|
Berdelaedjes Forom di berdelaedjes e walon, so tot l' minme ké sudjet
|
Vey sudjet di dvant :: Vey sudjet shuvant |
Oteur |
Messaedje |
Djéral
Date d' arivêye: 2019-07-14 Messaedjes: 2
|
Date: dim 14 djl, 2019 11:48:08 Sudjet: Bou-po-vatche |
|
|
In noumot por "quiproquo": bou-po-vatche.
Oyi? |
|
Rivni al copete |
|
|
Èl-Gueuye-Noere
Date d' arivêye: 2019-05-13 Messaedjes: 187 Eplaeçmint: Tchålerwè
|
Date: dim 14 djl, 2019 23:08:30 Sudjet: |
|
|
Bondjoû Djéral,
D' aboird, wilicom sol Berdelaedjes !
Vos avoz yeu ene boune idêye d' askepyî on noumot po "quiproquo" è walon, pask i gn' a pont d' mo asteure sol DTW ey sol Wiccionaire ki vout dire çoula.
Mins néren, dji so soulmint on novice è walon, dj' a soulmint comincî a aprinde li walon dispoy deus moes. I sreut mî d' ratinde les avis des otes walon-cåzants.
Dj' a cwand minme ene kestion. Pocwè avoz-vs tchoezi "bou-po-vatche"
P.S. : Si vos avoz 'l tins eyet s' i vs plait, vos ploz touwer sol Wikipédia u sol Wiccionaire. |
|
Rivni al copete |
|
|
Djéral
Date d' arivêye: 2019-07-14 Messaedjes: 2
|
Date: dju 18 djl, 2019 9:07:26 Sudjet: |
|
|
Mi etou, dji n'cause nèn walon. Dj'apprinds tot seul.
Pocwè BOU-PO-VATCHE? Ca i gn'a li spot "prinde bou po vatche": çoulà fè walon eyet dji pinse que c'è bèn di "substantiver" des spots qui egzistnut.
Dj'a "proposé" çoula a la bate di noumot 2018, ma dji n'a nin wagni eyet n'a nin veyu des novelles su lè noumots chwèzi. |
|
Rivni al copete |
|
|
Reptilien
Date d' arivêye: 2017-07-01 Messaedjes: 263
|
Date: lon 22 djl, 2019 10:28:50 Sudjet: |
|
|
Bondjoû Djéral, et bénvnou emey nozôtes.
So wiccionaire on-z a : (com)prinde boû po vatche = comprinde tot d' triviè ; si brouyî.
Adon, li sinse ki vos dnez poreut daler, mins come li mot francès quiproquo est on calcaedje do latén quid pro quo (« cwè po cwè »), dji n' sai si n' fåreut nén purade erprinde èç calcaedje la eyet l' riwalnijhî.
Come vos av atåvlé (F. proposé) ci mot la a l' bate di noûmots 2018, on va dmander cwè a Lucyin, k' est onk des djuris. Estoz seur ki c' est 2018 (so les voyaedjes) et nén e 2019 (so les addjectifs absitroets et les valixheures moråles) ? |
|
Rivni al copete |
|
|
lucyin
Date d' arivêye: 2005-07-07 Messaedjes: 3680 Eplaeçmint: Sidi Smayil, Marok
|
Date: lon 22 djl, 2019 19:34:07 Sudjet: |
|
|
Li sinsyince (semantike) di "quiproquo" et di "prinde boû po vatche" est bén l' minme, pinse dju.
Adon, po-z askepyî [F. faire naître, créer] on sustantif a pårti d' ene vierbire [locution verbale], i fåt "sustantiver". Dins ç' cas ci, et veyanmint les ôtes sifwaits noûmots, dji croe ki ça s' divreut scrire
* bén diswalpé: comprindaedje boû po vatche
* coûte cogne: "boû-po-vatche"
Dji metreu les deus dins l' Wiccionaire walon a l' intrêye francesse "quiproquo", mins ene hårdêye [lien] djusse so "boû-po-vatche"
-----
Egzimpe di foirt rilomé noûmot basti del minme façon:
tchanson da Defrexhoe [Nicolas Defrecheux]: "leyîz m' plorer" => leyîz-m'-plorez + cawete -isse => leyîmplorisse (on noûmot foirdjî e francès d' Walonreye, si djel tén bén, c' est mi ki l' a rwalnijhî.
----
Ôte egzimpe:
lai m' e påye ! (laixhe mu trankile !), dit pa onk k' end a s' crevé sô del veye, on "cafårdiveus", djans.
=> esse plin d' lai-m'-e-påye: esse disbåtchî. (on pôreut etrocler ortograficmint: laimepåye)
Sayîz d' recråxhî l' årtike "quiproquo"
https://wa.wiktionary.org/wiki/quiproquo
et "boû-po-vatche"
https://wa.wiktionary.org/wiki/bo%C3%BB-po-vatche
La, vos dvrîz mete l' ortografeye ki vos avoz atåvlé al bate di noûmots (dj' a metou "bou-po-vatche" come al tiesse di ç' fyi cial). _________________ Li ci ki n' a k' on toû n' vike k' on djoû. |
|
Rivni al copete |
|
|
|
|
Vos n' poloz nén enonder des noveas sudjets dins ç' forom ci Vos n' poloz nén responde a des sudjets k' i gn a dins ç' forom ci Vos n' poloz nén candjî vos messaedjes dins ç' forom ci Vos n' poloz nén disfacer vos messaedjes dins ç' forom ci Vos n' poloz nén vôter dins les ploncaedjes di ç' forom ci
|
Powered by phpBB © 2001 phpBB Group
|