt !
- AM :  27CrèvésCélèrisAboulesDjâleM’
- l’Ordi :  Çà n’va  nén :  on  n’pout  nén  oyu  dès  sènes  qui  n’sont  nén  dès  chîfes  ou  dès  lètes!
- AM :  
- l’Ordi :  Çà n’va  nén :  ciss’mot-là  a  dédjà  sti  rèfusé  3.794.56.821 côps !
 (extrait d'une nouvelle pièce à paraître de : andremottet47@gmail.com)
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: mie 03 djl, 2019 13:03:33    Sudjet: Responde tot citant

Li vélo

Djôzèf èt Louwis, deûs gamins qui vont béntôt fé leûs Pâques arivèt è scole li londi å matén.
-Oh-oh, disti Djôzèf tot vèyant li novia vélo da Louwîs,…èst-ce qui t’åreû touwé eune vîye fème po lî haper sés çans  èt-z-ach’ter on novia vélo?
- Oh nèni, valèt, li vèlo, on m’ l’ a doné…èt ci n’èsteût nén eune vîye fème !
- On t’ l’a doné ?... qui çà ?
- Bén, figure-tu qu’ayîr, j’èsteû-st-aler fé on tour à pî al tchompagne. Volà qu’arive eune djon.ne fèye à vélo…
- èt adon.. ?
- Bondjoû, distèl tot potchant djus di s’vélo.
- èt twè, ti lî as hapé s’vélo…
- Nèni, nèni,…nos avans cåzé…èt èle m’a dit qui dj’ésteû-st-on bia valèt…
- Louwîs, dji t’a todi dit qu’i faleûve si dimèsfiyî dès fèmes quond èles ataquèt leû conversåcion avou on complument, surtout twè, qui n’ès nén tol’min.me nén si bia qu’çà !
- Dji t’èl djêure…èle mi l’a dit…
- èt après ?
- après ?...arivés tot près dèl môye di four da Batisse, èle a r’tiré s’culote, èt èle m’ a dit : Louwîs, vos poloz prinde tot çou qui vos v’loz…
- èt qu’èst-ce qui t’a fêt ?
- Bén, dj’a pris s’vélo, tén !
- T’as bén fêt, qu’èst-ce qui t’åreu fêt avou s’culote !
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: mie 03 djl, 2019 13:04:07    Sudjet: Responde tot citant

AL PECHE
Li gamin va-st-à l’pèche avou s’popa èt i n’arête nén di lî poser dès quèstions….
- Dihoz-m’ eune miète, popa, poqwè èst-ce qui… ?
- Dihoz-m’, eune miète, popa, poqwè èst-ce qui…l’êwe dè rî èst grise èt qui l’èwe dèl mér èst bloûwe ?
- Dihoz-m’, eune miète, popa, poqwè èst-ce qui…lès tchès ont dès orèyes èt qui lès pèhons  ènn’ n’ont nén ?
- Dihoz-m’, eune miète, popa, poqwè èst-ce qui…lès vièrs di têre n’ont nén dès pattes ?

A l’fén dè compte, li popa n’è poût pus ; èt i l’î dit tot måva :
- Mi, èdon gamin, quond j’èsteû p’tit, dji n’poseûv’ nén tofèr dès quèstions com’ çà à m’ popa.
- èt bén, disti l’gamin, probåb’ qui vos avoz-st-oyu twart, pace qui, èdon popa, si vos l’âriz fêt, èt bén asteûre, vos pourîz moutwèt rèspond’ à mès quèsses.
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: dju 11 djl, 2019 12:54:43    Sudjet: Responde tot citant

Nén comprinde di rizêye

Li samwin.ne passéye, èle m’aveût dit : « Djôzèf, donez-me eune miyète li botèye d’êwe, s’i v’ plêt, mi brès èst trop p’tit po l’apicî ! «

Po wêtî dèl fé rîre, dji lî aveût rèspondu : « Avoz sayî avou vosse lin.we ? «

Èh bén volà yût djoûs qui dji so bwagne d’eune ouy’ èt qui m’tèlèvizion èst-st-an panne ; dj’a co l’imådje, mins pus l’son.
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: dim 14 djl, 2019 22:56:42    Sudjet: Responde tot citant

Obéissance conjugale :

- Djozèf, va doner à beûre à tès porias, fénèyant !

- Mins, Marîye,… i ploût !

- Prind t’paraplu, ènocint !
_________________
Li ci ki n' a k' on toû n' vike k' on djoû.


Candjî pol dierin côp pa lucyin, li sem 10 awo, 2019 22:17:50; candjî 1 feye
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: dim 14 djl, 2019 22:58:07    Sudjet: Responde tot citant

I va ploûre…

Catrène èt Marîye vont-st-à mèsse tos lès dimègnes

- Poqwè avoz pris vosse paraplu, Marîye, on-z-a dit å poss’ qu’il aleûve lûre 7 solias ?

- Néni, nèni, i ploûrèt quond nos vénrons fou di l’èglize ! // Èt an-èfèt, al sôrtîye di mèsse, i ploût à drache. // Li dimègne d’après :

- Marîye ! Vos n’avoz nén pris vosse paraplu, portant on-z-a dit å posse qu’il aleûve ploûre à drache !

- Nèni, nèni, i va fé bia ! // Èt an-èfèt, al sôrtîye di mèsse, i lût 7 solias.

- Dji m’dimonde todi bén kimint que vos f’soz po soyu li timps qui va fé…

- C’èst tôt simpe, èdon, Catrène ! Quond dji m’ dispiède å matén, dji wête l’ostèye d i nosse-st- ome : s’èl toume à dreûte, c’èst qu’i va ploûre,… èt s’èl toume à hinche [gauche], c’èst qui va fé bia…

- Èt si èle èst dreûte è miton ?

- Ci djou-là,… dji n’va nén à mèsse
_________________
Li ci ki n' a k' on toû n' vike k' on djoû.


Candjî pol dierin côp pa lucyin, li sem 10 awo, 2019 22:18:04; candjî 1 feye
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: dim 14 djl, 2019 22:59:45    Sudjet: Responde tot citant

Sint-Mårtin à Thîn’

A 11 H. å matén, li mayeûr a v’nu rinde vizite å eune ome dè viyadje qui va bèntôt oyu 100 ons :

- Kimint avoz fêt po viker ossi vî ?

- Dji n’èl sé nén…

- L’amagnî bén sûr ?

- Oyî : bråmint dès lègumes èt wère di cråche…

- Èt avou lès fèmes ?

- Dj’ènn’a måy oyu qu’eune…èt volà 20 ons qu’èle èst mwate !

- Èt l’toubak ?

- Dji n’a måy foumî…

- On p’tit pèkèt adon ?

- Ah ça, dji n’y a måy touchî…nén eune gotte di tote mi vîye…

- Volà donc vosse sicrèt : tofèr roter dreût èt sûre lès bounès règues èt l’ègzimpe di sès parints…//A c’momint-là, on-z-ètind on disdut di tos lès diåles èl couhène… //

- Ni v’féz nou må d’tièsse, Mmayeûr, a^yîr c’èsteût St-Mårtinr èt c’èst m’popa qui r’vént plin come on Polonais…
_________________
Li ci ki n' a k' on toû n' vike k' on djoû.


Candjî pol dierin côp pa lucyin, li mie 17 djl, 2019 19:22:37; candjî 1 feye
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: mie 17 djl, 2019 19:22:20    Sudjet: Responde tot citant

Aniversêre ….

- Dimin, nos arans 30 ans d’marièdje, aveût-èle dit. Nos pourîz tot l’min.me fé ine pitite fièsse …volangne touwer l’pourcê … ?

- Mins anfin, Marèye, cisse bièsse là ni v’s a todi rin fêt !
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: dim 21 djl, 2019 16:11:26    Sudjet: Responde tot citant

Foire à Libramont !

- 3ême prix, Okilébô, 3 ans, 3 acoplèdjes par djôu !

- Avève ètindou, Lèyon ? 3 côps par djoû !

- 2ême prix, Odilon, 4 ans, 5 acoplèdjes par djoû !

- Avève ètindou, Lèyon ? 5 côps par djoû !

- Prumi prix, Obélisk, 5 ans, 7 acoplèdjes par djoû

- Avève ètindou, Lèyon ? 7 côps par djoû !

- Dihez don, disti Lèyon å martchand, lès 7 côps par djôu, èst-ce avou l’min.me bièsse ?

- Bin nèni, don vos !

- Avéve ètindou, Lèyontine, avève ètindou ?

- Meuh...
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Mostrer les messaedjes des dierin(ne)s:   
Sicrire on novea sudjet   Responde å sudjet    Djivêye des foroms di Berdelaedjes -> Tecses e walon Totes les eures sont a GMT + 2 eures
Potchî al pådje 1, 2, 3, 4, 5, 6  Shuvant
Pådje 1 so 6

 
Potchî a:  
Vos n' poloz nén enonder des noveas sudjets dins ç' forom ci
Vos n' poloz nén responde a des sudjets k' i gn a dins ç' forom ci
Vos n' poloz nén candjî vos messaedjes dins ç' forom ci
Vos n' poloz nén disfacer vos messaedjes dins ç' forom ci
Vos n' poloz nén vôter dins les ploncaedjes di ç' forom ci


Powered by phpBB © 2001 phpBB Group